ߛߊ߬ߥߏ ߖߍ߬ߘߍ ߞߘߐ ߕߞߌߕߞߌ ߟߋ߬ ߞߊ߲ ߘߐ߫ (ߡߊ߬ߡߙߊ) ߘߌ߫ ،ߏ߬ ߟߋ ߘߐ߫ ߸ߒߞߏߝߐߟߊ ߘߏ߫ ߟߎ߫ ߦߴߊ߬ ߝߐ߫ ߟߊ߫ ߞߏ߫ ߞߵߊ߬ ߟߊߛߊ߬ߥߏ߬ ߏ߬ ߞߘߐ߫ ߟߋ߬ ߞߏ߫ ߞߵߊ߬ ߟߊߡߙߊ߬ (ߌ ߕߦߊ ߟߊ߫)ߏ߬ ߘߏ߲߬ ߓߊ߯ ߞߍ߫ ߸ߌ ߛߊ߬ߥߏ ߟߵߏ߬ ߘߐ߫ (ߌ ߟߊ߫ ߡߊ߬ߙߊ ߟߵߏ߬ ߘߐ߫ ߞߊ߬ߣߌ߲߬ ) ߒ߬ߓߊ߬ ߸ߏ߬ ߟߋ ߞߊ߲ߡߊ߬ ߸ߡߊ߬ߣߌ߲߬ߞߊ ߦߴߊ߬ ߟߊ߫ ߞߏ߫ ߛߓߍ ߟߎ߫ ߓߏ߲߬ߧߊ ߟߊߛߋߞߊ߲ ߞߍ߫ ߟߴߊ߬ ߟߊ߫ ߡߐ߰ߓߊ ߟߎ߫ ߡߊ߬ ߞߏ߫ (ߏ߬ ߟߋ ߤߊ߲ ߞߵߊ߬ ߟߊߛߴߊߟߎ߫ ߡߊ߬ ߸ߊߟߎ߫ ߛߊ߬ߥߏ߬) ߞߊ߬ ߞߵߏ߬ ߡߊ߬ߡߙߊ ߕߏ߫ ߡߐ߰ߓߊ ߟߎ߫ ߞߢߐ߬ ߘߐ߫ ߞߊ߬ߣߌ߲߬ ߸ߊ߬ߟߎ߬ ߦߴߊ߬ ߟߊߕߍ߰ ߢߊ ߡߊ߬ ߡߍ߲ ߘߎߡߊ߲߫ ߊ߬ߟߎ߬ ߦߋ߫ ߡߐ߰ߓߊ߬ ߤߊ߲ߞߟߌ ߟߊ߫.
ߞߏ߬ߡߌ߲߬ ߸ߡߐ߱ ߛߊ߬ߥߏ ߦߋ߫ ߝߋ߲-ߋ-ߝߋ߲߫ ߘߐ߫ ߌ ߘߴߏ߬ ߦߟߍ߬ߡߊ߲ߦߟߍ߬ߡߊ߲߫ ߢߊ ߡߊ߬ ߡߍ߲ ߘߌߡߴߌ ߢߍ߫߸ߌ ߘߏ߲߬ ߠߊ߫ ߘߌ߬ߢߍ߬ߢߌߣߌ߲ ߣߌ߫ ߘߌߦߊߒߢߍ ߝߣߊ߫ ߦߴߏ߬ ߟߋ ߘߐ߫ ߞߊ߬ߡߊߛߐ߬ߘߐ߲߬ ߌ ߟߊ߫ ߡߊ߬ߡߙߊ߬ߝߋ߲ ߠߋ߬ ߡߍ߲ ߧߋ߫ ߟߊߕߊ߯ߡߊ߫ ߟߴߌ ߢߣߊߣߊ߲ߕߊ ߞߊ߲߬ ߕߘߋ߫.
