ߓߙߎߞߌߣߊ߫ ߝߊ߬ߛߏ߬ ߓߘߊ߫ ߓߟߏߘߐߓߍ߲ ߘߏ߫ ߟߎ߫ ߞߍ߫߸
ߞߊ߬ ߓߍ߲߬ ߊ߬ߟߎ߬ ߓߘߊ߫ ߡߐ߮ ߟߎ߬ ߞߐߛߊ߬ߦߌ߲߬ ߞߏ ߡߊ߬ <<ߓߏ߲߬ߧߊ ߣߌ߫ ߜߟߌߦߊ ߞߣߐ߫.>>
ߞߊ߬ߕߎ߲߯߸ ߊ߬ߟߎ߬ ߞߊ߲߫ ߞߏ߫ ߊ߬ߟߎ߬ ߓߘߊ߫ ߡߐ߮ ߥߊ߯ ߦߙߌߞߊ߫ ߟߋ߬ <<ߜߍߣߍ߲߫
ߖߌ߬ߣߍ߬ ߞߣߐ߫>>߸ ߡߍ߲ ߠߎ߬ ߦߋ߫ ߓߊ߯ߙߊ߫ ߟߊ߫ ߛߊߣߌ߲߫ ߘߊߡߊ߲ ߠߎ߬ ߞߣߐ߫، ߏ߬
ߝߐ߫ ߘߊ߫ ߞߎ߲߬ߠߊ߬ߛߌ߮ ߟߋ߬ ߓߟߏ߫߸ ߊ߲ ߞߊ߬ ߡߍ߲ ߡߍ߲߫ ߓߙߎߞߌߣߊ߫ ߞߌ߬ߓߊ߬ߙߏ߬ߦߊ߬ߟߌ
ߖߋ߬ߕߌ߰ߘߊ ߟߊ߫ (AIB).
ߓߌ߬ ߞߎߣߎ߲ߟߏ߲
߂߀߂߆ ߣߍߣߍߓߊ ߕߟߋ߬ ߄ ߣߌ߲߬ ߡߊ߬ ߏ߬ ߘߐ߫߸ ߓߙߎߞߌߣߊ߫ ߗߋߘߋ߲ ߘߏ߫ ߟߎ߫ ߞߊ߫ ߞߊ߲߫ ߞߊ߬
ߥߟߌ߬ ߞߊ߬ ߛߋ߫ ߡߊ߬ߟߌ ߟߊ߫߸ ߛߴߊ߬ߟߎ߬ ߘߌ߫ <<ߘߍ߬ߡߍ߲߫ ߝߊ߬ߛߏ߬ߘߋ߲߬ߢߐ߲߮
ߠߎ߫ ߞߊ߲߬߸ ߡߍ߲ ߠߎ߬ ߦߋ߫ ߖߛߎ߬ߞߊߛߌ ߘߐ߫ ߕߋ߲߬.>> ߓߙߎߞߌߣߊ߫ ߞߵߊ߬ ߞߊ߲ߠߊߘߌ߫
ߊ߬ ߟߊ߫ ߖߡߊ߬ߣߊ߬ߘߋ߲ ߠߎ߬ ߡߊ߬߸ ߞߏ߫ ߊ߬ߟߎ߬ ߦߋ߫ ߕߏ߫ ߡߊ߬ߝߊ ߘߐ߫߸ ߊ߬ ߣߌ߫ ߓߏ߲߬ߧߊ ߞߣߐ߫߸
<<ߊ߬ߟߎ߬ ߞߊߣߵߊ߬ߟߎ߫ ߕߊ߬ ߡߐ߱ ߟߎ߬ ߟߊ߫ ߥߎߦߊ߫ ߞߌߓߊߙߏ ߟߎ߫ ߝߍ߬߸ ߊ߬ߟߎ߫ ߘߏ߲߬ ߞߊߣߊ߬
ߛߐ߲߬ ߞߣߐߘߐߛߏߙߏ߲ߞߏߟߌ ߡߊ߬.>>
ߣߴߏ߬ ߕߍ߫߸ ߖߌ߬ߣߍ߫
ߞߊ߬ ߟߊ߬ߛߋ߬ߟߌ ߡߍ߲ ߞߍ߫߸ ߜߍ߲ߠߌ߲߫ ߞߏ߫ ߡߊ߫ ߝߐ߫ ߏ߬ ߘߐ߫، ߞߊ߬ߕߎ߲߯߸ ߞߏߕߌ߯ ߡߐ߰ ߟߏ߯ߟߎ߫ ߘߍ߬
