ߓߖ߭ߊߖ߭ ߞߐߦߌߘߊߓߊ߮ ߡߍ߲ ߠߎ߬ ߦߋ߫ ߖߌ߬ߣߍ߫ ߖߡߊ߬ߣߊ ߞߊ߲߬ ߦߊ߲߬߸ ߏ߬ ߟߎ߬ ߓߘߴߊ߬ߟߎ߬ ߟߊ߫ ߝߊ߲ߓߊ߫ ߞߎߘߊ ߘߊߦߟߍ߬ ߓߌߟߏ߲ ߣߌ߲߬ ߡߊ߬߸ ߞߊ߲ߞߊ߲߫ ߞߣߐ߫، ߏ߬ ߞߍ߫ ߘߊ߫ ߖߊ߲߬ߖߏ߲߬ߓߊ߫ ߟߋ߬ ߘߌ߫߸ ߡߍ߲ ߘߌߦߊ߫ ߘߊ߫ ߔߏߔߏ߫ ߕߌ߮ ߟߎ߬ ߣߌ߫ ߔߏߔߏ߫ ߘߐߓߍ߲ߠߊ ߟߎ߬ ߦߋ߫ ߞߏߛߓߍ߫.
ߖߊ߲߬ߖߏ߲ ߣߌ߲߬ ߞߍ߫ ߘߊ߫ ߞߊ߲ߞߊ߲߫ ߡߊ߬ߡߙߊ߬ߟߌ ߣߌ߫ ߘߌ߲߬ߞߌߙߊ ߝߊ߰ߡߊ߬ ߛߌߦߊߡߊ߲߫ ߠߋ߬ ߢߣߊ߫߸ ߗߋߘߋ߲߫ ߓߟߏߡߊߞߊ߬ߣߍ߲ ߠߎ߬ ߞߊ߲ߕߌ߮ ߟߋ߬ ߞߊ߬ ߛߌߟߊ ߘߌ߫ ߖߊ߲߬ߖߏ߲ ߣߌ߲߬ ߡߊ߬߸ ߊ߬ߙߊ߬ߝߊ߲߬ ߡߎߛߊ߫ ߞߎ߬ߟߌߓߊ߬ߟߌ߬، ߞߊ߲ߞߊ߲߫ ߡߙߊ߬ߓߊ߮ ߞߐߦߌ߬ߘߊ߬ ߘߊ߫ ߡߙߊ߬ߓߊ߰ߘߊ ߘߋ߲ߡߌߛߍ߲߫ ߞߎ߲ߕߌ߮ ߓߟߏ߫.
ߦߙߐ߫ ߞߎߘߊ ߣߌ߲߬ ߓߊ߯ߙߊ߫ ߘߊߞߎ߲ ߓߍ߯ ߟߋ߬ ߘߊ ߟߊߞߊ߬ ߘߊ߫ ߓߌ߬߸ ߏ߬ ߡߍ߲ ߛߐ߰ߒ߬ߡߊ ߞߍ߫ ߘߊ߫ ߔߏߔߏ߫ ߝߙߋ߫ ߦߙߐ ߟߊߞߊ߭ ߘߌ߫ ߊ߬ߙߊ߬ߝߊ߲߬ ߡߎߛߊ߫ ߞߎ߬ߟߌߓߊ߬ߟߌ߬ ߓߟߏ߫߸ ߞߊ߲ߞߊ߲߫ ߞߊ߬ߝߏ߬ߙߋ߲߬ߕߌ߮، ߏ߬ ߞߐ ߘߐ߫߸ ߦߙߐ ߕߐ߭ ߓߍ߯ ߘߟߊߞߊ߬ ߘߊ߫ ߝߊ߰ߡߊ ߟߎ߬ ߟߊ߫ ߓߏ߲߬ߧߊ ߞߣߐߡߊ߬.
