ߛߎ߰ߘߎ߬ߟߊ߫ ߡߊ߲߬ߛߊ߬ߘߋ߲ ߡߏ߬ߤߊ߬ߡߍߘ ߓߎ߬ߣ ߛߊ߬ߟߑߡߊߣ ߠߊ߫ ߊߡߙߌߞߌ߫ ߕߊ߯ߟߌ ߣߌ߲߬ ߝߍ߬ ߥߊ߲ߛ߭ߌ߲ߕߐ߲߫߸ ߊ߬ ߓߌ߬ߟߊ߬ߛߌ߬ߟߊ߬ ߘߊ߫ ߔߕߏ߬ߞߌ߬ߟߊ߫ ߛߊ߲ߡߊߟߏߟߏ ߓߟߏ߫߸ ߞߙߌߛߦߊߣߏ߫ ߙߏ߬ߣߊߟߑߘߏ߬، ߊ߬ߟߎ߬ ߟߊ߫ ߕߊ߯ߡߊ ߣߌ߲߬ ߞߍ߫ ߘߊ߫ ߕߊ߯ߡߊ߫ ߟߊߞߊ߬ߟߌ߬ߕߊ ߖߍ߬ߘߍ ߟߋ߬ ߘߌ߫߸ ߊ߬ߟߎ߬ ߣߌ߫ ߊߡߌߙߌߞߌ߬ ߞߊ߲ߕߌ߮ ߟߊ߫ ߢߐ߲߯ߦߋ ߘߐ߫.
ߞߙߌߛߦߊߣߏ߫ ߘߏ߲߬ ߘߊ߫ ߓߏ߲ߜߍ ߟߊ߫ ߞߐ߬ߟߏ߲߫ ߕߊ߬ߡߌ߲߬ߣߍ߲ ߡߊ߬߸ ߊ߬ ߞߍ߫ ߘߊ߫ ߞߎ߲߬ߠߊ߬ߦߋ߬ߙߋ߲߬ ߞߟߌߣߍ߲ ߠߋ߬ ߘߌ߫ ߛߎ߰ߘߎ߬ߟߊ߫ ߡߊ߲߬ߛߊ߬ߘߋ߲ ߠߊ߫ ߗߋߘߋ߲ ߠߎ߬ ߘߐ߫߸ ߡߏ߬ߤߊߘߍߡ ߓߎ߬ߣ ߛߊ߬ߟߑߡߊߣ، ߊ߬ߟ ߣߊߛߙ ߕߏ߬ߟߊ߲߬ߕߊ߲߬ߠߊ ߥߊ ߛߎ߰ߘߎ߬ߟߊ߫߸ ߏ߬ ߛߊ߲߭ ߝߌ߬ߟߊ ߟߋ߬ ߕߋ߲߬߸ ߊ߬ ߡߝߊߣߍ߲߫ ߦߋ߲߬ ߠߋ߬ ߝߊߦߌߘߊ߫، ߒ߬ߓߊ߬߸ ߊ߬ߟߎ߬ ߟߊ߫ ߕߊ߯ߡߊ ߣߌ߲߬ ߘߐ߫߸ ߊ߬ ߛߐ߬ߘߐ߲߬ ߘߊ߫ ߟߋ߬ ߘߏߣߊߟ ߕߑߙߐ߲ߔ ߣߌ߫ ߡߊ߲߬ߛߊ߬ߘߋ߲ ߠߊ߫ ߥߎ߬ߙߟߊ߬ ߘߊߥߎ߲ ߘߐ߫، ߞߊ߬ߦߌ߯ ߝߐ߰ߓߍ߬ߦߊ߬ߟߊ߫ ߖߊ߬ߡߊߟ ߞߊߛ߭ߏߖߌ߫ ߝߊ߰ ߘߊ߫ ߂߀߁߈ ߠߊ߫߸ ߡߊ߲߬ߛߊ߬ߘߋ߲ ߥߊ߫ ߞߏ߫ ߝߟߐ ߟߋ߬ ߦߋ߫ ߊߡߙߌߞߌ߬ ߞߣߐ߫ ߕߋ߲߬.