ߏ߬ ߘߐ߫ ߡߐ߱ ߓߌ߬ߟߊ ߞߏ ߟߎ߬ ߞߍ ߘߐ߫ ߊ߬ ߖߘߍ߬ߕߊ߬ߓߟߏߡߊ߬ ߏ߬ ߟߋ (ߖߘߍ߬ߛߊ߬ߥߏ߬ߞߍ ߘߌ߫) ،ߊ߬ ߖߍ߬ߘߍߡߊߡߊ߬ߙߊ ߣߌ߫ ߞߏ ߟߎ߬ ߡߊߡߊ߬ߙߊ ߦߋ߫ ߞߴߊ߬ ߕߊ߫ ߘߌ߫ ߞߊ߬ߣߌ߲߬،ߒ߬ߓߊ߬ ߸ߏ߬ ߕߌ߱ ߟߋ߬ ߡߊߕߐ߯ ߟߊ߫ ߛߊ߫ ߞߏ߫ (ߖߘߍ߬ߛߊ߬ߥߏ) ،ߞߙߐ߬ߛߌ߬ߺߕߊ ߡߍ߲ ߧߴߦߋ߲߬ ߛߊ߫ ߸ߒߞߏ ߘߐ߫ : ߛߓߍߘߋ߲߫ (ߖ) ߘߴߛߋ߫ ߦߟߍ߬ߡߊ߲߬ ߠߊ߫ (ߦ) ߘߌ߫ ߞߊ߲ ߞߎ߬ߙߎ߲߬ߘߎ ߘߐ߫،ߏ߬ ߟߋ ߞߏߛߐ߲߬߸ߊ߰ ߛߋ߫ ߟߊ߫ ߝߐ߫ ߟߊ߫ ߝߣߊ߫ ߞߏ߫ (ߦߘߍ߬ߛߊ߬ߥߏ) ،ߒ߬ߓߊ߬ ߞߏߡߌ߲߬ ߊߙߊߓߎߞߊ߲ ߘߐ߫ ߘߞߋ߬ߝߊ ߟߎ߬ ߦߴߊ߬ ߝߐ߫ ߟߊ߫ ߞߏ߫ ( ߦߊ߬ߛߊߎ߫ ߡߊ߲߬ߛߊ) ،ߏ߬ ߝߣߊ߫ ߣߴߊ߲ ߕߊ߫ ߞߘߐ߫ (ߦߘߍ߬ߛߊ߬ߥߏ ߡߊ߲߬ߛߊ) ߓߍ߲߬ߣߍ߲߬ ߢߐ߲߮ ߡߊ߬ ߡߍ߲ߞߍ߭ ،ߏ߬ ߟߎ߫ ߝߣߊ߫ ߞߵߊ߬ ߞߍ߫ ߊߙߊߓߎߞߊ߲߫ ߛߌ߲ߞߊߺߣߍ߲ ߘߌ߫ ߒ߬ ߠߊ߫ ߞߊ߲ ߟߐ߲ߓߊߟߌߦߊ ߡߊ߬ ،ߍ߲߫ߍ߲߬ ߊߙߊߓߎߞߊ߲߫ ߛߌ߲ߞߊߺߣߍ߲߫ ߕߍ߫ ،ߊ߬ ߛߎ߮ ߞߊ߫ ߛߌߦߊ߫ ߘߎߢߊߞߊ߲ ߠߎ߬ ߣߌ߫ ߢߐ߲߮ ߕߍ߫ ߣߌ߫ ߡߐ߱ ߡߍ߲ ߦߊ߯ߟߊ߫ ߘߊ߫ ߞߊ߬ߣߌ߲߬߸ߌ ߦߋ߫ ߞߍ߫ ߟߴߊ߬ ߞߊ߬ߟߊߡߊ߬ ߝߋߝߋ߫،ߏ߬ ߘߐ߫ ߸ߞߊ߲ ߥߘߋ߬ߥߘߋ߬ߟߌ ߘߐ߫ : ߌ ߦߴߌ ߘߐߖߊ߬ ߞߊ߬ ߞߎ߬ߙߎ߲߬ߘߎ ߢߌ߲߬ ߠߎ ߟߐ߲߫ ߞߊ߬ ߢߊ߬ ߸ߏ߬ ߓߴߌ ߕߊ߲߬ߞߊ߬ ߸ߊ߬ ߣߴߌ ߞߴߌ ߓߌ߬ߟߴߌ ߦߟߌ߫ ߘߐ߫ ߞߊ߲ ߞߎߡߊߘߋ߲ߞߏ ߡߊ߬ߝߊ߲ߝߍ߬ ߞߏߛߓߍ߫.