ߦߙߐ߫ ߞߎߘߊ ߣߌ߲߬ ߘߐ߫߸ ߔߏߔߏ߫ ߝߙߋ߫ ߦߙߐ ߞߋߟߋ߲߫ ߕߍ߫ ߘߋ߬߸ ߓߊ߯ߙߊ߫ ߛߌߦߊߡߊ߲߫ ߠߋ߬ ߝߣߊ߫ ߦߋ߫ ߞߍ߫ ߟߊ߫ ߦߋ߲߬ ߔߏߔߏ ߟߎ߬ ߟߊ߫ ߞߏ ߘߐ߫، ߖߐ߲߰ߛߊ߫ ߡߐ߱ ߟߎ߬ ߘߌ߫ ߟߊߝߙߍ߫ ߊ߬ߟߎ߬ ߟߊ߫ ߓߏ߬ߙߌ߬ߝߋ߲߬ ߞߏ ߘߐ߫ ߢߊ ߡߍ߲ ߡߊ߬߸ ߊ߬ ߕߌ߯ߕߌ߯ ߥߊߟߌߥߊߟߌ߫ ߓߏߙߌߟߊ ߟߎ߬߸ ߏ߬ ߟߎ߬ ߡߍ߲ ߠߎ߬ ߛߌߦߊߡߊ߲ ߦߋ߫ ߓߖ߭ߊߖ߭ ߟߊߓߊ߯ߙߊ߫ ߟߊ߫ ߞߊ߬ߣߌ߲߬.
ߝߘߏ߬ߓߊ߬ ߗߋߕߌ߮ ߣߐ߬ ߞߎߡߊ ߕߊ߬ ߟߊ߫߸ ߊ߬ߟߋ ߡߍ߲ ߕߐ߯ ߞߏ߫ ߛߎߘߋ߲߯ߘߙߊ߫ ߖߏߛ߭ߌ߫߸ ߏ߬ ߞߵߊ߬ߟߎ߬ ߟߊ߫ ߥߊߟߌߘߊ ߟߊ߫ ߟߊ߬ߢߌߣߌ߲ ߦߌ߬ߘߊ߬:
<<ߊߝߙߌߞߊ߲߬ ߏ߬ߕߏ ߍ߲ߘߎ߳ߛߑߕߙߌ ߓߘߊ߸ ߓߐߘߊ߫ ߖߐ߲ߖߐ߲߫ ߠߋ߬ ߦߴߊ߲ ߓߟߏ߫ ߞߵߊ߬ ߘߌ߫ ߊ߲ ߠߊ߫ ߔߏߔߏ ߛߊ߲߬ߓߊ߮ ߟߎ߫ ߡߊ߬ ߓߏ߬ߙߌ ߓߐߒߣߘߐ ߟߊߣߐ߰ߦߊ ߘߊߞߎ߲ ߘߐ߫߸ ߓߙߊߞߊ ߘߐ߫߸ ߊ߬ ߣߌ߫ ߛߌ߬ߡߊ߬ߦߊ ߘߐ߫، ߓߌ߬ ߢߐ߲߰ ߟߏ߲߫߸ ߊ߲ ߛߍߥߊߣߍ߲ߓߊ ߟߋ߬،߸ ߞߵߏ߬ ߞߎ߲߭ ߞߍ߫ ߊ߲ ߟߌߟߌ߲ ߓߊ߲ߓߊ߲ ߘߌ߫ ߞߊ߲ߞߊ߲߫ ߞߣߐ߫߸ ߞߊ߬ ߞߍ߫ ߞߊ߲ߞߊ߲ߞߊ ߟߎ߫ ߝߍ߬ ߦߊ߲߬.>>
