ߌߙߊ߲߫ ߥߊ߬ߟߏ߲߬ߠߌ߲ ߊߡߌߙߌߞߌ߬ ߣߌ߫ ߌߛߌ߬ߙߊ߬ߌߟߊ߫ ߓߟߏ߫߸ ߏ߬ ߓߘߊ߫ ߕߟߋ߬ ߦߙߌߞߊ߫ ߓߐ߫ ߕߋ߲߬، ߛߌ߬ߣߌ߲߬ߟߏ߲ ߕߊ߬ߡߌ߬ߣߍ߲ ߠߋ߬ ߡߊ߬ ߌߛߌ߬ߙߊ߬ߌߟߊ߫ ߞߊ߬ ߝߏߘߏ߲ ߠߊߥߌ߬ߟߌ߫ ߌߙߊ߲߫ ߠߊ߫ ߥߊߦߌ߲ ߣߌ߫ ߓߞߊߕߟߎ߫ ߞߏߟߊߘߍ ߘߏ߫ ߞߊ߲߬، ߌߙߊ߲߫ ߘߏ߲߬ ߝߣߊ߫ ߓߘߊ߫ ߕߊߖߟߎߛߙߊ ߞߍ߫ ߞߊ߬ ߝߏߘߏ߲ ߠߊߥߌ߬ߟߌ߫ ߌߛߌ߬ߙߊ߬ߌߟߊ߫ ߞߊ߲߬ ߞߍ߲ߘߍߟߏ߲ ߛߎ ߡߊ߬، ߒ߬ߓߊ߬߸ ߞߊ߯ߙߌ߫ ߕߊ߬ߡߌ߲߬ߣߍ߲ ߛߎ ߟߋ߬ ߡߊ߬.
ߘߏߣߑߟ ߕߑߙߐ߲ߔ ߟߊ߫ ߕߎ߬ߡߊ߬ ߝߐߣߍ߲ ߞߎ߲߭ߘߏ߲߬ ߘߊ߫߸ ߊ߬ߟߋ ߡߍ߲ ߕߎ߲߬ ߓߘߊ߫ ߞߊ߲߬ߞߊ߬ߙߌ߬ߡߊ߬ߘߊ ߞߍ߫߸ ߞߏ߫ ߣߌ߫ ߌߙߊ߲߫ ߞߎ߲߬ߠߊ߬ߛߌ߮ ߟߎ߬ ߡߊ߫ ߘߋߕߙߏߦߑߕ ߘߏߙߑߡߎߖ߭ ߞߐ߰ߖߌ ߘߊ ߟߊߞߊ߬߸ ߊ߬ ߟߊ߫ ߕߎ߬ߡߊ߬ ߝߐߣߍ߲ ߏ߬ ߞߘߐ߫߸ ߊ߬ ߘߌ߫ ߛߐ߲߬ ߞߊ߬ ߓߐ߬ߣߐ ߟߊߖߌ߰ ߖߡߊ߬ߣߊ ߣߌ߲߬ ߘߌ߲߬ߞߌ߬ߙߊ߫ ߛߌߦߊߡߊ߲߫ ߞߊ߲߬، ߘߏߣߊߟ ߕߑߙߐ߲ߔߎ߬ ߘߏ߲߬ ߓߘߊ߫ ߓߐ߫ ߞߌ߬ߓߊ߬ߙߏ߬ߦߊ߬ߟߊ ߟߎ߬ ߢߊߞߘߐ߫ ߞߵߊ߬ ߟߊ߫ ߞߊ߲߬ߞߊ߬ߙߌ߬ߡߊ߬ߘߊ ߟߊߞߎߘߦߊ߫߸ ߞߵߊ߬ ߝߐ߫ ߞߏ߫ ߣߌ߫ ߌߙߊ߲߫ ߞߎ߲߬ߠߊ߬ߛߌ߮ ߟߎ߬ ߡߊ߫ ߘߋߕߙߏߦߑߕ ߘߐߙߑߡߎߖ߭ ߟߊߞߊ߬.
ߊ߬ ߓߍߣߊ߬ ߖߡߊ߬ߣߊ ߣߌ߲߬ ߖߍ߲ߡߎߙߍ߲߫ ߛߎ߫ ߞߋߟߋ߲߫ ߞߘߐ߫، ߊ߬ ߘߏ߲߬߸ ߞߍ߬ߟߍ ߣߌ߲߬ ߞߎ߲߬ ߖߐ߲ߖߐ߲ ߠߋ߬ ߦߋ߫ ߣߌߞߑߟߍߙ ߞߏ ߟߋ߬ ߘߌ߫߸ ߏ߬ ߞߏ ߡߍ߲ ߦߋ߫ ߛߋ߲߬ߠߊ߫ ߌߙߊ߲߫ ߓߟߏ߫، ߒ߬ߓߊ߬߸ ߘߏߣߊߟ ߕߑߙߐ߲ߔߎ߬ ߟߊ߫ ߓߊ߰ߓߊ߰ߟߌ߬ߞߊ߲ ߠߎ߬ ߓߍ߯ ߞߐߝߍ߬߸ ߌߙߊ߲߫ ߝߣߊ߫ ߦߴߊ߬ ߟߊ߫ ߝߊ߲߬ߝߘߊ߫ ߕߊ߬ߣߍ߲ ߠߎ߬ ߓߟߏߦߊߟߌ ߟߊ߫߸ ߊ߬ߟߎ߬ ߟߊ߫ ߝߏߘߏ߲ ߠߎ߫ ߞߊ߬ ߡߐ߰ ߥߐ߯ߙߐ߫ ߟߋ߬ ߖߐߞߌ߫ ߞߐߦߍ߲ߣ ߞߊ߯ߙߌ ߕߊ߬ߡߌ߲߬ߣߍ߲ ߣߌ߲߬ ߡߊ߬߸ ߌߙߊ߲߫ ߣߊ߲߬ߕߌ߮ ߟߎ߬ ߣߌ߫ ߦߋߡߍߣ ߕߊ ߟߎ߬ ߞߊ߬ ߝߏߘߏ߲߫ ߛߌߦߊߡߊ߲߫ ߠߋ߬ ߟߊߥߊ߫ ߌߛߌ߬ߙߊ߬ߌߟߊ߫ ߡߊ߬.
ߞߊ߬ ߡߐ߰ ߣߊ߯ߣߌ߲߫ ߝߊ߰ ߖߡߊ߬ߣߊ ߥߙߏ߬ߘߎ߮ ߘߐ߫ ߊߦߌߝߊ߫ ߘߎ߱ ߟߊ߫، ߌߛߌ߬ߙߊ߬ߌߟߊ߫ ߣߊ߲߬ߕߌ߮ ߟߎ߬ ߝߣߊ߫ ߞߊ߬ ߌߙߊ߲߫ ߘߎ߲߬ߘߎ߬ߡߊ߬ ߞߌ߬ߓߊ߬ߙߏ߬ߘߊ ߢߍߡߐ߮ ߝߊ߰߸ ߊ߬ߟߎ߬ ߟߊ߫ ߝߏߘߏ߲ ߠߎ߫ ߢߍߛߌ߲߫ ߘߊ߫ ߌߙߊ߲߫ ߠߊ߫ ߥߊߦߌ߲ ߣߌ߫ ߞߓߊߕߟߎ߫ ߞߏߟߊߘߍ ߘߏ߫ ߡߊ߬ ߖߡߊ߬ߣߊ ߥߙߏ߬ߘߎ߮ ߘߐ߫.
ߛߎ߯ߟߊ߲ߘߌ߫ ߛߊ߬ߞߐ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.
