ߞߟߍ߬ߡߐ߮ ߘߏ߫ ߟߋ߬ ߣߴߊ߬ ߡߏ߬ߛߏ ߓߌ߬ߟߊ߬ߣߍ߲߬ ߢߐ߲߮ ߠߊ߫ ߛߌ߯ߙߌ߲߫ ߞߣߐ߫߸ ߝߏ߫ ߡߐߣߍ ߞߊ߬ ߗߍ߭ ߟߐ߬ ߞߍߓߊߟߌ ߞߍ߫ ߟߊ߫، ߓߊߏ߬߸ ߊ߬ ߞߵߊ߬ ߡߏ߬ߛߏ ߘߊ߬ߘߌ߬ ߞߏ߬ߖߎ߰ߦߊ ߟߋ߬ ߞߍ߫߸ ߝߏ߫ ߞߵߏ߬ ߡߊߘߌߡߌ߲߫ ߞߏߖߎ߯ߦߊ ߞߍ߫، ߒ߬ߓߊ߬߸ ߛߌ߯ߙߌ߲߫ ߝߊ߰ߡߊ ߟߎ߬ ߡߊߓߎ߬ߙߎ߲߬ߕߌ ߦߴߌߘߐ߫ ߡߐ߱ ߟߎ߬ ߓߟߏ߫ ߏ߬ ߟߋ ߘߐ߫ ߣߌ߲߬ ߛߊ߫߸ ߞߏ߫ ߊ߬ߟߎ߬ ߡߊ߫ ߜߟߋ߬ߞߋ߫ ߓߌ߬ߟߴߊ߬ߟߎ߬ ߢߌ߲ ߝߍ߬ ߣߌ߲߬ ߞߏ ߘߐ߫ ߡߎߣߎ߲߬.
ߘߋ߲ߡߛߏ ߡߊߛߎ߬ߘߎ߲߬ߧߊ߬ ߡߐ߮ ߟߎ߬ ߟߊ߫ ߝߐߟߌ߫ ߘߐ߫߸ ߊ߬ߟߋ ߡߍ߲ ߕߐ߯ ߞߏ߫ ߛߊߙߊ߲߬ ߖߊߥߙߊ߫߸ ߊ߬ ߜߊ߬ߛߌ߬ ߘߴߊ߬ ߗߍ߬ ߓߟߏ߫ ߞߵߊ߬ ߡߊߘߌߡߌ߲߫ ߞߊ߬ߦߌ߯ ߞߊ߬ߙߌ߬ߝߐ ߕߟߋ߬ ߆ ߟߋ߬ ߡߊ߬߸ ߏ߬ ߡߍ߲ ߞߍ ߞߊߙߏ߫ ߞߋߟߋ߲߫ ߣߌ߫ ߕߟߋ߬ ߘߊ߲ߘߐ ߦߋ߫ ߕߋ߲߬ ߞߊ߬ߣߌ߲߬، ߊ߬ ߗߍ߬ ߕߐ߯ ߞߏ߫ ߊߡߙߊ߫ ߞߊ߬ߟߐ߸ ߏ߬ ߦߋ߫ ߞߟߍ߬ߡߐ߮ ߟߋ߬ ߘߌ߫، ߘߋ߲ߡߛߏ ߦߋ߫ ߦߙߐ ߡߍ߲ ߘߐ߫ ߕߋ߲߬߸ ߘߊ ߦߴߊ߬ ߝߊ߲߬ ߛߌߦߊߡߊ߲߫ ߡߊ߬߸ ߞߵߊ߬ ߕߊ߬ ߊ߬ ߞߎ߲߭ ߡߊ߬ ߞߊ߬ ߖߌ߰ ߊ߬ ߕߊ߬ߡߊ߲ ߡߊ߬ ߞߊ߬ ߣߊ߬ ߤߊ߲߯ ߊ߬ ߘߛߌ ߘߐ߫، ߡߊ߬ߘߌ߬ߡߌ߲߬ߠߌ߲߬ ߞߏ߬ߖߎ߰ߦߊ ߞߏߛߐ߲߬ ߛߊ߫߸ ߊ߬ ߟߊߓߐ߫ ߘߊ߫ ߞߐߣߊߞߙߌ߫ ߞߊ߬ ߥߴߊ߬ ߘߌ߫ ߊ߬ ߘߊ߲ߘߊ߫ ߞߊ߲ߡߊ߬ ߞߐߣߊߞߙߌ߫߸ ߛߴߊ߬ ߘߌ߫ ߞߍ߲ߘߍߦߊ ߛߐ߬ߘߐ߲߫ ߦߋ߲߬ ߊ߬ ߢߊ ߡߊ߬߸ ߊ߬ ߟߊ߫ ߡߐ߱ ߟߎ߫ ߟߋ߬ ߟߐ߬ߣߴߊ߬ ߟߊ߫ ߞߏ ߡߎ߰ߡߍ ߟߊ߫ ߞߐߣߊߞߙߌ߫ ߦߋ߲߬ ߝߣߊ߫.
