ߞߎߣߎ߲߬ ߞߐ߬ߟߏ߲ ߥߎ߬ߙߊ ߟߊ߫ ߂߀߂߅ ߞߏߟߌ߲ߞߏߟߌ߲ ߕߋ߬ߟߋ߫ ߉ ߡߊ߬߸ ߓߌ߬ߟߊ߬ߒ߬ߘߐ߬ߖߎ߮ ߟߋ߬ ߞߍ߫ ߘߊ߫ ߜߌ߲ߞߟߌ߫߸ ߞߊ߬ ߡߐ߰ ߥߐߙߐ߲ߝߌ߬ߟߊ߫ ߓߐ߬ߣߐ߫ ߊ߬ ߣߌ ߘߐ߫ ߛߏߝߍߞߎߟߎ߲ ߘߏ߫ ߞߣߐ߫ ߡߐ߮ ߟߎ߬ ߘߐ߫، ߡߐ߰ ߝߌ߬ߟߊ߫ ߟߋ߬ ߖߐߞߌ߫ ߘߴߊ߬ߟߋ߬ ߓߌ߬ߟߊ߬ߒ߬ߘߐ߬ߖߎ߮ ߣߌ߲߬ ߘߐ߫߸ ߡߍ߲ ߠߎ߬ ߕߊ߬ ߘߊ߫ ߞߊ߬ ߥߴߊ߬ߟߎ߬ ߘߌ߫ ߞߌ߲ߘߌߦߊ߫ ߘߊ߲ߘߊߛߏߓߊ ߟߊ߫ ߞߊ߬ߣߌ߲߬.
ߛߌߟߊ߫ ߞߊ߲߫ ߓߌߟߊߒߘߐߖߎ߮ ߟߋ߬ ߞߍ߫ ߘߊ߫ ߞߎߣߎ߲߬ ߞߐ߬ߟߏ߲ ߞߏߟߌ߲ߞߏߟߌ߲ ߕߋ߬ߟߋ߫ ߉ ߡߊ߬߸ ߜߌ߲ߞߟߌ߫ ߣߐ߬ߘߎ߮ ߘߐ߫߸ ߏ߬ ߦߋ߫ ߞߎ߲߬ߓߊ߬ߛߊ߬ߦߊ߫ ߟߋ߬ ߘߐ߫، ߁߈ߙߋ߲ ߝߊ߲߭ ߠߋ߬ ߝߍ߬߸ ߘߊ߲߬ߞߊ߬ߞߎߟߎ߲ ߘߏ߫ ߣߌ߫ ߛߏߝߍߞߎߟߎ߲ ߘߏ߫ ߞߵߊ߬ ߛߌ߰ ߢߐ߲߮ ߞߎ߲߬߸ ߊ߰ ߝߐ߫ ߟߊ߫ ߡߍ߲ ߡߊ߬ ߞߏ߫ ߓߊ߲ߓߊߢߌ߫߸ ߊ߬ߟߎ߫ ߘߏ߲߬ ߘߊ߫ ߢߐ߲߮ ߘߐ߫ ߞߐ߰ߦߊ߬ ߣߌ߫ ߞߌ߲ߘߌߦߊ߫ ߝߏ߲߬ߘߏ߬ߓߊ ߟߋ߬ ߞߊ߲߬߸ ߘߓߋߟߋ߲߫ ߣߌ߫ ߞߎ߲߬ߓߛߊ߬ߦߊ߬ ߕߍߟߊ ߘߐ߫، ߊ߬ߟߎ߬ ߟߊ߫ ߝߏߘߏ߲ߢߐ߲߯ߠߊ ߞߍ߫ ߘߊ߫ ߕߙߎ߬ ߘߌ߫ ߞߊ߬ ߕߊ ߟߊߥߟߌ߬߸ ߝߏ߫ ߛߏߝߍߞߎߟߎ߲ ߏ߬ ߖߋ߬ߣߌ߲߬ ߘߊ߫ ߞߵߊ߬ ߞߍ߫ ߞߎߙߍ߫߸ ߞߵߊ߬ ߛߐ߬ߘߐ߲߬ ߡߐ߱ ߟߎ߬ ߦߴߊ߬ ߞߣߐ߫.
ߡߐ߰ ߥߐߙߐ߲ߝߌ߬ߟߊ ߡߍ߲ ߝߊ߰ ߘߊ߫߸ ߊ߬ߟߎ߬ ߓߍ߯ ߖߋ߬ߣߌ߲߬ ߘߊ߫ ߟߋ߬ ߕߊ ߓߟߏ߫ ߓߊ߲ߓߊߢߌ ߣߌ߲߬ ߞߣߐ߫، ߡߐ߰ ߝߌ߬ߟߊ߬ ߜߘߍ߫߸ ߞߊ߲ߓߋ߲ ߠߊߓߏ߬ߙߌ߬ߟߊ߸ ߊ߬ ߣߌ߫ ߛߏߝߍߞߎߟߎ߲ ߡߞߊ߬ߙߊ߲߬ߘߋ߲߸ ߏ߬ ߟߎ߬ ߖߐߞߌ߫ ߞߏߖߎ߯ߦߊ ߟߋ߬ ߞߍ߫ ߘߊ߫߸ ߊ߬ߟߎ߫ ߕߊ߬ ߘߊ߫ ߞߊ߬ ߥߴߊ߬ߟߎ߬ ߘߌ߫ ߞߌ߲ߘߌߦߊ߫ ߘߊ߲ߘߊߛߏߓߊ ߟߊ߫ ߞߟߊߡߊ߲ߝߊߘߌ ߘߐ߫.
