ߘߊ߬ߘߌߛ ߞߡߊ߬ߙߊ߬ ߟߊ߫ ߗߡߍ߬ ߓߙߋߡߊ߫ ߞߘߐ߬ߡߊ߲߸ ߕߎ߲ߓߊ߬ ߖߊ߬ߞߌ߬ߕߋ߬ ߓߘߴߊ߬ ߟߊ߫ ߞߊ߲ߕߌ߯ߦߊ߫ ߢߌߣߌ߲ ߡߊ߬ߡߌ߬ߘߊ߬ߟߌ ߞߎ߲߬ߞߘߐ߬ߛߌ߰ ߥߊߘߌ ߛߙߊ߲߬ ߝߛߊߦߌ߫، ߣߌ߲߬ ߦߋ߫ ߞߏ߫ ߟߋ߬ ߘߌ߫߸ ߡߍ߲ ߡߊߞߓߊߣߍ߲߫߸ ߓߊߏ߬ ߊ߬ ߣߐ߬ ߥߊߘߌ ߣߌ߲߬ ߛߙߊ߬ ߟߊ߫ ߞߵߊ߬ ߕߏ߫ ߥߛߎ ߟߋ߬ ߟߊ߫ ߞߐߣߊߞߙߌ߫ ߥߛߎߖߌ߲ߓߊ ߟߊ߫، ߟߌ߬ߤߟߊ ߏ߬ ߡߍ߲ ߛߐ߬ߘߐ߲߬ ߘߴߊ߲ ߓߟߏ߫ ߞߊ߬ ߝߘߊ߫ ߖߌ߬ߣߋߣߌߥߖ߭ ߟߊ߫ ߞߊ߬ߣߌ߲߬.
ߊߓߎߓߞߊߙ ߛߘߌߞߌ߬ ߖߊ߬ߞߌ߬ߕߋ߫߸ ߊ߬ߟߋ ߡߍ߲ ߡߊߟߐ߲߫ ߕߐ߮ ߦߋ߫ ߕߎ߲ߓߊ߬ ߘߌ߫߸ ߏ߬ ߓߘߊ߫ ߘߓߊ߬ߙߌ߬ߓߊ߲߬ ߞߏ ߘߏ߫ ߞߍ߫، ߖߌ߬ߣߋߣߌߥߖ߭ ߟߊ߫ ߘߐ߬ߛߙߋ߬ ߡߊߝߟߍߣߍ߲ ߘߏ߫ ߦߴߊ߬ ߦߌ߬ߘߊ߬ ߟߊ߫߸ ߞߏ߫ ߕߎ߲ߓߊ߬ ߓߘߴߊ߬ ߟߊ߫ ߞߎ߲߬ߞߘߐ߬ߛߌ߰ ߥߊߘߌ ߞߋ߲߬ߥߟߎ߫ ߉߀߀ ߛߙߊ߬߸ ߏ߬ ߡߍ߲ ߛߊ߬ߙߊ ߦߋ߫ ߘߌߦߊߜߏߦߊ ߘߌ߫ ߡߊ߬ߡߌ߬ߘߊ߬ߟߌ߬ߟߊ ߓߍ߯ ߞߊ߲߬ ߞߊ߬ߣߌ߲߬، ߣߊ߲߬ߕߌ߰ ߞߘߐ ߣߌ߲߬ ߞߍߕߐ߫ ߊ߬ ߟߊ߫ ߡߊ߬ߡߌ߬ߘߊ߬ߟߌ ߞߍ߫ ߟߊ߫ ߞߙߎߞߊ ߡߍ߲ ߕߐ߯ ߘߐ߫߸ ߏ߬ ߟߋ ߞߏ߫: ߓߊ߯ߙߊ ߣߌ߫ ߕߍߝߐ ߞߙߎߞߊ (ߓ.ߕ.ߞ).