ߓߊߘߋ߲߫ ߓߘߍ ߊ߬ ߢߊߟߐ߲ ߛߌߟߊ ߘߏ߫ ߟߎ߫ ߝߟߍ߫ ߣߌ߲߬ ߟߊ߬ߘߛߍ߬ߓߟߏߡߊ߬ ߞߵߊ߬ ߕߐ߬ߓߊ ߕߏ߫ ߞߊ߲ ߥߘߋ߬ߥߘߋ߬ߟߌ ߟߍߙߊ ߘߐ߫ ،ߏ߬ ߝߟߍ߫ ߣߌ߲߬ :
ߟߊߒߡߦߊߟߌ : ߏ߬ ߦߋ߫ ߟߋ߬: ߛߎ߲ߞߎ߲ ߞߊ߬ ߞߊ߲ߺߕߌ߮ ߓߍ߯ ߟߊߓߌ߬ߟߊ߬ ߢߊ ߡߍ߲ ߊ߬ ߟߊ߫ ߞߊ߲ ߘߏ߲߬ߖߟߎ߬ߺߡߊ߬ߢߊ ߟߊ߫߸ ߛߌ߰ߦߙߐ ߓߐ߰ߺߝߍ ߘߐ߫..
ߦߏ߫ : ߒ߬ ߧߴߊ߬ ߝߐ߫ ߟߊ߫ ߛߋ߲߬ߡߊ߬ߘߏ߲ ߘߏ߫ ߡߊ߬ ߞߏ߫ : (ߔߋߕߎߔߋߕߎ)،ߓߊߏ߬ ߸ߒ߬ ߧߋ߫ ߘߎ߱ ߝߊ߬ߘߌ ߛߎ߯ߦߊ ߡߍ߲ ߘߐ߫ ߏ߬ ߟߋ ߞߵߊ߲ ߠߊߓߌ߬ߟߴߊ߬ ߟߊ߫ ߕߋ߲߬ ߣߊߟߌ߬ߡߎ߲߫ ߜߙߋߞߙߋ-ߟߊ-ߕߊ߯ߡߊߞߊ߲ ߘߌ߫،ߊߙߊߺߓߎ ߟߎ߬ ߝߣߊ߫ ߞߊ߲߫ ߊ߬ ߡߊ߬ ߞߏ߫ (ߛ߭ߌߔߑߛ߭ߌߔ)،ߓߊߏ߬ ߸ߏ߬ ߟߎ ߝߣߊ߫ ߟߊ߫ ߘߎ߱ ߝߊ߬ߘߌ ߛߎ߯ߦߊ ߟߋ ߞߵߊ߬ߟߎ߬ ߟߊߓߌ߬ߟߴߊ߬ ߟߊ߫ ߕߋ߲߬ ߣߊߟߌ߬ߡߎ߲߫ ߕߌ߬ߢߍ߬ߝߎ߬ߥߊ߬- ߟߊ߬- ߕߊ߰ߡߊ߬ߞߊ߲ ߘߌ߫،ߣߌ߲߬ ߣߴߊ߬ ߟߡߊ߫ ߛߎ߮ ߟߎ߬ ߞߊ߫ ߛߌߦߊ߫ ߞߊ߲ ߠߎ߬ ߘߐ߫ ߞߏߛߓߍ߫،ߏ߬ ߘߐ߫ ߸ߊߟߎ߫ ߟߊ߫ ߝߋ߲߫ ߕߐ߮ ߟߊ߫ ߡߍ߲ ߓߊ߯ ߓߍ߲߬ ߟߊߒߡߦߊߟߌ ߛߌߟߊߝߍ߬ ߡߍ߲ߞߊ߲ ߘߐ߫ ߘߐߙߐ߲߫ ߏ߬ ߟߎ ߞߎߡߊߘߋ߲ ߠߎ߬ ߞߊߟߌߡߊ߲߫ ߞߍ߫ ߟߊ߫ ߞߋߟߋ߲߫ ߘߌ߫ ߟߋ߬ ߝߐߟߌ ߘߐ߫ ߦߏ߫ ߛߌ߬ߛߍ ߟߊ߫ (ߞߊߞߊ) ߢߊ ߡߍ߲ ߊߙߊߓߎ ߣߌ߫ ߒߞߏ ߓߍ߯ ߘߐ߫.
