ߊߟߎ߫ ߓߍ߯ ߟߊߘߍ߬ߣߍ߲ ߦߴߊ߬ ߞߊ߬ߟߊߡߊ߬ ߞߏ߫ ߓߟߐߟߐ߫ ߞߊ߲߫ ߞߎߡߟߊ߫ ߕߊ߬ߕߏ ߘߋ߬ ߔߐߙߑߕߏ߫ ߞߊ߬ ߟߐ߲ߞߏߕߌ߯ ߛߟߏ߬ߡߣߊ߬ ߞߊ߲ߕߍ߫ ߘߋ߲ߞߍ ߘߏ߫ ߘߟߊߛߎ߲ߓߎ߫߸ ߏ߬ ߡߍ߲ ߞߍ ߕߋ߬ߟߋ߫ ߝߌ߬ߟߊ߫ ߢߐ߲߰ ߦߋ߫ ߕߋ߲߬ ߞߊ߬ߣߌ߲߬، ߒ߬ߓߊ߬߸ ߞߵߊ߬ ߓߍ߲߬ ߞߎߡߊ߫ ߝߐߣߍ߲ ߘߏ߫ ߟߎ߫ ߡߊ߬ ߊߡߊߘߎ߫ ߞߊ߲ߕߍ߫ ߓߟߏ߫ ߖߌ߬ߦߊ߬ߖߟߎ ߏ߬ ߘߐ߫߸ ߡߍ߲ ߡߊ߫ ߞߍ߫ ߡߐ߰ ߛߌߦߊߡߊ߲߫ ߕߟߏ ߘߌߦߊߣߊ߲߫ ߞߊ߲߫ ߘߌ߫߸ ߞߊ߲ߕߍ߫ ߛߟߏ߬ߡߣߊ߬ ߟߊ߫ ߘߋ߲ߓߦߊ ߡߎ߰ߡߍ ߦߋ߫ ߦߋ߫ ߦߋ߫ ߟߊ߫ ߛߌ߲ߘߌߘߊ ߡߍ߲ ߞߘߐ߫߸ ߣߴߊ߬ ߘߌ߫ ߝߐ߫ ߊ߬ ߡߊ߬ ߞߏ߫ ߛߌ߲ߘߌߘߊ߫ ߛߟߏ߬ߡߣߊ߬ ߞߊ߲ߕߍ߫߸ ߏ߬ ߟߎ߬ ߓߘߊ߫ ߟߊ߬ߛߋ߬ߟߌ߬ ߞߟߊߒߞߋ߫ ߞߍ߫߸ ߞߊ߬ ߦߝߊ߬ ߕߙߊ ߞߍ߫ ߞߌߢߍ߲߫ ߒߞߏ ߘߏ߲߬ߞߏ ߓߍ߯ ߟߊߘߍ߬ߣߍ߲ ߝߍ߬ ߞߐߘߍ߫.
ߊ߬ߟߎ߫ ߞߵߊ߬ ߦߌ߬ߘߊ߬ ߛߓߍ ߣߌ߲߬ ߞߣߐ߫߸ ߞߏ߫ << ߊߟߎ߫ ߦߴߊ߬ ߟߐ߲߫ ߞߴߊ߲ ߓߊߘߋ߲ߡߊ ߣߊ߬ ߘߋ߲ߣߍ߲ߦߊ߫ ߞߊ߲ ߠߎ߫ ߟߋ߬ ߝߐ߫ ߟߊ߫، ߘߋ߲ߣߍ߲ ߘߏ߲߬ ߞߏߘߐߓߍ߲ߕߐߟߊ ߟߋ߬ ߞߏ ߟߎ߬ ߕߌߢߍ߫ ߟߊ߫، ߏ߬ ߘߐ߫߸ ߊ߲ ߧߴߊ߬ ߢߌߣߌ߲߫ ߠߴߊߟߎ߫ ߝߍ߬߸ ߊ߲ ߓߍ߯ ߦߴߊ߬ ߞߏ ߡߌ߬ߘߊ߬ ߘߋ߲ߣߍ߲ߦߊ߫ ߝߊߘߌ ߏ߬ ߘߐ߫߸ ߞߵߊ߬ ߞߏ ߘߐߞߏߦߊߕߏ߫، ߡߊ߬ߘߋ߲߬ߞߊ ߟߎ߫ ߦߴߏ߬ ߟߋ ߝߐ߫ ߟߊ߫߸ ߞߴߌ ߓߊ߯ ߡߐ߱ ߞߟߍ߬ ߊ߬ ߤߊߞߟߌ߫ ߛߊ߲ߘߐ ߟߊ߫߸ ߞߴߌ ߓߘߴߊ߬ ߕߐ߬ߢߍ߫. >>
