ߘߋ߲ߣߍ߲ ߘߏ߫ ߓߘߊ߫ ߕߏ߫ ߖߌ ߘߐ߫ ߞߊ߭ߕߏ߬

ߘߋ߲ߣߍ߲߫ ߛߊ߲߬ ߛߋߦߌ߲ ߘߏ߫ ߟߋ߬ ߕߏߣߍ߲߫ ߢߊ߲ߘߊ߲߫ ߓߊ ߘߐ߫ ߞߊ߭ߕߏ߬ ߓߌ߬.
ߓߌ߬ ߂߀߂߆ ߣߌ߲߬ ߡߊ߬߸ ߡߊ߬ߛߎ߬ߓߊ߬ ߞߏ ߘߏ߫ ߟߋ߬ ߞߍߣߍ߲߫ ߞߊ߭ߕߏ߬߸ ߞߊ߭ߕߏ߬ ߣߌ߲߬ ߦߋ߫ ߓߊ߯ߙߏ߫ ߛߌ߰ߢߐ߲߰ߡߊ߬ ߛߏ ߟߋ߬ ߘߌ߫ ߜߐߞߎ߫߸ ߓߊߏ߬ ߞߎߘߍ߫ ߂ ߟߋ߬ ߊ߬ ߣߌ߫ ߓߊ߯ߙߏ߫ ߕߍ߫، ߒ߬ߓߊ߬ ߘߋ߲ߣߍ߲ ߘߏ߫ ߟߋ߬ ߕߏ߫ ߘߴߊ߬ ߞߏ߬ ߦߌߟߊ ߘߐ߫ ߓߌ߬ ߢߊ߲ߘߊ߲߫ ߓߊ ߟߊ߫߸ ߊ߬ߟߋ ߡߍ߲ ߕߐ߯ ߞߏ߫ ߣߊߡߊ߲߬ߖߊ߲߬߸ ߊ߬ ߛߌ߬ߞߛߊߓߌ ߦߋ߫ ߈ ߥߟߊ߫ ߉ ߟߋ߬ ߘߐ߫ ߕߋ߲߬߸ ߊ߬ ߛߐ߬ߘߐ߲߬߬ ߝߊ ߕߊ߫ ߝߐߟߌ߫ ߘߐ߫ ߞߊ߬ߣߌ߲߫، ߏ߬ ߡߍ߲ ߕߐ߯ ߞߏ߫ ߛߋ߲߬ߞߎ߲ ߖߎ߬ߡߍ߬ߛߌ߫، ߘߋ߲ߣߍ߲ ߣߊ߫ ߕߐ߯ ߞߏ߫ ߝߊ߲ߕߊ߬.
ߒ߬ߓߊ߬ ߓߌ߬ ߁߁ߙߋ߲ ߝߊ߭ ߠߋ߬ ߝߍ߬߸ ߘߋ߲ߣߍ߲ ߓߌ߬ߟߊ߬ ߘߴߊ߬ ߣߊߓߏ߲߬ߓߊ߬ ߞߐ߫ ߞߊ߬ ߕߊ߯ ߓߊ ߟߊ߫߸ ߊ߬ߟߎ߬ ߛߋ ߦߋ߲߬ ߛߊ߫߸ ߘߋ߲ߣߍ߲ ߣߴߊ߬ ߘߍ߬ߢߐ߲߰ߣߍ߲ ߠߎ߬ ߕߏ߫ ߘߴߊ߬ߟߎ߬ ߕߏߟߏ߲߫ ߠߊ߫ ߖߌ ߟߋ߬ ߘߐ߫߸ ߝߏ߫ ߊ߬ߟߎ߬ ߥߊ߫ ߘߊ߫ ߛߋ߫ ߘߎ߲߬ߡߊ߬ ߦߙߐ ߘߐ߫߸ ߊ߬ߟߎ߬ ߛߋ ߦߋ߲߬߸ ߏ߬ ߟߋ ߞߍ߫ ߘߊ߫ ߘߋ߲ߣߍ߲ ߔߟߏ߬ߞߘߏ߬ߡߊ߬ ߢߊ ߘߌ߫ ߘߎ߲߭ ߘߐ߫ ߦߋ߲߬߸ ߞߵߊ߬ ߛߐ߬ߘߐ߲߬ ߡߞߊ߬ߘߊ߲߬ߓߊ߮ ߓߍ߯ ߖߊ߲߰ߡߊ߲߫ ߦߋ߲߬ ߠߊ߫ ߔߏ߲߫، ߞߊ߬ߕߎ߲߯ ߊ߬ ߕߎ߬ߡߊ ߞߵߊ߬ ߛߐ߬ߘߐ߲߬ ߡߏ߬ߛߏ߫ ߜߊ߲߰ߛߊ߲߫ ߠߋ߬ ߕߘߍ߬ ߓߊ ߟߊ߫ ߦߋ߲߬، ߊ߬ ߓߍ߲߬ ߘߊ߫ ߗߍ߭ ߘߏ߫ ߟߊ߫ ߕߊ߬ߡߌ߲ ߡߊ߬ ߦߋ߲߬߸ ߏ߬ ߖߍ߬ߘߍ ߕߊ߫ ߝߐߟߌ߫ ߞߏ߫ ߊ߬ߟߋ ߞߵߊ߬ ߕߏ߫ ߛߍ߲ (ߔߐ߲߭)ߠߋ߬ ߞߊ߲߬ ߥߎߟߊ ߟߊ߫߸ ߞߊ߬ ߘߋ߲ߣߍ߲ ߦߋ߫ ߖߌ ߘߐߕߊ߲߫ ߠߊ߫، ߊ߬ ߓߏ߬ߙߌ߬ ߢߊ ߟߋ߬ ߞߍߣߍ߲߫ ߏ߬ ߘߌ߫ ߞߊ߬ ߓߊ ߡߊߜߍ߲߫ ߞߏ߫ ߊ߬ ߦߋ߫ ߘߋ߲ߣߍ߲ ߡߞߊߘߊ߲߫ ߠߊ߫߸ ߊ߬ ߥߊ߫ ߘߴߊ߬ ߛߐ߬ߘߐ߲߬ ߘߋ߲ߣߍ߲ ߠߊߕߌ߲߯ ߕߍ߫ ߦߋ߫ ߟߊ߫، ߊ߬ ߕߐ߰ߡߊ߬ߛߙߋ߫ ߝߣߊ߫ ߕߍ߫ ߦߋ߫ ߟߊ߫، ߓߊ ߦߌߟߊ ߏ߬ ߘߏ߲߬ ߘߎ߲߬ߧߊ߬ߣߍ߲߫ ߠߋ߬ ߝߛߊߦߌ߫߸ ߊ߬ߟߋ ߕߴߛߋ߫ ߥߊ߫ ߟߊ߫ ߦߌߟߊ ߏ߬ ߘߐ߫߸ ߓߊߏ߬ ߊ߬ ߡߊ߲߫ ߞߎ߲߬ߛߊ߲߬ ߖߌ ߟߊ߫.
ߊ߬ߟߎ߫ ߞߊ߬ ߘߋ߲ߣߍ߲ ߢߌߣߌ߲߫ ߕߎ߬ߡߊ ߡߍ߲ ߞߘߐ߫߸ ߏ߬ ߘߌ߫ ߛߋ߫ ߤߊ߲߯ ߡߌ߬ߛߍ߲߬ ߄߀ ߣߌ߫ ߞߐ߫ ߘߐ߫، ߓߊ߬ߙߌ߬ ߘߋ߲ߣߍ߲ ߛߎ߭ ߟߋ߬ ߣߊ߬ ߘߊ߫ ߦߋ߫، ߞߵߊ߬ ߡߊ߲ߛߊ ߟߎ߬ ߓߌ߬ߟߊ߬ ߞߌ߬ߣߌ߲߬ߞߌߣߌ߲ ߣߌ߫ ߟߊ߬ߕߍ߰ ߦߙߊ߬ߞߌ߬ߡߊ ߘߐ߫، ߏ߬ ߘߐ߫ ߓߊߘߋ߲ ߠߎ߬߸ ߊ߲ ߧߴߊ߲ ߖߌߖߊ߬ ߞߊ߬ ߘߋ߲ߣߍ߲ ߠߎ߬ ߟߊߢߊ߬ ߞߏ ߟߋ߬ ߞߊߘߊ߲߫ ߊ߬ߟߎ߬ ߘߌߦߊߣߊ߲߫ ߞߏ ߘߌ߫߸ ߣߴߌ ߞߊ߲߫ ߞߏ߫ ߌ ߕߴߌ ߘߋ߲ߣߍ߲ ߠߊߞߊ߬ߛߌ߬߸ ߊ߬ߟߋ ߘߴߛߋ߫ ߌߟߋ ߣߴߊ߬ߟߋ ߓߍ߯ ߟߊߞߊ߬ߛߌ߬ ߟߊ߫ ߟߏ߲ ߘߏ߫.
ߊ߬ߟߌ ߞߙߊ߬ߞߐ߬ߞߊ ߞߊ߬ߟߐ ߓߟߏ߫ ߛߌ߯ߙߌ߲߫