ߡߊ߬ߟߌ: ߟߐ߯ߞߎ߲߫ ߘߊ߲ߘߐ߫ ߟߊ߬ߝߙߍ ߞߐ ߘߐ߫߸ ߖߋ߬ߣߌ߲߬ߕߊ߬ߞߏ ߜߟߍ߬ߦߊ ߓߘߊ߫ ߣߊ߬ ߞߏߞߎߘߊ߫߸ ߢߊߝߐ߫ ߢߊ ߢߌ߬ߡߊ߲߬ ߦߴߏ߬ ߟߊ߫؟

ߊ߬ ߓߘߊ߫ ߟߐ߯ߞߎ߲߫ ߘߊ߲ߘߐ߫ ߓߐ߫߸ ߖߌߥߎߘߊ߫ ߛߌߦߊߡߊ߲߫ ߘߊ ߟߎ߬ ߕߎ߲߯ߣߍ߲߫ ߖߡߊ߬ߣߊ ߣߌ߲߬ ߞߣߐ߫، ߊ߬ ߦߋ߫ ߛߐ߬ߘߐ߲߬ ߠߊ߫ ߦߙߐ ߡߍ߲ ߠߎ߬ ߝߣߊ߫ ߘߐ߫߸ ߓߏ߬ߙߌ߬ߝߋ߲ ߠߎ߬ ߝߣߊ߫ ߕߍ߰ߣߍ߲߫ ߢߐ߲߮ ߞߐ߫ ߏ߬ ߟߎ߬ ߘߐ߫ ߝߣߍߣߍ߫߸ ߞߵߊ߬ ߛߐ߬ߘߐ߲߬ ߜߎ߸ ߞߏߟߌ߲ߞߏߟߌ߲ ߠߊ߫߸ ߜߟߍ߬ߦߊ ߟߎ߬ ߜߘߍ߫ ߓߘߊ߫ ߡߊߓߍ߲߬߸ ߓߊ߬ߙߌ߫߸ ߢߊ߬ߝߐ߬ߟߌ߬ ߢߊ߫ ߢߌ߬ߡߊ߲߫ ߠߋ߬ ߦߋ߫ ߛߋ߲߬ߧߊ߫ ߣߌ߲߬ ߕߊ ߟߊ߫؟

ߜߟߍ߬ߦߊ ߕߘߍ߬ ߦߋ߫ ߛߋ߲߬ ߠߊ߫ ߞߘߐ߬ߡߊ߲߫߸ ߓߊ߬ߙߌ߫߸ ߊ߬ ߞߏ ߖߎ߯ߦߊ߫ ߘߊ߫ ߞߏ߲ߓߌߕߌ߯ ߞߊߙߏ ߟߋ߬ ߟߊ߫߸ ߞߊ߬ߕߎ߲߯߸ ߓߋ߬ߒ߬ߞߊ߲߬ߠߌ߲߬ߠߊ ߟߎ߬ ߟߊ߫ ߓߋ߬ߒ߬ߞߊ߲߬ߠߌ߲ ߞߊ߬ ߝߊ߲߬ߞߊ ߛߐ߬ߘߐ߲߬ ߕߎ߬ߡߊ ߏ߬ ߟߋ߬ ߟߊ߫߸ ߡߍ߲ ߠߎ߬ ߞߎ߲߬ߛߌ߲߬ߣߍ߲ ߕߘߍ߬ ߦߋ߫ ߝߊ߯ߞߊ߲ߓߋ߲ ߠߎ߬ ߡߊ߬߸ ߜߟߍ߬ߦߊ ߏ߬ ߡߍ߲ ߠߎ߬ ߛߊߓߎ߫ ߟߊ߫߸ ߞߎ߲߬ߠߊ߬ߛߌ߮ ߟߎ߬ ߞߊ߬ ߞߊ߬ߙߊ߲ ߠߎ߬ ߟߊߘߎ߲߫ ߕߎ߬ߡߊ߬ߣߍ߲߬ ߞߘߐ߫߸ ߓߊ߬ߙߌ߫߸ ߣߍߣߍߓߊ ߟߊ߫߸ ߘߏ߫ ߓߐ߫ ߘߊ߫ ߜߟߍ߬ߦߊ ߟߎ߬ ߟߊ߫߸ ߓߊߏ߬߸ ߘߏ߫ ߓߐ߫ ߘߊ߫ ߓߋ߬ߒ߬ߞߊ߲߬ߠߌ߲߬ߠߊ ߟߎ߬ ߟߊ߫ ߞߏߢߊ ߟߎ߬ ߟߊ߫ ߞߵߊ߬ ߟߐ߬ ߝߊ߯ߞߊ߲ߓߋ߲ ߠߎ߬ ߡߊ߬.

