ߖߌ߬ߣߍ߬ ߝߎߥߊ߲ߓߎ߲ߓߎ߲߫ ߞߏߟߊߘߍ߸ ߖߌ߬ߣߋ߫ ߊ߬ߟߎ߬ߡߌߣߊ ߞߐ߬ߙߑߔߏ߬ߙߋߦߌߛ߭ߐߣ (Guinea Alumina Corporation) ߠߊ߫ ߘߌ߬ߢߍ߬ߡߊ߬ߛߓߍ ߡߌ߬ߣߊ ߞߐߝߍ߬ ߊ߬ ߟߊ߫߸ ߞߐߣߊߞߙߌ߫ ߣߌ߫ ߋߡߌߙߊߕ ߜ߭ߑߟߏߓߊߟ ߊߟߎ߳ߡߣߌߦߐߡ ߓߘߊ߫ ߘߊߘߐߖߊߥߏ ߘߏ߫ ߟߎ߫ ߘߊߡߌ߬ߣߊ߬߸ ߛߴߊ߬ߟߎ߬ ߘߌ߫ ߞߛߌ߫ ߞߕߌ ߘߐ߫ ߝߐߢߐ߲߯ߞߐ ߘߏ߫ ߟߎ߫ ߡߊ߬، ߊ߬ ߞߍߣߍ߲߫ ߦߏ߫ ߊ߬ߟߎ߬ ߦߴߊ߬ ߝߍ߬ ߞߊ߬ ߓߍ߲߬ ߞߋߟߋ߲߫ ߡߊ߬ ߘߊߘߐߖߊߥߏ ߣߌ߲߬ ߘߐ߫߸ ߏ߬ ߘߏ߲߬ ߕߐ߬ߣߐ ߓߍߣߊ߬ ߥߊ߬ߙߊ߫ ߖߌ߬ߣߍ߫ ߖߡߊ߬ߣߊ ߞߊ߲߬ ߛߐ߬ߘߐ߲ ߛߌߟߊ ߝߍ߬ ߞߏߛߓߍ߫.
ߖߌ߬ߣߍ߫ ߖߡߊ߬ߣߊ ߣߌ߫ ߋߡߌߙߊߕ ߟߊ߫ ߞߌߢߍ߲߫ ߝߎߥߊ߲ ߞߏ ߞߏߟߊߘߍ (ߋߞߝ= GAC) ߦߋ߫ ߞߎߡߊߢߐ߲߯ߦߊ ߘߏ߫ ߟߎ߫ ߟߋ߬ ߞߊ߲߬ ߕߋ߲߬߸ ߛߴߊ߬ߟߎ߬ ߘߌ߫ ߓߍ߲߬ ߞߋߟߋ߲߫ ߘߐ߫، ߓߍ߲߬ߘߐ ߏ߬ ߟߋ ߞߍߕߐ߫ ߕߙߎ߬ ߘߌ߫߸ ߛߌߟߊ ߘߌ߫ ߟߊߞߊ߬ ߥߊߟߌߘߊ ߣߌ߲߬ ߦߋ߫߸ ߊ߬ߟߎ߬ ߘߌ߫ ߝߎߥߊ߲ ߟߊ߬ߥߟߏ߬ߟߌ ߓߎ߲ߓߎ߲߫ ߝߟߐ ߟߎ߬ ߕߊ߭ ߘߊߡߌ߬ߣߊ߬ ߖߌ߬ߣߍ߫ ߝߘߏ߬ߓߊ߬ ߞߏߟߊߘߍ߫ ߣߌ߲߬ߓߊ ߡߊߦߌߣߌ߲ߜ߭ ߝߍ߬، ߏ߬ ߞߎߡߊ ߝߐ߫ ߘߊ߫ ߡߐ߰ ߛߓߊ߬ ߓߍ߯ ߓߟߏ߫߸ ߡߍ߲ ߠߎ߬ ߦߋ߫ ߣߌ߲߬ ߞߏ ߞߊ߬ߟߊߡߊ߬ ߝߛߊߦߌ߫.