ߊ߬ ߞߵߊ߬ ߦߌ߬ߘߊ߬ ߝߣߊ߫ ߞߏ߫ ߊ߬ߟߎ߬ ߟߊ߫ ߝߊ߲ߓߊ ߣߌ߲߬ ߠߊߘߊ߲ߣߍ߲߫ ߠߋ߬߸ ߞߵߊ߬ ߞߏ ߓߍ߯ ߘߝߊ߫: <<ߊ߲ ߠߊ߫ ߝߊ߲ߓߊ ߡߍ߲ ߦߋ߫ ߕߋ߲߬߸ ߓߊ߯ߙߊ߫ ߛߌߦߊߡߊ߲߫ ߠߋ߬ ߞߍ߫ ߟߊ߫ ߦߙߐ߫ ߞߋߟߋ߲ ߣߌ߲߬ ߘߐ߫ ߦߊ߲߬߸ ߘߐ߬ߞߎߘߎ߲ ߠߎ߬ ߘߌ߫ ߛߐ߬ߘߐ߲߬߸ ߡߍ߲ ߠߎ߬ ߦߴߊ߬ ߓߍ߬ߘߍ ߘߌ߫߸ ߊ߬ ߣߌ߫ ߖߐ߯ߙߊ߲߫ ߞߊ߬ߞߎ߬ߘߊ߬ߡߊ ߟߎ߬، ߞߵߊ߬ ߟߴߊ߬ ߞߊ߲߬߸ ߔߏߔߏ߫ ߘߐߓߍ߲ߠߊ߫ ߞߙߍߞߙߍߣߍ߲ ߠߎ߬ ߦߴߊ߲ ߓߟߏ߫ ߦߊ߲߬߸ ߡߍ߲ ߠߎ߬ ߟߊߞߐ߯ߣߍ߲߫ ߔߏߔߏ߫ ߟߊߘߊ߲ߠߊ ߟߎ߫ ߖߍ߬ߘߍ ߓߟߏ߫.>>
ߝߘߏ߬ߓߊ߬ ߗߋߕߌ߮ ߟߊ߫ ߞߎߡߊ ߘߐ߫߸ ߊ߬ ߞߵߊ߬ ߦߌ߬ߘߊ߬ ߞߏ߫ ߊ߬ߟߎ߬ ߟߊ߫ ߔߏߔߏ ߟߎ߬ ߣߴߊ߬ߟߎ߬ ߖߐ߯ߙߊ߲ ߠߎ߬ ߟߊߘߊ߲ߣߍ߲߫ ߞߵߊ߬ ߓߍ߲߬ ߖߡߊ߬ߣߊ ߛߌ߰ߝߊߘߌ ߟߋ߬ ߡߊ߬߸ ߡߍ߲ ߘߌ߫ ߓߍ߯ ߟߊ߫ ߓߐߒߣߘߐ ߣߐ߰ߦߊ߬:
<<ߊ߲ ߞߎ߲߬ߠߊ߬ߦߋ߬ߙߋ߲߬ߣߍ߲ ߠߋ߬ ߔߏߔߏ߫ ߓߘߍ ߟߎ߫ ߓߌ߬ߟߊ߬ ߟߴߊߟߎ߫ ߛߊ߬ߥߏ߬ ߘߐ߫ ߦߊ߲߬߸ ߡߍ߲ ߠߎ߬ ߘߌ߫ ߓߍ߲߬ ߘߊߞߎ߲ ߓߍ߯ ߘߏ߫ ߘߐ߫، […] ߊ߬ ߘߏ߲߬ ߕߍ߫ ߓߊ߯ߙߊ߫ ߡߌ߬ߣߊ߬ ߟߊ߫ ߡߐ߰ ߟߊ߫، ߔߏߔߏ ߝߣߊ߫ ߓߊ߯ ߛߴߌ ߓߟߏ߫߸ ߊ߬ ߘߐߓߍ߲߭ ߘߌ߫ ߞߴߌ ߦߋ߫ ߢߊ߫ ߡߊ߬߸ ߡߍ߲ ߘߌ߫ ߣߐ߰ߦߊ߬ ߓߍ߯ ߟߊߘߍ߬ߣߍ߲ ߡߊ߬.>>