ߊ߲ ߠߊ߫ ߟߌ߬ߤߟߊ߫ ߛߐ߬ߘߐ߲߬ߣߍ߲ ߠߎ߬ ߦߴߊ߬ ߦߌ߬ߘߊ߬ ߟߊ߫ ߞߏ߫ ߞߵߊ߬ ߕߊ߬ ߞߏ ߞߍ ߡߊ߬ ߏ߬ ߘߐ߫ ߤߊ߲߯ ߕߋ߲߬߸ ߘߋ߲ߡߛߏ ߡߊ߫ ߡߊߘߍ߬ߡߍ߲߫ ߡߐ߰ ߛߌ߫ ߓߟߏ߫، ߊ߬ ߟߊ߫ ߡߐ߱ ߟߎ߬ ߝߣߊ߫ ߡߐߣߍ߫ ߢߊ ߟߋ߬ ߞߍߣߴߏ߬ ߘߌ߫߸ ߞߊ߬ ߥߴߊ߬ߟߎ߬ ߡߊߞߊ߬ߛߌ߬ ߛߌ߯ߙߌ߲߫ ߞߟߍ߬ߡߐ߰ߟߊ߫، ߓߊ߬ߙߌ߬߸ ߊ߬ߟߎ߬ ߡߍߣߍߡߍߣߍ߲ߕߐ ߓߘߴߊ߬ ߦߌ߬ߘߊ߬ ߞߏ߫ ߞߊ߬ߦߌ߯ ߡߞߊ߬ߛߌ߬ߟߌ ߏ߬ ߞߍ߫ ߘߊ߫߸ ߝߏߦߌ߬ ߡߊ߫ ߓߐ߫ ߏ߬ ߞߏ ߘߐ߫ ߡߎߣߎ߲߬، ߊ߬ߟߎ߫ ߘߏ߲߬ ߕߴߊ߬ ߝߍ߬ ߊ߬ ߞߏ ߘߐߞߏߟߏ߲ ߦߋ߫ ߕߏ߫ ߕߋ߲߬߸ ߝߏ߫ ߞߵߊ߬ ߟߊߕߐ߲߫ ߠߋ߬، ߏ߬ ߟߋ ߘߐ߫߸ ߛߊߙߊ߲߬ ߖߊߥߙߊ ߟߊ߫ ߡߐ߱ ߟߎ߬ ߕߊ߯ ߘߊ߫ ߡߞߊ߬ߛߌ߬ߟߌ ߟߊ߫ ߦߋߢߐ߲߯ߠߊߞߏ ߟߎ߬ ߣߌ߫ ߘߋ߲ߣߍ߲ ߠߎ߬ ߣߌ߫ ߖߊ߲߭ ߠߎ߬ ߟߊߕߊ߲߬ߞߊ ߛߓߍߘߊ ߟߊ߫ (ߏߔߙߏߖ߭ߍߡ)߸ ߡߞߊ߬ߛߌ߬ߟߌ ߞߍ߫ ߘߴߊ߬ߟߎ߬ ߓߟߏ߫ ߦߋ߲߬ ߞߐ߬ߓߊ߬ߟߏ߲߫ ߕߊ߬ߡߌ߲߬ߣߍ߲ ߠߋ߬ ߡߊ߬.
ߊߡߙߊ߫ ߞߊ߬ߟߐ ߞߟߌ߫ ߘߊ߫ ߝߐ߰ߓߍ߬ߦߊ߬ߟߊ ߟߎ߬ ߓߟߏ߫߸ ߊ߲ ߞߊ߬ ߡߍ ߲ߛߓߍߣߍ߲ ߦߋ߫ ߡߏߖ߭ߊߦߞ ߖߌߣߋ ߞߍߦߙߐ ߞߊ߲߬߸ ߊ߬ ߞߵߊ߬ ߦߌ߬ߘߊ߬ ߞߏ߫: <<ߞߏߢߊ ߣߌ߲߬ ߞߍ ߘߌ߫ ߞߊߙߏ߫ ߞߋߟߋ߲߫ ߓߐ߫ ߕߋ߲߬، ߒ ߓߘߊ߫ ߖߐ߰ߣߍ߬ߦߊ߬ߟߌ ߞߍ߫، ߝߏߦߌ߬ ߕߍ ߒ…>> ߊ߬ ߞߵߏ߬ ߟߋ ߝߐ߫ ߦߊ߬ߣߴߊ߬ ߦߋ߫ ߜߋߟߋߜߋߟߋ߲ ߕߍ߰߸ ߞߵߊ߬ ߛߐ߬ߘߐ߲߬ ߞߊ߲߫ ߖߐ߲ߖߐ߲߫ ߝߏߦߌ߬ ߡߊ߫ ߛߐ߬ߘߐ߲߫ ߊ߬ ߟߊ߫.
ߒ߬ߓߊ߬߸ ߞߏߢߊ ߞߏ߬ߣߌ߲ ߓߘߊ߫ ߛߋ߫ ߏߔߙߏߖ߭ߍߡ ߓߟߏ߫، ߓߊ߬ߙߌ߬߸ ߘߋ߲ߡߛߏ ߟߊ߫ ߡߐ߱ ߟߎ߬ ߞߊ߲߫ ߞߏ߫ ߊ߬ߟߎ߬ ߓߘߊ߫ ߛߌߟߊ߲߫߸ ߞߵߏ߬ ߞߎ߲߭ ߞߍ߫ ߡߊ߬ߞߎ߲߬ ߞߍߢߊ ߘߌ߫ ߣߌ߲߬ ߞߏ ߡߊ߬߸ ߞߊ߬ ߞߏߘߌߦߊ߫ ߗߍ߭ ߟߊ߫ ߦߋ߲߬ ߕߋ߲߬߸ ߞߵߊ߬ ߛߐ߬ߘߐ߲߬ ߘߋ߲ߡߛߏ ߛߏ߰ߟߊ߬ߣߍ߲ ߦߋ߫.
ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.
