ߊ߲߬ߕߎߥߊߣ ߘߐߜߐ߬ ߖߌߟߊߝ߭ߏߖߌ߫ ߞߎ߲߬ߢߐ߲߰ ߦߙߌߞߊ ߟߋ߬ ߕߋ߲߬߸ ߊ߬ ߟߊߟߊߣߍ߲߫ ߖߋ߬ߟߌ߬ߞߐ߬ߕߊ߲ ߓߟߏ߫، ߊ߬ ߖߊ߲߬ߞߊ߬ߙߏ߬ߕߐ ߏ߬ ߓߘߴߊ߬ ߦߌ߬ߘߊ߬ ߞߏ߫ ߘߎ߰ߞߎߟߎ߲ ߡߍ߲ ߘߌ߫ ߘߴߊ߬ ߡߊ߬ ߞߊ߲ߘߟߌ ߢߊߞߘߐߟߊ ߘߐ߫ ߂߀߂߅ ߟߊ߫߸ ߏ߬ ߓߘߊ߫ ߡߌ߬ߣߴߊ߬ ߟߊ߫، ߏ߬ ߞߏߢߊ ߡߊ߫ ߘߌߦߴߊ߬ ߦߋ߫ ߢߊ ߺ ߊ ߺ ߢߊ߫ ߡߊ߬، ߓߊߏ߬߸ ߞߏ߫ ߖߊ߲߬ߝߊ߬ߒ߬ߕߋ߬ߦߊ ߟߵߏ߬ ߘߌ߫߸ ߓߘߍ߬ߓߘߍ߬ߟߌ ߘߐ߫߸ ߊ߬ ߣߌ߫ ߤߊߟߌ߬ ߡߐ߰ߦߊ ߖߍ߬ߘߍ ߝߣߊ߫ ߘߐ߫.
ߞߵߊ߬ ߟߊߟߊߣߍ߲ ߕߏ߫ ߟߊߟߊߐ ߘߐ߫߸ ߊ߬ ߞߎߡߊ߫ ߞߊ߲ ߕߍ߫ ߡߐߣߍ߫ ߓߐ߫ ߡߐ߰ ߘߐ߫ ߖߊ߲߬ߞߊߙߏ ߞߏߛߐ߲߬߸ ߊ߲߬ߕߎߥߊߣ ߘߐߜߐ߬ ߖߌߟߊߝ߭ߏߖߌ߫ ߞߵߊ߬ ߡߙߌߦߊ ߦߌ߬ߘߴߊ߲ ߠߊ߫، ߓߊߏ߬߸ ߊ߲ ߕߊ߯ ߘߴߊ߲ ߢߊ ߟߴߊ߬ ߞߊ߲߬ ߊ߬ ߟߊ߫ ߟߎ ߞߣߐ߫ ߓߐ߬ߙߑߘߏ߫ ߞߌ߲߬ߘߊ ߟߊ߫߸ ߊ߬ߟߋ ߡߍ߲ ߕߎ߲߬ ߦߋ߫ ߖߌ߬ߣߍ߬ ߓߍ߯ߦߊ ߝߊ߲߬ߞߊ ߘߍ߭ ߞߙߎߞߊ ߞߙߎߝߊ ߞߟߊ߬ߕߌ߰ ߘߌ߫ ߞߊ߲ߞߊ߲߫ ߞߣߐ߫߸ ߣߴߊ߬ ߟߊߓߌ߬ߟߊ߬ ߘߴߊ߬ ߟߐ߬ߘߎ߮ ߏ߬ ߘߐ߫߸ ߟߊ߬ߖߙߊ߬ߓߌ߬ߟߌ ߡߍ߲ ߓߘߊ߫ ߟߴߊ߬ ߞߊ߲߬ ߕߋ߬ߟߋߝߌ߬ߟߊ ߣߌ߲߬ ߘߐ߫߸ ߊ߬ ߞߵߏ߬ ߘߏ߫ ߟߎ߫ ߢߊߝߐ߫ ߒ߬ ߧߋ߫.