ߓߐߒߡߦߊߟߌ : ߏ߬ ߦߋ߫ ߟߋ߬ : ߓߐߡߦߊ ߡߍ߲ ߧߋ߫ ߞߊ߲߫ ߝߌ߬ߟߊ ߘߐ߫ ߞߎߡߊߘߋ߲ ߠߎ߬ ߕߍ߫ ߞߘߐ ߣߌ߫ ߡߍ߲ߞߊ߲ ߓߍ߯ ߘߐ߫ ،ߏ߬ ߞߘߐ ߟߋ߬ ߞߏ߫ ߊߟߎ߫ ߝߌ߬ߟߊ ߓߍ߯ ߦߴߊ߬ ߝߐ߫ ߟߊ߫، ߞߊ߬ߕߎ߲߰߸ ߘߏ߫ ߡߴߊ߬ ߛߌ߲ߞߊ߫ ߘߏ߫ ߓߟߏ߫ ،ߦߏ߫ ߒ߬ ߞߊ߲߫ ߞߏ߫( ߡߎߣߎ߲ߡߎߣߎ߲߫) ߕߊߦߌߞߊ߲ ߝߣߊ߫ ߘߐ߫ ߏ߬ ߟߎ߬ ߝߣߊ߫ ߞߊ߲߫ ߞߏ߫ (ߡߎߣߑߡߎߣߑߡߎߣ) ،ߊߙߊߓߎ ߟߎ߬ ߝߣߊ߫ ߞߊ߲߫ ߞߏ߫ ߡߊ߯ߺߟߊ߬ ߏ߬ ߞߘߐ ߟߋ ߞߊ߬ ߖߍ߲߬ߞߍ߬ ،ߒ߬ ߝߣߊ߫ ߞߊ߲߫ ߞߏ߫ ߡߟߊ߫ ߏ߬ ߞߘߐ ߟߋ߬ ߞߊ߬ ߖߍ߬ߞߍ߲߬ ،ߒ߬ߓߊ߬ ߸ ߢߌ߲߬ ߠߎ ߟߋ߬ ߕߐ߮ ߛߊ߫ ߞߏ߫ ߞߎߡߊߘߋ߲߫ ߓߐߡߊ ߟߎ߬ ߞߊ߲߫ ߝߌ߬ߟߊ ߘߐ߫. ߊ߬ ߞߊ߫ ߛߌߦߊ߫ ߞߏߛߓߍ߫ ߞߊ߲ ߠߎ߬ ߕߍ߫.
ߓߐߢߐ߲߯ߞߏߦߊߟߌ : ߏ߬ ߦߋ߫ ߞߎߡߊߘߋ߲ ߥߟߊ߫ ߞߎߡߦߊ߫ ߝߌ߬ߟߊ ߟߋ ߓߍ߲߭ ߘߌ߫ ߡߍ߲ߞߊ߲ ߘߐ߫ ߞߊ߲߫ ߝߌ߬ߟߊ ߕߍ߫ ߞߊ߬ߕߎ߲߰ ߸ߊ߬ߟߎ߬ ߞߘߐ ߕߍ߫ ߞߋߟߋ߲߫ ߘߌ߫ ߦߏ߫ : ߛߏ߬ߛߏ߬ߞߊ߲ ߕߊ߬ߣߊ߯ ߡߎ߲߬ ߸ߏ߬ ߞߘߐ ߟߋ߬ ߞߏ߫ ߕߣߊ߬ ߕߴߦߋ߲߬، ߊߙߊߓߎߞߊ߲ ߘߐ߫߸ ߏ߬ ߞߘߐ ߟߋ߬ ߞߴߌ ߦߋ߫ ߛߎ߬ߣߐ߮ ߘߐ߫ ߓߊ߬ ؟ ߓߊߡߊߣߊ߲ߞߊ߲ ߝߣߊ߫ ߘߐ߫ (ߊ߲ ߧߴߊ߬ ߕߊ߬ ߞߵߊ߬ ߘߴߊ߬ ߡߊ߬) ߏ߬ ߞߘߐ ߟߋ߬ ߞߏ߫ ߊ߲ ߧߋ߫ ߝߋ߲ ߏ߬ ߕߊ߬ ߊ߲ ߓߟߏ ߟߊ߫ ߞߵߊ߬ ߘߌ߫ ߊ߬ ߡߊ߬ ،ߊߙߊߓߎߞߊ߲ ߘߐ߫ (أن يتقدم) ߏ߬ ߞߘߐ ߊ߰ ߥߙߎߞߌ߫،ߣߌ߲߬ ߟߊߒߡߊ ߞߊ߫ ߛߌߦߊ߫ ߞߏߛߓߍ߫ ߞߊ߲ ߠߎ߬ ߕߍ߫.
