ߣߌ߲߬ ߞߍߣߍ߲߫ ߖߋ߬ߟߌ߬ߓߊ߬ߟߊ߫ ߖߡߊ߬ߣߊ ߟߋ߬ ߞߣߐ߫߸ ߞߊ߲ߡߋߙߋ߲ ߘߏ߫ ߟߋ߬ ߣߐ߬ ߊ߬ ߟߊ߫ ߡߊ߬ߡߌߣߊ ߛߐ߬ߘߐ߲߬ ߝߊ ߟߊ߫ ߓߏ߲ ߛߊ߲ߛߙߊ ߣߴߊ߬ ߝߟߊ ߡߎ߰ߡߍ ߕߊ߬߬ ߟߊ߫ ߞߵߊ߬ ߓߐ߫ ߓߏ߲ ߞߎ߲߬ߠߊ߫߸ ߓߊߏ߬ ߞߏ߫ ߊ߬ ߣߌ߫ ߗߍ߭ ߘߋ߲ߡߛߏ߫ ߓߘߊ߫ ߝߘߊ߫.
ߖߌ߬ߦߊ߬ߖߟߎ ߣߌ߲߬ ߠߊߖߍ߲ߛߍ߲߫ ߘߊ߫ ߔߑߙߍ߲ߛ ߣߎߥߏߖ߭ߐߙ ߟߋ߬ ߓߟߏ߫ ߝߍߛߑߓߎߞ ߞߊ߲߬߸ ߓߏ߲ ߘߏ߫ ߛߊ߲ߛߙߊ ߣߴߊ߬ ߝߟߊ ߦߋ߫ ߘߋ߲ߡߌߛߍ߲߫ ߖߡߊ ߘߏ߫ ߟߎ߫ ߓߟߏ߫، ߟߊ߬ߖߍ߬ߛߍ߲߬ߠߌ߲ ߢߌ߲߬ ߞߣߐ߫߸ ߊ߬ ߦߌ߬ߘߊ߬ߣߍ߲߫ ߞߏ߫ ߗߍ߭ ߞߊ߲߫ ߠߋ߬ ߞߏ߫ ߌߞߏߡߌ߲߬ ߊ߬ ߞߊ߬ ߓߏ߲ ߛߊ߲ߛߙߊ ߏ߬ ߓߊ߯ߙߊ߫ ߞߵߊ߬ ߘߌ߫ ߘߋ߲ߡߛߏ ߝߊ߬ ߡߊ߬ ߟߋ߬߸ ߞߵߊ߬ ߛߐ߬ߘߐ߲߬ ߊ߬ ߣߌ߫ ߘߋ߲ߡߛߏ ߦߋ߫ ߢߐ߲߯ ߓߟߏ߫߸ ߣߴߊ߬ߟߎ߬ ߓߘߊ߫ ߝߘߊ߫ ߏ߬ ߘߐ߫߸ ߊ߬ߟߋ ߕߴߛߋ߫ ߏ߬ ߕߏ߫ ߟߊ߫ ߓߏ߲ ߏ߬ ߞߊ߲߬ ߝߋߎ߫.
ߞߎߡߊ ߡߍ߲ ߕߍ߬ߘߍ߫ ߖߌ߬ߦߊ߬ߖߟߎ ߣߌ߲߬ ߛߊ߲ߝߍ߬߸ ߏ߬ ߟߋ ߞߏ߫: <<ߒ ߘߌߦߊߣߊ߲߫ ߡߐ߮ ߞߊ߲߫ ߠߋ߬ ߞߏ߫ ߊ߬ ߕߴߊ߲ ߠߊ߫ ߘߍ߭ ߝߍ߬ ߡߎ߬ߕߎ߲߬، ߒ ߝߣߊ߫ ߣߐ߬ ߛߏ ߘߋ߲ߡߌߛߍ߲ ߠߎ߬ ߞߟߌ߫ ߟߴߏ߬ ߟߋ ߘߐ߫߸ ߞߊ߬ ߥߴߊ߬ ߛߐ߬ߘߐ߲߬ ߝߊ ߟߊ߫ ߓߏ߲ ߛߊ߲ߛߙߊ ߓߐ߫ ߊ߬ ߞߎ߲߬ߠߊ߬، ߓߊߏ߬߸ ߒߠߋ ߟߋ߬ ߞߵߊ߬ ߛߊ߲ߛߙߊ ߣߴߊ߬ ߝߟߊ ߏ߬ ߟߴߊ߬ ߞߎ߲߬ߠߊ߬.>>
ߏ߬ ߟߋ ߞߏߢߊ ߣߐ߬ ߘߍ߬ߞߙߏߝߏ ߞߊ߲߬ߠߊ ߟߎ߬ ߟߊߝߌ߲߬ ߠߊ߫߸ ߞߵߊ߬ ߞߎߡߊ ߥߙߊ߬߸ ߓߍ߯ ߦߋ߫ ߘߏ߫ ߝߐ ߞߊ߲߬ ߊ߬ ߞߊ߲߬، ߘߏ߫ ߟߎ߫ ߦߴߊ߬ ߦߋ߫ ߟߊ߫ ߡߐߣߍ߫ ߘߊ߲߬ߠߊߕߊ߬ߡߌ߲߬ߣߍ߲ ߠߋ߬ ߘߌ߫߸ ߘߏ߫ ߟߎ߫ ߦߴߊ߬ ߖߌ߰ ߟߊ߫ ߘߌߦߊߢߍ߫ ߘߝߊߓߊߟߌ ߟߋ߬ ߘߌ߫.
ߊ߲ ߡߊ߫ ߛߋ߫ ߢߊ߫ ߖߐ߲ߖߐ߲߫ ߛߐ߬ߘߐ߲߬ ߠߊ߫ ߗߍ߭ ߕߐ߯ ߞߏ ߡߊ߬߸ ߊ߬ ߣߌ߫ ߞߏߢߊ ߣߌ߲߬ ߞߍ߫ ߟߏ߲߫ ߕߌ߯ߕߌ߮ ߡߊ߬، ߊ߬ ߞߏ߬ߣߌ߲߸ ߊ߬ ߖߌ߬ߦߊ߬ߖߟߎ ߦߋ߫ ߝߌߙߌ߲ߝߌߙߌ߲ ߞߊ߲߬ ߘߍ߬ߞߙߏߝߏ ߟߎ߫ ߞߊ߲߬߸ ߘߏ߫ ߟߎ߫ ߖߍ߬ߘߍ ߓߘߴߊ߬ߟߋ߬ ߖߌ߬ߦߊ߬ߖߟߎ ߟߋ߬ ߞߍ߫ ߊ߬ߟߎ߬ ߟߊ߫ ߕߊߛߙߊߟߌߟߊ߲ ߘߌ߫ ߛߍߣߍ߲߬.
ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.