ߘߊ߫ ߞߊ߬ ߟߊ߬ߛߋ߬ߟߌ߬ ߛߓߍ ߡߍ߲ ߞߟߊ߬ߣߐ߬ߦߊ߫ ߞߐߣߊߞߙߌ߫ ߣߍߣߍߓߊ ߕߋ߬ߟߋ߫ ߂ ߡߊ߬߸ ߣߴߊ߬
ߞߊ߬ߙߊ߲߬ ߘߊ߫ ߝߊ߬ߛߏ ߖߌ߬ߦߊ߬ߞߊ߲߬ߛߏ߬ߓߊ ߟߊ߫ ߖߌ߬ߣߍ߫ ߣߊ߲߬ߕߌ߮ ߟߎ߬ ߟߊ߫ ߓߋߟߋ߲ߕߌ߮ ߓߟߏ߫߸ ߡߊߡߊߘߎ߫
ߊߟߌߥߎ߬ ߛߏ߸ ߏ߬ ߞߵߊ߬ ߝߐ߫ ߟߋ߬߸ ߞߏ߫ ߛߊߣߌ߲ ߢߌߣߌ߲ ߛߊ߬ߙߌ߬ߦߊ߬ ߛߐߛߐ ߞߣߐ߫߸ ߏ߬ ߓߘߊ߫
ߟߊߕߐ߲߫ ߛߌ߯ߙߌ߲߫ ߕߌ߲߬ߞߎߘߎ߲ ߘߐ߫ ߝߋߝߋ߫.
ߊ߬ߟߋ߬ ߟߊ߬ߛߋ߬ߟߌ߬
ߞߋߟߋ߲ ߞߵߊ߬ ߝߐ߫ ߌߞߐ߫߸ ߞߏ߫ ߊ߬ߟߎ߬ ߓߘߊ߫ ߛߏ߬ߙߌ߬ߡߊ߬ߘߋ߲ ߠߎ߬ ߟߊߥߟߌ߬߸ ߞߵߊ߬ߟߎ߬ ߟߊߖߌ߰
ߛߌ߯ߙߌ߲߫ ߞߣߐ߫߸ ߡߍ߲ ߠߎ߬ ߘߌ߫ ߥߊ߫ ߖߊ߲߬ߕߏ߬ ߞߍ߫ ߘߊ߬ߡߊ߲ ߠߎ߬ ߘߐ߫، ߊ߬ ߣߌ߫ <<ߡߐ߰
ߛߌ߫ ߦߋ߫ ߘߊ߬ߡߊ߲߬ߘߊ ߏ߬ ߟߎ߬ ߟߊ߫ ߦߋ߲߬߸ ߞߵߊ߬ߟߎ߬ ߓߍ߯ ߟߊ߫ ߞߏ ߢߊߘߐߜߍ ߟߐ߲߫ ߛߊ߬ߙߌ߬ߦߊ߬ ߓߟߏ
ߡߊ߬.>> ߊ߬ߟߎ߫ ߞߵߊ߬ ߟߴߊ߬ ߞߊ߲߬ ߏ߬ ߟߋ ߘߐ߫߸ ߞߏ߫ ߣߌ߫ <<ߟߏ߲
ߡߍ߲ ߠߎ߬ ߦߋ߫ ߘߋ߫ ߛߊ߬ߙߌ߬ߦߊ߬ ߛߐߛߐ ߞߣߐ߫߸ ߏ߬ ߟߎ߬ ߘߌ߫ ߡߌ߬ߣߊ߬ ߞߵߊ߬ߟߎ߬ ߟߊ߫ ߞߏ ߟߊ߫ ߓߟߏ߫
ߞߘߐ߫߸ ߛߊ߬ߙߌ߬ߦߊ߫ ߞߵߊ߬ ߝߐ߫ ߢߊ ߡߍ߲ ߡߊ߬.>> ߏ߬ ߘߐ߫߸ ߞߏ߫ ߡߐ߰ ߛߌ߫ ߦߋ߫
ߘߊ߫߸ ߊ߬ ߓߍ߯ ߡߌ߬ߣߊ߬ߕߐ߫ ߢߊ߫ ߞߋߟߋ߲߫ ߠߋ߬ ߡߊ߬߸ ߌ ߞߍ߫ ߘߊ߫ ߓߐ߫ ߟߊ߫ ߝߊ߲߬ ߛߌ߫ ߘߐ߫.
