ߡߊߙߑߞߏ߫ ߙߎߓߌߦߏ߫ ߣߌ߫ ߌߛߌ߬ߙߊ߬ߌߟߊ߫ ߞߏߕߌ߯ ߢߍߡߐ߮ ߞߊ߬ ߢߐ߲߮ ߦߋ߫ ߟߋ߬ ߓߌ߬ ߞߐ߬ߓߊ߬ߟߏ߲ ߢߌ߲߬ ߡߊ߬߸ ߤߡߊߛߌ߬ ߣߊ߲߬ߕߌ߰ ߞߙߎ ߞߊ߫ ߞߊ߲߫ ߠߋ߬ ߞߊ߬ ߕߋ߬߸ ߊ߬ ߣߌ߫ ߞߊ߬ ߌߛߌ߬ߙߊ߬ߌߟߊ߫ ߡߐ߰ ߘߌߦߊߜߏߦߊߣߍ߲߫ ߡߌ߬ߣߊ߬ߣߍ߲ ߠߎ߬ ߟߊߓߌ߬ߟߊ߬ ߞߊߟߌߦߊ߫ ߓߟߏߡߊ߬߸ ߊߡߙߌߞߌ߬ ߞߐߞߊ߲ߞߏ ߞߏߕߌ߯ ߡߊߙߑߞߏ߫ ߙߎߓߌߦߏ߫ ߟߋ߬ ߞߊ߲߫ ߕߋ߲߬߸ ߊ߬ ߣߌ߫ ߌߛߌ߬ߙߊ߬ߌߟߊ߫ ߞߏߕߌ߯ ߢߍߡߐ߮ ߟߊ߫ ߓߌ߬ ߞߎߡߊߢߐ߲߯ߦߊ ߛߋ߲߭ߝߍ߬.
ߒ߬ߓߊ߬߸ ߊ߬ߟߎ߫ ߞߵߊ߬ ߦߌ߬ߘߊ߫ ߟߋ߬ ߞߏ߫ ߊ߬ߟߎ߬ ߓߍߣߊ߬ ߕߊ߯ ߟߋ߬ ߢߍߝߍ߬߸ ߞߊ߬ ߌߛߌ߬ߙߊ߬ߌߟߊ߫ ߞߐߡߊߓߌ߲ߓߌ߲߫߸ ߖߐ߲߰ߛߴߊ߬ߟߎ߬ ߟߊ߫ ߟߊ߬ߢߌߣߌ߲ ߠߎ߬ ߘߌ߫ ߓߐ߫ ߢߊ߫ ߟߊ߫ ߜ߭ߊߖ߭ߊ߬ ߘߎ߱ ߞߣߐ߫߸ ߓߌ߬ ߡߎ߰ߡߍ ߣߌ߲߬ ߡߊ߬߸ ߌߛߌ߬ߙߊ߬ߌߟߊ߫ ߟߊ߫ ߥߊ߬ߟߏ߲߬ߠߌ߲ ߛߊߓߎ߫ ߟߊ߫߸ ߏ߬ ߞߍ߫ ߘߊ߫ ߡߐ߰ ߁߆ ߟߋ߬ ߛߕߊ ߘߌ߫ ߔߊߟߍߛߑߕߌ߲ߣ߸ ߞߏߕߌ߯ ߡߊߙߑߞߏ߫ ߙߎߓߌߦߏ߫ ߟߊ߫ ߞߎߡߊ߫ ߞߊ߲߫ ߡߍ߲߬ ߠߎ߫ ߞߊ߬ ߌߛߌ߬ߙߊ߬ߌߟߊ߫ ߞߏߕߌ߯ ߢߍߡߐ߮ ߟߊߛߍߥߊ߫ ߟߋ߬ ߞߏߛߓߍ߫.
