ߕߎ߰ߡߏߙߌ ߟߎ߬ ߟߊ߫ ߓߊ߬ߕߏ ߛߍߥߊ ߟߋ߬ ߟߊߓߊ߲ߣߍ߲߫ ߛߎ߬ߣߎ߲ ߡߊ߬ ߞߍ߲ߘߍߟߏ߲ ߂߀߂߆ ߞߏ߲ߓߌߕߌ߮ ߕߟߋ߬ ߁߇߸ ߜ߭ߊ߯ߦߊߞߌߟ ߘߎ߱ ߞߣߐ߫߸ ߋߞߊߕߍ߳ߙ، ߞߊ߬ߕߎ߲߯߸ ߣߏߕߙ ߘߊߡ ߢߐ߲߬ߞߌ߲߬ߘߊ ߝߊ߬ߓߊ ߔߊߕߙߌߛߌߦߏ ߊߟߑߝߙߋߘߏ߫ ߕߏ߫ ߘߊ߫ ߘߌ߯ߣߊ ߢߊߝߐ ߟߋ߬ ߞߊ߲߬ ߊ߬ ߟߊ߫ ߓߊ߬ߕߏ߬ߓߏ߲ ߞߣߐ߫ ߡߐ߮ ߟߎ߬ ߦߋ߫߸ ߓߊߙߊ߲ߕߏ߲ ߡߍ߲ ߠߊߘߊ߲ߣߍ߲߫ ߦߙߌ ߘߐ߫ ߣߴߊ߬ ߘߎ߲ߣߎ߲߫ ߘߊ߲ߘߊ߲ ߠߴߊ߬ ߞߐߝߍ߬ ߛߊ߲ߡߊ߬߸ ߏ߬ ߣߊ߬ ߘߊ߫ ߓߋ߬ ߊ߬ ߞߊ߲߬ ߞߵߊ߬ ߝߊ߰.

ߣߌ߲߬  ߟߏ߲߸ ߊ߬ߟߎ߬ ߟߊߘߍ߬ߣߍ߲߫ ߕߘߍ߬ ߘߌ߯ߣߊ߫ ߜߙߊ ߟߋ߬ ߞߊ߲߬߸ ߞߵߊ߬ ߛߐ߬ߘߐ߲߬ ߊ߬ ߟߊߕߊ߬ߡߌ߲ ߦߴߌߘߐ߫ ߘߍ߬ߞߙߏߝߏ ߟߎ߫ ߞߊ߲߬ ߝߊ߲ߞߊߢߊ߲ ߠߊ߫، ߞߎߡߊ ߘߊߡߌ߬ߣߊ ߡߌ߬ߛߍ߲߫ ߂߇ ߟߋ߬ ߡߊ߬߸ ߌߛߊ߫ ߖߌ߬ߦߊ߬ߘߐ ߦߋ߫ ߓߊߙߊ߲ߕߏ߲ ߡߍ߲ ߞߊ߲߬ ߊ߬ ߞߐߝߍ߬߸ ߏ߬ ߓߙߊ߬ ߘߊ߫ ߥߊ߬ߟߏ߲߬ ߠߊ߫ ߞߊ߬ ߣߊ߬ ߓߋ߬ ߊ߬ ߞߊ߲߬.

ߊ߬ߟߋ߬ ߦߙߌ ߓߋ߬ ߘߊ߫ ߗߍ߭ ߞߎ߲߭ ߠߋ߬ ߘߐ߫߸ ߞߵߏ߬ ߞߍ߫ ߊ߬ߟߋ ߝߣߊ߫ ߓߋ߬ߣߍ߲ ߘߌ߫ ߊ߬ ߟߊ߫ ߛߌ߰ߥߟߊ ߞߐߝߍ߬ ߓߙߌ߫، ߊ߬ ߡߊ߫ ߛߋ߫ ߓߐ߫ ߟߊ߫ ߓߌ߬ߟߊ߬ߒ߬ߘߐ߬ߖߎ߮ ߣߌ߲߬ ߘߐ߫.

ߞߍ߲ߘߍߟߏ߲߫ ߞߋߟߋ߲ ߏ߬ ߟߋ ߡߊ߬߸ ߞߏ߲ߓߌߕߌ߮ ߕߟߋ߬ ߁߇߸ ߜ߭ߊ߯ߦߊ߲ߞߌߟ ߓߊ߬ߕߏ߬ߓߏ߲ ߞߵߊ߬ ߛߊ߲߬ߞߊ ߟߊߕߋ߬߸ ߞߵߊ߬ ߟߊ߫ ߘߋ߲ߓߦߊ ߡߊ߬ߤߌ߬ߣߊ߬ ߟߊߡߌ߬ߣߊ߬߸ ߊ߬ ߣߴߊ߬ ߟߊ߫ ߡߐ߱ ߟߎ߬ ߝߣߊ߫߸ ߞߎߡߊߕߍ߫ ߘߎߢߊ߫ ߌߛߊߟߞߊ ߟߎ߫ ߡߊ߬.

ߓߌ߬ ߞߊ߯ߙߌ ߡߍ߲ ߦߋ߫ ߣߌ߲߬ ߛߊ߫߸ ߓߌ߬ߟߊ߬ߒ߬ߘߐ ߏ߬ ߟߋ ߖߌ߬ߦߊ ߟߎ߬ ߓߘߊ߫ ߓߟߐߟߐ ߡߌ߬ߣߊ߬߸ ߡߍ߲ ߠߊߞߎ߲߬ߘߎ߬ ߘߊ߫ ߓߊߙߊ߲ߕߏ߲ ߓߋ߬ ߕߎߡߊ ߟߊ߫ ߞߊ߬ߣߌ߲߬.

ߤߊ߲߯ ߕߋ߲߬ ߞߏ߬ߣߌ߲߸ ߊ߬ ߡߊ߫ ߟߐ߲߫ ߓߊߙߊ߲ߕߏ߲ ߓߋ߬ߣߍ߲߫ ߢߊ߫ ߞߋߟߋ ߡߍ߲ ߡߊ߬߸ ߊ߬ ߣߌ߫ ߞߎ߲߬ ߞߋߟߋ߲ ߡߍ߲ ߠߊ߫.