ߊ߬ߟߋ߬ ߟߊ߬ߛߋ߬ߟߌ߬ ߛߓߍ߬
ߞߋߟߋ߲ ߞߎߡߊ߫ ߘߊ߫ ߝߣߊ߫߸ ߞߏ߫ ߖߌ߬ߦߊ ߘߏ߫ ߟߎ߫ ߦߋ߫ ߘߍ߬ߞߙߏߝߏ ߟߎ߫ ߞߊ߲߬߸ ߡߍ߲ ߠߎ߬ ߘߌ߫
ߝߛߏ߬ߝߛߊ ߟߊߘߏ߲߬ ߡߐ߱ ߟߎ߫ ߛߣߐ߬ߡߍ ߘߐ߫، ߞߏ߫ ߕߎ߬ߢߊ ߞߏ߬ߣߌ߲ ߦߋ߫ ߡߍ߲ ߘߌ߫߸ ߊ߬ߟߎ ߦߋ߫ ߛߌߟߊ
ߡߍ߲ ߞߊ߲߬߸ ߏ߬ ߟߋ ߛߊ߬ߙߌ߬ߦߊ ߛߌߟߊ ߣߌ߫ ߊߘߡߊߦߊ ߟߊߕߊ߲߬ߞߊ ߛߌߟߊ ߘߌ߫.
ߊߟߎ߫ ߦߴߊ߬ ߟߐ߲߫߸
ߛߌ߯ߙߌ߲߫ ߘߊ߬ߡߊ߲߬ ߞߏ ߣߌ߲߬ ߓߘߊ߫ ߥߟߏ߫ ߞߏ߫ ߛߌߦߊߡߊ߲߫ ߠߊ߫߸ ߡߍ߲ ߓߘߊ߫ ߞߍ߫ ߡߊߢߊ߲ ߘߌ߫
ߝߊߦߌߘߊ߫، ߓߊߏ߬߸ ߞߎߣߎ߲߬ ߣߍߣߍߓߊ ߕߋ߬ߟߋ߫ ߃ ߡߊ߬߸ ߘߎ߰ߞߣߍ ߡߊ߬ߡߙߊ߬ߟߌ ߣߌ߫ ߕߊ߲ߓߊ߲ߓߐߟߌ
ߞߏߕߌ߮ ߖߋߣߊߓߎ߬ ߕߎ߬ߙߋ ߞߊ߬ ߛߌ߯ߙߌ߲߫ ߕߌ߲߬ߞߎߘߎ߲ ߞߌ߲߬ߕߌ߮ ߣߴߊ߬ ߘߎ߰ߕߌ߯ ߡߐ߰ ߄߇߉
ߟߋ߬ ߟߊߓߋ߬ ߞߵߊ߬ߟߎ߬ ߓߐ߫ ߊ߬ߟߎ߫ ߟߐ߬ߘߎ߮ ߘߐ߫.