ߋߡߌߙߊߕ ߟߊ߫ ߞߌߢߍ߲߫ ߝߎߥߊ߲ ߞߏ ߞߏߟߊߘߍ ߓߏߟߏ߲ߝߘߊ ߡߍ߲ ߕߐ߯ ߞߏ߫ ߖߌ߬ߣߍ߬ ߝߎߥߊ߲ߓߎ߲ߓߎ߲߫ ߞߏߟߊߘߍ (ߖߌ߬ߣߋ߫ ߊ߬ߟߎ߬ߡߌߣߊ߬ ߞߐ߬ߙߑߔߏ߬ߙߋߦߌߛߐ߬ߣ)߸ ߖߌ߬ߣߍ߫ ߣߊ߲߬ߕߌ߰ ߞߎ߲ߠߊߛߌ߮ ߟߎ߫ ߞߵߏ߬ ߟߊ߫ ߘߌ߬ߢߍ߬ߛߓߍ ߡߌ߬ߣߴߊ߬ ߟߊ߫ ߞߊ߬ߙߌ߬ߝߐ ߟߋ߬ ߟߊ߫߸ ߞߵߏ߬ ߞߎ߲߭ ߞߍ߫ ߝߐߢߐ߲߯ߞߐ ߘߏ߫ ߘߌ߫ ߞߵߊ߬ ߓߍ߲߬ ߝߎߥߊ߲ߓߎ߲ߓߎ߲ ߘߐ߬ߖߏ߲߬ߘߊ ߘߏ߫ ߟߐ߬ ߞߏ ߡߊ߬، ߞߎ߲߬ߠߊ߬ߛߌ߮ ߓߊ߲߫ ߘߊ߫ ߞߵߊ߬ߟߎ߬ ߓߟߏߝߋ߲ ߡߎ߰ߡߍ ߟߋ߬ ߕߊ߬ ߞߵߊ߬ ߘߌ߫ ߣߌ߲߬ߓߊ ߡߊߦߌߣߌ߲ߜ߭ ߡߊ߬.
ߏ߬ ߞߍ߸ ߋߡߌߙߊߕ ߟߊ߫ ߞߌߢߍ߲߫ ߝߎߥߊ߲߫ ߞߏߟߊߘߍ ߞߵߊ߬ ߦߌ߬ߘߊ߬ ߞߏ߫ ߊ߬ ߓߍߣߵߊ߬ ߡߊߞߊ߬ߛߌ߫ ߖߌ߬ߣߍ߫ ߞߎ߲߬ߠߊ߬ߛߌ߮ ߞߊ߲߬، ߒ߬ߓߊ߬߸ ߣߌ߫ EGA ߣߌ߫ ߞߎ߲߬ߠߊ߬ߛߌ߮ ߛߋ߫ ߘߊ߫ ߓߍ߲߬ ߠߊ߫ ߞߋߟߋ߲߫ ߘߐ߫ ߊ߬ߟߎ߬ ߟߊ߫ ߘߊߘߐߖߊߥߏ ߣߌ߲߬ ߘߐ߫߸ ߏ߬ ߘߌ߫ ߞߍ߫ ߕߙߎ߬ ߘߌ߫߸ ߡߞߊ߬ߛߟߌ߬ ߞߏ ߡߍ߲ ߝߐߣߍ߲߫߸ ߏ߬ ߘߌ߫ ߓߐ߫ ߊ߬ ߡߊ߬، ߝߣߊ߫߸ ߋߡߌߙߊߕ ߝߎߥߊ߲߫ ߞߏߟߊߘߍ ߘߴߊ߬ ߟߊ߫ ߓߊ߯ߙߊ ߘߊߡߌ߬ߣߊ߬ ߦߏ߫ ߊ߬ ߕߘߍ߬ ߞߍ߫ ߟߊ߫ ߢߊ ߡߍ߲ ߡߊ߬. ߏ߬ ߝߐ߫ ߘߴߊ߲ ߧߋ߫ ߞߎ߲߬ߠߊ߬ߛߌ߮ ߛߌ߲߬ߝߏ߲ ߘߏ߫ ߟߋ߬ ߓߟߏ߫߸ ߡߍ߲ ߖߍ߬ߘߍ ߦߋ߫ ߘߊߘߐߖߊߥߏ ߣߌ߲߬ ߘߐ߫.