ߒ߬ߓߊ߬߸ ߣߌ߲߬ ߟߏ߲ ߥߎ߬ߙߊ ߟߊ߫߸ ߘߏߣߊߟ ߕߑߙߐ߲ߔ ߞߊ߬ ߞߙߌߛߌߦߊߣߏ߫ ߝߏ߬߸ ߞߵߊ߬ ߕߊ߲߬ߘߏ߲߬ ߊ߬ ߟߊ߫ ߞߏߓߊ߫ ߞߍߣߍ߲ ߠߎ߬ ߟߊ߫ ߕߏ߬ߟߊ߲ ߞߣߐ߫߸ ߞߵߊ߬ ߦߌ߬ߘߊ߬ ߞߏ߫ ߊ߬ߟߋ߫ ߖߍ߬ߘߍ ߛߐ߬ߘߐ߲߬ ߘߋ߲ ߦߋ߫ ߔߐߙߑߕߎ߳ߜ߭ߊߟ ߟߋ߬ ߟߊߘߌߦߊߢߍ߫ ߟߊ߫، ߡߐ߰ ߡߊߞߟߌߣߌ߲ ߛߌߦߊߡߊ߲߫ ߠߋ߬ ߕߍ߬ߘߍ߫ ߦߋ߲߬߸ ߥߟߎ߬ߡߊ߬ߕߌ߯ ߋߟߐ߲߫ ߡߎߛߑߞ ߕߍ߬ߘߍ߫ ߊ߬ߟߎ߬ ߕߍߡߊ߬ ߦߋ߲߬߸ ߊ߬ ߣߌ߫ ߝߌߝߊ ߞߊ߲ߕߌ߮ ߖ߭ߌ߬ߦߊ߬ߣߌ ߌ߲ߝߊ߲ߕߌߣߏ߫، ߞߙߌߛߌߦߊߣߏ߫ ߡߴߊ߬ ߘߏ߲߰ ߕߑߙߐ߲ߔ ߟߊߘߌߦߊߢߍ ߘߐ߫ ߘߋ߬، ߓߊߏ߬߸ ߣߍߣߍߓߊ߫ ߞߊߙߏ ߣߌ߲߬ ߘߊߡߌߣߊ ߟߊ߫߸ ߞߙߌߛߌߦߊߣߏ߫ ߞߵߊ߬ ߦߌ߬ߘߴߊ߬ ߟߊ߫ ߞߎߡߊ ߘߏ߫ ߘߐ߫߸ ߞߏ߫ <<ߕߑߙߐ߲ߔ ߦߋ߫ ߡߐ߰ ߟߋ߬ ߘߌ߫ ߘߎߢߊ߫ ߘߐ߫ ߕߋ߲߬߸ ߡߍ߲ ߘߌ߫ ߛߴߊ߬ ߛߋߞߏ ߞߍ߫ ߟߊ߫ ߞߏ߫ ߛߌߦߊߡߊ߲߫ ߡߊߝߊ߬ߟߋ߲ ߘߐ߫.>>
ߊ߬ߟߎ߬ ߟߊ߫ ߢߐ߲߯ߦߋ ߡߍ߲ ߦߋ߫ ߣߌ߲߬߸ ߞߙߌߛߌߦߊߣߏ߫ ߣߕߊ߬ߣߍ߲߫ ߕߍ߬ߘߍ߫ ߊ߬ ߡߊ߬ ߞߊ߬ߦߌ߯ ߞߎ߲߬ߢߐ߲߰ ߘߊ߲ߘߐ߫ ߊ߬ ߟߏ߲ ߢߍ߫، ߓߊߏ߬߸ ߥߊ߬ߛߌ߬ߥߙߊ ߟߊ߫߸ ߝߌ߬ߙߌ߲߬ߕߊ߬ߥߏ߬ߟߌ߬ߟߊ ߞߵߊ߬ ߟߊ߫ ߘߏ߲߬ߞߊ߲ߠߊ ߘߏ߫ ߞߎ߬ߦߌ߬ߘߊ߬ߟߌ ߞߍ߫ ߖߊ߬ߡߊ ߟߊ߫߸ ߊ߬ ߛߓߍߣߍ߲߫ ߡߍ߲ ߞߊ߲߬ ߞߏ߫: <<ߞߊ߲ߕߌ߯ ߘߏߣߊߟ ߕߑߙߐ߲ߔ ߕߐ߯ ߘߐ߫߸ ߞߊ߬ ߕߏ߬ߟߊ߲ ߕߊ߲߫ ߖߐ ߞߏߛߐ߲߬.>> ߊ߬ ߓߊ߲߫ ߘߊ߫ ߞߵߏ߬ ߟߊߕߊ߬ߡߌ߲߫ ߔߕߏ߬ߞߌ߬ߟߊ߫ ߞߊ߲ߕߌ߮ ߡߊ߬߸ ߊ߲ߕߏߣߌߦߏ ߞߐߛߑߕߊ߬߸ ߞߴߏ߬ ߦߴߊ߬ ߘߌ߫ ߊ߬ ߓߐߢߐ߲߯ߞߏ߫ ߊߡߙߌߞߌߞߊ ߡߊ߬.