ߞߊ߬ߕߎ߲߯߸ ߊߡߊߘߎ߫ ߞߊ߲ߕߍ߫ ߟߊ߫ ߛߙߊ߬ߣߎ߲ ߘߐ߫߸ ߊ߬ ߞߊ߬ ߘߊ߫ ߛߌߦߊߡߊ߲߫ ߠߋ߬ ߘߐߜߊ߬߸ ߞߊ߬߬ ߞߊ߬ ߛߌߦߊߡߊ߲߫ ߝߣߊ߫ ߝߐ߫ ߊ߬ ߞߣߐ߫ ߡߍ߲ ߘߏ߫ ߟߎ߫ ߖߊ߬ߕߋ߬ ߟߊ߫ ߟߊ߬ߞߙߐ߬ߛߟߌ߬ߟߊ ߘߏ߫ ߟߎ߫ ߓߟߏ߫ ߕߎ߬ߢߊ ߛߌ߬ߣߊ ߘߌ߫، ߞߊ߬ߕߎ߲߯߸ ߊ߬ ߟߊ߫ ߛߙߊ߬ߣߎ߲ ߞߵߊ߬ ߦߌ߬ߘߊ߬ ߞߏ߫: <<ߘߏ߫ ߦߋ߲߬ ߓߌ߬߸ ߏ߬ ߟߎ߬ ߓߘߊ߫ ߣߊ߬ߝߊ ߛߐ߬ߘߐ߲߬ ߒߞߏ ߟߊ߫߸ ߏ߬ ߟߎ߬ ߘߌ߫ ߓߐ߫ ߖߡߊ߬ߣߊ߬ ߜߘߍ߫ ߘߐ߫ ߞߊ߬ ߣߊ߬ ߞߏ ߘߏ߫ ߞߍ߫ ߟߊ߬ߖߌߣߍ߫ ߦߊ߲߬߸ ߞߊ߬ ߥߴߊ߬ ߞߍ߫ ߞߐߣߊߞߙߌ߫߸ ߊ߬ߟߎ ߕߍ߫ ߓߐ߫ ߞߊ߬ ߥߊ߫ ߛߟߏ߬ߡߣߊ߬ ߞߊ߲ߕߍ߫ ߡߏ߬ߛߏ ߣߌ߲߬ ߦߋ߫ ߊ߬ ߢߊ ߟߊ߫.>> ߊߡߊߘߎ߫ ߞߊ߲ߕߍ߫ ߟߊ߫ ߛߙߊ߬ߣߎ߲ ߛߋ߫ ߘߊ߫ ߝߏߘߋ߫ ߓߊ߬ߓߊ߫ ߡߊ߬ߡߊߘߌ߫ ߖߊ߰ߣߍ߫ ߡߊ߬߸ ߏ߬ ߡߍ߲ ߦߋ߫ ߖߊ߬ߕߋ߬ ߟߊ߫ ߒߞߏ ߘߏ߲߬ߞߏ ߓߍ߯ ߓߟߏ߫ ߒߞߏ ߡߐ߰ߓߊ ߘߌ߫ ߓߌ߬߸ ߞߵߏ߬ ߕߎ߬ߙߎ ߞߍ߫ ߊ߬ ߟߊ߫ ߓߊ߯ߙߓߊ߫ ߞߍߣߍ߲ ߠߎ߬ ߘߌ߫ ߒߞߏ ߟߊ߫ ߡߙߍ߬ߛߍ߬ߦߊ ߣߴߊ߬ ߟߊ߫ ߝߎߣߎ߲ߞߋߦߊ ߕߎ߬ߡߊ ߟߎ߬ ߟߊ߫، ߊ߬ߟߋ ߟߋ߬ ߞߍ߫ ߘߊ߫ ߒߞߏ ߟߊߘߏ߲߭ ߕߎ߬ߙߎ ߘߌ߫ ߕߟߋ߬ߓߊ߮ ߟߎ߬ ߞߣߐ߫ ߁߉߉߂ ߟߊ߫߸ ߞߊ߬ ߛߋ߫ ߒߞߏ ߞߝߊ ߟߎ߬ ߟߊߗߋ߲߰ߧߊ߬ ߟߊ߫ ߞߵߊ߬ߟߎ߬ ߞߍ߫ ߢߎߡߍߙߋ߲ߡߊ ߘߌ߫، ߘߐ߬ߝߐ ߦߴߊ߬ ߦߌ߬ߘߊ߬ ߟߊ߫ ߞߏ߫ ߞߊ߲ߕߍ߫ ߛߟߏ߬ߡߣߊ߫ ߟߊ߫ ߞߊ߬ߝߊ ߟߎ߬ ߘߌ߫ ߘߴߏ߬ ߟߋ ߡߊ߬ ߞߏ߫ ߞߵߊ߬ߟߎ߬ ߟߊߖߍ߲ߛߍ߲߫߸ ߊ߬ߟߎ߬ ߦߋ߫ ߛߋ߫ ߓߍ߯ ߓߟߏߟߊߛߐ߬ߘߐ߲߬ ߠߊ߫، ߒ߬ߓߊ߬߸ ߊߡߊߘߎ߫ ߞߊ߲ߕߍ߫ ߢߌ߬ߣߌ߲߬ߞߊ߬ߣߍ߲ ߕߊ߬ߕߏ ߓߟߏ߫߸ ߣߌ߫ ߞߊ߲ߕߍ߫ ߞߐߙߍ ߞߵߊ߬ ߤߊߞߍ ߛߐ߬ߘߐ߲߫ ߞߊ߬ߝߊ ߏ߬ ߟߎ߬ ߘߐ߫߸ ߊ߬ ߞߵߊ߬ ߦߌ߬ߘߊ߫ ߖߋ߬ߓߌ߬ߟߌ ߘߐ߫ ߞߏ߫: <<ߓߟߏߝߋ߲ ߡߍ߲ ߠߎ߬ ߖߍ߬ߘߍ ߘߌ߫ ߘߴߊ߬ ߡߊ߬ ߝߟߐ߫ ߡߎߣߎ߲߬߸ ߛߟߏ߬ߡߣߊ߬ ߞߊ߲ߕߍ߫ ߓߟߏ߫߸ ߞߊ߬ߝߊ ߛߎߙߛ߸ ߊ߬ ߓߊ߸ ߡߍ߲ ߠߎ߬ ߘߌ߫ ߘߴߊ߬ ߡߊ߬ ߝߟߐ߫߸ ߏ߬ ߟߎ߫ ߖߍ߬ߘߍ ߟߊߛߊ߬ߦߌ߲ ߞߐߙߍ ߝߊߡߌ ߡߊ߬߸ ߏ߬ ߟߋ ߣߊ߬ ߘߊ߫ ߜߟߍ߬ߦߊ߬ ߝߟߐ߫ ߡߎߣߎ߲߬.>> ߊ߬ ߞߊ߬ ߞߎߡߊ ߟߊߕߎ߲߰ ߝߣߊ߫߸ ߞߏ߫ <<ߓߍ߯ ߓߴߊ߬ ߞߊ߬ߟߊߡߊ߬߸ ߣߴߌ ߡߊ߫ ߕߎ߬ߢߊ ߝߐ߫߸ ߝߏ߫ ߣߴߌ ߞߊ߬ ߥߎߦߊ ߝߐ߫.>> ߒ߬ߓߊ߬߸ ߞߎߡߊ߫ ߛߌߦߊߡߊ߲߫ ߠߋ߬ ߝߐ߫ ߘߊ߫ ߓߊ߬ߘߏ߬ߢߐ߲߰ߦߊ߫ ߡߌ߬ߛߍ߲߬ ߁߄:߂߃ ߣߌ߲߬ ߞߣߐ߫߸ߡߍ߲ ߝߐ߫ ߢߊ ߛߌߦߊߦߊ߫ ߘߊ߫ ߡߐ߱ ߟߎ߬ ߓߟߏ߫ ߞߏߛߓߍ߫.
