ߞߎߣߎ߲߬ ߞߎߣߎ߲ߟߏ߲ ߂߀߂߅ ߕߎߟߊߝߌ߲ ߕߟߋ߬ ߁߀ ߡߊ߬߸ ߡߙߊ߬ߡߊ߬ߟߌ߬ߟߊ ߘߏ߫ ߟߎ߫ ߟߋ߬ ߕߊ߯ ߘߊ߫ ߓߋ߬ ߕߐ߲ߓߟߏߡߊ ߛߏ ߘߏ߫ ߞߊ߲߬߸ ߟߞߊߟߋ߫ ߘߎ߱ ߟߊ߫، ߏ߬ ߡߍ߲ ߛߋ߲߭ ߝߍ߬ ߊ߬ߟߎ߫ ߞߊ߬ ߡߐ߰ ߅ ߘߌߦߊߜߏߦߊ߫ ߡߌߣߊߞߍ߬߸ ߟߞߊߟߋ߫ ߦߋ߫ ߓߋߣߍ߲߫ ߞߐ߰ߘߎ߰ߦߊ߬ ߝߊ߲ ߠߋ߬ ߝߍ߬߸ ߏ߬ ߡߍ߲ ߦߋ߫ ߖߋ߬ߟߌ߬ߓߊ߬ߟߊ߫ ߓߐߕߏ߲ ߠߊ߫، ߛߙߋ ߘߏ߫ ߞߵߊ߬ ߦߌ߬ߘߊߞߊ߬ ߞߏ߫ ߡߙߊ߬ߡߊ߬ߟߌ߬ߟߊ ߟߎ߬ ߞߊ߬ ߡߎ߯ ߟߊߥߟߌ߫ ߣߌ߲߬ ߘߊߡߌ߬ߣߊ߫ ߝߌ߬ߕߙߌ߬ߘߊ߬ ߥߊ߯ߕߌ ߟߋ߬ ߟߊ߫߸ ߓߊ߬ߙߌ߫߸ ߕߐ߲߫ ߓߟߏߡߊ ߡߍ߲ ߠߎ߬ ߕߍ߬ߘߍ߫ ߦߋ߲߬߸ ߏ߬ ߟߎ߫ ߛߋ߬ ߘߊ߫ ߞߊ߬ ߡߙߊ߬ߡߊ߬ߟߌ߬ߟߊ ߟߎ߬ ߟߊߘߊ߲߬، ߡߐ߰ ߞߏ߬ߣߌ߲ ߣߌ ߡߊ߫ ߕߏ߫ ߊ߬ߟߎ߬ ߟߊ߫ ߞߌ߬ߛߍ߬ ߕߋ ߟߎ߬ ߘߐ߫.
ߛߙߋ߫ ߜߘߍ߫ ߟߊ߫ ߝߐߟߌ߫ ߘߐ߫߸ ߏ߬ ߡߍ߲ ߦߋ߫ ߕߐ߲߫ ߓߟߏߡߘߊ߫ ߡߐ߮ ߘߏ߫ ߘߌ߫߸ ߡߙߊ߬ߡߊ߬ߟߌ߬ߟߊ ߡߍ߲߬ ߠߎ߫ ߓߋ߬ ߘߊ߫ ߟߋ߬ ߟߞߊߟߋ߫ ߘߊ߲ߘߊߛߏ ߝߣߊ߫ ߞߊ߲߬߸ ߊ߬ߟߎ߫ ߖߍ߬ߘߍ ߞߊ߬ ߡߌ߬ߣߊ߬ߓߊ߰ߕߐ ߟߎ߬ ߡߌ߬ߘߊ߫ ߟߞߊߟߋ߫ ߘߊ߲ߘߊߛߏ ߟߊ߫ ߦߋ߲߬ ߠߋ߫߸ ߞߊ߬ ߓߊ߲߫ ߞߊ߬ ߡߎ߮ ߝߍߙߍ߲ߕߍ߫ ߘߊ߲ߘߊߛߏ ߞߊ߲߬߸ ߊ߬ߟߎ߬ ߟߊ߫ ߡߎ߮ ߟߊߥߟߌ߫ ߏ߬ ߟߋ߬ ߛߋ߲߭ ߝߍ߬ ߡߐ߰ ߣߊ߯ߣߌ߲߫ ߖߐߞߌ߫ ߘߊ߫߸ ߡߌ߬ߣߊ߬ߓߊ߰ߕߐ ߡߍ߲ ߠߎ߬ ߡߌ߬ߣߊ߬ ߘߴߊ߬ߟߎ߫ ߓߟߏ߫߸ ߛߙߋ ߘߏ߫ ߞߵߊ߬ ߦߌ߬ߘߊ߫ ߞߴߏ߬ ߟߎ߫ ߦߋ߫ ߘߊ߲ߘߊߛߏ ߓߊ߯ߙߊ߫ ߞߍߟߊ ߟߎ߫ ߟߋ߬ ߘߌ߫.
ߊ߬ ߞߏ߬ߣߌ߲ ߡߊ߫ ߟߐ߲߫ ߊ߬ߟߎ߬ ߕߊ߯ ߘߊ߫ ߡߐ߰ ߡߌ߬ߣߊ߬ߣߍ߲ ߠߎ߬ ߘߌ߫ ߝߊ߲߬ ߛߌ߫߸ ߊ߬ ߘߏ߲߬ ߡߊ߫ ߟߐ߲߫ ߡߍ߲ ߠߎ߬ ߝߣߊ߫ ߞߊ߬ ߓߋ߬ߒ߬ߞߊ߲߬ߠߌ߲ ߣߌ߲߬ ߞߍ߫߸ ߞߏߟߐ߲ߠߊ ߘߏ߫ ߟߊ߫ ߝߐߟߌ߫ ߘߐ߫߸ ߡߙߊ߬ߡߊ߬ߟߌ߬ߟߊ ߟߎ߬ ߓߐߣߍ߲߫ ߖߋ߬ߟߌ߬ߓߊ߬ߟߊ߫ ߟߋ߬߸ ߓߊߏ߬߸ ߟߞߊߟߋ߫ ߘߎ߱ ߜߊ߲߬ߞߎ߲߬ߣߍ߲߫ ߖߋ߬ߟߌ߬ߓߊ߬ߟߊ߫ ߓߐߕߏ߲ ߠߋ߬ ߟߊ߫߸ ߊ߬ ߞߏ߬ߣߌ߲ ߊ߲ ߧߋ߫ ߦߙߐ ߡߍ߲ ߘߐ߫ ߕߋ߲߬߸ ߤߊߟߌ߬ ߛߊ߫ ߞߎ߲߬ߠߊ߬ߛߌ߮ ߟߎ߬ ߡߊ߬ ߘߊ߲߬ߕߍ߰ߟߌ߬ ߝߏߛߌ߬ ߟߋ߬ ߞߍ߫ ߓߋ߬ߒ߬ߞߊ߲߬ߠߌ߲ ߣߌ߲߬ ߞߊ߲߬ ߝߟߐ߫.
