ߜߋ߲ߞߐ߰ߖߌ߬ߘߊ: ߢߐ߲߯ߘߍߡߍ߲ ߓߐߟߐ߲ ߓߘߊ߫ ߕߎ߲߯ ߝߘߏ߬ߓߊ߬ ߞߟߊߘߊ ߘߏ߲߬ߞߏ ߟߎ߬ ߟߊ߫ ߔߊߞߌߛߦߊ ߓߟߏ߫

ߞߎߟߎ߲ߞߎߟߎ߲ߠߌ߲ ߠߎ߬ ߘߐߖߐ߲߰ߛߐ߲߬ߣߍ߲߬ߓߊ ߟߋ߬ ߦߋ߬ߔߎߜ߭ߐ߲߬ ߓߌ߬ ߞߍ߲ߘߍߟߏ߲ ߣߌ߲߬ ߡߊ߬߸ ߘߓߊ߬ߓߌߟߊ ߕߋ߬ߟߋ߫ ߉، ߞߵߏ߬ ߞߎ߲߭ ߞߍ߫ ߝߘߏ߬ߓߊ߬ ߞߟߊߘߊ ߟߊ߫ ߡߊ߬ߕߊ߰ߡߊ߬ߟߌ ߘߌ߫، ߝߘߏ߬ߓߊ߬ ߞߟߊߘߊ ߣߌ߲߬ ߦߋ߫ ߊߝߙߌߞߌ߬ ߡߌ߬ߙߌ߲߬ߘߌ߬ ߞߙߎߞߊ ߣߌ߫ ߜߋ߲ߞߐ߰ߖߌ߬ߘߊ ߓߍ߯ߦߊ ߞߙߎߞߊ ߓߏߟߏ߲ ߘߏ߫ ߟߋ߬ ߘߌ߫، ߒ߬ߓߊ߬߸ ߕߐ߲߫߫ ߓߟߏߡߊ ߟߎ߬ ߝߣߊ߫ ߓߘߊ߫ ߓߎߟߋߝ߭ߊߙ ߘߋ߬ ߟߊ߬ ߛߏߟߌߘߊߙߌߕߋ ߡߌ߬ߘߊ߬߸ ߕߍߙߑߡߌߣߎ߳ߛ ߞߊ߯ߙߊ߲ߕ ߣߌ߫ ߝߌߞߑߜ߭ߊߦߏ߫ ߜߍߞߣߍ ߕߍߟߊ ߘߐ߫.
ߖߡߊ߬ ߟߊ߬ߓߐ ߣߌ߲߬ ߞߍ ߦߏ߬ߔߎߜ߭ߐ߲߬߸ ߏ߬ ߞߎ߲߭ ߦߋ߫ ߓߘߍ߬ߓߘߍ߬ߟߌ߬ ߞߙߎߞߊ߫ ߝߌ߬ߟߊ߫ ߟߋ߬ ߟߊ߫ ߘߍ߭ ߘߌ߫߸ ߡߍ߲ ߠߎ߬ ߘߊߘߐߞߊ߲ ߦߋ߫ ߡߞߊ߬ߛߌ߬ߟߌ߫ ߘߌ߫ ߞߊ߲ߕߌ߯ ߢߣߊߕߊߟߌ߫ ߖߐ߲ߖߐ߲߫ ߕߋߟߋ߲ߣߍ߲ ߞߍߟߌ ߘߌ߫ ߜߋ߲ߞߐ߰ߖߌ߬ߘߊ ߟߊ߫، ߝߣߊ߫߸ ߞߏ߫ ߝߏ߫ ߡߐ߰ߓߊ ߘߏ߫ ߟߎ߫ ߕߐ߮ ߦߋ߫ ߟߊߘߏ߲߬ ߠߋ߬ ߢߣߊߕߊߟߌ߫ ߛߓߍ ߘߐ߫߸ ߦߏ߫ ߟߏߙߊ߲߫ ߜߊ߬ߜߏ߬߸ ߕߌ߬ߖߊߣ ߗߊߡ߸ ߖߌ߬ߦߏߡ ߛߙߏ߫ߥ ߟߊ߫ ߛ߭ߊߙߟ ߓߑߟߋ߫ ߜ߭ߎ߬ߘߋ߬، ߊ߬ߟߎ߬ ߞߊ߲߫ ߝߣߊ߫߸ ߞߏ߫ ߊ߬ߟߎ߬ ߡߊ߫ ߓߍ߲߬ ߊߟߛߊߣ ߘߙߊ߬ߡߊ߬ߣ ߥߊߕߙߊ߫ ߟߊ߫ ߟߐ߬ߒ߬ߞߋ߬ߟߊ߬ ߣߊ߰ߣߌ߲߬ߣߊ߲߬ ߞߏ ߡߊ߬ ߡߎ߰ߡߍ߫، ߏ߬ ߓߍ߯ ߟߊߣߍ߲߫ ߡߎ߲߬ ߞߊ߲߬߸ ߞߏ߫ ߖߡߊ߬ߣߊ ߓߘߊ߫ ߜߟߍ߬ߦߊ߬߸ ߛߣߍ߬ߞߍ߬ߟߊ ߟߎ߬ ߟߊ߫ ߥߊߘߌ߫ ߛߙߊ߫ ߞߏ ߓߘߊ߫ ߟߊߛߎߡߦߊ߫، ߒ߬ߓߊ߬߸ ߞߎ߲߬ ߘߊ߲ߘߐ ߢߌ߲߬ ߠߎ߫ ߟߋ߬ ߊ߬ߟߎ߬ ߟߊ߫ ߓߐߟߌ ߢߌ߲߬ ߠߊ߫ ߓߌ߬.
