ߦߋߡߍߣߌ߲߬ ߛߏ߬ߙߌ߬ߡߊ߬ߘߋ߲߬ ߝߊ߲ߞߊ ߓߘߴߊ߬ ߟߊߛߋ߫ ߜߍ ߘߐ߫ ߥߛߊߞߙߊ߫߸ ߞߏ߫ ߊ߬ߟߎ߬ ߓߘߊ߫ ߘߏ߲߬ ߞߍ߬ߟߍ ߘߐ߫ ߌߙߊ߲߫ ߝߍ߬، ߞߊ߬ ߊߡߙߌߞߌ߬ ߣߌ߫ ߌߛߌ߬ߙߊ߬ߌߟߊ߫ ߟߊ߫ ߓߋ߬ߒ߬ߞߊ߲߬ߠߌ߲߬ ߞߟߍ ߣߌ߲߬ ߟߊߕߊ߲߬ߞߌ߲߬߸ ߞߊ߬ ߌߙߊ߲߫ ߛߌ߬ߟߡߊ߬ ߞߊ߲ߓߍ߲ ߡߊߛߊ߲߬ߛߊ߲߬߸ ߊ߬ ߣߌ߫ ߟߌߓߊ߲߫ ߖߘߍ߬ ߢߌ߬ߣߌ߲߬ ߞߟߍ߬ߟߊ ߟߎ߬߸ ߞߵߏ߬ ߟߊ߫ ߔߊߟߍߛߑߕߌߣߌ߲߬ ߣߌ߫ ߌߙߊߞߌ߬ ߞߊ߲߬߸ ߏ߬ ߟߎ߬ ߡߍ߲ ߠߎ߬ ߞߐ߲ߛߐ߲ߧߊ ߦߴߌߘߐ߫ ߌߛߌ߬ߙߊ߬ߌߟߊ߫ ߓߋ߬ߒ߬ߞߊ߲߬ߠߌ߲߬ߠߊ ߓߟߏ߫.
ߦߋߡߍߣ ߛߏ߬ߙߌ߬ߡߊ߬ߘߋ߲ ߠߎ߬ ߟߊ߫ ߓߋߟߋ߲ߕߌ߮߸ ߦߊߦߊ߬ ߛߊ߬ߙߋ߯ ߞߵߊ߬ ߝߐ߫ ߟߊ߬ߛߋ߬ߟߌ ߘߏ߫ ߘߐ߫ ߞߍ߲ߘߍߟߏ߲ ߣߌ߲߬ ߡߊ߬ ߞߏ߫: <<ߞߊ߬ ߓߍ߲߬ ߦߋߡߍߣ ߛߏ߬ߙߌ߬ߡߊ߬ߘߋ߲߬ ߝߊ߲ߞߊ ߟߊ߫ ߖߊ߬ߛߙߋ߬ߡߟߊ߬ ߟߊ߬ߓߊ߲ ߡߊ߬߸ ߏ߬ ߡߍ߲ ߞߵߊ߬ ߦߌ߬ߘߊ߬ ߞߏ߫ ߊ߬ߟߎ߬ ߘߌ߫ ߘߏ߲߬ ߞߍ߬ߟߍ ߘߐ߫ ߝߊ߲ߞߊߢߊ߲߫߸ ߞߊ߬ ߌߙߊ߲߫ ߛߌ߬ߟߡߊ߬ ߞߊ߲ߓߍ߲ ߡߊߘߍ߬ߡߍ߲߬߸ ߊ߬ ߣߌ߫ ߟߌߓߊ߲߫ ߣߌ߫ ߌߙߊߞ ߣߌ߫ ߔߊߟߍߛߑߕߌߣߌ߲߬ ߘߌ߲߬ߞߌ߬ߙߊ߬ ߞߐ߲ߛߐ߲ߧߊߣߍ߲، ߛߴߊ߬ߟߎ߬ ߘߌ߫ ߞߛߌ߫ ߣߊ߲߬ߕߌ߮ ߟߎ߬ ߟߊ߫ ߓߋ߬ߒ߬ߞߊ߲߬ߠߌ߲ ߡߊ߬߸ ߝߊ߰ߟߌ ߣߌ߫ ߟߊ߲ߝߊ߲ߠߌ߲ ߡߍ߲ ߦߴߌߘߐ߫ ߦߋ߲߬ ߞߊ߬ ߟߐ߬ ߊ߲ ߓߊߘߋ߲߫ ߟߌߓߊ߲ߞߊ ߟߎ߫ ߡߊ߬߸ ߌߙߊ߲ߞߊ ߟߎ߫ ߡߊ߬߸ ߌߙߊߞߌߞߊ ߟߎ߫ ߡߊ߬߸ ߊ߬ ߣߌ ߡߍ߲ ߠߎ߬ ߦߋ߫ ߔߊߟߍߛߑߕߌߣߌ߲߬، ߊ߲ ߓߘߴߊ߲ ߠߊ߫ ߦߙߍߞߍߟߌ߫ ߝߟߐ ߞߍ߫߸ ߞߊ߬ ߝߏ߬ߦߌ߬ߕߊ ߝߏ߬ߦߌ߫ ߦߊ߬ߤߎ߯ߘߎ ߟߎ߬ ߟߊ߫ ߣߊ߲߬ߕߌ߮ ߟߎ߬ ߡߊߞߍ߫ ߦߙߐ ߘߏ߫ ߞߊ߲߬ ߔߊߟߍߛߑߕߌߣ ߦߙߐ߫ ߞߊ߲ߛߏ߲ߣߍ߲ ߘߏ߫ ߘߐ߫ ߥߙߏ߬ߘߎ߰ ߝߊ߲ ߝߍ߬.>> ߦߊߦߊ߬ ߟߋ߬ ߞߊ߲߫ ߕߋ߲߬.