ߡߊߡߊ߫ ߊߦߌߛߊߕߊ߬ ߛߎߡߊ߬߸ ߏ߬ ߦߋ߫ ߛߍߡߊ ߟߋ߬ ߘߌ߫ ߘߡߊ߬ߞߊ߬ߣߌ߬ߦߊ߫ ߜߋߙߋ߲ߜߋߙߋ߲ߧߊߛߏ ߟߊ߫߸ ߏ߬ ߞߊ߬ ߘߏߣߍ߲߫ ߝߐ߫ ߊ߬ ߞߏ ߕߊ߬ߡߌ߲߬ ߢߊ ߞߊ߲߬߸ ߡߍ߲ ߦߴߊ߬ ߦߌ߬ߘߊ߬ ߟߊ߫ ߞߏ߫ ߊ߬ ߡߊ߫ ߣߐ߰ߦߊ߬ ߝߋߎ߫: <<ߊ߲ ߥߊ߫ ߘߊ߫ ߓߌ߬ߟߊ߬ߒ߬ߘߐ߬ߖߎ߰ߓߊ߫ ߛߐ߬ߘߐ߲߬، ߓߊ߲ߓߊߢߌ߲߫ ߘߎ߰ߞߎߟߎ߲ ߝߊ߲߭ ߓߍ߯ ߟߋ߬ ߖߋ߬ߣߌ߲߬ ߘߊ߫ ߕߊ ߓߟߏ߫߸ ߞߵߊ߬ ߞߍ߫ ߛߌ߬ߛߌ ߘߌ߫ ߝߋߎ߫، ߊ߬ ߞߣߐ߫ ߡߐ߯ ߡߐ߰ ߇ ߓߍ߯ ߝߊ߰ ߘߴߊ߬ߟߎ߫ ߣߐ߭ ߘߐ߫ ߦߋ߲߬ ߠߋ߬ ߌߞߘߐ߫، ߛߌߟߊ ߕߍ߰ߣߍ߲߫ ߕߍ߬ߘߍ߫ ߊ߬ ߥߊ߯ߕߌ ߟߊ߫، ߞߊ߲ߓߋ߲ ߟߊ߬ߓߏ߬ߙߟߌ߬ߟߊ ߛߍߣߍ߲߬߸ ߊ߬ ߣߌ߫ ߛߏߝߍߞߎߟߎ߲ ߡߞߊ߬ߙߊ߲߬ߘߋ߲߸ ߏ߬ ߟߎ߫ ߝߌ߬ߟߊ ߡߊߘߌߡߌ߲߫ ߘߊ߫߸ ߏ߬ ߟߎ߫ ߕߊ߬ ߘߊ߫ ߞߊ߬ ߥߴߊ߬ߟߎ߬ ߘߌ߫ ߞߌ߲ߘߌߦߊ߫ ߕߌ߲߬ߞߎߘߎ߲ ߘߊ߲ߘߊߛߏ ߟߊ߫ ߘߊ߲ߘߊߟߌ߫ ߞߊߟߌ߲ ߠߎ߬ ߞߍ߫ ߞߊ߲ߡߊ߬.>>
ߓߌ߬ߟߊ߬ߒ߬ߐߘߐ߬ߖߎ߮ ߞߐ ߘߐ߫ ߣߍ߲ߞߍ߫߸ ߣߊ߲߬ߕߌ߮ ߟߎ߬ ߟߊ߫ ߜߋ߬ߕߋߜߋ߭ ߘߏ߫ ߣߊ߬ ߛߎ߭ ߟߎ߫ ߕߊ߬ ߞߊ߬ ߥߴߊ߬ߟߎ߬ ߘߌ߫ ߞߌ߲ߘߌߦߊ߫ ߕߌ߲߬ߞߎߘߎ߲ ߘߊ߲ߘߊߛߏߓߊ ߟߊ߫، ߘߊ߲ߘߊߟߌߟߊ ߘߏ߫ ߟߎ߫ ߛߐ߬ߘߐ߲߬ ߘߊ߫߸ ߡߍ߲ ߠߎ߬ ߦߋ߫ ߣߌ߲߬ ߞߏ ߞߊ߬ߟߊߡߊ߬߸ ߞߵߊ߬ ߟߊߕߍ߰ ߊ߲ ߧߋ߫ ߞߏ߫ ߡߐ߰ ߥߐߙߐ߲ߝߌ߬ߟߊ߫ ߟߋ߬ ߛߊ߬ߣߍ߲߫ ߓߌ߬ߟߊ߬ߒ߬ߘߐ߬ߖߎ߮ ߣߌ߲߬ ߘߐ߫.
ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.
