ߞߎߣߎ߲ߟߏ߲ ߂߀߂߆ ߞߏ߲ߓߌߕߌ߮ ߕߟߋ߬ ߁߄߸ ߛߎ߰ߘߎ߬ߟߊ߫ ߝߊ߰ߡߊ ߟߎ߫ ߞߊ߬ ߗߍ߬ ߞߋߟߋ߲߫ ߣߌ߫ ߡߛߏ߬ ߞߋߟߋ߲߫ ߠߋ߬ ߝߊ߰߸ ߊ߬ߟߎ߫ ߝߌ߬ߟߊ ߓߍ߯ ߦߋ߫ ߓߐ߫ ߟߊ߫ ߓߊ߲ߜߑߟߊߘߍߛ ߟߋ߬، ߝߊ߰ߟߌ ߣߌ߲߬ ߞߊ߫ ߡߞߊ߫ ߕߌ߲߬ߞߎߘߎ߲ ߠߋ߬ ߘߐ߫، ߞߣߐߟߊ ߞߏߕߌ߮ ߟߊ߫ ߝߐߟߌ߫ ߘߐ߫߸ ߟߊ߬ߛߋ߬ߟߌ ߡߍ߲ ߞߍ߫ ߘߴߊ߬ߟߎ߬ ߓߟߏ߫߸ ߞߏ߫ ߡߐ߰ ߝߌ߬ߟߊ ߏ߬ ߟߎ߫ ߞߊ߬ ߞߏ߫ ߟߋ߬ ߞߍ߫߸ <<ߡߍ߲ ߦߋ߫ ߞߏߙߏ߲ߧߊ߫ ߞߏ ߘߌ߫>> ߡߞߊ߫ ߘߎ߰ ߛߊߣߌ߲ߡߊ߲ ߡߌ߬ߛߙߌ ߞߣߐ߫، ߊ߬ߟߋ߬ ߡߐ߰ ߝߌ߬ߟߊ ߡߍ߲ ߦߋ߫߸ ߗߍ߭ ߕߐ߯ ߟߋ߬ ߞߏ߫ ߣߊߖ߭ߙߎߟ ߌߛߑߟߊߡ ߊߓߑߘߎߟ ߓߊߛ߭ߌߙ߸ ߡߏ߬ߛߏ ߕߐ߯ ߞߏ߫ ߛߌ߬ߕߌ߫ ߊ߬ߞߑߕߊߙ.

ߝߊ߰ߡߊ ߟߎ߬ ߟߊ߫ ߝߐߟߌ߫ ߘߐ߫߸ ߡߐ߰ ߝߌ߬ߟߊ ߢߌ߲߬ ߠߎ߫ ߡߌ߬ߣߊ߬ ߘߊ߫ ߕߐ߲߫ ߓߟߏߡߊ ߟߎ߫ ߟߋ߬ ߓߟߏ߫ ߡߎߣߎ߲߬߸ ߞߣߊ߬ߕߏ߫ ߊ߬ߟߎ߬ ߟߊߕߊ߬ߡߌ߲߬ ߠߊ߫ ߛߊ߬ߙߌ߬ߦߊ߫ ߡߊ߬، ߊ߬ߟߎ߬ ߛߋ ߛߊ߬ߙߌ߬ߦߊ߬ ߟߊ߫߸ ߊ߬ߟߎ߫ ߛߐ߲߭ ߦߋ߫ ߘߊ߫ ߢߊߘߐߖߊ߫ ߞߏ ߘߐ߫߸ ߊ߬ߟߎ߬ ߞߕߌ ߞߐ ߞߵߊ߬ ߦߋ߫ ߞߏ߫ ߊ߬ߟߎ߫ ߛߐ߲߭ ߦߴߊ߬ ߘߐ߫߸ ߊ߬ߟߎ߬ ߖߊ߲ߞߌ߲߫ ߘߊ߫ ߝߊ߰ߟߌ ߓߌ߲߬ߓߊߥߏ ߟߋ߬ ߟߊ߫߸ ߏ߬ ߡ߲ ߦߋ߫ ߓߌ߲߬ߓߊߥߏ ߛߊ߲ߘߐߕߊ ߘߌ߫.