ߓߏ߲ߜߍ ߞߊ߬ ߖߌ߬ߦߊ߬ߖߟߎ ߡߍ߲ ߠߎ߬ ߟߊߖߍ߲ߛߍ߲߫߸ ߌ ߘߴߊ߬ ߦߋ߫ ߕߑߙߐ߲ߔ ߣߌ߫ ߞߙߌߛߌߦߊߣߏ߫ ߦߋ߫ ߕߊ߯ߡߊ ߞߊ߲߬ ߢߐ߲߯ ߝߍ߬߸ ߊ߬ߟߎ߬ ߦߋ߫ ߓߊ߬ߘߏ ߣߌ߫ ߦߟߍߓߊߘߐߕߋ ߟߊ߫، ߊ߬ߟߎ߬ ߟߊ߫ ߢߐ߲߯ߦߋ ߞߐ ߘߐ߫߸ ߞߙߌߛߌߦߊߣߏ߫ ߞߵߊ߬ ߛߓߍ߫ ߊ߬ ߟߊ߫ ߍ߲ߛߑߕߊߜ߭ߙߊߡ ߖߊ߬ߕߋ߬ߘߊ ߟߊ߫ <<ߞߊ߬ ߖߐ߫ ߓߟߏߕߍ߰ߓߊߟߌ ߟߐ߬>> ߊ߬ ߓߊ߲߫ ߘߊ߫ ߞߊ߬ ߕߑߙߐ߲ߔ ߝߏ߬ ߊ߬ ߟߊ߫ <<ߟߊ߬ߛߣߍ߬ߟߌ߬ ߞߏ߬ߢߌ߲>> ߠߊ߫߸ ߞߵߊ߬ ߦߌ߬ߘߊ߬ ߞߏ߫ ߕߑߙߐ߲ߔ ߦߋ߫ ߟߊߒߡߊ߫ ߢߌߡߊ߫ ߟߋ߬ ߘߌ߫ ߘߋ߲ߡߌߛߍ߲ ߠߎ߬ ߦߋ߫ ߝߛߊߦߌ߫ <<ߞߟߊߓߎ ߣߌ߫ ߖߋ߬ߓߌ߬ߦߊ߬ߟߌ ߣߌ߫ ߖߐ ߟߊߛߓߊ߬ߕߌ ߘߐ߫.>>
ߞߊ߬ߦߌ߯ ߞߙߌߛߌߦߊߣߏ߫ ߡߊߝߌ߲߬ ߘߊ߫ ߓߋ߬ߒ߬ߞߊ߲߬ߠߌ߲߬ ߞߏ ߘߏ߫ ߘߐ߫ ߦߋ߲߬ ߂߀߁߇ ߟߊ߫߸ ߟߊߛ ߝ߭ߋߜ߭ߊߛ ߝߊ߲߭ ߝߍ߬߸ ߏ߬ ߡߍ߲ ߞߏߢߊ ߞߍ߫ ߘߊ߫ ߂߀߀߉ ߟߊ߫ ߞߊ߬ߣߌ߲߬، ߞߵߊ߬ ߕߊ߬ ߏ߬ ߡߊ߬ ߤߊ߲߯ ߕߋ߲߬߸ ߞߙߌߛߌߦߊߣߏ߫ ߕߎ߲߬ ߡߊ߫ ߦߋ߫ ߜߍ ߘߐ߫ ߦߋ߲߬ ߢߊ߫ ߛߎ߮ ߣߌ߲߬ ߡߊ߬ ߝߟߐ߫، ߞߏߢߊ ߏ߬ ߖߍ߬ߘߍ ߞߕߌ߫ ߞߏ ߟߎ߬ ߟߊߟߐ߬ ߘߊ߫ ߞߵߊ߬ ߞߏ ߞߎ߲߭ߝߊ߰ ߂߀߂߂ ߟߋ߬ ߟߊ߫߸ ߣߋߝ߭ߘߊ߫ ߞߕߌߘߊ ߘߏ߫ ߓߟߏ߫، ߓߊ߬ߙߌ߬߸ ߞߙߌߛߌߦߊߣߏ߫ ߣߴߊ߬ ߟߊ߫ ߡߐ߱ ߟߎ߬ ߛߌ߫ ߡߴߊ߬ߟߎ߫ ߞߎ߲߭ߘߏ߲߬ ߏ߬ ߞߏ ߘߐ߫߸ ߊ߬ߟߎ߫ ߞߵߊ߬ߟߎ߫ ߛߐ߬ߛߐ߫ ߊ߬ ߟߊ߫ ߟߋ߬ ߝߋߝߋ߫.
ߛߊ߲߬ ߞߋߟߋ߲߫ ߠߋ߬ ߕߏߣߍ߲߫ ߖߊ߯ߓߊ߫ ߖߌߟߊߝߍ ߟߊ߫ ߡߎ߬ߕߎ߲߬߸ ߏ߬ ߡߍ߲ ߛߌ߲߬ߝߏ߲߬ߧߊ߬ߕߐ߫ ߊߡߙߌߞߌ߬ ߓߟߏ߫߸ ߞߙߌߛߌߦߊߣߏ߫ ߣߌ߫ ߕߑߙߐ߲ߔ ߟߊ߫ ߢߐ߲߯ߦߋ ߣߌ߲߬ ߝߣߊ߫ ߕߊ߬ߡߌ߲߬ߕߐ߫ ߊ߬ ߟߊ߫ ߞߏ ߡߊ߲߬ߞߊ߲ ߥߙߊ߬ ߟߊ߫ ߣߌ߲߬.
ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.