ߊ߬ ߞߵߊ߬ ߝߐ߫ ߞߏ߫: <<ߘߊߘߐߖߊߥߏ ߦߋ߫ ߥߊ ߞߊ߲߬ ߊ߬ ߢߌ߬ߡߊ ߟߊ߫߸ ߊ߬ ߘߏ߲߬ ߓߍߣߊ߬ ߞߍ߫ ߕߙߎ߬ ߘߌ߫ ߞߊ߬ ߥߐ߬ߦߐ ߡߊߕߊ߲߬ߞߊ߬.>> ߞߎ߲߬ߠߊ߬ߛߌ߮ ߟߊ߫ ߡߐ߱ ߏ߬ ߟߋ ߞߊ߲߫ ߕߋ߲߬.
ߊ߲ ߞߏ߬ߣߌ߲ ߞߊ߬ ߟߌ߬ߤߟߊ ߢߌ߲߬ ߠߎ߫ ߛߐ߬ߘߐ߲߫ ߥߏ߬ߘߊ߬ ߛߌ߫ ߟߊ߫߸ ߊ߬ߟߎ߬ ߓߍ߯ ߞߵߊ߬ ߦߌ߬ߘߊ߫ ߟߋ߬ ߞߏ߫ ߊ߬ ߞߊ߫ ߘߴߊ߬ߟߎ߬ ߦߋ߫ ߊ߬ߟߎ߬ ߕߐ߮ ߦߋ߫ ߕߏ߫ ߜߎ߬ߕߙߎ ߟߋ߬ ߘߐ߫ ߊ߲ ߓߟߏ߫߸ ߞߵߏ߬ ߞߎ߲߭ ߞߍ߫ ߘߊߘߐߖߊߥߏ ߢߍ߬ߣߍ߲ ߥߊ߬ߙߊ ߘߌ߫.
ߣߌ߲߬ߓߊ ߡߊߦߌߣߌ߲ߜ߭ ߞߵߊ߬ ߦߌ߬ߘߊ߬ ߙߋߎ߳ߕߍߙ ߟߊ߫ ߟߋ߬߸ ߞߏ߫ ߊ߬ߟߎ ߕߍ߫ ߘߊߘߐߖߊߥߏ߫ ߞߏ߫ ߞߊ߬ߟߊߡߊ߬߸ ߞߏ߫ ߟߌ߬ߤߟߊ߬ ߜߘߍ߫ ߘߏ߲߬ ߕߴߊ߬ߟߎ߬ ߓߟߏ߫ ߊ߬ ߞߏߢߊ ߞߊ߲߬، ߖߌ߬ߣߍ߬ ߞߏߕߌ߯ߘߊ ߡߍ߲ ߝߣߊ߫ ߘߐ߱ߘߏ߲߬ߣߍ߲߫ ߘߊ߬ߡߊ߲߬ ߞߏ ߟߊ߫߸ ߊ߬ ߣߌ߫ ߋ.ߖ߭ߋ.ߊ߸ ߏ߬ ߟߎ߬ ߝߣߊ߫ ߡߊ߫ ߝߋ߲߫ ߝߐ߫ ߊ߬ ߞߏ ߞߊ߲߬ ߞߊߟߌߦߊ߫ ߓߟߏ ߣߌ߲߬ ߡߊ߬ ߡߎߣߎ߲߬.
ߊ߬ ߞߏ߬ߣߌ߲߸ ߋ.ߖ߭ߋ.ߊ ߦߴߊ߬ ߞߊ߲߬ ߞߊ߬ ߝߎߥߊ߲ߢߊߘߊ߲ ߢߌߣߌ߲߫ ߝߊ߲߬ ߜߘߍ߫ ߟߎ߫ ߝߍ߬߸ ߊ߬ߟߎ߫ ߓߣߐ߬ߣߍ߲ ߞߐ߫ ߊ߬ߟߎ߬ ߟߊ߫ ߘߌ߬ߢߍ߬ߛߓߍ ߟߊ߫ ߖߌ߬ߣߍ߫ ߘߊ߬ߡߊ߲߬ ߓߊ߯ߙߊ ߘߐ߫ ߞߊ߬ߣߌ߲߬.
