ߖߋ߬ߟߌ߬ߓߊ߬ߟߊ߫ ߖߡߊ߬ߣߊ ߞߊ߲߬߸ ߛߏߕߌ߮ ߘߏ߫ ߟߋ߬ ߣߴߊ߬ ߞߙߐ߬ߛߌ߬ߓߊ߮ ߝߌ߬ߟߊ߫ ߝߊ߰ ߘߊ߬ ߢߐ߲߯ߝߍ߬ ߞߋߟߋ߲ߘߌ߫ ߞߐ߬ߓߊ߬ߟߏ߲ ߕߊ߬ߡߌ߲߬ߣߍ߲ ߡߊ߬ ߡߙߊ߬ߒ߬ߡߊ߬ߟߌ߬ߟߊ ߟߎ߬ ߓߟߏ߫߸ ߜ߭ߎߙߎߥߍߟ ߛߏߕߌ߮ ߟߋ߬ ߞߏ߫ ߦߋ߫ ߖߡߊ߬ߣߊ ߥߙߏ߬ߘߎ߮ ߝߊ߲߬ߝߍ߬ߟߊ ߘߐ߫߸ ߕߌߟߊߓߋߙߌ߫ ߡߊ߬ߙߊ ߞߣߐ߫، ߕߊ ߆߂ ߟߋ߬ ߞߊ߬ ߝߊ߰ߟߌ ߢߌ߲߬ ߠߎ߫ ߟߊ߬ߛߋ߬ߟߌ ߞߍ߫߸ ߛߙߋ ߘߏ߫ ߞߵߊ߬ ߦߌ߬ߘߊ߬ ߞߏ߫ ߌߛߊ߫ ߌߛߊ߲ߕߌ߫ ߣߴߊ߬ ߞߙߐ߬ߛߌ߬ߓߊ߮ ߟߎ߬ ߕߘߍ߬ ߦߴߊ߬ ߞߊ߲߬ ߞߵߊ߬ߟߎ߬ ߞߎ߲߬ߟߊ߫ ߛߊߣߌ߲߫߫ ߓߐ߫ ߦߙߐ ߘߏ߫ ߟߋ߬ ߞߊ߲߬.
ߒ߬ߓߊ߬߸ ߕߏ߫ ߞߍ߫ ߘߊ߫ ߏ߬ ߛߌߟߊ ߟߋ߬ ߞߊ߲߬ ߊ߬ߟߎ߫ ߓߟߏ߫߸ ߌߞߘߐߣߌ߲߫߸ ߡߙߊ߬ߒ߬ߡߊ߬ߟߌ߬ߟߊ ߟߎ߬ ߣߊ߬ ߘߴߊ߬ߟߎ߫ ߢߊߞߘߐߕߍ߰ ߔߏߔߏ ߟߎ߬ ߟߊ߫߸ ߞߊ߬ ߛߏߕߌ߮ ߣߴߊ߬ ߞߙߐ߬ߛߌ߬ߓߊ߯ ߝߌ߬ߟߊ߫ ߝߊ߰߸ ߊ߬ ߘߏ߲߫ ߦߌ߬ߘߊ߬ ߘߊ߫ ߞߏ߫ ߛߏߕߌ߮ ߣߌ߲߬ ߘߐߙߐ߲߫ ߕߘߍ߬ ߕߍ߫ ߘߋ߬߸ ߟߊ߬ߞߊ߲߬ߘߊ߬ߟߌ߬ ߞߙߎ ߘߏ߫ ߕߘߍ߬ ߦߴߊ߬ߟߎ߫ ߞߐ߫ ߞߵߊ߬ߟߎ߫ ߓߌ߬ߟߊ߬ ߛߌߟߊ߫ ߟߋ߬، ߊ߬ ߘߏ߲߬ ߓߋ߬ߒ߬ߞߊ߲߬ߠߌ߲ ߣߌ߲߬ ߞߍ߫ ߘߊ߫ ߟߋ߬ ߛߊߓߎ߫ ߘߌ߫ ߞߊ߬ ߜ߭ߎߙߎߥߍߟߑߞߊ ߟߎ߬ ߓߌ߬ߟߊ߫ ߛߎ߬ߣߎ߲ ߘߐ߫.
ߌߛߊ߫ ߊߛߊ߲ߕߌ߫ ߕߘߍ߬ ߕߍ߫ ߛߏߕߌ߮ ߘߐߙߐ߲߫ ߘߌ߫ ߘߋ߬߸ ߊ߬ ߕߘߍ߫ ߦߋ߫ ߕߊ ߆߂ ߢߍߡߐ߮ ߘߏ߫ ߟߋ߬ ߝߣߊ߫ ߘߌ߫߸ ߒ߬ߓߊ߬߸ ߊ߬ ߟߊ߫ ߝߊ߰ߟߌ ߞߐ ߟߋ߬ ߘߐ߫߸ ߘߎ߰ߘߋ߲ ߠߎ߬ ߞߊ߬ ߝߎ߬ߙߎ߲߬ߞߎ߬ߟߌ ߞߍ߫ ߞߊ߬ ߟߊߞߊ߲߬ߘߊ߬ߟߌ ߝߊ߲߬ߞߊ߫ ߘߏ߲߬ ߊ߬ ߣߌ߫ ߞߊ߬ ߛߓߊ߬ߕߌ ߟߊߘߏ߲߬ ߊ߬ߟߎ߬ ߟߊ߫ ߘߎ߱ ߞߣߐ߫߸ ߛߎ߭ ߓߘߊ߫ ߟߊߛߋ߬ߦߌ߲߬ ߢߊߡߋ߫ ߣߊ߲߬ߕߌ߰ ߛߊ߲ߡߊߘߊ߲ ߋߟߑߞߐߔߑߕߍߙ ߞߣߐ߫، ߛߕߎ߬ߙߊ߬ߟߌ ߝߣߊ߫ ߓߍߣߊ߬ ߞߍ߫ ߓߌ߬ ߞߎߣߎ߲ߟߏ߲ ߢߌ߲߬ ߡߊ߬.
ߜ߭ߎߙߎߥߍߟ ߕߌߟߊߓߋߙߌ߫ ߡߊ߬ߙߊ ߞߣߐ߫߸ ߡߊ߬ߟߌ ߣߌ߫ ߓߙߎߞߌߣߊ߫ ߓߐߕߏ߲ ߞߍ߬ߙߍߝߍ߬߸ ߓߋ߬ߒ߬ߞߊ߲߬ߠߌ߲߬ߠߊ ߟߎ߬ ߘߏ߲߬ ߞߊ߫ ߛߌߦߊ߫ ߓߊ-ߟߋ߬ ߓߟߴߏ߬ ߝߍ߬، ߤߊߟߌ߬ ߣߴߊ߬ ߦߴߊ߬ ߛߐ߬ߘߐ߲߫ ߠߋ߬ ߞߏ߫ ߣߊ߲߬ߕߌ߮ ߟߎ߬ ߦߴߊ߬ ߞߊ߲߬ ߞߊ߬ ߘߎ߰ߘߋ߲ ߠߎ߬ ߦߟߌ߫ ߛߌ߯ ߞߊ߲ ߠߎ߬ ߝߐ߫ ߊ߬ߟߎ߬ ߦߋ߫ ߟߊ߬ߞߊ߲߬ߘߊ߬ߟߌ ߓߟߏߡߊ߬߸ ߕߋ߰ߙߋ ߟߎ߬ ߞߏ߬ߣߌ߲ ߦߴߊ߬ ߞߊ߲߬ ߞߊ߬ ߘߎ߰ߘߋ߲ ߠߎ߬ ߝߊ߰ ߓߟߴߏ߬ ߝߍ߬، ߓߊߏ߬߸ ߟߐ߯ߞߎ߲߫ ߕߊ߬ߡߌ߲߬ߣߍ߲߫ ߢߌ߲߬ ߡߊ߬ ߌߞߘߐ߫.
ߘߎ߰ߘߋ߲߫ ߂߂ ߟߋ߬ ߝߊ߰ ߘߊ߫ ߡߙߊ߬ ߞߋߟߋ߲߫ ߣߌ߲߬ ߞߣߐ߫ ߓߋ߬ߒ߬ߞߊ߲߬ߠߌ߲ ߘߏ߫ ߛߋ߲߭ߝߍ߬߸ ߒ߬ߓߊ߬߸ ߘߓߊ߬ߓߌߟߊ ߕߊ߬ߡߌ߲߬ߣߍ߲ ߕߊ ߞߍ߫ ߘߊ߫ ߘߎ߰ߘߋ߲߫ ߂߀ ߠߋ߬ ߘߌ߫߸ ߞߊ߬ ߥߊ߬ߛߌ߬ߥߙߊ ߕߊ ߞߍ߫ ߘߎ߰ߘߋ߲߬ ߇߁ ߘߌ߫.
