ߞߎ߲߬ߠߊ߬ߛߌ߮ ߓߍ߯
ߛߎ߲ߞߎ߲ ߡߊ߬ߛߎ߬ߓߊ߬ߞߏ ߟߎ߬ߡߐ߰ ߕߊ߲߫ ߢߐ߲߰ ߓߘߊ߫ ߓߐ߬ߣߐ߫ ߊ߬ ߣߌ ߘߐ߫ ߊߓߌߖߊ߲߬ ߞߣߐ߫ ߖߌߓߐ ߞߏߛߐ߲߬߸ ߡߐ߰ ߞߐ߬ߣߐ߲߬ߘߐ߫ ߖߍ߬ߘߍ ߦߴߊ߬ ߘߐ߫߸ ߏ߬ ߟߎ߬ ߓߍ߯ ߦߋ߫ ߟߎ߫ ߞߋߟߋ߲ ߞߣߐ߫ ߡߐ߮ ߟߋ߬ ߘߌ߫، ߖߌ ߟߋ߬ ߘߏ߲߬ߣߍ߲߫ ߊߓߌߖߊ߲߬ ߞߣߐ߫߸ ߞߊ߬ ߓߐ߰ ߔߕߐߔߕߐ ߛߌ߰ ߊߕߋߞߎߓߋ߫ ߣߌ߫ ߦߋ߬ߔߎߜ߭ߐ߲߬ ߠߎ߬ ߘߐ߫.
ߞߍߞߎߘߊߒߞߏ ߘߏ߲߬ߞߏ ߟߎ߬ ߟߊ߫ ߘߊ߲߬ߕߍ߰ߟߌ߬ ߞߍߣߍ߲ ߠߎ߬ ߞߐߣߐ߲ߞߎ߲ߓߊߘߏ߲ ߊߓߌߖߊ߲߬ ߜߊ߬ߙߊ ߘߐ߫߸ ߦߋ߲߬ ߡߍ߲ ߦߋ߫ ߝߊ߬ߛߏ߬ ߞߊ߲ ߠߎ߬ ߞߎߓߋߘߊ ߘߌ߫ ߕߋ߬ߟߋ߫ ߛߊ߬ߓߊ ߣߌ߲߬ ߞߣߐ߫.
ߞߍߞߎߘߊߒߞߏ ߥߙߎߞߟߌ ߛߌ߲߬ߝߏ߲߬ߧߊ߬ߟߌ߬ ߖߊ߯ߓߡߊ (ߒ.ߥ.ߛ.ߖ) ߦߋ߫ ߡߊ߲߬ߕߏ߲߬ߕߍ߬ ߜߙߊ߫ ߓߟߋߓߟߋ߫ ߞߊ߲߬ ߜߋ߲ߞߐ߰ߖߌ߬ߘߊ ߟߊ߫ ߓߌ߬ ߕߎߟߊߝߌ߲ ߕߋ߬ߟߋ߫ ߂߆ ߣߌ߲߬ ߡߊ߬߸ ߞߵߊ߬ ߛߌ߰ ߊ߬ ߕߋ߬ߟߋ߫ ߂߈ ߠߊ߫، ߕߋ߬ߟߋ߫ ߛߊ߬ߓߊ ߏ߬ ߟߋ ߞߍߕߐ߫ ߒߞߏ ߟߊ߫ ߛߋ߲߬ߕߊ߬ ߞߍߣߍ߲ ߠߎ߬ ߢߊߝߐ ߟߊ߫߸ ߊ߬ ߣߴߊ߬ ߟߊ߫ ߟߊ߬ߣߐ߰ ߞߏ ߟߎ߬ ߝߣߊ߫ ߢߊߝߐ ߟߊ߫߸ ߞߊ߬ ߞߏߟߊߒߞߘߐߢߐ߲߯ߦߊ ߟߎ߬ ߞߍ߫ ߢߐ߲߯ ߠߊߡߍ߲ ߞߣߐ߫߸ ߛߊ߬ ߟߊ߬ߢߌߣߌ߲ ߘߌ߫ ߟߊߛߐ߬ߘߐ߲߬߸ ߣߴߏ߬ ߦߋ߫ ߢߝߍߟߊ ߘߌ߫.
ߞߍߞߎߘߊߜߋ߲ߞߐ߰ߖߌ߬ߘߊ ߓߍߣߊ߬ ߒߞߏ ߖߊ߲߬ߖߏ߲߬ ߓߟߋߓߟߋ ߘߏ߫ ߟߋ߬ ߟߊߞߢߐ߬ߡߊ߫ ߢߌ߬ߣߊ߲߬߸ ߣߊߟߌ߬ߡߎ߲߫ ߡߊ߲߬ߕߏ߲߬ߕߍ߬ ߜߙߊ ߘߌ߫߸ ߒߞߏ ߡߊ߬ߞߟߐ߬ ߛߌߦߊߡߊ߲߫ ߓߍߣߊ߬ ߛߣߍ߫ ߡߍ߲ ߞߣߍ ߞߊ߲߬߸ ߞߊ߬ ߝߘߊ߬ߝߌ߲߬ ߞߊ߲ ߠߎ߬ ߟߊ߫ ߛߌߣߌ߲߫ ߣߊ߬ߕߐ ߢߍߥߟߊ ߟߎ߫ ߕߋ߬߸ ߞߊ߬ ߒߞߏ ߟߊ߫ ߢߎߡߍߙߋ߲ߦߊߟߌ ߖߊ߲߬ߖߏ߲ ߠߎ߬ ߢߊߝߐ߫߸ ߞߵߊ߬ ߛߋ߲߬ߠߊ߬ߛߘߌ߬ ߞߏ ߟߎ߬ ߝߣߊ߫ ߝߐ߫ ߞߵߊ߬ ߟߴߊ߬ ߞߊ߲߬߸ ߛߊ߫ ߞߛߌ߫ ߘߌ߫ ߞߍ߫ ߗߌߙߏߠߌ߲ ߡߊ߬ ߟߏ߲߫ ߣߊ߬ߕߐ ߟߎ߬ ߘߐ߫.