ߛߌߟߊ ߡߍ߲ ߠߎ߬ ߡߌ߬ߘߊ߬ߣߍ߲߫ ߕ ߏ߬ ߟߊߥߟߌ߬ߣߍ߲߫ ߝߊ߰ߡߊ ߟߎ߬ ߓߟߏ߫ ߔߊߞߌߛߦߊ ߕߘߍ߬ߒ߬ߘߐ߬ߓߊ߮ ߟߎ߬ ߟߊߞߊ߲ߘߍ ߟߋ߬ ߡߊ߬߸ ߛߴߊ߬ߟߎ߬ ߟߊ߫ ߓߐߟߌ ߘߌ߫ ߖߎ߭ߛߌ߰ ߤߙߊ߫ ߘߐ߫߸ ߞߵߊ߬ ߞߎ߲߭ߝߊ߰ ߤߙߊ߫ ߘߐ߫، ߦߙߐ ߏ߬ ߦߋ߫ ߞߎߟߎ߲ߞߎߟߎ߲߫ ߠߊ߫ ߓߊߟߋ߬ ߞߎ߲߬ߢߐ߲߰ ߟߊ߬ߖߌ߮ ߟߎ߬ ߘߐ߫ ߛߐ߲߬، ߓߊ߬ߙߌ߬ ߓߌ߬߸ ߛߋ߲߬ߡߊ߬ߕߊ߰ߡߊ߬ߟߊ ߟߎ߫ ߟߋ߬ ߘߐߙߐ߲߫ ߦߋ߫ ߕߊ߬ߡߌ߲߬ ߠߊ߫ ߦߋ߲߬߸ ߤߊ߲߯ ߖߊ߲߬ߖߏ߲ ߦߋ߫ ߞߎ߲߭ߘߏ߲߬ ߕߎ߬ߡߊ ߡߍ߲ ߠߊ߫.
ߊ߬ ߓߘߊ߫ ߦߌ߬ߘߊ߫ ߓߏ߬ߙߌ߬ߝߋ߲߬ߕߌ߮ ߟߎ߬ ߟߊ߫ ߞߏ߫ ߓߍ߯ ߦߋ߫ ߓߎߟߋߝ߭ߊߙ (ߓߐߟߐ߲) ߟߊ߲ߖ߭ߏߣߌ߫ ߞߎ߬ߟߌߓߊ߬ߟߌ߫ ߡߌ߬ߘߊ߬߸ ߞߊ߬ ߕߊ߯ ߛߊߓߟ ߜ߭ߊ߲ߘߌ߫ ߝߊ߲߭ ߝߍ߬߸ ߤߊ߲߯ ߊߝ߭ߋߣߌ ߋ߬ߡߌߟ ߓߙߎߟ߸ ߊ߬ ߣߌ߫ ߓߍߟ ߍߙ ߞߘߐ߬ߡߊ߲. ߕߐ߲߫ ߓߟߏߡߊ ߟߎ߬ ߓߘߊ߫ ߟߊߖߌ߰ ߦߙߐ ߟߎ߬ ߘߐ߫߸ ߞߊ߬ ߕߊ߫ߡߊ ߣߌ߲߬ ߡߊߛߊ߲߬ߛߊ߲߬ ߞߏߢߊ߬.
ߊ߬ ߝߐ߫ ߘߊ߫ ߞߏ߫ ߡߊ߬ߕߊ߰ߡߊ߬ߟߌ ߣߌ߲߬ ߞߍߕߐ߫ ߘߓߊ߬ߓߌߟߊ ߕߋ߬ߟߋ߫ ߂ ߟߋ߬ ߡߊ߬߸ ߓߊ߬ߙߌ߬ ߔߊߞߌߛߦߊ ߏ߬ ߓߐ߫ ߘߴߊ߬ ߡߊ߬߸ ߊ߬ߟߎ߬ ߣߌ߫ ߊߓߌߖߊ߲߬ ߡߙߊ߬ߓߊ߰ߘߊ ߟߊ߫ ߛߌ߰ߞߊ߬ߝߐ ߘߏ߫ ߞߐߝߍ߬߸ ߊ߬ ߣߴߊ߬ ߞߏ ߛߌ߲߬ߝߏ߲߬ߧߊ߬ߓߊ߮ ߟߎ߬ ߣߌ߫ ߢߐ߲߯ ߕߍ߫، ߊ߬ ߞߏ߬ߣߌ߲߸ ߝߊ߰ߡߊ ߟߎ߬ ߞߊ߲߫ ߞߏ߫ ߊ߬ߟߎ߬ ߦߋ߫ ߢߐ߲߯ ߢߊߦߋ ߟߋ߬ ߢߌߣߌ߲߫ ߠߊ߫ ߖߡߊ߬ߣߊ߬ߘߋ߲ ߠߎ߬ ߝߍ߬߸ ߊ߬ ߣߌ߫ ߞߏ߫ ߊ߬ߟߎ߬ ߘߴߊ߬ߟߎ߫ ߟߐ߬ ߊ߬ߟߎ߫ ߟߐ߬ ߦߌߟߊ߸ ߞߊ߬ ߛߋ߫ ߡߐ߱ ߟߎ߬ ߟߊߞߊ߲ߘߊ߫ ߟߊ߫.