ߝߘߏ߬ߓߊ߬ ߗߋ߬ߕߌ߰ ߛߙߍߞߍ ߟߊ߫ ߝߐߟߌ߫ ߘߐ߫߸ ߊ߬ߟߋ ߡߍ߲ ߕߐ߯ ߞߏ߫ ߓߌߛߑߥߊߙߊ߲ߖߊ ߣߊߦߍ߳ߙ߸ ߏ߬ ߞߵߊ߬ߟߎ߬ ߞߏߟߊߘߍߢߐ߲߮ ߠߎ߬ ߝߏ߬ ߊ߬ߟߎ߬ ߟߊ߫ ߣߊ߬ߟߌ ߘߐ߫߸ ߊ߬ ߣߌ߫ ߞߊ߲ߞߊ߲ߞߊ ߟߎ߬ ߟߊ߫ ߓߐߟߌ ߞߊ߬ ߣߊ߬ ߛߐ߬ߘߐ߲߬ ߊ߬ߟߎ߬ ߟߊ߫ ߦߙߐ߫ ߞߎߘߊ߫ ߘߟߊߞߊ ߣߌ߲߬ ߘߐ߫، ߊ߬ ߛߐ߰ ߘߊ߫ ߘߏ߫ ߝߐ ߡߊ߬ ߓߖ߭ߊߖ߭ ߞߏ ߘߐ߬ߝߐ ߟߋ߬ ߞߊ߲߬ ߖߌ߬ߣߍ߬ ߞߣߐ߫:
<<ߊ߲ ߞߊ߬ ߓߊ߯ߙߊ ߘߊߡߌ߬ߣߊ߫ ߦߊ߲߬ ߞߊ߬ߦߌ߯ ߂߀߁߃ ߟߋ߬ ߟߊ߫، ߊ߲ ߠߊ߫ ߝߊ߲ߓߊ ߡߍ߲ ߦߴߊߟߎ߫ ߢߊߞߘߐ߫ ߣߌ߲߬߸ ߊ߬ ߞߊߙߏ߫ ߛߋߦߌ߲ ߠߋ߬ ߕߎ߲߬ ߦߋ߫ ߣߌ߲߬߸ ߊ߲ ߧߴߊ߬ ߞߏߢߊ ߘߐߓߍ߲߭ ߞߊ߲߬߸ ߛߴߊ߬ ߘߌ߫ ߛߋ߫ ߓߍ߯ ߡߊ߬ߞߏߢߊ߬ ߟߊ߫ ߢߊ ߡߍ߲ ߡߊ߬߸ ߞߊ߬ ߣߊ߬ ߘߐ߬ߞߎ߬ߘߎ߲߬ ߓߘߍߓߘߍ ߟߎ߬ ߘߌ߫.>>
ߊ߬ ߞߊ߬ ߝߊ߲ߓߊ ߟߊߞߊ߭ ߝߣߊ߫ ߕߐ߬ߣߐ ߝߐ߫߸ ߞߵߊ߬ ߦߌ߬ߘߊ߬ ߞߏ߫ <<ߣߴߊ߲ ߧߴߊ߬ ߝߍ߬ ߞߊ߬ ߛߋ߫ ߊ߲ ߠߊ߫ ߛߊ߲߬ߠߌ߲߬ߠߊ ߟߎ߫ ߖߎ߬ߛߎ ߛߎߡߊ߫ ߟߊ߫ ߞߵߊ߬ߟߎ߫ ߟߊ߲߬ߝߌߦߊ߫߸ ߝߏ߫ ߝߊ߲ߓߊ ߢߌ߲߬ ߦߋ߫ ߟߊߞߊ߬ ߟߋ߬.>>