ߡߎߣߎ߲ߧߊߟߌ :ߏ߬ ߦߋ߫ ߞߎߡߊߘߋ߲߫ ߝߌ߬ߟߊ ߡߎߣߎ߲ ߠߋ߬ ߘߌ߫ ߡߍ߲ߞߊ߲ ߘߐ߫ ߘߏ߯ߣߍ߲߫ ߥߟߊ߫ ߓߊߞߍ߬ ߞߵߊ߬ ߟߐ߬ ߞߏ߫ ߞߋߟߋ߲߫ ߡߊ߬ ߝߣߊ߫߸ ߞߘߐ ߘߐ߫ ߥߟߊ߫ ߟߊ߬ߢߌߣߌ߲ ߘߐ߫،ߣߌ߲߬ ߧߋ߫ ߞߍ߫ ߟߊ߫ ߥߊߟߌߞߊ߲߫ ߘߞߋߟߊ ߝߊ߬ߞߊ߲߬ߟߐ߲߬ߓߊߟߌ ߝߊ߲߬ߓߊ ߓߟߏ߫ ߞߎߡߊߘߋ߲߫ ߛߌ߲ߞߊߺߣߍ߲ ߠߋ߬ ߘߌ߫ ߞߊ߬ ߛߌߦߊߦߊ߫ ،ߊ߬ ߦߋ߫ ߛߎ߯ ߝߌ߬ߟߊ߫ ߟߋ߬ ߘߌ߫ :
ߝߟߐ : ߡߍ߲ߞߊ߲ ߧߋ߫ ߝߘߏ߬ ߢߐ߲߯ ߡߊ߬ ߘߏ߯ߺߣߍ߲߫ ߕߋ߲߬ ߞߊ߬ ߓߍ߲߬ ߓߍ߯ ߣߍ߲߭ ߛߎ߯ߦߊ ߡߊ߬ ،ߦߏ߫ ߞߎߡߊߘߋ߲߫ ߝߌ߬ߟߊ ߣߌ߲߬ (ߛߌߞߊ ߣߌ߫ ߛ߭ߊߺߞߎ) (الشك) (ߤߊ߬ߙߌ߬ߖߍ߮ ߣߌ߫ ߌ߬ߙߌ߬ߖ߭ߑߞ߳) ߣߌ߲߬ ߝߌ߬ߟߊ ߓߍ߯ ߕߊ ߦߴߊ߬ ߕߊ߫ ߞߊ߲ ߠߋ߬ ߘߌ߫ ߝߛߊߦߌ߫ ߘߏ߫ ߡߴߊ߬ ߛߌ߲ߞߊ߫ ߘߏ߫ ߓߟߏ߫.
ߊ߬ ߘߏ߫ ߟߎ߫ ߝߟߍ߫ ߣߌ߲߬ :
ߒ ߡߊ߬ =أمي (ߎߺߡߺߌ߯ ߥߟߊ߫ ߎ߬ߺߡߊ߮)
ߓߊ߬ = أب ߥߟߊ߫ ߓߎ߬ߥߊ߫=أبو.
