ߥߋ߲߬ߛߋ߲ ߣߌ߫ ߖߌߛߎ߲ߞߋߡߎ߲ ߠߎ߬ ߞߏߕߌ߯ߘߊ ߣߐ߬ ߗߋߛߓߍ ߘߏ߫ ߟߋ߬ ߟߊߖߍ߲ߛߍ߲߫ ߠߊ߫߸ ߞߊ߬ ߘߊ߲߭ߛߌ߰ ߞߏ ߝߐ߫ ߖߌ߫ ߣߐ߮ ߟߎ߫ ߞߎ߲߭ ߓߍ߲߭ ߠߊ߫ ߛߌߟߊ ߡߊ߬ ߟߎ߫ ߞߣߐߟߊ ߟߎ߬ ߓߟߏ߫ ߛߐ߲߬ ߞߐߣߊߞߙߌ߫ ߞߣߐ߫.
ߓߌ߲ߠߊߥߎߟߋ߲ ߕߋ߬ߟߋ߫ ߂߁ ߕߊ߬ߡߌ߲߬ߣߍ߲ ߡߊ߬߸ ߥߋ߲߬ߛߋ߲ ߣߌ߫ ߖߌߛߎ߲ߞߋߡߎ߲ ߝߘߏ߬ߓߊ߬ ߞߟߊ߬ߕߌ߮߸ ߓߊ߬ߛ߭ߌߙ ߞߡߊ߬ߙߊ߫ ߞߊ߬ ߗߋߛߓߍ ߘߏ߫ ߟߊߕߊ߯ ߞߐߣߊߞߙߌ߫ ߞߎ߲߬ߠߊ߬ߛߌ߰ߟߊ ߡߊ߬߸ ߞߵߊ߬ ߦߌ߬ߘߊ߬ ߞߏ߫ ߓߐ߰ߝߍ ߣߌ߫ ߞߍ߲ߘߍߦߊ ߘߐߞߛߐ߫ ߞߏ ߘߏ߫ ߦߋ߫ ߛߋ߲߬ߠߊ߫ ߞߐߣߊߞߙߌ߫߸ ߘߊ߲߬ ߞߊ߫ ߞߊ߲߫ ߞߊ߬ ߛߌ߰ ߏ߬ ߟߊ߫ ߌߞߘߐߣߌ߲߬.
ߌߞߏߡߌ߲߬ ߖߊ߬ߡߊ ߟߊ߫ ߞߍ߲ߘߍߦߊ ߞߎ߬ߘߎ ߦߋ߫ ߞߏߕߌ߯ߘߊ ߢߌ߲߬ ߞߊ߲ߠߊ߫߸ ߊ߬ ߣߌ߫ ߖߊ߬ߡߊ ߟߊ߫ ߟߊߕߊ߲߬ߞߊ ߣߴߊ߬ߟߎ߬ ߟߊ߫ ߞߍ߲ߘߍߦߊ ߘߐߞߛߐ ߡߊߕߊ߲߬ߞߊ߬ ߞߏ ߟߎ߬ ߞߏߛߐ߲߬߸ ߝߘߏ߬ߓߊ߬ ߞߟߊ߬ߕߌ߮ ߞߵߊ߬ ߦߌ߬ߘߊ߬ ߞߏ߫ ߞߏߢߊ ߏ߬ ߟߊߕߐ߲ ߡߊ߲߫ ߞߊ߲߫ ߞߊ߬ ߞߍ߫ ߞߏ߫ ߟߐ߯ߟߕߊ߫ ߘߌ߫߸ ߝߏ߫ ߡߙߐߘߐ߫ ߖߐ߲ߖߐ߲߫ ߦߋ߫ ߕߊ߬ ߏ߬ ߞߊ߲ߡߊ߬ ߘߎ߰ߞߣߍ ߡߊ߬ߡߙߊ߬ߟߌ߬ ߘߊߞߎ߲ ߓߍ߯ ߘߐ߫، ߊ߬ ߞߵߊ߬ ߝߐ߫ ߞߎ߲߬ߠߊ߬ߛߌ߰ߟߊ ߦߋ߫ ߛߓߍ߫ ߞߋߟߋ߲ ߣߌ߲߬ ߞߣߐ߫߸ ߞߏ߫ ߊ߬ ߦߋ߫ ߞߎߡߊ߫ ߞߊ߬ߝߏ߬ߙߋ߲߬ߕߌ߮ ߟߎ߬ ߦߋ߫߸ ߞߌ߲߬ߕߌ߮ ߟߎ߬ ߣߌ߫ ߞߎ߲߬ߘߊ ߞߎ߲߬ߕߌ߮ ߟߎ߬ ߦߋ߫߸ ߛߴߊ߬ߟߎ߬ ߘߌ߫ ߟߎ߫ ߞߣߐ߫ ߡߐ߮ ߟߎ߬ ߟߊߟߌ߫ ߢߊ ߡߍ߲ ߡߊ߬߸ ߡߍ߲ ߠߎ߬ ߟߊ߫ ߖߌ ߦߋ߫ ߥߦߏ߬ ߟߊ߫ ߖߘߏ߬ߓߊ߬ ߛߌߟߊ ߞߊ߲߬.