ߋߡߌߙߊߕ ߞߌߢߍ߲߫ ߝߎߥߊ߲߫ ߞߏߟߊߘߍ ߣߌ߲߬ ߦߋ߫ ߊߙߊߓߎߘߎ߯ ߡߊ߲߬ߛߟߊ߬ ߟߊߘߍ߬ߣߍ߲ ߠߊ߫ ߝߘߏ߬ߓߊ߬ ߥߊߟߌߘߊ ߘߏ߫ ߟߋ߬ ߘߌ߫، ߡߍ߲ ߦߋ߫ ߡߎߓߊߘߟߊ߬ ߣߌ߫ ߊ߬ߓߎ߫ ߘߊ߬ߓߌ߫ ߣߊ߲߬ߝߟߏ߬ߦߊ߬ߟߌ߬ ߞߏߟߊߘߍ ߕߊ߫ ߓߟߏ߫ ߡߊ߬߸ ߡߍ߲ ߦߋ߫ ߘߎߢߊ߫ ߝߎߊߥ߲߫ ߓߊ߯ߙߊ߫ ߞߏߟߊߘߍߓߊ ߘߏ߫ ߘߌ߫ ߞߊ߬ߣߌ߲߬.
ߊ߬ߟߋ߬ ߥߊߟߌߘߊ ߣߐ߬ ߘߟߊ ߥߟߎ߬ߡߊ߬ ߞߋߟߋ߲߫ ߠߋ߬ ߘߏ߲߬ ߠߊ߫ ߖߌ߬ߣߍ߬ ߝߎߥߊ߲ߓߎ߲ߓߎ߲߫ ߞߏߟߊߘߍ ߟߊ߫ ߞߏ ߟߊ߫߸ ߏ߬ ߡߍ߲ ߕߎ߲߬ ߦߋ߫ ߝߎߥߊ߲ߢߊߘߊ߲ ߞߙߌߕߌ߫ ߁߄ ߓߐ߫ ߟߊ߫ ߛߊ߲߬ ߞߋߟߋ߲ ߞߣߐ߫ ߖߌ߬ߣߍ߫ ߦߊ߲߬߸ ߦߊ߬ߣߴߊ߬ߟߎ߬ ߟߊ߫ ߘߌ߬ߢߍ߬ߛߓߍ ߡߌ߬ߣߊ߬ߕߐ߫ ߊ߬ߟߎ߬ ߟߊ߫.
ߊ߬ߟߋ߬ ߋ.ߖ߭ߋ.ߊ ߟߊ߫ ߘߐ߬ߖߏ߲߬ߘߊ ߦߋ߫ ߊߙߊߓߎߘߎ߯ ߡߊ߲߬ߛߟߊ߬ ߟߊߘߍ߬ߣߍ߲ ߠߋ߬ ߞߣߐ߫߸ ߏ߬ ߟߊߘߊ߲ߣߍ߲߫ ߋߡߌߙߊߕ ߋߡߌߙߊߕ ߟߊ߫ ߝߎߥߊ߲߫ ߞߏߟߊߘߍ ߟߋ߬ ߓߟߏ߫، ߤߊߟߌ߬ ߣߴߊ߬ ߦߋ߫ ߛߐ߬ߘߐ߲߬߸ ߞߏ߫ ߊ߬ ߟߊ߫ ߓߊ߯ߙߊ ߓߎ߲ߓߎ߲ߣߍ߲߫ ߖߌ߬ߣߍ߬ ߝߎߥߊ߲ߢߊߘߊ߲ ߠߋ߬ ߡߊ߬߸ ߊ߬ߟߋ߬ ߞߏߟߊߘߍ ߞߏ߬ߣߌ߲ ߦߴߊ߬ ߢߊߢߌߣߌ߲ ߞߊ߲߬ ߡߎߣߎ߲߬߸ ߛߴߊ߬ ߘߌ߫ ߛߋ߫ ߝߎߥߊ߲ߢߊߘߊ߲ ߓߐ߫ ߦߙߐ߫ ߜߘߍ߫ ߟߎ߫ ߛߐ߬ߘߐ߲߬ ߠߊ߫ ߡߍ߲ ߣߌ߫ ߖߌ߬ߣߍ߬ ߕߍ߫ ߞߋߟߋ߲߫ ߘߌ߫.