ߊ߬ ߟߊ߫ ߡߊ߬ߡߌ߬ߘߊ߬ߟߌ߬ ߞߏ ߣߌ߲߬ ߞߏ߬ߣߌ߲ ߡߊߞߓߊߣߍ߲߫ ߓߊߟߋ߬߸ ߞߵߊ߬ ߓߍ߲߬ ߊ߬ ߟߌ߬ߤߟߊ ߡߊ߬ ߛߊ߬ߙߌ߬ߦߊ߬ ߞߎ߲ߘߊ߫ ߞߊ߬ߣߌ߲߬، ߕߎ߲ߓߊ߬ ߖߊ߬ߞߌ߬ߕߋ߫ ߣߌ߲߬ ߦߋ߫ ߟߊ߬ߡߊ߲߬ߘߌ߬ߟߌ ߘߐ߫ ߞߐߣߊߞߙߌ߫ ߥߛߎߖߌ߲ߓߊ ߟߋ߬ ߟߊ߫߸ ߞߵߏ߬ ߞߎ߲߭ ߞߍ߫ ߊ߬ ߞߕߌ ߘߌ߫ ߂߀߀߉ ߕߎߟߊߝߌ߲ ߕߋ߬ߟߋ߫ ߂߈ ߟߊ߲ߝߊ߲ߠߌ߲ ߞߕߌ ߛߋ߲߭ߝߍ߬߸ ߊ߬ ߦߋ߫ ߘߊ߫ ߛߐ߲߬ߡߊ߬ ߘߌ߫ ߞߵߊ߬ ߖߊ߲߬ߞߌ߲߬߸ ߊ߬ߟߋ ߣߌ߫ ߣߊ߲߬ߕߌ߰ ߞߊ߲߬ߕߌ߰ ߞߘߐ ߘߊ߬ߘߌߛ ߞߡߊ߬ߙߊ߬ ߣߌ߫ ߘߏ߫ ߜߘߍ߫ ߟߎ߫߸ ߘߊ߬ߘߌߛ ߏ߬ ߡߍ߲ ߓߘߊ߫ ߞߊ߲ߕߌ߮ ߟߊ߫ ߡߊ߬ߞߕߏ߬ߟߌ ߛߐ߬ߘߐ߲߫ ߕߋ߲߬ ߞߊ߬ߣߌ߲߬.
ߊ߬ ߟߊ߫ ߥߛߎߟߊߘߏ߲ ߣߴߊ߬ ߕߊ߫߸ ߕߎ߲ߓߊ߬ ߖߊ߬ߞߌ߬ߕߋ߬ ߓߘߊ߫ ߓߐ߫ ߞߊ߲ߕߌ߯ߦߊ ߞߐ߫߸ ߞߵߊ߬ ߦߌ߬ߘߊ߬ ߞߏ߫ ߊ߬ <<ߓߌߣߍ߲߫ ߕߎ߬ߢߊ ߞߐߡߊߓߌ߲ߓߌ߲ ߠߊ߫߸ ߊ߬ ߣߌ߫ ߓߟߏߘߌߢߐ߲߰ߡߊ>> ߟߊ߫ ߖߌ߬ߣߍ߬ ߞߣߐ߫، ߣߴߊ߬ ߛߐ߬ߘߐ߲߬ ߘߊ߫ ߞߊ߲ߕߌ߯ߦߊ߫ ߢߌߣߌ߲ ߘߐ߫ ߣߌ߲߬ ߢߊ߸ ߏ߬ ߞߍߕߐ߫ ߊ߬ ߕߊ߫ ߛߎ߮ ߣߌ߲߬ ߛߋ߲߬ߢߊ߬ ߝߟߐߝߟߐ ߟߋ߬ ߘߌ߫ ߖߌ߬ߣߍ߬ ߞߣߐ߫.
ߊ߬ߟߋ ߟߊ߫ ߟߊ߬ߛߋ߬ߟߌ ߣߌ߲߬ ߞߍߣߍ߲߫ ߘߎ߲߬ߓߎߦߊ߬ ߓߐ ߞߐ ߟߋ߬ ߘߐ߫ ߞߕߌߖߌ߲ ߛߊ߲ߘߐߕߊ ߟߊ߫߸ ߣߌ߫ ߡߐ߰ ߛߌߦߊߡߊ߲߫ ߖߍ߬ߘߍ ߦߴߊ߬ ߝߐ߫ ߟߊ߫ ߞߏ߫ ߺ ߏ߬ ߝߣߊ߫ ߓߘߴߊ߬ ߟߊ߫ ߡߊ߬ߡߌ߬ߘߊ߬ߟߌ ߟߊߘߏ߲߬، ߝߊ߲߬ߞߊߛߌ߬ߣߊ ߟߎ߬ ߓߘߴߏ߬ ߡߍ߲ ߞߏߢߊ ߡߊߓߎ߬ߙߎ߲߬ߕߌ߬، ߕߟߋ߬ ߁߀ ߠߋ߬ ߞߏ߬ߣߌ߲ ߦߋ߫ ߞߕߌߖߌ߲ ߛߊ߲ߘߐߕߊ ߓߟߏ߫ ߡߎ߬ߕߎ߲߬߸ ߞߊ߬ ߢߣߊߕߊߟߌ ߡߊ߬ߡߌ߬ߘߊ߬ߟߊ߫ ߕߊ߬ߣߍ߲ ߠߎ߬ ߕߐ߮ ߟߊߥߊ߲߬ߞߊ߲߬ ߣߍߣߍߓߊ ߕߟߋ߬ ߁߃ ߣߊ߬ߕߐ ߡߊ߬.
ߓߐߛߎ߲: ߖߌ߬ߣߋߣߌߥߖ߭.
ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.