ߒ߬ߓߊ߬߸ ߌߞߏߡߌ߲߬ ߘߌ߲߬ߞߌߙߊ ߝߊ߰ߡߊ ߟߎ߬ ߓߘߊ߫ ߟߐ߬ ߞߎߡߊ߫ ߟߊ߫ ߖߡߊ߬ߣߊ߬ߘߋ߲ ߠߎ߬ ߦߋ߫߸ ߞߵߊ߬ߟߎ߬ ߟߊߟߐ߲ߠߌ߲߫߸ ߊ߬ ߣߌ߫ ߞߵߊ߬ߟߎ߬ ߢߊ ߕߏ߫ ߡߙߌߘߐ߫ ߕߊ߬ߣߍ߲ ߝߍ߬ ߛߊ߫ ߡߐ߰ ߛߌ߫ ߞߊߣߵߊ߬ ߡߊߛߐ߬ߛߐ߬ ߢߊ ߡߍ߲ ߡߊ߬، ߊ߬ߟߎ߬ ߓߘߊ߫ ߕߟߋ߬ ߃߀ ߘߌ߫ ߓߍ߯ ߡߊ߬߸ ߟߎ ߡߍ߲ ߠߎ߬ ߞߵߊ߬ ߟߐ߲߫ ߞߐߣߊߞߙߌ߫ ߞߣߐ߫ ߞߏ߫ ߊ߬ߟߎ߬ ߟߊ߫ ߖߌ߫ ߣߐ߮ ߦߋ߫ ߖߌ߰ ߟߊ߫ ߛߌߟߓߊ ߞߊ߲߬߸ ߏ߬ ߟߎ߬ ߦߋ߫ ߛߊߞߍߟߌ߫ ߖߐ߲ߖߐ߲ ߞߍ߫ ߌߞߘߐߣߌ߲߬.
ߣߌ߫ ߕߟߋ߬ ߃߀ ߏ߬ ߕߊ߬ߡߌ߲߬ ߘߊ߫߸ ߖߊ߲߬ߞߌ߬ߟߌ߫ ߘߍ߬ߜߍ ߘߌ߫ ߓߌ߬ߟߴߊ߬ ߘߐ߫، ߡߐ߰ ߛߌ߫ ߞߵߊ߬ ߞߏ ߡߊߛߐ߬ߛߐ߬߸ ߏ߬ ߘߌ߫ ߞߋ߲߬ߥߟߎ߬ ߁߅ ߛߊ߬ߙߊ߫ ߖߌ߬ߣߍ߬ ߕߊߡߊ߲ ߘߐ߫߸ ߥߛߎߟߊߘߏ߲ ߘߌ߫ ߛߋ߫ ߓߐ߫ ߟߴߊ߬ ߘߐ߫߸ ߞߵߏ߬ ߞߎ߲߭ ߞߍ߫ ߡߐ߰ ߜߘߍ ߟߎ߬ ߟߊ߫ ߢߣߊߡߦߊ ߓߌ߬ߟߊ ߘߌ߫ ߖߐ߬ߘߐ ߘߐ߫. ߞߏߕߌ߯ߘߊ ߞߊ߲߫ ߞߏ߫ ߝߏ߫ ߡߐ߱ ߟߎ߬ ߦߴߊ߬ߟߎ߬ ߟߊ߫ ߘߎߢߊ߫ ߘߐߕߍ߰ ߛߊߣߌ߲ߧߊ ߟߋ߬ ߞߣߐ߫߸ ߟߊ߬ߞߊ߲߬ߘߊ߬ߟߌ ߟߋ߬ ߞߣߐ߫.
ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.