ߖߌ߬ߣߍ߬ ߦߋ߫ ߘߎߢߊ߫ ߝߎߥߊ߲ߢߊߘߊ߲߫ ߓߐ߫ ߦߙߐ ߟߎ߬ ߘߐ߫ ߓߟߋ߬ߓߟߋ ߝߌߟߊߣߊ߲ ߠߋ߬ ߘߌ߫߸ ߡߍ߲ ߓߘߴߊ߬ ߛߌ߰ߢߐ߲߯ ߣߊ߲߬ߕߌ߯ ߖߡߊ߬ߣߊ߬ ߡߙߊ߬ߟߊ ߟߎ߬ ߛߋ߲߬ߣߐ ߟߊߝߊ߱ ߘߊߡߌ߬ߣߊ߬߸ ߦߏ߫ ߖߋ߬ߟߌ߬ߓߊ߬ߘߎ߯ ߣߌ߫ ߓߙߎߞߌߣߊ߫ ߝߊ߬ߛߏ߬߸ ߞߵߏ߬ ߟߊ߫ ߡߊ߬ߟߌ ߞߊ߲߬߸ ߏ߬ ߟߎ߬ ߡߍ߲ ߠߎ߬ ߦߴߊ߬ ߝߍ߬ ߞߵߊ߬ߟߎ߬ ߘߍ߲߫ ߊ߬ߟߎ߫ ߖߘߍ߬ ߟߴߊ߬ߟߎ߬ ߟߊ߫ ߘߊ߬ߡߊ߲߬ ߞߏ ߘߐ߫، ߒ߬ߓߊ߬߸ ߖߌ߬ߣߍ߬ ߝߣߊ߫ ߓߘߴߏ߬ ߛߌߟߊ߫ ߞߋߟߋ߲ ߠߋ߬ ߕߊ߬߸ ߛߴߊ߬ ߘߴߊ߬ ߟߊ߫ ߖߘߍ߬ߕߌ߰ߦߊ ߘߝߊߣߍ߲ ߛߐ߬ߘߐ߲߬ ߊ߬ ߓߟߏߝߋ߲ ߠߎ߬ ߟߊ߫ ߞߏ ߘߐ߫.
ߞߏ߲ߓߌߕߌ߮ ߟߊߓߊ߲ ߠߊ߫߸ ߣߌ߲߬ߓߊ ߡߊߦߌߣߌ߲ߜ߭ ߞߊ߬ ߝߎߥߊ߲ߢߊߘߊ߲ ߞߙߌߕߌ߫ ߞߋ߲߬ߥߟߎ߬ ߁،߅ ߡߍ߲ ߓߐ߫߸ ߏ߬ ߟߊߡߙߊ߬ߣߍ߲߫ ߕߍ߬ߘߍ߫ ߖߌ߬ߣߍ߬ ߝߎߥߊ߲ߓߎ߲ߓߎ߲߫ ߞߏߟߊߘߍ ߟߋ߬ ߓߟߏ߫ ߦߊ߬ߣߴߊ߬ߟߎ߬ ߟߊ߫ ߘߌ߬ߢߍ߬ߛߓߍ ߦߋ߫ ߡߌ߬ߣߴߊ߬ߟߎ߬ ߟߊ߫߸ ߊ߲ ߧߋ߫ ߦߙߐ ߡߍ߲ ߘߐ߫ ߕߋ߲߬߸ ߊ߬ߟߎ߬ ߓߘߊ߫ ߘߊ߬ߡߊ߲߬ ߢߍ ߞߙߌߕߌ߫ ߆߈߀ ߀߀߀ ߠߊߓߐ߫، ߣߌ߲ߓߊ ߡߊߦߌߣߌ߲ߜ߭ ߗߋߕߌ߮ ߖߍ߬ߘߍ ߘߊߘߐߞߊ߲ ߠߵߏ߬ ߘߌ߫߸ ߔߊ߬ߕߙߌߛ ߤߎߦߋ߫.
