ߓߟߐߟߐ߫ ߛߙߏߝߋ߸ ߡߋߘߤߌ߫ ߛߊߓߙߊߥߎ߳، ߥߊ߯ߕߌ߫ ߢߌ߲߬ ߠߊ߫ ߡߊ߬ߝߌ߲߬ߠߌ߲߬ ߛߌߦߊߡߊ߲߫ ߠߋ߬ ߟߊߣߍ߲߫ ߊ߬ ߞߊ߲߬ ߜߋ߲ߞߐ߰ߖߌ߬ߘߊ ߞߣߐ߫߸ ߡߛߏ߬ ߛߌߦߊߡߊ߲߫ ߠߋ߬ ߓߘߴߊ߬ ߦߌ߬ߘߊ߬ ߓߟߐߟߐ ߞߊ߲߬߸ ߞߏ߫ ߗߍ߭ ߣߌ߲߬ ߣߐ߬ ߗߍ߬ߣߌ߬ߡߛߏ߬ߦߊ ߟߋ߬ ߕߊ߬ ߞߵߊ߬ ߞߎ߲߬ߛߌ߲߫ ߊ߬ߟߎ߬ ߟߊ߫߸ ߊ߬ ߣߌ߫ ߞߵߏ߬ ߟߊ߫ ߣߊ߬ߣߌ߲߬ߠߌ߲ ߠߎ߬، ߗߍ߭ ߣߌ߲߬ ߡߌ߬ߣߊ߬ߣߍ߲߫ ߕߘߍ߬ ߦߋ߫ ߞߏ߲ߓߌߕߌ߯ ߟߋ߬ ߟߊ߫ ߡߊ߬ߟߌ ߞߣߐ߫߸ ߞߎ߲߬ߢߐ߲߮ ߣߌ߲߬ ߡߊ߬߸ ߡߊ߬ߟߌ ߞߎ߲߬ߠߊ߬ߛߌ߮ ߟߎ߬ ߓߘߴߊ߬ ߟߊߕߊ߬ߡߌ߲߫ ߜߋ߲ߞߐ߰ߖߌ߬ߘߊ ߡߊ߬߸ ߤߌ߬ߤߟߊ ߣߌ߲߬ ߘߌߦߊߣߍ߲߫ ߠߋ߬ ߡߐ߰ ߟߎ߬ ߦߋ߫߸ ߡߋߘߤߌ߫ ߟߊ߫ ߡߊ߲߬ߕߙߐ ߛߋߣߍ߲߫ ߡߍ߲ ߠߎ߬ ߡߊ߬߸ ߏ߬ ߟߎ ߡߍ߲ ߠߎ߬ ߟߊ߫ ߟߊ߬ߢߌߣߌ߲ ߦߴߊ߬ ߡߌ߬ߣߊ ߘߌ߫ ߞߵߊ߬ ߖߊ߲ߞߌ߲߫.
ߡߋߘߤߌ߫ ߖߙߊ߬ߞߌ߬ߣߍ߲ ߞߐ ߛߎ߲ߞߎߘߎ߲߫ ߛߌߦߊߡߊ߲߫ ߓߟߏ߫ ߓߟߐߟߐ߫ ߞߊ߲߬߸ ߏ߬ ߟߋ߬ ߞߍߣߍ߲߫ ߊ߬ ߓߏ߬ߙߌ ߘߌ߫ ߞߊ߬ ߕߊ߯ ߞߎ߲߬ߞߊ߬ߙߌ߬ߝߊ߬ߟߌ ߟߊ߫ ߡߊ߬ߟߌ ߟߊ߫߸ ߏ߬ ߟߋ߬ ߞߐߝߍ߬߸ ߡߏ߬ߛߏ ߟߎ߬ ߣߌ߫ ߘߋ߲ߡߛߏߣߍ߲ ߠߎ߬ ߞߊ߬ ߡߌ߬ߣߊ߬ߟߌ߬ ߛߓߍ ߟߊߘߏ߲߬ ߊ߬ ߣߐ߭ߝߍ߬߸ ߖߐ߲߰ߛߴߊ߬ ߘߌ߫ ߛߴߊ߬ ߟߐ߬ ߟߴߊ߬ ߟߊ߫ ߞߏ߫ ߞߍߣߍ߲ ߠߎ߬ ߟߊ߫߸ ߡߏ߬ߛߏ ߟߎ߬ ߤߊߞߍ ߡߞߊߘߊ߲߫ ߞߙߎ ߞߵߊ߬ ߦߌ߬ߘߊ߫߸ ߞߏ߫ ߖߞߌߣߊ߫ ߞߕߌߕߍ߯ߟߊ ߦߋ߫ ߢߊߝߐߟߌ߫ ߖߐ߲ߖߐ߲߫ ߞߍ߫ ߣߌ߲߬ ߞߏ ߞߊ߲߬.
