ߕߍ߮ ߞߍ߫ ߘߊ߫ ߛߣߍ߬ߜ߭ߊߟߌ߫ ߕߏ߬ߟߊ߲ ߞߐߡߊߓߌ߲ߓߌ߲ߠߊ߫ ߡߐ߰ ߁߈ ߡߍ߲ ߘߐ߫ ߝߘߊ߬ߝߌ߲߬ߠߊ߬ ߖߌߟߊߝߍ߫ ߕߊ߲ߠߌ߲ ߛߋ߲߭ߝߍ߬߸ ߏ߬ ߟߎ߫ ߞߎ߲߬ߞߕߌ ߓߘߊ߫ ߟߐ߲߫، ߞߊ߬ߕߎ߲߯߸ ߞߎߣߎ߲߬ ߞߐ߬ߓߊ߬ߟߏ߲ ߡߊ߬߸ ߞߕߌߘߊ ߞߵߊ߬ ߟߊ߫ ߞߕߌߕߍ߮ ߓߊ߲ߝߟߍ߬ߟߍ ߞߍ߫߸ ߞߕߌ߫ ߟߊߝߟߐߘߊ ߞߊ߬ ߓߌ߲߬ߓߊߥߏ ߡߍ߲ ߟߴߊ߬ߟߎ߫ ߞߎ߲߬ ߛߋ߲߬ߢߊ߬ ߝߟߐ ߘߐ߫߸ ߞߕߌ߫ ߡߛߊߦߌ߲ߘߊ ߝߣߊ߫ ߓߍ߲߬ ߘߴߏ߬ ߞߋߟߋ߲ ߠߋ߬ ߡߊ߬߸ ߦߟߍ߬ߡߊ߲߬ ߡߊ߫ ߘߏ߲߬ ߊ߬ ߘߐ߫.
ߞߕߌ ߣߌ߲߬ ߡߊ߫ ߞߕߌ߫ ߝߟߐ ߡߊߦߟߍ߬ߡߊ߲߬ ߝߋߎ߫، ߊ߲ ߠߊ߫ ߟߌ߬ߤߟߊ߫ ߛߐ߬ߘߐ߲߬ߣߍ߲ ߠߎ߬ ߘߐ߫ ߞߊ߬ ߝߘߊ߫ ߝߐ߰ߓߍ߬ߘߊ ߘߏ߫ ߟߎ߫ ߟߊ߫߸ ߦߏ߫ ߍߙ.ߕߋ.ߍߛ߸ ߏ߬ ߟߎ߫ ߞߵߊ߬ ߦߌ߬ߘߊ߬ ߞߏ߫ ߟߊ߬ߝߛߊ߬ߟߌ߬ߟߊ ߡߍ߲ ߕߍ߬ߘߍ߫ ߕߏ߬ߟߊ߲߬ߕߊ߲߬ߠߊ ߢߌ߲߬ ߠߎ߬ ߡߊߞߊ߲ߞߊ߲ ߞߊ߲߬߸ ߞߊ߬ߙߊ߲߬ߡߐ߯ ߔߊ߬ߕߙߌߞ ߞߊߓߎ߫߸ ߏ߬ ߖߍ߬ߘߍ ߟߋ߬ ߞߊ߬ ߟߌ߬ߤߟߊ ߣߌ߲߬ ߔߘߋߔߘߋߟߊߕߍ߰، ߞߵߊ߬ ߦߌ߬ߘߊ߬ ߞߏ߫ ߞߕߌߘߊ ߦߌߟߡߊ߫ ߝߟߐ ߡߊ߫ ߦߟߍ߬ߡߊ߲߬ ߝߏߦߌ߬ ߘߏ߲߬ ߞߕߌ߫ ߝߟߐ ߝߐ߫ ߞߊ߲ ߠߎ߬ ߘߐ߫.