ߏ߬ ߘߐ߫߸ ߓߖ߭ߊߖ߭ ߟߊ߫ ߝߊ߲ߓߊ߫ ߞߎߘߊ ߢߌ߲߬ ߠߊ߫߸ ߊ߬ߟߎ߬ ߕߍ߫ ߔߏߔߏ ߘߐߙߐ߲߫ ߝߙߋ߬ ߟߊ߫ ߘߋ߬߸ ߊ߬ߟߎ߬ ߦߋ߫ ߔߏߔߏ ߘߐߓߍ߲߬ ߠߊ߫ ߦߋ߲߬، ߔߏߔߏ߫ ߘߐߓߍ߲ ߏ߬ ߦߋ߫ ߞߍ߫ ߟߊ߫ ߡߍ߲ ߠߎ߬ ߓߟߏ߫߸ ߏ߬ ߟߎ߫ ߞߵߏ߬ ߞߊ߬ߙߊ߲ ߞߍ߫ ߟߋ߬ ߝߋߎ߫ ߞߵߊ߬ߟߎ߬ ߟߊߞߐ߯ ߊ߬ ߟߊ߫، ߏ߬ ߞߎ߲߭ ߠߋ߬߸ ߛߊ߫ ߓߍ߯ ߟߊ߫ ߔߏߔߏ߫ ߘߌ߫ ߡߍ߲߫ ߊ߬ ߓߟߏ߫ ߢߊ ߡߍ߲ ߡߊ߬.
ߖߊ߲߬ߖߏ߲ ߞߎ߲߭ߝߊ߰ ߘߊ߫ ߝߌߛߙߌ߫ ߘߐߕߟߊ ߟߋ߬ ߟߊ߫߸ ߓߖ߭ߊߖ߭ ߔߏߔߏ߫ ߞߎߘߊ߫ ߞߋߟߋ߲߫ ߘߌ߫ ߘߴߊ߬ߟߎ߬ ߟߊ߫ ߖߎ߬ߟߊ߬ ߓߟߋߓߟߋ ߘߏ߫ ߡߊ߬ ߞߊ߲ߞߊ߲߫ ߦߊ߲߬߸ ߌߛߊ߫ ߖߊߥߙߊ߫، ߞߵߏ߬ ߞߍ߫ ߏ߬ ߞߣߐߘߐߘߌߦߊ ߘߌ߫ ߊ߬ ߟߊ߫ ߝߙߋ߬ ߞߍߣߍ߲ ߠߎ߬ ߘߐ߫. ߏ߬ ߞߐߝߍ߬߸ ߞߵߊ߬ ߟߊߥߌ߬ߟߌ߫ ߟߊ߬ߞߊ߲߬ߘߊ߬ߟߌ ߓߊ߲ߓߊ߲ ߡߊ߬߸ ߜߏ߲ߜߏߘߏ߲ ߘߐߕߟߊ߫ ߘߊ߫ ߥߊߟߌߥߊߟߌ߫ ߓߏߙߌߟߊ ߟߎ߬ ߕߍ߫߸ ߓߖ߭ߊߖ߭ ߦߋ߫ ߡߍ߲ ߠߎ߬ ߓߟߏ߫.
ߒ߬ߓߊ߬߸ ߞߣߐ߬ߘߐ߬ߝߟߌ ߓߘߊ߫ ߓߊ߲߫ ߞߊ߲ߞߊ߲߫ ߞߣߐ߫߸ ߓߖ߭ߊߖ߭ ߓߘߴߊ߬ ߟߊ߫ ߝߊ߲ߓߊ߫ ߞߎߘߊ ߟߊߞߊ߬ ߓߍ߯ ߡߊ߬ߞߏߢߊ߬ ߞߊ߲ߡߊ߬، ߞߊ߬ ߦߙߐ ߟߎ߬ ߕߍ߫ ߕߊ߯ߡߊ ߣߐ߰ߦߊ߬߸ ߞߊ߬ ߔߏߔߏ߫ ߘߐߓߍ߲߫ ߞߏ ߜߟߍ߬ߦߊ ߟߎ߬ ߓߊ߲߫.
ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.
