ߕߎߟߊߝߌ߲ ߕߟߋ߬ ߁߃ ߣߴߊ߬ ߁߄ ߕߍߟߊ ߟߋ߬ ߘߐ߫߸ ߓߙߎߞߌߣߊ߫ ߣߊ߲߬ߕߌ߮ ߟߎ߬ ߕߊ߯ ߘߊ߫ ߡߏ߬ߛߏ߫ ߣߌ߲߬ ߡߌ߬ߣߊ߬ ߜ߭ߊߣߊ߬ ߖߡߊ߬ߣߊ ߟߋ߬ ߞߊ߲߬߸ ߊ߲ ߦߋ߫ ߦߙߐ ߡߍ߲ ߘߐ߫ ߕߋ߲߬ ߦߏ߫ ߓߌ߬ ߢߐ߲߰ ߟߏ߲߫ ߓߙߎߞߌߣߊ߫ ߞߎ߲߬ߠߊ߬ߛߌ߮ ߟߎ߬ ߣߌ߫ ߜ߭ߊߣߊ߬ ߞߎ߲߬ߠߊ߬ߛߌ߮ ߟߎ߬ ߞߏ߬ߣߌ߲ ߡߊ߫ ߝߏߛߌ߬ ߟߋ߬ ߝߐ߫ ߞߏߢߊ߫ ߣߌ߲߬ ߞߊ߲߬ ߝߟߐ߫߸ ߡߏ߬ߛߏ߫ ߣߌ߲߬ ߞߏ߬ߣߌ߲ ߦߋ߫ ߡߐ߰ ߟߊߞߏߟߐ߲ߓߊߟߌ ߟߋ߬ ߘߌ߫ ߡߐ߱ ߟߎ߬ ߓߟߏ߫߸ ߞߍ߲ߘߍߟߏ߲ ߂߀߂߅ ߕߎߟߊߝߌ߲ ߕߟߋ߬ ߁߃ ߕߊ߬ߡߌ߲߬ߣߍ߲.
ߊߖߊ߬ ߖ߭ߎ߲ߜ߭ߑߙߊ߲ߣߊ߫ ߡߊߞߟߌ߫ ߘߊ߫ ߞߢߐߞߏ ߘߏ߫ ߟߋ߬ ߘߐ߫ ߤߊߡߌߟߋ߫ ߏ߬ ߘߏ߲߬ ߦߋ߫ ߜ߭ߊߣߊ߬ ߖߡߊ߬ߣߊ ߟߋ߬ ߞߣߐ߫߸ ߓߙߎߞߌߣߊ߫ ߓߐߕߏ߲ ߝߊ߲߭ߝߍ߬߸ ߊ߬ ߘߏ߲߫ ߞߊ߬ ߞߊߙߏ߫ ߦߙߌߞߊ ߟߋ߬ ߞߍ߫ ߜߋ߲ߞߐ߰ߖߌ߬ߘߊ ߟߊ߫߸ ߊ߬ ߕߘߍ߬ ߓߘߊ߫ ߥߊ߯ߕߌ߫ ߖߊ߲ ߠߋ߬ ߞߍ߫߸ ߡߏ߬ߛߏ߫ ߣߌ߲߬ ߢߌߣߌ߲ ߦߴߌߘߐ߫ ߓߙߎߞߌߣߊ߫ ߞߎ߲߬ߠߊ߬ߛߌ߮ ߟߎ߬ ߓߟߏ߫߸ ߡߏ߬ߛߏ߫ ߣߌ߲߬ ߠߊ߫ ߞߘߐߝߐߟߌ ߟߋ߬ ߕߘߍ߬ ߞߊ߫ ߛߌߦߴߊ߬ ߟߊ߫ ߓߟߐߟߐ߫ ߞߊ߲ߠߊ߫ ߔߊߕߑߛߊߔ ߞߊ߲߬.