ߞߵߊ߬ ߓߍ߲߬ ߞߎߡߊ߫ ߝߐߣߍ߲ ߏ߬ ߜߊ߭ ߡߊ߬ ߒߞߏ ߛߍ߬ߘߏ߲߬ߠߊ߬ ߝߟߐ ߘߏ߫ ߟߎ߫ ߟߊ߫߸ ߊ߬ ߣߌ߫ ߤߊߟߌ߬ ߕߟߋ߬ ߞߎߘߊ ߣߌ߲߬ ߘߋ߲ߡߌߛߍ߲ ߠߎ߬߸ ߞߊ߲ߕߍ߫ ߞߐߙߍ ߡߊ߫ ߡߛߊ߬ߦߟߌ߬ ߜߘߍ߫ ߞߍ߫߸ ߊ߬ߟߎ߬ ߡߊ߫ ߊߡߊߘߎ߫ ߞߊ߲ߕߍ߫ ߟߊ߫ ߛߙߊ߬ߣߎ߲ ߟߊߛߙߋߦߊ߫ ߥߟߊ߫ ߞߵߊ߬ ߝߊ߬ߣߌ߲߬ߢߊ߬، ߊ߬ߟߎ߫ ߞߊ߬ ߦߝߊ߬ ߕߙߊ ߏ߬ ߟߋ ߞߍ߫، ߞߊ߬ ߓߊ߲߫ ߞߊ߬ ߡߐ߬ߟߐ߲߬ ߘߌ߫ ߒߞߏ ߓߊ߯ߙߊߞߍߟߊ߫ ߝߟߐ ߟߎ߫ ߡߊ߬ ߕߎ߬ߡߊ߬ ߖߏߣߊ ߟߊ߫߸ ߊ߬ ߦߌ߬ߘߊ ߞߏߏߛߐ߲߬ ߊ߬ ߞߣߐ߫ ߞߏ߫: << ߒߞߏ ߛߌ߲ߘߌߓߊ߮ ߦߋ߫ ߛߏߡߊߦߟߍߡߊ߲߫ ߠߊ߫ ߕߎ߬ߡߊ ߡߍ߲ ߠߊ߫߸ ߏ߬ ߞߵߊ߬ ߕߘߍ߬ ߒߞߏ ߕߎ߲߬ ߡߊ߫ ߛߋ߲߬ߕߊ߰ ߛߌ߫ ߞߍ߫ ߢߎߡߍߙߋ߲ߦߊߟߌ ߞߊߡߊ߲ ߘߐ߫، ߞߊ߬ߝߊ ߟߎ߬ ߓߍ߯ ߕߘߍ߬ ߛߓߍ߫ ߟߊ߫ ߓߟߏ ߟߋ߬ ߟߊ߫ ߞߊ߬ ߞߐ߲߬ ߊ߬ߟߎ߫ ߜߌ߬ߙߌ߲߬ߘߌ ߢߍ߫.>> ߊ߬ߟߎ߫ ߞߵߊ߬ ߦߌ߬ߘߊ߬ ߝߣߊ߫ ߞߏ߫ << ߓߌ߬߸ ߒߞߏ ߏ߬ ߟߋ ߓߘߊ߫ ߛߋ߫ ߕߟߋ߬ߓߊ߮ ߣߌ߫ ߜߋߟߋ߲ߜߋߟߋ߲ ߠߎ߬ ߞߣߐ߫، ߞߊ߬ ߓߊ߲߫ ߞߊ߬ ߓߌ߬ߟߊ߬ ߜߎߜߐߟ ߟߊ߫ ߘߟߊߡߌߘߊߟߊ߲ ߞߙߎ ߘߐ߫. ߐ߬ߤߐ߲߫߹ ߒߞߏ ߣߊ߬ ߛߋ߲߬ߕߊ߮ ߡߍ߲ ߠߎ߬ ߞߍ߫ ߟߴߏ߬ ߘߌ߫߸ ߏ߬ ߕߐ߮ ߦߋ߫ ߖߐ߲߫ ߠߊ߫ ߓߌ߬ ؟ ߏ߬ ߟߋ ߒߞߏ ߛߌ߲ߘߌߓߊ߮ ߘߌ߫، ߞߵߏ߬ ߞߎ߲߬ߠߊ߬ߦߋ߬ߙߋ߲ ߘߴߊ߬ ߞߐߙߍ ߡߊ߬،>>