ߊ߬ ߞߊ߲߫ ߞߏ߫ ߊ߬ ߞߎ߲߬ߢߐ߰ ߘߊ߲ߘߐ ߟߋ߬ ߕߋ߲߬߸ ߊ߬ ߟߊߟߊߣߍ߲߫ ߖߋ߬ߟߌ߬ߞߐ߬ߕߊ߲ ߓߟߏ߫߸ ߊ߬ ߟߊ߫ ߝߐߟߌ߫ ߘߐ߫߸ ߡߐ߰ ߢߊ߫ ߕߴߊ߬ ߘߐ߫، <<ߒ ߡߊ߲ߞߍ߲ߘߍ߲߫ ߝߋߝߋ߫، ߖߋ߬ߟߌ߬ߞߐ߬ߕߊ߲ ߓߌ߬ߟߊ ߒ ߠߊ߫߸ ߏ߬ ߞߎ߲߬ߢߐ߲߰ ߟߏ߯ߟߎ߫ ߤߊ߲߯ ߥߐ߯ߙߐ ߟߋ߬ ߕߋ߲߬، ߊ߬ߟߎ߫ ߘߏ߲߬ ߜߎ ߞߵߊ߬ ߟߐ߲߫ ߞߏ߫ ߒ ߡߊ߲ߞߍ߲ߘߍ߫ (…) ߞߏ߬ߣߌ߲߬ ߤߊ߲߯ ߕߋ߲߬߸ ߡߐ߰ ߢߊ߫ ߕߍ߫ ߒ ߘߐ߫.>> ߊ߬ ߞߵߏ߬ ߟߋ ߝߐ߫ ߊ߬ ߟߊ߫ ߛߙߊ߬ߣߎ߲ ߘߐ߫߸ ߡߍ߲ ߦߴߊ߬ ߦߌ߬ߘߊ߬ ߟߊ߫ ߞߏ߫ ߡߐ߰ ߡߊ߬ߞߏ߬ ߕߴߊ߬ ߟߊ߫߸ ߊ߬ ߖߊ߲߬ߞߊ߬ߙߏ߬ߕߐ ߡߍ߲ ߦߋ߫ ߣߌ߲߬.
ߞߏ߬ߣߌ߲߬߸ ߞߍ߲ߘߍߦߊ ߕߊ߫ ߝߊ߲߭ ߏ߬ ߕߍ߰ߣߍ߲ ߞߊ߬ ߓߐ߫ ߊ߬ ߟߊ߫߸ ߞߏ߫ ߜߘߍ߫ ߝߣߊ߫ ߦߴߊ߬ ߟߊ߫ ߞߏ ߘߐ߫߸ ߡߍ߲ ߞߎߡߊ ߓߘߊ߫ ߥߙߊ߬ ߞߏߛߓߍ߫، ߏ߬ ߦߋ߫ ߡߎ߲߬ ߘߌ߫، ߞߊ߬ ߞߐ߲߰ ߞߊ߲ߘߟߌ ߢߍ߫ ߂߀߂߅ ߟߊ߫߸ ߊ߬ߟߋ ߕߊ߬ߣߍ߲ ߞߵߊ߬ ߟߊ߫ ߘߊߟߍ߲߬ ߠߊ߫ ߞߙߎߞߊ ߞߎ߲߬ߕߌ߰ ߜߘߍ߫ ߟߎ߫ ߞߊ߲߬߸ ߞߐ߲߬ߛߏ ߟߋ߬ ߘߌ߫ ߘߴߊ߬ߟߎ߫ ߞߋ߬ߟߋ߲߬ߞߋ߬ߟߋ߲߬ߠߊ ߡߊ߬، ߊ߬ ߞߵߏ߬ ߡߍ߲ ߦߌ߬ߘߊ߬ ߞߊ߲ ߞߍ߫ ߥߊ߯ߕߌ ߏ߬ ߟߊ߫ ߞߏ߫ ߞߊ߲ߕߌ߯ ߡߊ߬ߡߊ߬ߘߌ߬ ߘߎ߲ߓߎߦߊ߫߸ ߡߍ߲ ߘߌ߫ ߘߴߊ߬ ߡߊ߬ ߞߏߕߌ߯ ߎߛߑߡߊߣ ߜ߭ߊ߯ߥߊߟ ߟߊ߫ ߛߌߟߊ ߝߍ߬.
ߒ߬ߓߊ߬߸ ߢߣߊߕߊߟߌ ߓߊ߲ ߞߐ ߣߌ߲߬ ߘߐ߫߸ ߏ߬ ߡߍ߲ ߛߊ߲߬ ߞߋߟߋ߲ ߦߋ߫ ߕߋ߲߬ ߝߊߦߌߘߊ߫߸ ߞߐ߲߬ߛߏ ߏ߬ ߟߋ ߓߘߊ߫ ߡߌ߬ߣߴߊ߬ ߟߊ߫߸ ߞߵߊ߬ ߛߐ߬ߘߐ߲߬ ߊ߬ ߡߊ߫ ߟߊߛߏ߬ߓߌ߬.