ߓߌ߲߬ߓߊߥߏ ߡߍ߲ ߠߎ߬ ߝߐ߫ ߘߊ߫ ߞߏ߲ߞߏߜߍ߫ ߕߊ߬ߡߌ߲߬ߣߍ߲ ߠߊ߫߸ ߞߊ߬ ߓߍ߲߬ ߡߊ߲߬ߞߊ߲ ߡߍ߲ ߥߟߌ߬ ߘߊ߫ ߓߙߊ ߞߣߐ߫߸ ߘߏ߫ ߟߎ߫ ߟߊ߫ ߥߛߎ ߕߊ߯ߣߍ߲߫ ߠߋ߬ ߝߏ߯ ߛߊ߲߬ ߞߋߟߋ߲߫߸ ߘߏ߫ ߟߎ߫ ߕߊ ߦߋ߫ ߞߊߙߏ߫ ߛߓߊ߬ ߘߌ߫، ߟߊ߬ߝߛߊ߬ߟߌ߬ߟߊ ߟߎ߫ ߘߍ߲߬ߞߣߍ߬ߦߊ߬ߣߍ߲߫ ߕߘߍ߬ ߞߏ߫ ߘߏ߫ ߓߕߐ ߟߋ߬ ߊ߬ߟߎ߬ ߟߊ߫ ߥߛߎ ߟߊ߫߸ ߓߊ߬ߙߌ߬߸ ߊ߬ ߡߊ߫ ߓߍ߲߬، ߣߴߏ߬ ߕߍ߫߸ ߊ߬ߟߎ߬ ߞߊ߫ ߞߏ߫ ߛߙߊߕߌ߫ ߛߌߦߊߡߊ߲߫ ߦߋ߫ ߦߋ߲߬߸ ߏ߬ ߟߎ߬ ߡߊ߫ ߡߊߓߏ߲߬ߧߊ߬ ߞߕߌ ߣߌ߲߬ ߘߐ߫ ߡߊ߬ߙߐߞߎ߬ ߞߕߌߘߊ ߓߟߏ߫.
ߊ߬ ߞߏ߬ߣߌ߲߸ ߘߏ߫ ߟߎ߫ ߦߴߊ߬ߟߎ߬ ߘߐ߫߸ ߏ߬ ߟߎ߬ ߟߊ߫ ߥߛߎ ߓߘߊ߫ ߓߊ߲߫، ߡߍ߲ ߠߎ߬ ߓߌ߬ߟߊ߬ߣߍ߲߫ ߞߊߙߏ߫ߏ ߛߓߊ߬ ߥߛߎ ߟߊ߫߸ ߞߊ߬ߙߊ߲߬ߡߐ߯ ߔߊ߬ߕߙߌߞ ߞߊߓߎ߫ ߞߊ߲߫ ߞߏ߫ ߏ߬ ߟߎ߬ ߘߌ߫ ߓߌ߬ߟߊ߬ ߞߍ߲ߘߍߟߏ߲߫ ߣߊ߬ߕߐ ߡߊ߬، ߏ߬ ߟߋ ߓߍ߲߬ߕߐ߫ ߏ߬ ߟߎ߬ ߟߊ߫ ߥߛߎ ߞߎ߲߬ߘߏ߲ ߡߊ߬߸ ߊ߬ߟߎ߬ ߘߌ߫ ߛߊ߬ߦߌ߲߫ ߊ߬ߟߎ߬ ߓߘߊ ߡߎ߬ߕߎ߲߬߸ ߞߊ߬ ߓߐ߫ ߥߛߎ ߞߣߐ߫.
ߊߟߎ߫ ߦߴߊ߬ ߟߐ߲߫߸ ߊ߬ߟߋ߬ ߞߏߢߊ ߣߌ߲߬ ߞߎߡߊ ߓߘߊ߫ ߛߌߦߊߦߊ߫ ߓߊߟߋ߬ ߛߣߍ߬ߜ߭ߊߟߌ߫ ߞߣߐ߫، ߝߏ߫ ߘߏ߫ ߟߎ߫ ߓߐ߫ ߘߊ߫ ߞߵߊ߬ߟߎ߬ ߡߊߕߊ߯ߡߊ߫ ߥߊ߯ߕߌ߫ ߘߐ߫߸ ߛߴߊ߬ߟߎ߬ ߘߌ߫ ߓߌ߬ߟߊ߬ ߢߊ ߡߍ߲ ߡߊ߬، ߒ߬ߓߊ߬߸ ߛߊ߲߬ ߞߋߟߋ߲ ߟߊߣߍ߲߫ ߡߍ߲ ߠߎ߬ ߞߎ߲߬߸ ߊ߬ ߣߌ߫ ߡߍ߲ ߠߎ߬ ߕߊ ߞߊ߫ ߛߌߦߊ߫ ߞߊߙߏ߫ ߛߊ߬ߓߊ ߘߌ߫߸ ߏ߬ ߟߎ߬ ߓߍ߯ ߘߌ߫ ߕߏ߫ ߥߛߎ ߟߊ߫ ߡߎߣߎ߲߬߸ ߤߊ߲߯ ߕߎ߬ߡߊ߬ ߝߐߣߍ߲ ߏ߬ ߦߋ߫ ߛߋ߫ ߕߎ߬ߡߊ ߡߍ߲ ߠߊ߫.