ߊ߬ߟߎ߫ ߞߊ߬ ߛߓߍ ߣߌ߲߬ ߞߎ߲߬ߘߏ߲ ߞߍ߫ ߦߝߊ߬ ߕߙߊ ߟߋ߬ ߘߌ߫ << ߞߊ߲ߕߍ߫ ߞߐߙߍ ߓߟߏ ߝߌ߬ߟߊ ߦߴߊ߬ ߞߐ߫ ߞߵߊ߬ ߓߍ߲߬ ߝߎ߬ߕߎ߲߬ߕߌ߬ ߞߍߣߍ߲ ߠߎ߫ ߡߊ߬، ߏ߬ ߡߍ߲ ߡߴߊ߲ ߡߊߛߐ߬ߘߐ߲߬ ߘߏ߫ ߜߘߍ߫ ߝߍ߬ ߣߌ߫ ߘߋ߲ߣߍ߲ߦߊ ߕߍ߫، ߞߊ߬ ߓߊ߲߫ ߞߵߊ߬ ߦߌ߬ߘߊ߬ ߊߟߎ߫ ߟߊ߫ ߞߴߏ߬ ߢߐ߲߰ ߜߘߍ߫ ߕߴߊ߲ ߛߐ߬ߘߐ߲߫ ߡߎ߬ߕߎ߲߬ ߊߟߊ߫ ߟߊ߫ ߘߌ߬ߢߍ ߟߊ߫.>>
ߛߌߟߊߓߐߛߐ߯ߣߊ߫ ߞߏ߬ߣߌ߲ ߓߍߣߊ߬ ߢߊߢߌߣߌ߲ߠߌ߲߫ ߞߍ߫ ߣߌ߲߬ ߞߏ ߞߊ߲߬ ߞߊ߲ߕߍ߫ ߟߊ߫ ߞߊ߬ߝߊ ߟߊߖߍ߲ߛߍ߲ߓߊ߯ ߜߌ߬ߙߌ߲߬ߘߟߌ߬ߟߊ ߟߎ߫ ߝߍ߬߸ ߊ߬ ߣߌ߫ ߒߞߏ ߘߏ߲߬ߞߏ ߟߎ߫ ߖߍ߬ߘߍ ߝߣߊ߫ ߝߍ߬، ߓߊߏ߬߸ ߊ߬ ߦߌ߬ߘߊ߬ߣߍ߲߬ ߊߡߊߘߎ߫ ߞߊ߲ߕߍ߫ ߓߟߏ߫ ߊ߬ ߟߊ߫ ߞߎߡߊ ߞߣߐ߫ ߞߏ߫ <<ߝߊߡߌ ߞߊ߲ߕߍ߫߸ ߞߵߊ߬ ߘߊߡߌ߬ߣߊ߫ ߞߐ߬ߟߐ߲߬ߣߍ߲߬ߞߊ ߡߊ߬߸ ߛߟߏ߬ߡߣߊ߬ ߞߊ߲ߕߍ߫ ߖߍ߬ߘߍ ߡߏߦߌߝߋ߲ ߠߎ߬߸ (…) ߡߐ߰ ߛߌ߫ ߕߴߛߋ߫ ߞߵߊ߬ ߝߐ߫ ߞߏ߫ ߊ߬ߟߋ ߓߘߊ߫ ߤߊߞߍߦߊ ߣߌ߲߬ ߛߐ߬ߘߐ߲߫ ߊ߬ ߝߊ߬ ߟߊ߫ ߟߌߝ߭ߙߎ ߟߊ߫.>>
ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫
