ߥߊ߬ߥߎߟߋ ߡߍ߲ ߠߎ߬ ߦߋ߫ ߕߍ߰ ߟߊ߫ ߞߊ߬ߙߊ߲߬ ߞߏ ߝߎ߬ߙߎ߲߬ߞߎ߬ߟߌ ߟߎ߬ ߘߐ߫ ߖߡߊ߬ߣߊ ߘߎ߲߬ߘߎ߬ߡߊ߬ ߞߊߙߊ߲ߕߊ ߛߌߦߊߡߊ߲߫ ߞߣߐ߫ ߛߐ߲߬߸ ߞߵߊ߬ߟߎ߬ ߓߟߏߝߋ߲ ߠߎ߬ ߞߊ߬ߛߙߊ߬߸ ߞߊ߬ ߘߏ߫ ߟߎ߫ ߖߐߞߌ߫߸ ߝߏ߫ ߛߊ߬ߦߊ ߖߍ߬ߘߍ ߦߋ߫ ߓߐ߫ ߟߴߊ߬ ߘߏ߫ ߟߎ߫ ߘߐ߫، ߞߵߊ߬ ߓߍ߲߬ ߏ߬ ߞߏ ߡߊ߬ ߏ߬ ߘߐ߫߸ ߘߎ߲߬ߘߎ߬ߡߊ߬ ߞߊߙߊ߲ߓߏ߲ ߠߎ߬ ߛߌ߲ߘߌߓߊ߮ ߟߎ߬ ߟߊ߫ ߘߍ߭ ߓߘߴߊ߬ ߢߌߣߌ߲߫ ߞߎ߲߬ߠߊ߬ߛߌ߮ ߝߍ߬߸ ߞߏ߫ ߦߊ߬ߣߌ߫ ߞߊ߬ߙߊ߲ ߦߋ߫ ߘߊߡߌ߬ߣߊ߬ ߂߀߂߆ ߓߌ߲ߠߊߥߎߟߋ߲ ߕߟߋ߬ ߅ ߡߊ߬߸ ߟߊ߬ߞߊ߲߬ߘߊ߬ߟߌ ߟߋ߬ ߞߏ ߓߍ߯ ߢߍߝߍ߬ ߡߎߣߎ߲߬.
ߜߟߍ߬ߦߊ ߡߍ߲ ߦߋ߫ ߖߌ߬ߣߍ߫ ߞߊ߬ߙߊ߲߬ ߞߏ ߘߐ߫ ߕߋ߬ߟߋߝߌ߬ߟߊ ߣߌ߲߬ ߘߐ߫߸ ߏ߬ ߓߘߊ߫ ߝߊ߬ߘߌ߬ ߞߎߘߊ߫ ߕߊ߬، ߓߊߏ߬߸ ߛߌ߬ߣߌ߲߬ߟߏ߲ ߣߌ߲߬ ߡߊ߬ ߂߀߂߆ ߓߌ߲ߠߊߥߎߟߋ߲ ߕߋ߬ߟߋ߫ ߂߸ ߘߎ߲߬ߘߎ߬ߡߊ ߞߊ߬ߙߊ߲ߕߊ ߟߎ߬ ߞߐߞߘߐߘߏ߲߬ߓߊ߮ ߟߎ߬ ߣߴߊ߬ ߛߌ߲ߘߌߓߊ߮ ߟߎ߬ ߟߊ߫ ߘߍ߭ ߞߊ߬ ߟߊ߬ߘߍ ߘߏ߫ ߟߋ߬ ߞߍ߫ ߞߐߣߊߞߙߌ߫ ߝߐ߰ߓߍ߬ߦߊ߬ߟߊ ߟߎ߬ ߟߊ߫ ߓߏ߲ߓߊ ߟߊ߫߸ ߞߵߊ߬ߟߎ߬ ߤߊߡߌ߲ߣߊ߲ߞߏ ߟߎ߬ ߦߌ߬ߘߊ߫ ߞߎ߲߬ߠߊ߬ߛߌ߮ ߣߌ߫ ߖߡߊ߬ߣߊ߬ߘߋ߲ ߠߎ߬ ߣߌ߫ ߘߋ߲ߓߊߕߌ߮ ߟߎ߬ ߟߊ߫. ߊ߬ߟߎ߬ ߟߊ߫ ߘߍ߬ߒ߬ߡߊ߬ ߟߊ߬ߛߋ߬ߟߌ ߣߌ߲߬ ߘߐ߫߸ ߊ߬ߟߎ߫ ߞߵߊ߬ ߦߌ߬ߘߊ߬ ߞߏ߫ ߕߐ߰ߕߐ߰ߟߌ߬ߟߊ ߟߎ߬ ߟߊ߫ ߝߎ߬ߙߎ߲߬ߞߎ߬ߟߌ ߡߍ߲ ߕߊ߬ߡߌ߲߬ ߛߊ߲ ߦߋ߫ ߕߋ߲߬߸ ߜߟߍ߬ߦߊ߬ ߛߌߦߊߡߊ߲߫ ߠߋ߬ ߞߵߊ߬ߟߎ߫ ߛߐ߬ߘߐ߲߫ ߏ߬ ߘߊߞߎ߲ ߘߐ߫߸ ߊ߬ߟߎ߬ ߟߊ߫ ߞߊ߬ߙߊ߲߬ߓߏ߲ ߠߎ߬ ߞߣߐ߫.
