ߝߊ߬ߙߊ߲߬ߛߌ߬ ߞߊ߲ߕߌ߮ ߡߊߞߐߙߐ߲߫ ߞߊ߫ ߞߊ߲߫ ߞߊ߬ ߕߊ߯ߡߊ ߘߏ߫ ߘߊߡߌ߬ߣߊ߫ ߝߘߊ߬ߝߌ߲߬ߠߊ߬ ߞߣߐ߫ ߓߌߟߏ߲߫ ߣߊ߬ߕߐ߸ ߞߵߊ߬ ߕߊ߬ ߌ߯ߟ ߡߏߙߌߛ ߡߊ߬߸ ߞߊ߬ ߣߊ߬ ߊ߲ߜ߭ߏߟߊ߫߸ ߊ߬ ߣߌ߫ ߜ߭ߊߓߐ߲߫، ߟߊ߬ߢߌߣߌ߲ ߡߍ߲ ߦߴߊ߬ ߟߊ߫߸ ߏ߬ ߟߋ ߝߊ߬ߙߊ߲߬ߛߌ߬ ߣߌ߫ ߝߘߊ߬ߝߌ߲߬ߠߊ߬ ߕߍߟߊ ߖߎ߬ߟߎ ߘߐߞߙߊ ߘߌ߫ ߢߊ߫ ߞߎߘߊ߫ ߡߊ߬߸ ߟߊ߬ߞߊ߲߬ߘߊ߬ߟߌ ߛߌߟߊ ߝߍ߬߸ ߊ߬ ߣߌ߫ ߞߏߢߊ ߟߎ߬ ߣߌ߫ ߓߊ߯ߙߊߢߐ߯ߦߊ ߘߏ߫ ߟߎ߫ ߘߐ߫.
ߋߡߊߣߎ߳ߍߟ ߡߊߞߐߙߐ߲߫ ߞߍߕߐ߫ ߝߘߊ߬ߝߌ߲߬ߠߊ߬ ߛߌߟߊ ߕߊ߬ ߟߊ߫ ߕߎ߲߯، ߓߌߟߏ߲߫ ߣߊ߬ߕߐ ߌߞߘߐ߫߸ ߝߊ߬ߙߊ߲߬ߛߌ߬ ߞߊ߲ߕߌ߮ ߘߌ߫ ߖߊ߰ߟߋ ߘߏ߫ ߘߊߡߌ߬ߣߊ߬ ߌ߯ߟ ߡߏߙߌߛ߸ ߝߘߊ߬ߝߌ߲߬ߠߊ߫ ߥߙߏ߬ߘߎ߮߸ ߜ߭ߊߓߐ߲߫߸ ߞߊ߬ ߣߊ߬ ߊ߲ߜ߭ߏߟߊ߫، ߝߊ߬ߙߊ߲߬ߛߌ߬ ߞߎߓߋߘߊ ߋߟߌߖ߭ߋ߫ ߓߘߴߊ߬ ߟߊߛߋ߫ ߟߊ߬ߢߌߣߌ߲ ߡߍ߲ ߦߴߊ߬ߟߎ߬ ߟߊ߫߸ ߏ߬ ߟߋ ߝߊ߬ߙߊ߲ߛߊߝߙߌߞ ߢߍߥߟߊ ߟߊߕߎߣߎ߲ ߘߌ߫߸ ߊ߬ ߛߌߟߊ߫ ߞߎߘߊ߫ ߛߊ߫ ߝߊ߬ߙߊ߲߬ߛߌ߬ ߣߌ߫ ߝߘߊ߬ߝߌ߲߬ߠߊ߬ ߘߌ߫ ߓߊ߯ߙߊ߫ ߢߊ߫ ߞߎߘߊ߫ ߡߊ߬߸ ߡߍ߲ ߣߌ߫ ߥߙߎߣߍߦߊ ߕߋ߬ߟߋ ߕߍ߫ ߞߋߟߋ߲߫ ߘߌ߫، ߞߊ߬ߕߎ߲߯߸ ߊ߬ ߞߵߏ߬ ߖߘߍ߬ߟߊ߬ߛߊߦߌ߲ ߣߴߊ߬ ߖߙߊ߬ߞߌ߬ߟߌ ߘߏ߫ ߞߍ߫ ߊ߬ ߟߊ߫ ߓߋߟߋ߲ߠߊ ߘߐ߫ ߥߊ߱ߘߎ߰ ߂߀߁߇ ߟߊ߫.