ߔߊߟߍߛߑߕߌ߲ߣ ߞߏߕߌ߯ ߢߍߡߐ߮ ߓߘߴߊ߬ ߦߌ߬ߘߊ߬߸ ߞߏ߫ ߡߊߙߑߞߏ߫ ߙߎߓߌߦߏ߫ ߟߊ߫ ߕߊ߯ߡߊ ߣߌ߲߬ ߞߎ߲߭ ߠߋ߬ ߞߊ߬ ߌߛߌ߬ߙߊ߬ߌߟߊ߫ ߞߐߡߊߓߌ߲ߓߌ߲߫ ߖߐ߲߰ߛߴߊ߬ߟߎ߬ ߟߊ߫ ߟߊ߬ߢߌߣߌ߲ ߠߎ߬ ߘߌ߫ ߛߓߊ߬ߕߌ߫ ߜ߭ߊߖ߭ߊ߬ ߞߣߐ߫߸ ߊ߬ ߦߴߊ߬ ߢߣߊ߫ ߟߋ߬ ߝߣߊ߫߸ ߞߏ߫ ߌߛߌ߬ߙߊ߬ߌߟߊ߫ ߡߊ߫ ߘߋ߬ߙߌ߬ ߞߊ߬ ߘߍ߬ߢߐ߲߰ ߢߌߡߊ߫ ߛߐ߲߬ߘߐ߲߬ ߜߍߓߏ߲ ߞߣߐ߫ ߞߊ߬ ߛߋ߫ ߘߏߣߊߟ ߕߑߙߐ߲ߔ ߘߐ߫߸ ߡߊߙߑߞߏ߫ ߙߎߓߌߦߏ߫ ߟߊ߫ ߞߎߡߊ߫ ߘߐ߫.
ߜ߭ߊߖ߭ߊ߬ ߘߎ߰ߘߋ߲ ߠߎ߬ ߣߌ߫ ߛߌߣߌ߲ߢߍߛߌ߯ ߢߌߡߊ ߟߋ߬ ߦߊ߫ ߞߊ߲߫߸ ߞߴߏ߬ ߘߏ߲߬ ߕߍ߫ ߣߊ߬ ߛߋ߫ ߞߍ߫ ߟߊ߫ ߞߊ߬ ߤߡߊߛߌ߬ ߕߏ߫ ߦߋ߲߬߸ ߞߎߡߊ߫ ߏ߬ ߦߋ߫ ߝߐ߫ ߟߊ߫ ߕߎ߬ߡߊ߬ߣߊ ߡߍ߲ ߠߊ߫߸ ߞߵߊ߬ ߛߐ߬ߘߐ߲߬ ߕߎ߬ߡߊ߬ߣߍ߲߬ ߞߋߟߋ߲߫ ߏ߬ ߟߊ߫߸ ߌߛߌ߬ߙߊ߬ߌߟߊ߫ ߦߴߊ߬ ߞߊ߲߬ ߞߵߊ߬ ߟߊ߫ ߥߊ߬ߟߏ߲߬ߠߌ߲ ߠߎ߬ ߞߍ߫ ߔߊߟߍߛߑߕߌ߲ߣ، ߏ߬ ߡߍ߲ ߞߍ߫ ߘߊ߫ ߔߊߟߍߛߑߕߌ߲ߣߑߞߊ ߡߐ߰ ߁߆ ߛߕߊ ߘߌ߫.
ߊ߬ ߣߌ߫ ߞߊ߬ ߖߡߊ߬ߣߊ ߓߟߌߕߍ߫ ߂߀ ߢߐ߲߰ ߖߍ߲ߛߍ߲߫، ߞߑߕߊߙ ߣߌ߫ ߊ߬ߙߊ߬ߓߎ߬ ߖߡߊߣߊ ߟߎ߬ ߦߴߊ߬ ߞߊ߲߬ ߞߊ߬ ߟߊ߬ߘߍ߬ ߞߙߍߞߙߍߣߍ߲ ߘߏ߫ ߛߌ߲߬ߝߏ߲߬ߧߊ߫߸ ߖߐ߲߰ߛߊ߫ ߞߊ߬ ߞߎߡߊ߫ ߔߊߟߍߛߑߕߌ߲ߣ ߠߊ߫ ߞߎ߲߬ߢߐ߲߮ ߕߊ߬ߡߌ߲߬ߣߍ߲ ߥߊ߬ߟߏ߲߬ߠߌ߲ ߞߊ߲߬߸ ߏ߬ ߥߊ߬ߟߏ߲߬ߠߌ߲ ߡߍ߲ ߠߎ߬ ߞߍ߫ ߘߊ߫ ߤߡߊߛߌ߬ ߢߍߡߐ߮ ߟߎ߬ ߞߎ߲߭ ߞߊ߲߬߸ ߡߍ߲ ߠߎ߬ ߦߋ߫ ߡߊ߬ߖߌ߮ ߘߐ߫ ߘߏߤߊ߫.
