ߝߘߊ߬ߝߌ߲߬ߠߊ߫ ߞߋ߬ߟߋ߲߬ߧߊ ߓߘߴߊ߬ ߟߊߛߋ߫ ߛߓߍ ߘߏ߫ ߞߣߐ߫߸ ߡߍ߲ ߞߍ߫ ߘߊ߫ ߘߊߘߐߛߓߍ߫ ߘߌ߫ ߛߌ߬ߣߌ߲߬ߟߏ߲ ߂߀߂߆ ߕߙߊߓߊ ߕߋ߬ߟߋ߫ ߂߇ ߡߊ߬ ߊߘߌߛߊ߬ߓߋ߬ߓߊ߫߸ ߞߏ߫ ߊ߬ߟߎ߬ ߡߊ߫ ߛߋ߫ ߓߍ߲߬ ߠߊ߫ ߞߋߟߋ߲߫ ߘߐ߫߸ ߞߊ߬ ߓߍ߲߬ ߡߊߞߌ߫ ߛߊߟ ߟߊ߫ ߡߊ߬ߡߌ߬ߣߊ߬ߟߌ߬ ߞߏ ߡߊ߬ ߡߊ߲߬ߕߏ߲߬ ߠߊߘߍ߬ߣߍ߲ ߠߎ߬ ߛߌ߲߬ߝߏ߲߬ߧߊ߬ߟߌ ߝߘߏ߬ߓߊ߬ ߞߟߊ߬ߕߌ߰ߦߊ ߘߐ߫.
ߞߊ߬ߕߎ߲߯߸ ߝߘߊ߬ߝߌ߲߬ߠߊ߫ ߞߋ߬ߟߋ߲߬ߧߊ ߣߐ߬ ߘߐ߬ߛߙߋ ߡߍ߲ ߠߊߓߐ߫ ߟߊ߫ ߣߌ߲߬߸ ߞߏ߫ ߊ߬ߟߎ߬ ߟߊ߫ ߛߌ߲߬ߝߏ߲߬ ߖߡߊߣߊ߫ ߡߎ߬ߥߊ߲߫ ߢߐ߲߰ ߓߍ߫߸ ߏ߬ ߟߎ߬ ߓߘߊ߫ ߓߐ߫ ߡߊ߬ߞߎ߲ ߘߐ߫߸ ߞߵߊ߬ ߦߌ߬ߘߊ߬ ߞߏ߫ ߊ߬ߟߎ߬ ߡߊ߫ ߓߍ߲߬ ߊ߬ ߡߊ߬، ߏ߬ ߘߐ߫߸ ߊ߬ ߝߐ ߡߍ߲ ߞߍߣߍ߲߫ ߞߏ߫ ߝߘߊ߬ߝߌ߲߬ߠߊ߫ ߞߋ߬ߟߋ߲߬ߧߊ ߦߋ߫ ߓߍ߲߬ ߊ߬ ߡߊ߬߸ ߡߊߞߌ߫ ߛߊߟ ߦߋ߫ ߞߍ߫ ߡߊ߬ߡߌ߬ߣߊ߬ߟߌ߬ߟߊ ߘߌ߫ ߡߊ߲߬ߕߏ߲߬ ߠߊߘߍ߬ߣߍ߲ ߝߘߏ߬ߓߊ߬ ߞߟߊ߬ߕߌ߰ߦߊ ߞߐ߫߸ ߊ߬ߟߎ߬ ߡߊ߫ ߛߋ߫ ߓߍ߲߬ ߠߊ߫ ߞߋߟߋ߲߫ ߘߐ߫، ߒ߬ߓߊ߬߸ ߛߣߍ߬ߜ߭ߊߟߌ߫ ߞߊ߲ߕߌ߯ ߞߘߐ ߞߐߡߊߓߌ߲ߓߌ߲߫ ߞߏ ߡߍ߲ ߕߎ߲߬ ߦߋ߫ ߛߋ߲߬ߠߊ߫߸ ߏ߬ ߟߋ ߓߐ߫ ߞߊ߲߫ ߕߴߏ߬ ߘߌ߫.