ߏ߬ ߟߋ߬ ߕߎ߬ߡߊ ߟߊ߫߸ ߖߋ߬ߟߌ߬ߓߊ߬ߘߎ߯ ߞߊ߬ ߘߍ߬ߡߍ߲ ߘߏ߫ ߢߍߛߌ߲߫ ߡߊ߬ߟߌ ߞߊ߬߸ ߞߵߊ߬ ߟߊ߫ ߝߊ߯ߞߊ߲ߓߋ߲߫ ߈߀ ߢߐ߲߰ ߠߊߕߊ߬ߡߌ߲߫ ߊ߬ߟߎ߫ ߡߊ߬، ߣߊ߲߬ߕߌ߮ ߟߎ߬ ߝߣߊ߫ ߟߊ߫ ߟߊ߬ߞߊ߲߬ߘߊ߬ߟߌ ߟߎ߬ ߛߊߓߎ߫ ߟߊ߫߸ ߝߊ߯ߞߊ߲ߓߋ߲߫ ߛߌߦߊߡߊ߲߫ ߞߊ߬ ߛߌߟߊ ߟߊߛߐ߬ߘߐ߲߬ ߞߊ߬ ߘߏ߲߬ ߡߊ߬ߟߌ ߞߣߐ߫߸ ߕߐ߲߫ ߓߟߏߡߊ ߘߏ߫ ߣߌ߫ ߕߐ߲߫ ߓߟߏߡߊߞߏ ߞߟߊ߬ߡߊ߬ߓߊ߮ ߘߏ߫ ߟߊ߫ ߟߊ߬ߛߙߋ߬ߦߊ߬ߟߌ ߟߎ߬ ߘߐ߫߸ ߞߏ߫ ߞߎߡߊߢߐ߲߯ߦߊ ߟߎ߬ ߕߘߍ߬ ߦߋ߫ ߛߋ߲߬ߠߊ߫ ߊ߬ߟߎ߬ ߣߌ߫ ߓߋ߬ߒ߬ߞߊ߲߬ߠߌ߲߬ߠߊ ߟߎ߬ ߣߌ߫ ߢߐ߲߯ ߕߍ߫.

ߞߋߟߋ߲߫ ߠߊ߫ ߟߊ߬ߛߙߋ߬ߦߊ߬ߟߌ߬ ߘߐ߫߸ ߞߏ߫ ߓߍ߲߬ߡߊ߬ߞߊ߲߬ ߡߊ߫ ߛߐ߬ߘߐ߲߬ ߝߊ߲߬ ߝߌ߬ߟߊ ߣߌ߫ ߢߐ߲߯ ߕߍ߫߸ ߊ߬ ߘߏ߲߬߸ ߊ߬ߟߋ ߟߊߣߍ߲߫ ߊ߬ ߟߊ߫ ߞߏ߫ ߛߌ߰ߞߊ߬ߝߐ ߟߎ߬ ߕߍ߫ ߣߊ߬ ߛߌߟߊ ߛߐ߬ߘߐ߲߬ ߠߊ߫߸ ߞߊ߬ߕߎ߲߯߸ ߓߋ߬ߒ߬ߞߊ߲߬ߠߌ߲߬ߠߊ ߟߎ߬ ߦߴߊ߬ ߟߊߢߌߣߌ߲߫ ߠߊ߫ ߟߋ߬߸ ߡߐ߱ ߡߍ߲ ߠߎ߬ ߦߋ߫ ߓߟߏ߫ ߘߐ߫ ߞߊ߬ ߏ߬ ߟߎ߬ ߟߊߓߌ߬ߟߊ߬߸ ߣߊ߲߬ߝߟߏ߬ ߞߏ߬ ߞߎߡߊ ߦߴߊ߬ ߞߏ ߘߐ߫ ߝߣߊ߫߸ ߞߎ߲߬ߠߊ߬ߛߌ߮ ߟߎ߬ ߘߏ߲߬ ߝߣߊ߫ ߞߵߊ߬ ߟߊߢߌߣߌ߲߫ ߠߋ߬߸ ߞߏ߫ ߞߊ߬ ߜߛߏ ߟߎ߬ ߟߊߥߟߌ߬߸ ߏ߬ ߞߊ߬ ߘߏ߫ ߓߐ߫ ߜߟߍ߬ߦߊ ߟߎ߬ ߟߊ߫ ߝߛߊߦߌ߫߸ ߓߊ߬ߙߌ߫߸ ߊ߲ ߧߋ߫ ߦߙߐ ߡߍ߲ ߘߐ߫ ߕߋ߲߬߸ ߊ߬ߟߋ߬ ߞߏ߫ ߞߋߟߋ߲ ߓߘߊ߫ ߘߊߡߌ߬ߣߊ߬ ߝߣߊ߫߸ ߓߋ߬ߒ߬ߞߊ߲߬ߠߌ߲ ߠߎ߬ ߓߘߊ߫ ߘߊߡߌ߬ߣߊ߬ ߌߞߐ߫ ߞߵߊ߬ ߟߐ߬ ߝߊ߯ߞߊ߲ߓߋ߲ ߠߎ߬ ߡߊ߬ ߓߡߊ߬ߞߐ߬ ߣߴߊ߬ ߟߊߡߌߣߌ߲ ߘߐ߫.
ߛߎ߯ߟߊ߲ߘߌ߫ ߛߊ߬ߞߐ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.