ߛߊ߬ߥߎ߬ߘߌߦߊ ߝߊ߰ߡߊ ߟߎ߬ ߞߊ߲߫߸ ߞߏ߫ ߣߴߌ ߞߵߊ߬ ߦߋ߫ ߓߌ߲߬ߓߊߥߏ ߛߊ߲ߘߐߕߊ ߢߌ߲߬ ߟߊߣߍ߲߫ ߊ߬ߟߎ߫ ߞߎ߲߬߸ ߊ߬ߟߎ߫ ߣߐ߬ ߞߏ߫ ߟߋ߬ ߞߍ߫ ߟߊ߫߸ ߡߍ߲ ߞߍߟߌ ߕߍ߫ ߓߍ߲߬ ߊߟߊ߫ ߟߊ߫ ߦߙߐ߫ ߛߊߣߌ߲ߡߊ߲ ߘߐ߫ ߝߋߎ߫، ߞߕߌߕߍ߯ߟߊ ߟߎ߬ ߓߊ߲ ߞߐ ߞߕߌ ߕߍ߰ ߟߊ߫ ߞߏ߫ ߊ߬ߟߎ߬ ߣߌ߫ ߝߊ߰ߟߌ ߟߋ߬ ߦߊ߫ ߞߊ߲߫߸ ߡߊ߲߬ߛߊ߬ߓߏ߲ ߞߣߐ߫ ߡߐ߮ ߟߎ߫ ߞߊ߬ ߖߊ߬ߡߊߙߌ ߘߌ߫߸ ߞߏ߫ ߞߵߊ߬ߟߎ߫ ߝߊ߰.

ߊ߬ ߞߏ߬ߣߌ߲߸ ߢߊߘߐߖߊ ߥߟߊ߫ ߡߊ߬ߟߏ߬ߓߊ߬ߟߌ߬ߦߊ ߛߎ߯ߦߊ ߡߍ߲ ߞߍߣߍ߲߫ ߡߐ߰ ߝߌ߬ߟߊ ߢߌ߲߬ ߠߎ߬ ߓߟߏ߫߸ ߝߊ߰ߡߊ ߟߎ߬ ߡߴߏ߬ ߟߊߕߍ߰ ߊ߬ߟߎ߬ ߟߊ߫ ߟߊ߬ߛߋ߬ߟߌ߬ ߛߓߍ ߞߣߐ߫߸ ߡߌ߬ߛߙߌ߬ ߞߋߟߋ߲߫ ߝߣߊ߫ ߡߊ߫ ߞߏߝߐ߫߸ ߊ߬ߟߎ߫ ߣߐ߬ ߡߊ߬ߟߏ߬ߓߊ߬ߟߌ߬ߦߊ ߞߍ߫ ߟߊ߫ ߡߌ߬ߛߙߌ ߡߍ߲ ߠߊ߫، ߡߌ߬ߣߊ߬ߟߌ ߝߣߊ߫ ߞߍߣߍ߲߫ ߢߊ ߡߍ߲ ߡߊ߬߸ ߏ߬ ߛߌ߫ ߡߊ߫ ߢߊߝߐ߫ ߊ߬ߟߎ߬ ߓߟߏ߫.

ߓߊ߲ߜ߭ߑߟߊߘߍߛ ߟߊ߬ߛߌ߰ߘߋ߲ ߡߍ߲ ߦߋ߫ ߛߊ߬ߥߎ߬ߘߌߦߊ ߟߊ߫ ߦߋ߲߬ (ߖߋߘߘߊ߬)߸ ߏ߬ ߞߵߊ߬ ߦߌ߬ߘߊ߬ ߞߏ߫ ߊ߬ߟߋ ߡߊ߫ ߟߊߟߐ߲ߠߌ߲߫ ߊ߬ ߞߏ ߟߊ߫، ߊ߬ ߝߣߊ߫ ߞߊ߬ ߛߓߍ߫ ߞߙߍߞߙߍߣߍ߲߫ ߞߍ߫ ߞߵߊ߬ ߟߊߕߊ߯ ߝߊ߰ߡߊ ߟߎ߫ ߡߊ߬߸ ߞߏ߫ ߊ߬ߟߎ߬ ߦߋ߫ ߢߊߝߐߟߌ߫ ߘߐߞߣߍߣߍ߲߫ ߞߍ߫ ߊ߬ ߦߋ߫ ߣߌ߲߬ ߞߏ ߞߊ߲߬.

ߛߎ߰ߘߎ߬ߟߊ߫ ߞߣߐߟߊ ߞߏߕߌ߮ ߞߏ߬ߣߌ߲ ߞߵߊ߬ ߦߌ߬ߘߊ߬߸ ߞߏ߫ ߊ߬ߟߋ ߦߴߊ߬ ߛߋߞߏ ߓߍ߯ ߟߋ߬ ߞߍ߫ ߟߊ߫߸ ߛߌ߬ߟߡߊ߬ߦߊ ߛߊ߬ߙߌ߬ߦߊ ߞߊ߬ ߡߍ߲ ߝߐ߫߸ ߞߵߏ߬ ߟߊߕߊ߯ߡߊ߫، ߊ߬ ߣߌ߫ ߝߣߊ߫߸ ߞߏ߫ ߡߐ߰ ߛߌ߫ ߟߊ߫ ߢߊߘߐߖߊ ߛߋ߫ ߘߊ߫ ߊߟߊ߫ ߟߊ߫ ߦߙߐ߫ ߛߊߣߌ߲ߡߊ߲ ߡߊ߬߸ ߊ߬ ߕߴߏ߬ ߟߊߕߐ߲ߓߊߟߌ ߕߏ߫ ߝߋߎ߫.