ߡߊߞߐߙߐ߲߫ ߠߊ߫ ߕߊ߯ߡߊ ߣߌ߲߬ ߘߐ߫߸ ߊ߬ ߥߟߌ߬ߕߐ߫ ߌ߯ߟ ߡߏߙߌߛ ߟߋ߬߸ ߊ߬ ߕߎ߲߬ ߞߊ߫ ߞߊ߲߫ ߞߊ߬ ߥߊ߫ ߦߋ߲߬ ߡߍ߲ ߘߐ߫ ߞߏ߲ߞߏߘߓߌ߫ ߕߊ߬ߡߌ߲߬ߣߍ߲ ߡߊ߬߸ ߣߴߊ߬ ߞߊ߬ ߥߊߟߌ߫ ߞߏ ߓߐ߫ ߊ߬ ߡߊ߬ ߞߵߊ߬ ߓߍ߲߬ ߔߊߔ ߝߊߙߊ߲ߛߎߥߊ ߟߊ߫ ߛߊ߬ߦߊ ߡߊ߬، ߒ߬ߓߊ߬߸ ߊ߬ ߞߊ߲߫ ߞߏ߫ ߊ߬ߟߎ߬ ߣߌ߫ ߌ߯ߟ ߡߏߙߌߛ ߟߊ߫ ߕߋߙߌߦߊ ߓߘߊ߫ ߡߍ߲߫ ߝߛߊߦߌ߫߸ ߓߊ߬ߙߵߊ߬ <<ߘߐߖߊ߬ߣߍ߲߬ ߕߍ߫>> ߛߊ߲߬ ߘߊ߲ߘߐ ߣߌ߲߬ ߞߣߐ߫.
ߊ߬ ߦߴߊ߬ ߝߍ߬ ߝߣߊ߫߸ ߞߊ߬ ߛߌ߰ߢߐ߲߰ߦߊ ߝߊ߲߬ߞߊߘߏ߲߬ ߝߊ߬ߙߊ߲߬ߛߌ߬ ߟߊ߫ ߘߋߔߊߙߑߕߋߡߊ߲߫ ߝߌ߬ߟߊ ߣߌ߫ ߢߐ߲߯ ߕߍ߫߸ ߙߋߦߣߌߦߐ߲߫߸ ߊ߬ ߣߌ߫ ߡߊߦߐߕ߸ ߞߊ߬ ߕߊ߬ߡߌ߲߬ ߊ߬ߟߎ߬ ߟߊ߫ ߓߊ߯ߙߊߢߐ߲߯ߦߊ ߝߊ߲߬ߞߊ ߟߊߥߙߊ߬ ߟߊ߫ ߟߊ߬ߞߊ߲߬ߘߊ߬ߟߌ ߡߊ߬ߘߎ߮ ߘߐ߫ ߤߌ߲ߘߌ߬ ߟߌ߲ߓߊ߲ ߞߊ߲߬.
ߡߊߞߐߙߐ߲߫ ߞߊ߫ ߞߊ߲߫ ߞߊ߬ ߥߊ߫ ߊߝߙߌߞߌ߬ ߥߙߏ߬ߘߎ߮ ߞߊ߲߬ ߖߡߊ߬ߣߊ߫ ߝߌ߬ߟߊ ߟߊ߫ ߕߋߙߌߦߊ ߝߊ߲߬ߞߊߘߏ߲߭ ߓߐߒߡߊߟߌ ߟߊ߫߸ ߊ߬ߟߎ ߡߍ߲ ߠߎ߬ ߕߐ߮ ߦߋ߫ ߛߌߦߟߊߝߛߊ ߞߍ߬ߟߍ ߘߐ߫ ߦߋ߲߬߸ ߊ߬ ߣߌ߫ ߞ߂߀ ߠߊ߫ ߜߊ߬ߙߊ ߡߍ߲ ߞߍߕߐ߫ ߖ߭ߏߤߊߣߍߛߑߓߎߙ ߞߍ߲ߘߍߟߏ߲ ߣߌ߫ ߞߊ߯ߙߌߟߏ߲ ߡߊ߬.
ߡߊߞߐߙߐ߲߫ ߣߌ߫ ߞߊ߲ߕߌ߯ ߛߙߌߟ ߙߡߊ߬ߝߏߖ߭ߊ߬ ߞߊ߫ ߞߊ߲߫ ߞߊ߬ ߛߐ߬ߘߐ߲߫ ߝߊ߬ߙߊ߲߬ߛߌ߬ ߣߌ߫ ߥߙߏ߬ߘߎ߰ ߊߝߙߌߞߌ߬ ߞߏߢߊߓߐ ߞߏߟߊߕߍ߯ߘߊ ߛߌ߰ߟߌ ߘߐ߫ ߛߋ߲߬ߠߊ߫߸ ߏ߬ ߡߍ߲ ߞߏ߫ ߛߎ߮ ߦߋ߫ ߝߊ߬ߙߊ߲߬ߛߌ߬ ߣߌ߫ ߖߋ߬ߟߌ߬ߓߟߊ߬ ߕߍ߫ ߞߘߐ߬ߡߊ߲߬.
ߝߊ߬ߙߊ߲߬ߛߌ߬ ߞߊ߲ߕߌ߮ ߓߍߣߊ߬ ߕߊ߯ ߓߐߒߡߊߟߌ߫ ߕߣߐ߬ߡߊ߬ ߟߊ߫ ߜ߭ߊߓߐ߲߫߸ ߏ߬ ߟߎ߬ ߡߍ߲ ߠߎ߬ ߟߊ߫ ߘߐ߬ߕߊߡߌ߲ ߓߊ߲ ߞߊߙߏ߫ ߁߉ ߦߋ߫ ߕߋ߲߬ ߞߊ߬ߣߌ߲߬߸ ߞߊ߬ߝߏ߬ ߖߊߛߏ߲ ߞߐ ߘߐ߫ ߊ߬ߟߎ߬ ߓߟߏ߫ ߞߊ߬߬ ߊ߬ߟߌ ߓߏ߲ߜ߭ߏ߫ ߟߊߥߟߏ߫ ߂߀߂߃ ߟߊ߫.
ߡߊߞߐߙߐ߲߫ ߞߊ߫ ߞߊ߲߫ ߞߊ߬ ߥߊ߫ ߝߏ߬ߟߌ ߟߊ߫ ߜ߭ߊߓߐ߲߫ ߦߋ߲߬ <<ߘߐ߬ߕߊߡߌ߲ ߞߎ߲߬ߘߏ߲ ߘߐ߫߸ ߊ߬ ߣߌ߫ ߞߊ߬ ߖߡߊ߬߬ߣߊ ߕߌ߰ ߞߎߘߊ ߟߎ߫ ߝߏ߬.>> ߋߟߌߖ߭ߋ߫ ߟߊ߫ ߞߎߡߊ ߟߵߏ߬ ߘߌ߫.
ߊ߬ ߓߍߣߵߊ߬ ߟߊ߫ ߕߊ߯ߡߊ ߣߌ߲߬ ߞߎ߲߭ߝߊ߰ ߞߐ߬ߓߊ߬ߟߏ߲ ߡߊ߬߸ ߏ߬ ߞߍߕߐ߫ ߊ߲ߜ߭ߏߟߊ߫ ߟߋ߬߸ ߊ߬ ߞߊ߫ ߞߊ߲߫ ߞߊ߬ ߛߐ߬ߘߐ߲߫ ߝߘߊ߬ߝߌ߲߬ߠߊ߫ ߞߋ߬ߟߋ߲߬ߧߊ ߣߌ߫ ߋߙߐߔߎ߬ ߞߋ߬ߟߋ߲߬ߧߊ ߟߊ߫ ߜߊ߬ߙߊ ߘߐ߫ ߦߋ߲߬، ߊ߬ߟߎ߬ ߟߊ߫ ߢߐ߲߯ߦߋ ߏ߬ ߟߐ߬ߣߍ߲߫ ߤߊߞߟߌ߫ ߖߊ߯ߓߐ ߟߋ߬ ߡߊ߬ ߋߙߐߔߎ߬ ߞߋ߬ߟߋ߲߬ߧߊ ߟߊ߫ <<ߜ߭ߑߟߏߓߊߟ ߜ߭ߊߕߋߥߊߦߌ߬>> ߞߍߞߌߦߊ ߞߊ߲߬߸ ߏ߬ ߡߍ߲ ߛߌ߰ ߘߊ߫ ߛߋ߲߬ߠߊ߫ ߂߀߂߁ ߠߊ߫߸ ߞߵߊ߬ ߟߊߥߌ߬ߟߌ߫ ߝߘߊ߬ߝߌ߲߬ߠߊ߫ ߖߎ߬ߓߌߟߊ ߘߏ߫ ߟߎ߫ ߖߐ߰ߣߍ߬ߦߊ ߡߊ߬߸ ߡߍ߲ ߥߊߣߍ߲߫ ߝߏ߯ ߋߙߏ ߥߟߎ߬ߡߊ߫ ߁߅߀ ߢߐ߲߰.
ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.