<<ߞߊ߬ߝߏ߫ ߡߎ߬ߥߊ߲߬ (߂߀) ߓߍ߫߸ ߏ߬ ߟߎ߬ ߡߊ߫ ߕߏ߫ ߡߊ߬ߞߎ߲߬ ߘߐ߫ […] ߏ߬ ߟߋ ߘߐ߫߸ ߖߊ߬ߕߋ߬ߘߐ߬ߛߌ߮ ߡߊ߫ ߛߋ߫ ߛߎߘߊ߲߫ ߠߊ߫ ߡߎ߬ߕߎ߲߬.>> ߓߊߏ߬߸ ߝߘߊ߬ߝߌ߲߬ߠߊ߫ ߞߋ߬ߟߋ߲߬ߧߊ ߟߊ߫ ߕߊ߯ߡߊ߫ ߛߌߟߊ ߘߐ߫߸ ߡߙߌߦߊ ߓߊ߯ ߟߊ߫ ߖߊ߬ߡߊ ߞߘߐ߫߸ ߊ߬ߟߎ߬ ߘߌ߫ ߕߎ߬ߡߊ߬ ߟߊߕߍ߰ߣߍ߲ ߘߏ߫ ߘߌ߫߸ ߣߌ߫ ߡߐ߰ ߡߊ߫ ߞߎߡߊ߫ ߏ߬ ߞߣߐ߫߸ ߏ߬ ߞߘߐ ߟߋ߬ ߞߏ߫ ߛߐ߲߬ ߓߘߊ߫ ߞߍ߫ ߡߙߌߦߊ ߏ߬ ߡߊ߬، ߒ߬ߓߊ߬߸ ߖߡߊ߬ߣߊ߫ ߡߎ߬ߥߊ߲߬ ߓߘߊ߫ ߞߎߡߊ߫ ߡߊߞߌ߫ ߛߊߟ ߕߊ ߣߌ߲߬ ߘߐ߫߸ ߞߵߊ߬ ߦߌ߬ߘߊ߬ ߞߏ߫ ߊ߬ߟߎ߬ ߡߊ߫ ߓߍ߲߬ ߊ߬ ߡߊ߬.
ߏ߬ ߘߐ߫߸ ߊ߬ ߕߘߍ߬ ߓߍ߯ ߢߣߊ߫ ߞߏ߫ ߝߘߊ߬ߝߌ߲߬ߠߊ߫ ߝߣߊ߫ ߘߌ߫ ߘߏ߲߬ ߥߏ߬ߘߊ߬ ߞߋߟߋ߲߫ ߠߊ߫ ߞߊ߬ ߡߊߞߌ߫ ߛߊߟ ߘߍ߬ߡߍ߲߬߸ ߊ߬ ߦߋ߫ ߡߊ߲߬ߕߏ߲߬ ߠߊߘߍ߬ߣߍ߲ ߠߎ߬ ߝߘߏ߬ߓߊ߬ ߞߟߊ߬ߕߌ߰ߦߊ ߣߌ߲߬ ߛߐ߬ߘߐ߲߬، ߓߊ߬ߙߌ߬߸ ߕߍߓߊ߯ߦߊ ߖߎ߬ߟߎ ߏ߬ ߡߊ߫ ߛߋ߫ ߓߊ߲ߓߊ߲߫ ߠߊ߫ ߡߎߣߎ߲߬.
ߒ߬ߓߊ߬߸ ߡߊߞߌ߫ ߛߊߟ ߟߊ߫ ߡߊ߬ߡߌ߬ߘߊ߬ߟߌ߬ ߞߏ ߦߋ߫ ߝߎߥߊ ߣߌ߫ ߝߊ߬ߙߊ ߟߋ߬ ߕߍ߫ ߣߌ߲߬ ߛߊ߫، ߓߊߏ߬߸ ߝߛߊ߬ߖߌ߲߬ߠߊ߫ ߞߋ߬ߟߋ߲߬ߧߊ ߡߊ߫ ߓߊ߬ߙߏ߲߬ߡߊ߫ ߘߏ߲߬ ߊ߬ ߞߘߐ߫.
ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.