ߖߌ߬ߣߍ߫ ߘߎ߲߬ߘߎ߬ߡߊ߬ ߞߊߙߊ߲ߕߊ ߟߎ߬ ߛߌ߲ߘߌߓߊ߮ ߟߎ߬ ߟߊ߫ ߘߍ߭ (ߖߘߞߛߘ)߸ ߊ߬ ߣߌ߫ ߘߎ߲߬ߘߎ߬ߡߊ߬ ߞߊߙߊ߲ߕߊ ߟߎ߬ ߞߐߞߘߐߘߏ߲߬ߓߊ߮ ߟߎ߬ ߟߊ߫ ߘߍ߭ (ߘߞߞߘ)߸ ߏ߬ ߟߎ߫ ߞߵߊ߬ ߦߌ߬ߘߊ߬ ߞߏ߫߸ ߝߎ߬ߙߎ߲߬ߞߎ߬ߟߌ ߏ߬ ߟߎ߫ ߞߊ߬ ߡߊ߲߬ߕߙߐ߬ ߛߌߦߊߡߊ߲߫ ߠߋ߬ ߟߊߛߴߊ߬ߟߎ߫ ߡߊ߬߸ ߞߵߊ߬ߟߎ߬ ߓߟߏߝߋ߲߫ ߛߌߦߊߡߊ߲߫ ߕߌߢߍ߫߸ ߞߊ߬ ߞߊ߬ߙߊ߲߬ߘߋ߲ ߛߌߦߊߡߊ߲߫ ߖߐߞߌ߫߸ ߝߏ߫ ߊ߬ߟߎ߬ ߓߍ߯ ߓߌ߬ߟߊ߬ ߘߊ߫ ߛߎ߬ߣߎ߲ ߘߐ߫ ߞߊ߬ߙߊ߲߬ߘߋ߲߬ ߞߊߘߌߦߊߕߎ߬ ߛߎߡߊ߬ ߟߊ߫ ߛߊ߬ߦߊ ߘߐ߫߸ ߊ߬ߟߋ߬ ߝߎ߬ߙߎ߲߬ߞߎ߬ߟߌ߬ ߞߏ߬ ߞߋߟߋ߲ ߣߌ߲߬ ߘߊ ߘߐ߫، ߏ߬ ߡߍ߲ ߕߎ߲߬ ߦߋ߫ ߞߊ߬ߙߊ߲߬ ߠߊ߫ ߟߊ߬ ߤߏߕ ߡߊߙߋ߫ ߂߲ ߞߊ߬ߙߊ߲߬ߕߊ ߟߊ߫߸ ߤߊߡߑߘߟߊߦߌ ߛߋ.ߓߋ.ߖ߭ߋ ߞߌ߲߬ߘߊ ߟߊ߫.