ߣߌ߲߬ߓߊ ߡߊߦߌߣߌ߲ߜ߭ ߦߴߊ߬ ߝߍ߬ ߞߊ߬ ߕߣߐ߬ߓߐ߬ߟߌ ߘߊߡߌ߬ߣߊ߬ ߞߊߙߏ ߢߌ߲߬ ߠߊ߫߸ ߊ߬ߟߎ߬ ߦߴߊ߬ ߝߋ߬ ߝߣߊ߫߸ ߊ߬ߟߎ߬ ߦߋ߫ ߛߋ߫ ߞߙߌߞߌ߫ ߞߋ߲߬ߥߟߎ߬ ߁߀ ߠߊߓߐ߫ ߟߊ߫ ߂߀߂߆ ߟߊ߫߸ ߤߊ߲߯ ߞߵߊ߬ ߛߌ߰ ߞߙߌߕߌ߫ ߞߋ߲߬ߥߟߎ߬ ߁߄ ߠߊ߫.
ߘߌ߬ߢߍ߬ߛߓߍ ߡߍ߲ ߦߴߊ߬ߟߎ߬ ߓߟߏ߫߸ ߊ߬ߟߎ߬ ߘߌ߫ ߛߋ߫ ߞߙߌߕߌ߫ ߞߋ߲߬ߥߟߎ߫ ߄߇߀ ߓߊ߯ߙߊ߫ ߟߴߏ߬ ߘߐ߫߸ ߣߌ߲߬ߓߊ߫ ߘߏ߲߬ ߓߘߊ߫ ߕߊ߬ߟߌ߬ ߞߏ ߝߐ߫߸ ߞߏ߫ ߣߌ߫ ߡߍ߲ ߘߌ߫ ߛߋ߫ ߣߊ߬ ߟߊ߫ ߘߐ߬ߖߏ߲߬ߘߊ ߘߏ߫ ߘߌ߫߸ ߡߍ߲ ߞߊߓߋ ߦߋ߫ ߞߋ߲߬ߥߟߎ߬ ߁،߂ ߘߐ߫߸ ߏ߬ ߟߋ ߘߏ߲߬ ߜߎ ߦߋ߫ ߖߌ߬ߣߍ߫ ߞߎ߲߬ߠߊ߬ߛߌ߮ ߟߊ߫ ߓߘߍ߬ߓߘߍ߬ߟߌ ߘߌ߫، ߏ߬ ߝߐ߫ ߘߊ߫ ߛߟߊߕߌ߯ ߔߊߛߑߞߊߙ ߤߎߦߋ߫ ߟߋ߬ ߓߟߏ߫.
ߘߎߢߊ߫ ߝߎߥߊ߲ߢߊߘߊ߲ ߦߋ߫ ߖߌ߬ߣߍ߬ ߓߟߏ߫ ߦߊ߲߬ ߝߋߝߋ߫߸ ߊ߬ ߘߌ߫ ߛߋ߫ ߘߟߊ ߥߟߎ߬ߡߊ߬ ߦߙߌߞߊ߫ ߛߐ߬ߘߐ߲߬ ߠߊ߫ ߡߍ߲ ߘߐ߫ ߞߊ߬ ߝߘߊ߫ ߘߎߢߊ߫ ߣߊ߲߬ߝߟߏ߬ߦߊ߬ߟߊ ߘߏ߫ ߟߎ߫ ߟߊ߫، ߦߏ߫ ߙߌ߬ߦߏ߫ ߕߌ߲߬ߕߏ߬ ߣߌ߫ ߛߌ߯ߣߌ߲ߞߊ ߟߎ߬ ߟߊ߫ ߓߏ߬ߞߋ߫ ߘߊ߬ߡߊ߲߬ ߞߏߟߊߘߍ߸ ߞߵߏ߬ ߟߊ߫ ߙߎ߬ߛߌ ߟߎ߬ ߟߊ߫ ߙߎ߳ߛߊߟ ߞߊ߲߬.
ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.