ߞߵߊ߬ ߢߍߛߌ߲߫ ߎߜ߭ߊߘߎߜ߭ߎ߫ ߞߎ߲߬ߠߊ߬ߛߌ߮ ߟߎ߫ ߡߊ߬߸ ߕߎߟߊߝߌ߲ ߕߟߋ߬ ߁߃ ߕߊ߬ߡߌ߲߬ߣߍ߲ ߡߊ߬߸ ߊ߬ ߞߏߝߐ߫ ߘߊ߫ ߟߋ߬ ߊ߬ ߡߊߛߎ߬ߘߎ߲߬ߧߊ߬ ߡߐ߮ ߘߏ߫ ߟߎ߫ ߓߟߏ߫߸ ߌߞߘߐߣߌ߲߫߸ ߡߙߊ߬ߒ߬ߡߊ߬ߝߋ߲߬ߕߌ߮ ߟߎ߬ ߓߘߊ߫ ߣߵߊ߬ ߡߌ߬ߘߊ߬ ߞߢߐߡߊߟߐ ߘߊߞߎ߲ ߘߐ߫߸ ߊ߲ ߘߍ߬ߢߐ߲߮ ߞߌ߬ߓߊ߬ߙߏ߬ߘߊ ߍߙߍߝߌ ߛߋ߫ ߘߊ߫ ߡߏ߬ߛߏ߫ ߣߌ߲߬ ߡߊߛߎ߬ߘߎ߲߬ߧߊ߬ ߡߐ߮ ߘߏ߫ ߟߎ߫ ߡߊߛߐ߬ߘߐ߲߬ ߠߊ߫ ߣߍ߰ߖߟߎ߬ ߛߌߟߊ ߟߊ߫߸ ߏ߬ ߟߎ߬ ߟߊ߫ ߝߐߟߌ߫ ߘߐ߫.
ߊ߬ ߡߌ߬ߣߊ߬ ߕߎߡߊ߫ ߟߊ߫ ߡߐ߰ ߝߌߟߊ߫ ߓߣߐ߬ ߘߊ߫ ߟߋ߬ ߊ߬ ߣߌ ߘߐ߫߸ ߗߍ߬ ߞߋߟߋ߲߫ ߣߌ߫ ߡߛߏ߬ ߞߋߟߋ߲߫، ߛߙߋ߫ ߜߘߍ߫ ߟߊ߫ ߝߐߟߌ߫ ߘߐ߫ ߕߍ߯ ߞߍ߫ ߘߊ߫ ߡߏ߬ߛߏ߫ ߣߌ߲߬ ߘߐ߫ ߞߵߊ߬ ߛߊߓߎ ߞߍ߫ ߜ߭ߊߣߊ߬ ߓߐߕߏ߲ ߕߐ߲߫ ߓߟߏߡߊ ߟߎ߬ ߟߊ߫ ߘߍ߬ߡߍ߲߬ߠߌ߲ ߠߋ߬ ߘߌ߫߸ ߊ߬ ߟߊ߫ ߡߌ߬ߣߊ߬ߟߌ ߘߎ߰ߛߊ߬ߜߍ ߞߊ߯ߙߌ ߟߋ߬ ߡߊ߬߸ ߏ߬ ߡߍ߲ ߓߍ߲߬ ߘߊ߫ ߕߎߟߊߝߌ߲ ߕߟߋ߬ ߁߄ ߡߊ߬߸ ߡߊ߲߬ߞߊ߲߬ ߓߟߋߓߟߋ ߟߋ߬ ߞߍ߫ ߘߴߊ߬ ߟߊ߫ ߟߎ ߡߊ߬.
ߏ߬ ߡߍ߲ ߛߊߓߎ߫ ߟߊ߫߸ ߊ߬ ߓߊߘߋ߲ߡߊ߫ ߡߛߏ߫ ߞߘߐ ߓߐ߬ߣߐ߫ ߘߴߊ߬ ߣߌ ߘߐ߫߸ ߞߵߊ߬ ߞߎ߲߭ ߞߍ߫ ߛߎ߬ߣߎ߲ ߞߎ߲ߓߊߟߌߦߊ ߘߌ߫ ߊ߬ ߝߊ߬ߘߌ ߘߐ߫، ߞߊ߬ߦߌ߯ ߢߍߡߌߘߊ߫ ߌߓߙߊߤߌߡ ߕߙߊߥߟߋ߫ ߣߊ߬ ߘߊ߫ ߞߊ߲ߕߌ߯ߦߊ ߟߊ߫߸ ߊ߬ ߛߋ߲߬ߧߊ߬ ߝߟߐ߫ ߟߋ߬ ߕߋ߲߬߸ ߓߙߎߞߌߣߊ߫ ߣߊ߲߬ߕߌ߮ ߟߎ߬ ߦߋ߫ ߘߏ߲߬ ߜ߭ߊߣߊ߬ ߞߣߐ߫ ߞߊ߬ ߡߌ߬ߘߊ߬ߟߌ ߞߍ߫߸ ߊ߬ ߞߏ߬ߣߌ߲ ߊ߲ ߧߋ߫ ߦߙߐ ߡߍ߲ ߘߐ߫ ߕߋ߲߬߸ ߜ߭ߊߣߊ߬ ߞߎ߲߬ߠߊ߬ߛߌ߮ ߟߎ߬ ߝߣߊ߫ ߡߊ߫ ߟߊ߬ߛߋ߬ߟߌ߬ ߝߏߛߌ߬ ߟߋ߬ ߞߍ߫ ߊ߬ ߞߊ߲߬ ߝߟߐ߫.