ߦߋߡߍߣ ߛߏ߬ߙߌ߬ߡߊ߬ߘߋ߲߬ ߝߊ߲ߞߊ ߞߵߊ߬ߟߎ߬ ߟߊ߫ ߣߊ߲߬ߕߌ߰ ߦߙߍߞߍߟߌ ߝߟߐߡߊ ߞߍ߫ ߓߌ߬ߢߍ߬ߞߎߟߎ߲ ߠߋ߬ ߟߊ߫߸ ߞߵߏ߬ ߝߎ߬ߝߎ߬ߡߊ߫ ߌߛߌ߬ߙߊ߬ߌߟߊ߫ ߣߊ߲߬ߕߌ߮ ߟߎ߬ ߣߌߡߊ߫ ߦߙߐ ߘߏ߫ ߞߊ߲߬ ߔߊߟߍߛߑߕߌߣ ߥߙߏ߬ߘߎ߮ ߘߐ߫.
ߞߟߍ߬ߕߌ߰ ߛߊߙߋ߯ ߞߵߊ߬ ߦߌ߬ߘߊ߬ ߞߏ߫: <<ߊߟߊ߫ ߟߊ߫ ߘߌ߬ߢߍ ߟߊ߫߸ ߏ߬ ߡߍ߲ ߦߋ߫ ߛߋߕߌ߮ ߘߌ߫߸ ߊ߲ ߠߊ߫ ߦߙߍߞߍߟߌ ߞߵߊ߬ ߟߊ߫ ߞߏ߲߭ ߡߊߛߐ߬ߘߐ߲߬.>>
ߊ߬ ߞߊ߲߫ ߞߏ߫ ߦߋߡߍߣ ߕߍߣߊ߬ ߝߏߙߏ߲ߕߏߟߌ ߢߌ߲߬ ߠߊߟߐ߬ ߟߊ߫ ߡߎ߬ߕߎ߲߬߸ ߝߊ߬ߣߌ߫ ߓߋ߬ߒ߬ߞߊ߲߬ߠߌ߲߬ߠߊ ߢߌ߲߬ ߠߎ߬ ߡߴߊ߬ߟߎ߬ ߟߊ߫ ߓߋ߲߬ߒ߬ߞߊ߲߬ߠߌ߲߬ ߓߊ߯ߙߊ ߟߊߟߐ߬ ߝߊ߲߬ߞߣߐ ߏ߬ ߘߐ߫ ߦߋ߲߬.
ߊ߬ ߘߏ߲߬߸ ߞߎߣߎ߲߬ ߛߌ߬ߣߌ߲߬ߟߏ߲ ߡߊ߬߸ ߊ߬ߟߎ߫ ߞߊ߬ ߖߊ߬ߛߙߋ߬ߡߊ߬ߟߊ ߞߍ߫ ߟߋ߬߸ ߞߏ߫ ߊ߬ߟߎ߬ ߓߌߣߍ߲߫ ߞߊ߬ ߘߏ߲߬ ߞߍ߬ߟߍ ߘߐ߫، ߌߞߏߡߌ߲߬ ߊ߬ߟߎ߬ ߟߊ߫ ߞߎߡߊ ߏ߬ ߡߊ߫ ߘߊ߲ߞߎ߲߫߸ ߊ߬ߟߎ߬ ߝߣߊ߫ ߓߘߊ߫ ߘߏ߲߬ ߞߍ߬ߟߍ ߘߐ߫.
ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.