<<ߎߛߑߡߊ߫ߣ ߜ߭ߊ߯ߥߊߟ ߖߊߟߏ߫ ߟߋ߬ ߣߊ߬ߣߍ߲߫ ߊ߬ ߕߊ߬ ߟߊ߫، ߊ߬ ߓߴߊ߬ ߘߌ߫ ߞߊ߬ ߓߊ߲߫ ߞߵߊ߬ ߕߊ߬، ߊ߬ ߕߘߍ߬ ߊ߲ ߢߣߊ߫ ߞߏ߫ ߊ߲ ߕߊ ߟߋ߬߸ ߖߊ߰ ߜߊߣߊ߲ߧߊ ߟߋ߬ ߓߏ߲߬.>> ߊ߬ ߞߵߏ߬ ߟߋ ߡߊ߬ߝߌ߲߬ߞߊ߲߬ߠߊ ߝߐ߫߸ ߞߵߊ߬ ߦߌ߬ߘߊ߬ ߞߏ߫ ߊ߬ ߡߊ߫ ߝߐ߫ ߊ߬ ߦߋ߫ ߟߏ߲߫ ߞߋߟߋ߲߫ ߟߏ߲߫ ߕߟߊ߫߸ ߞߏ߫ ߞߐ߲߬ߛߏ ߕߴߊ߬ ߕߊ߫ ߘߌ߫߸ ߥߟߴߊ߬ ߡߌ߬ߣߊ߬ߕߐ߫ ߟߋ߬ ߊ߬ ߟߊ߫.
ߊ߬ ߟߊ߫ ߞߎߡߊ߫ ߘߐ߫߸ ߞߐ߲߬ߛߏ ߘߌ߫ ߕߎߡߊ ߊ߬ߟߎ߫ ߡߊ߬߸ ߞߏ ߟߎ߬ ߟߊߕߊ߯ߡߊ߫ ߢߊ ߞߵߊ߬ ߦߌ߬ߘߊ߬ ߞߏ߫ ߊ߬ ߕߍߣߊ߬ ߕߏ߫ ߟߴߊ߬ߟߎ߬ ߓߟߏ߫ ߥߍ، ߓߊ߬ߙߌ߬ <<ߏ߬ ߟߋ ߡߊ߫ ߝߐ߫ ߊ߬ ߘߌ߫ ߥߊ߯ߕߌ ߟߊ߫ ߓߏ߲߬.>> ߏ߬ ߟߋ ߞߵߊ߬ߟߋ ߕߙߐ߫.
ߊ߬ ߞߊ߲߫ ߞߏ߫ ߊ߬ ߞߋߟߋ߲߫ ߘߏ߲߬ ߕߍ߫ ߘߋ߬߸ ߊ߬ߟߎ߬ ߟߊ߫ ߞߙߎߞߊ ߞߟߊ߬ߕߌ߰ ߜߘߍ ߡߍ߲ ߠߎ߬ ߝߣߊ߫ ߦߋ߫ ߝߊ߲߬ ߜߘߍ߫ ߟߎ߫ ߘߐ߫߸ ߏ߬ ߟߎ߬ ߝߣߊ߫ ߕߊ ߡߌ߬ߣߊ߬ߣߍ߲߫ ߊ߬ߟߎ߬ ߟߊ߫، ߡߍ߲ ߦߋ߫ ߒߛߙߍߜߍ߬ߘߍ߫ ߓߊ߬߸ ߞߛߌ߬ߘߎ߯ ߓߊ߬߸ ߏ߬ ߟߎ߬ ߓߍ߯ ߕߊ ߡߌ߬ߣߊ߬ߣߴߊ߬ߟߎ߬ ߟߊ߫ ߟߋ߬، ߊ߲ ߞߏ߬ߣߌ߲ ߕߴߛߋ߫ ߏ߬ ߕߍ߰ߒ߬ߞߊ߲߬ ߖߐ߲ߖߐ߲߫ ߝߐ߫ ߟߊ߫ ߡߎߣߎ߲߬߸ ߓߊߏ߬߸ ߊ߲ ߞߊ߬ ߞߛߌ߬ߘߎ߯ ߞߟߊ߬ߕߌ߮ ߥߟߋ߫߸ ߏ߬ ߡߊ߫ ߞߌߟߌߟߌ ߕߊ߬.
ߟߌ߬ߤߟߊ ߣߌ߲߬ ߛߓߍ߫ ߕߎߡߊ ߟߊ߫ ߝߣߊ߫߸ ߎߛߑߡߊ߯ߣ ߜ߭ߊ߯ߥߊߟ ߖߍ߬ߘߍ ߝߣߊ߫ ߡߊ߫ ߛߋ߫ ߡߊߛߐ߬ߘߐ߲߬ ߠߴߊ߲ ߓߟߏ߫.
ߏ߬ ߘߐ߫߸ ߊ߬ ߞߏ ߓߊ߯ ߞߍ߫ ߢߊ ߡߍ߲ ߡߊ߬߸ ߊ߲ ߘߌߣߵߏ߬ ߞߌ߬ߦߴߊߟߎ߫ ߡߊ߬ ߥߊ߯ߕߌ߫ ߣߊ߬ߕߐ ߟߎ߬ ߘߐ߫.
ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.