ߓߊ߬ߺߓߊ߬ =بابا =(ߓߊ߯ߺߓߊ߮) ،ߊ߬ ߣߌ߫…
ߝߌߟߊߣߊ߲ : ߡߍ߲ߞߊ߲ ߧߋ߫ ߓߍ߲߬ ߢߐ߲߮ ߡߊ߬ ߝߐߟߌ ߘߐ߫ ߕߋߙߎ߫ ߞߊ߬ ߟߊ߬ߢߌߣߌ߲ ߝߣߊ߫ ߓߍ߲߬ ߢߐ߲߮ ߡߊ߬ ߕߋߙߎ߫ ،ߒ߬ߞߊ߬ ߸ߞߎߡߊߘߋ߲ ߞߘߐ ߕߍ߫ ߞߋߟߋ߲߫ ߘߌ߫ ،ߦߏ߫ : ߛߞߎ ߣߌ߫ سوق ߦߋ߫ ߢߊ ߡߍ߲ ߒߞߏ ߣߌ߫ ߊߙߊߓߎ ߘߐ߫.
ߞߎߡߊߘߋ߲ ߝߟߐߡߊ : (ߛߞߎ) ߊߙߊߓߎߞߊ߲ ߘߐ߫ ،ߊ߬ߟߎ߫ ߖߍ߬ߘߍ ߕߊ߫ ߢߊߝߐߟߌ߫ ߘߐ߫ ߏ߬ ߝߟߍ߫ ߣߌ߲߬ (سمي سوقا لانه كانت تساق اليه الدواب والأشياء لبيعها)ߏ߬ ߞߘߐ ߟߋ߬ ߞߏ߫ ߊ߬ ߥߋ߯ߟߋ߫ ߘߊ߫ ߞߏ߫ (ߛߞߎ ،ߓߊߏ߬ ߸ߊ߬ߟߎ߬ ߦߋ߫ ߓߌߦߊ߲ ߠߎ߬ ߘߊߖߟߎ ߛߊ߬ߡߊ߲߬ ߠߴߊ߬ ߣߌ߫ ߝߋ߲ ߠߎ߫ ߞߊ߬ ߦߋ߲߬ ߡߊߜߍ߲߫߸ߝߋ߬ߙߋ ߞߊ߲߫ ߡߊ߬ ) ߛߞߎ ߖߍ߬ߘߍ ߊߙߊߓߎ߫ ߞߎߡߊߘߋ߲ ߞߘߐ ߟߋ߬ ߞߏ߫ (ߛߊ߬ߺߡߊ߲)،ߏ߬ ߘߏ߲߬ ߣߌ߫ ߒߞߏ (ߛߞߎ) ߟߢߊ ߡߊ߫ ߕߊ߬ ߝߋ߲߫ ߞߋߟߋ߲߫ ߡߊ߬ ،ߦߏ߫ ߊ߲ ߘߌߣߊ߬ ߛߴߏ߬ ߡߊ߬ ߢߊ ߡߍ߲ ߛߍ߲.
ߞߎߡߊߘߋ߲ ߝߌߟߊߣߊ߲ : (ߛߞߎ) ߝߋ߲߫ ߝߙߋ߬ߕߊ ߛߎ߯ߦߊ ߟߎ߫ ߛߐ߬ߘߐ߲߬ߦߌߟߊ،ߛߞߎ ߦߴߊ߬ ߞߎߡߊߘߋ߲ ߖߍ߬ߘߍ ߝߐߢߊ ߟߊߘߛߍߣߍ߲ ߠߋ߬ ߘߌ߫ ߣߐߺߕߍ߬ ߊ߬ ߘߐߝߎߟߋ߲ߣߍ߲ ߠߋ߬ (ߛߞߎߝߍ) ߘߌ߫ ،ߝߙߋ߬ߝߋ߲ ߠߎ߬ ߝߍ ߞߊ߬ߣߌ߲߬.
ߡߟߊߓߌߘߌ߲߫ ߛߎ߬ߞߊ߬ߣߍ߬ ߓߟߏ߫߸ ߞߊ߲ ߥߘߋ߬ߥߘߋ߬ߦߊ ߢߊ߰ߘߐ߬ߘߌ߬ߦߊ߬ߟߊ
