ߦߟߍ߬ߡߊ߲߬ߠߌ߲߬ߓߊ߫ ߟߋ߬ ߞߍߣߍ߲߫ ߓߙߎߞߌߣߊ߫ ߝߊ߬ߛߏ߬ ߓߟߏ߫ ߞߊ߬ߙߊ߲߬ߛߏ ߟߎ߬ ߞߣߐ߫ ߕߋ߲߬، ߝߊ߰ߡߊ ߟߎ߬ ߞߊ߲߫ ߞߏ߫ ߝߏ߫ ߞߊ߬ ߝߊ߲߬ߞߊ߬ ߘߌ߫ ߞߊ߲߫ ߝߌߟߊ߫ ߞߊߙߊ߲ ߠߋ߬ ߡߊ߬ ߖߡߊ߬ߣߊ ߡߎ߰ߡߍ ߞߣߐ߫، ߏ߬ ߟߋ ߘߐ߫߸ ߞߊ߬ߙߊ߲߬ߓߏ߲ ߝߟߐߡߊ ߞߣߐ߫ ߌߞߘߐ߫߸ ߟߞߊ߬ߙߊ߲߬ߠߌ߲ ߝߊ߲߬ߓߊ ߞߍߕߐ߫ ߝߊ߬ߛߏ߬ ߞߊ߲ ߠߋ߬ ߘߐ߫، ߏ߬ ߞߍߢߊ ߘߐ߫߸ ߞߊ߲ ߡߍ߲ ߓߊ߯ ߞߍ߫ ߝߐ߫ ߟߊ߫ ߘߌ߲߬ߞߌߙߊ ߡߍ߲ ߘߐ߫ ߓߊߞߍ߬߸ ߏ߬ ߟߋ ߕߊ߬ߕߐ߫ ߞߊ߬ߙߊ߲߬ߓߏ߲ ߠߎ߬ ߞߣߐ߫ ߦߋ߲߬، ߝߊ߬ߙߊ߲߬ߛߌ߬ ߞߊ߲ ߞߍߕߐ߫ ߝߊ߲߬ߝߘߊ ߝߌߟߊߣߊ߲ ߠߋ߬ ߘߌ߫.

ߞߊ߬ߙߊ߲߬ߕߊ ߟߎ߬ ߘߟߊߞߊ߭ ߞߐߝߍ߬ ߕߟߋ߬ ߁߅߸ ߟߊ߬ߞߐ߰ߟߌ߬ߓߊ߫ ߞߍ߫ ߘߊ߫ ߓߊߖߎ߫ ߞߊߙߊ߲ߕߊ ߟߎ߫ ߟߞߊ߬ߙߊ߲߬ߠߌ߲߬ߠߊ ߟߎ߫ ߞߎ߲߬ ߝߊ߬ߛߏ߬ ߞߊ߲ ߘߐ߫ ߞߊߟߌߦߊ߫ ߓߟߏ ߡߊ߬߸ ߏ߬ ߡߍ߲ ߞߍߕߐ߫ ߞߊ߬ߙߊ߲߬ߓߏ߲߫ ߞߎ߲߬ߝߟߐ ߟߎ߬ ߟߊ߫ ߟߞߊ߬ߙߊ߲߬ߠߌ߲߬ ߞߊ߲ ߛߊ߲ߘߐߕߊ ߘߌ߫، ߕߐ߲ ߡߍ߲ ߛߌ߰ߣߍ߲߫ ߞߎ߲߬ߠߊ߬ߛߌ߮ ߓߟߏ߫ߑ߸ ߞߏ߫ ߟߞߊ߬ߙߊ߲߬ߠߌ߲ %߉߀ ߛߓߍߟߌ ߣߴߊ߬ ߝߐߟߌ߸ ߏ߬ ߓߍ߯ ߞߍߕߐ߫ ߝߊ߬ߛߏ߬ ߞߊ߲ ߠߋ߬ ߘߐ߫.

ߊ߬ ߘߏ߲߬߸ ߊ߬ߟߎ߫ ߞߊ߬ ߖߡߊ߬ߣߊ ߘߐߕߟߊ߫ ߟߋ߬ ߞߊ߲߫ ߞߏ ߛߌߟߊ ߝߍ߬߸ ߣߊߟߌ߬ߡߎ߲߫ ߡߐ߰ߙߍ߸ ߖߎ߬ߟߊ߸ ߝߎ߬ߟߑߝߎߟߑߘߋ߬߸ ߜ߭ߎߟߑߡߊߛߋߡߊ߸ ߟߌߦߟߋ߸ ߘߊߜ߭ߙߊ߸ ߓߌߛߊ߸ ߊ߬ ߣߌ߫ ߣߎ߬ߣߌ، ߏ߬ ߘߐ߫߸ ߞߊ߬ߙߊ߲߬ߓߏ߲ ߡߍ߲ ߓߊ߯ ߞߍ߫ ߝߊ߲߭ ߡߍ߲ ߝߍ߬߸ ߞߊ߲ ߡߍ߲ ߓߊ߯ ߞߍ߫ ߝߐ߫ ߟߊ߫ ߦߋ߲߬ ߞߊ߬ ߛߌߦߊߦߊ߫߸ ߏ߬ ߟߋ ߕߊ߬ߕߐ߫ ߞߊ߬ߙߊ߲߬ߓߏ߲ ߞߣߐ߫ ߦߋ߲߬߸ ߘߋ߲ߣߍ߲ ߞߍ߫ ߘߊ߫ ߛߌߦߊ߫ ߜߘߍ ߛߎ߯ ߺ ߎ ߺ ߛߎ߯ ߘߌ߫ ߛߍߣߍ߲߬߸ ߏ߬ ߕߍ߫ ߡߊߝߟߍ߫ ߟߊ߫.

ߊ߬ߟߋ߬ ߞߏߢߊ ߞߏ߬ߣߌ߲߬ ߓߘߊ߫ ߝߊ߲߬ߞߊ߫ ߛߐ߬ߘߐ߲߬، ߝߊ߬ߛߏ߬ ߞߊ߲ ߠߎ߬ ߟߋ߬ ߞߍߕߐ߫ ߥߊߟߌ߫ ߞߊ߲ ߠߎ߬ ߘߊ߬ߘߌ߬ ߟߊ߫ ߞߊ߬ߙߊ߲߬ߕߊ߬ ߦߌߟߡߊ߫ ߞߎ߲߬ߝߟߐ ߟߎ߬ ߞߣߐ߫ ߛߊ߲߭ ߞߣߐ߫ ߝߛߊߦߌ߫، ߝߊ߬ߙߊ߲߬ߛߌ߬ ߞߊ߲ ߝߣߊ߫ ߞߍߕߐ߫ %߉߀ ߟߊߛߐ߬ߘߐ߲߬ ߠߊ߫ ߦߌߟߡߊ߫ ߟߏ߯ߟߎߟߊߣߊ߲ ߠߋ߬ ߞߣߐ߫ ߡߎ߬ߕߎ߲߫ ߞߊ߬ ߦߟߍ߬، ߓߊߏ߬߸ ߝߊ߬ߙߊ߲߬ߛߌ߬ ߞߊ߲ ߠߋ߬ ߞߍߕߐ߫ ߜߍߢߟߋ ߞߘߐߓߐߟߊ߲ ߘߌ߫.