ߊ߬ߟߎ߬ ߟߊ߫ ߟߊ߬ߛߋ߬ߟߌ ߘߐ߫߸ ߘߎ߲߬ߘߎ߬ߡߊ߬ ߞߊߙߊ߲ߕߊ ߟߎ߬ ߟߊ߫ ߞߏߟߊߕߍ߮ ߟߎ߬ ߞߵߊ߬ ߦߌ߬ߘߊ߬ ߞߏ߫ ߊ߬ߟߎ߬ ߟߊ߫ ߝߏ߬ߟߌ ߣߌ߫ ߡߊ߬ߤߌ߬ߣߊ߬ ߟߊ߬ߡߌߣߊ ߦߋ߫ ߛߋ߫ ߟߊ߫ ߛߊ߬ߓߊ߰ߕߐ ߟߊ߫ ߞߐߙߍ ߡߊ߬߸ ߊ߬ ߣߴߊ߬ ߟߊ߫ ߞߊ߬ߙߊ߲߬ߕߊ ߡߊ߬߸ ߊ߬ ߣߌ߫ ߖߌ߬ߣߍ߫ ߟߞߊ߬ߙߊ߲߬ߠߌ߲ ߞߏߟߊߕߍ߮ ߟߎ߬ ߓߍ߯ ߟߊߘߍ߬ߣߍ߲ ߞߐߘߍ߫، ߊ߬ߟߎ߬ ߞߊ߲߫ ߞߏ߫ ߜߊ߬ߟߏ ߡߍ߲ ߦߋ߫ ߟߊ߫ ߟߴߊ߬ ߘߐ߫ ߝߎ߬ߙߎ߲߬ߞߎ߬ߟߌ ߕߎ߬ߡߊ ߟߊ߫߸ ߊ߬ߟߎ߬ ߘߌߦߊߣߊ߲߫ ߞߏ߫ ߕߴߏ߬ ߘߌ߫߸ ߏ߬ ߡߊ߲߫ ߘߴߊ߬ߟߎ߬ ߦߋ߫ ߝߣߊ߫ ߝߋߎ߫، ߊ߬ߟߎ߬ ߞߊ߲߫ ߞߏ߫ ߏ߬ ߓߘߊ߫ <<ߛߌ߰>> ߊ߬ߟߎ߬ ߘߐ߫߸ ߊ߬ <<ߕߍ߫ ߓߍ߲߬>> ߊ߬ߟߎ߫ ߡߊ߬، ߊ߬ߟߎ߬ ߞߊ߲߫ ߞߏ߫ ߖߊ߬ߡߊ ߓߟߏߝߋ߲ ߘߐߕߌߢߍ߸ ߥߟߊ߫ ߘߎ߲߬ߘߎ߬ߡߊ߬ ߝߋ߲ ߘߐߕߌߢߍ߸ ߞߵߏ߬ ߟߊ߫ ߡߐ߱ ߓߐ߬ߣߐ ߞߊ߲߬ ߊ߬ ߣߌ ߘߐ߫߸ ߏ߬ ߦߋ߫ ߞߎ߲߬ߞߏ߫ ߟߋ߬ ߘߌ߫߸ ߡߍ߲ ߠߊߕߐ߲ߣߍ߲߫߸ ߞߵߊ߬ ߞߐ߲߫߸ ߞߵߊ߬ ߟߊߜߏߦߊߢߍ߫ ߛߊ߬ߙߌ߬ߦߊ߬ ߓߟߏ߫ ߖߌ߬ߣߍ߫ ߓߌ߲߬ߓߊ߬ߥߏ߬ ߞߎߙߎ߲ߘߎ ߞߣߐ߫.
ߘߍ߬ߞߙߎ ߢߌ߲߬ ߠߎ߬ ߞߊ߲߫ ߞߏ߫ ߊ߬ߟߎ߬ ߦߴߊ߬ߟߎ߬ ߞߊ߲ߠߊߘߌ߫ ߟߊ߫ ߖߡߊ߬ߣߊ ߞߎ߲߬ߠߊ߬ߛߌ߮ ߟߎ߫ ߡߊ߬ ߝߊ߲ߞߊߢߊ߲߫߸ ߊ߬ߟߎ߬ ߦߴߊ߬ ߟߐ߲߫ ߞߏ߫ ߊ߬ߟߎ߬ ߟߊ߫ ߞߍߕߊ ߟߋ߬ ߖߡߊ߬ߣߊ߬ߘߋ߲ ߠߎ߬ ߣߴߊ߬ߟߎ߬ ߓߟߏߝߋ߲ ߠߎ߬ ߟߊߞߊ߲ߘߊ ߣߴߊ߬ߟߎ߬ ߟߊߕߊ߲߬ߞߊ ߘߌ߫߸ ߞߊ߬ߙߊ߲߬ߓߏ߲ ߠߎ߬ ߦߴߏ߬ ߟߋ ߘߐ߫، ߊ߬ߟߎ߫ ߞߵߊ߬ߟߎ߬ ߞߊ߲ߠߊߘߌ߫ ߟߞߊ߬ߙߊ߲߬ߠߌ߲ ߕߐ߰ߕߐ߰ߟߌ߬ߟߊ ߟߎ߫ ߡߊ߬߸ ߊ߬ ߣߌ߫ ߖߌ߬ߣߍ߫ ߞߊ߬ߙߊ߲߬ߕߊ ߟߎ߬ ߣߴߊ߬ߟߎ߫ ߘߍ߬ߢߐ߲߮ ߣߌ߫ ߞߊ߬ߙߊ߲߬ߠߊ߬ߘߋ߲ ߠߎ߬ ߣߌ߫ ߞߊ߬ߙߊ߲߬ߘߋ߲ ߠߎ߬ ߟߊ߫ ߞߐߙߍ ߟߎ߬ ߟߊ߫ ߞߙߎߝߊ (ߖߞߘߞߞߞߞ)߸ ߊ߬ߟߎ߫ ߞߵߊ߬ߟߎ߬ ߞߊ߲ߠߊߘߌ߫ ߏ߬ ߟߎ߫ ߡߊ߬߸ ߞߵߏ߬ ߟߊ߫ ߊߘߡߊߦߊ ߡߊߛߊ߲߬ߛߊ߲߬ߓߊ߮ ߟߎ߫ ߞߊ߲߬߸ ߞߏ߫ ߊ߬ߟߎ߬ ߦߋ߫ ߘߊߘߐߖߊߥߏ ߓߌ߬ߟߊ߬ ߢߍߝߍ߬߸ ߛߊ߫ ߓߍ߯ ߟߊߘߍ߬ߣߍ߲ ߘߌ߫ ߞߛߌ߫ ߞߊ߬ߙߊ߲ ߡߊߓߌ߬ߟߊ ߡߊ߬ ߞߊߙߏ߫ ߘߊ߲ߘߐ ߣߌ߲߬ ߞߣߐ߫، ߓߊߏ߬߸ ߣߌ߫ ߕߟߋ߬ ߞߋߟߋ߲߫ ߕߌߢߍ߫ ߘߊ߫߸ ߘߏ߫ ߟߋ߬ ߓߐߣߍ߲߫ ߞߊ߬ߙߊ߲ ߢߍߥߟߊ ߟߏ߲߫ ߞߍߕߊ ߟߊ߫ ߏ߬ ߘߌ߫.
ߞߵߊ߬ ߓߍ߲߬ ߞߎ߲߬ߠߊ߬ߛߘߌ ߡߊ߬߸ ߘߎ߲߬ߘߎ߬ߡߊ߬ ߞߊߙߊ߲ߕߊ ߟߎ߬ ߛߌ߲ߘߌߓߊ߮ ߟߎ߬ ߞߊ߲߫߸ ߞߏ߫ ߣߌ߫ ߢߊ߫ ߡߊ߫ ߢߌߣߌ߲߫ ߞߏ ߟߎ߬ ߡߊ߬߸ ߣߌ߫ ߞߎ߲߬ߠߊ߬ߛߌ߮ ߡߊ߫ ߡߙߌߦߊ߫ ߖߐ߲ߖߐ߲߫ ߞߋߟߋ߲߫ ߕߊ߬߸ ߊ߬ߟߎ߬ ߘߌ߫ ߞߊ߬ߙߊ߲߬ ߠߊߟߐ߬ ߡߎߣߎ߲߬، ߏ߬ ߘߐ߫߸ ߝߏ߫ ߞߊ߬ <<ߓߐߘߊ߫ ߟߋ߬ ߢߌߣߌ߲߫߸ ߡߍ߲ ߘߌ߫ ߞߍ߫ ߌߞߘߐߣߌ߲߬߸ ߊ߬ ߣߌ߫ ߡߍ߲ ߦߋ߫ ߕߏߒߡߕߊ߫ ߘߌ߫>> ߦߊ߬ߣߌ߫ ߞߊ߬ߙߊ߲ ߦߋ߫ ߘߊߡߌ߬ߣߊ߬ ߂߀߂߆ ߓߌ߲ߠߊߥߎߟߋ߲ ߕߟߋ߬ ߅ ߡߊ߬ ߖߡߊ߬ߣߊ ߡߎ߰ߡߍ ߞߣߐ߫، ߊ߬ߟߎ߬ ߞߊ߲߫ ߞߏ߫ ߞߏ߫ ߛߌ߫ ߓߊ߯ ߞߍ߫ ߞߍ߫ ߟߊ߫߸ ߞߊ߬ߙߊ߲߬ߘߋ߲ ߠ߬ߎ ߟߊ߫ ߢߣߊߡߦߊ ߟߋ߬ ߞߊ߫ ߞߊ߲߫ ߞߊ߬ ߓߌ߬ߟߊ߬ ߢߍߝߍ߬ ߡߎߣߎ߲߬߸ ߊ߬ ߣߌ߫ ߟߞߊ߬ߙߊ߲߬ߠߌ߲߬ߠߊ ߟߎ߬ ߣߌ߫ ߞߊ߬ߙߊ߲߬ߓߏ߲ ߠߎ߬.
ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.
