ߒߞߏ ߘߏ߲߬ߖߟߎ߬ߡߊ߬ߘߊ ߛߍ߲ߓߊ߫ ߣߐ߬ ߝߐ߰ߓߍ߬ ߜߙߊ ߘߏ߫ ߟߋ߬ ߞߌ߫ ߟߊ߫ ߞߎߣߎ߲ߟߏ߲ ߣߌ߲߬ ߡߊ߬߸ ߂߀߂߆ ߓߌ߲ߠߊߥߎߟߋ߲ ߕߟߋ߬ ߁߄، ߞߊ߬ ߟߊ߬ߛߋ߬ߟߌ߬ ߞߟߊߒߞߋ߫ ߞߍ߫߸ ߞߵߊ߬ ߓߍ߲߬ ߘߎ߰ ߞߏ߬ ߡߊ߲ߞߊ߲ ߘߏ߫ ߡߊ߬߸ ߊ߬ߟߎ߫ ߘߍ߬ߢߐ߲߯ ߛߏ߬ߙߌ߫ ߥߎ߬ߦߊ߲߬ߞߌ߬ߣߍ߲߫ ߞߓߊ߬ ߣߌ߫ ߘߎ߰ߘߋ߲߬ ߜߘߍ߫ ߕߍ߫ ߞߊ߬ߙߌ߬ߝߊ߬ߡߘߎ߬ߦߊ߬ ߛߏ ߞߣߐ߫، ߊ߬ߟߎ߬ ߟߊ߫ ߟߊ߬ߛߋ߬ߟߌ ߣߌ߲߬ ߘߐ߫ ߝߐ߰ߓߍ߬ߦߊ߬ߟߊ ߟߎ߬ ߢߊߞߘߐ߫߸ ߊ߬ߟߎ߫ ߞߵߊ߬ ߦߌ߬ߘߊ߬ ߞߏ߫ ߊ߬ߟߎ߬ ߓߘߊ߫ ߥߊ߫ ߛߓߍ ߘߏ߫ ߟߎ߫ ߡߊߟߐ߬ ߝߊ߰ߡߊ ߟߎ߬ ߟߊ߫: ߡߙߊ߬ߓߊ߮ ߝߍ߬߸ ߞߊ߬ߝߏ߬ߙߋ߲߬ߕߌ߮ ߝߍ߬߸ ߞߊ߲ߓߍ߲ ߞߕߌߞߊ߲ߘߊ ߝߍ߬߸ ߊ߬ ߣߌ߫ ߞߊ߬ߙߌ߬ߝߊ߬ߡߘߎ߬ߦߊ߫ ߡߙߊ߬ߓߊ߰ߘߎ߯ߟߊ߸ ߡߍ߲ ߠߎ߬ ߘߌ߫ ߛߋ߫ ߘߏ߫ ߞߍ߫ ߟߊ߫ ߣߌ߲߬ ߞߏ ߘߐ߫.
ߟߊ߬ߛߋ߬ߟߌ߬ ߛߓߍ ߣߌ߲߬ ߞߊ߬ߙߊ߲߬ ߘߊ߫ ߒߞߏ ߘߏ߲߬ߖߟߎ߬ߡߊ߬ߘߊ ߛߍ߲ߓߊ߫ ߘߏ߲߬ߖߟߎ߬ߡߊ߬ߟߌ߬ߟߊ ߟߋ߬ ߓߟߏ߫߸ ߓߊߛߓߊ߬ߕߌ߫ ߛߘߌ߬ߓߋ߬، ߊ߬ߟߋ ߡߍ߲ ߞߵߊ߬ ߝߐ߫ ߕߏ߰ߝߏ ߣߌ߲߬ ߕߐ߯ ߘߐ߫߸ ߞߏ߫ ߡߊ߬ߞߏ ߓߘߊ߫ ߛߋ߫ ߞߎߡߊ ߡߊ߬ ߌߞߘߐߣߌ߲߬߸ ߣߴߊ߬ ߡߊ߫ ߢߊ߬ ߞߏ߫ ߕߐ߬ߣߐ ߦߴߏ߬ ߟߋ ߟߊ߫ ߕߋ߲߬، ߊ߬ ߞߵߊ߬ ߦߌ߬ߘߊ߬ ߞߏ߫ ߡߐ߰ ߟߎ߬ ߞߎߡߊ߫ ߓߘߊ߫ ߛߋ߫߸ ߛߏ ߦߋ߫ ߡߍ߲ ߠߎ߬ ߓߟߏ߫߸ ߛߊ߬ߙߌ߬ߦߊ ߦߋ߫ ߡߍ߲ ߠߎ߬ ߓߟߏ߫߸ ߡߍ߲ ߠߎ߬ ߘߌ߫ ߛߋ߫ ߖߏ ߘߌ߫ ߟߊ߫ ߖߏߕߌ߮ ߡߊ߬߸ ߞߊ߬ ߖߙߊ߬ߞߌ߬ߕߌ߮ ߖߙߊ߬ߞߌ߬.
<<ߊ߲ ߒߞߏ ߘߏ߲߬ߖߟߎ߬ߡߊ߬ߘߊ ߛߍ߲ߓߊ߫ ߕߍ߫ ߞߕߌߕߍ߯ߟߊ߫ ߘߌ߫ ߣߌ߲߬ ߞߏ ߘߐ߫، ߊ߲ ߕߍ߫ ߡߐ߰ ߢߍ߫߸ ߊ߲ ߘߏ߲߬ ߕߍ߫ ߡߐ߰ ߞߊ߲ߡߊ߬، ߞߏ߬ߣߌ߲߬ ߡߊ߬ߞߏ ߦߋ߫ ߞߏ߫ ߞߋߟߋ߲߫ ߠߋ߬ ߟߊ߫: ߏ߬ ߟߋ ߛߊ߬ߙߌ߬ߦߊ ߘߌ߫߸ ߞߊ߬ ߣߌ߲߬ ߞߏ ߘߐߛߎߡߊ߫ ߕߋߟߋ߲ ߞߊ߲߬.>> ߓߊߛߓߊ߬ߕߌ߫ ߛߘߌ߬ߓߋ߫ ߟߋ߬ ߞߊ߲߫ ߕߋ߲߬.
ߒߞߏ ߛߍ߲ߓߊ߫ ߟߊ߫ ߞߎߡߊ߫ ߘߐ߫߸ ߞߏ߫ ߊ߬ߟߎ߬ ߕߊ ߣߌ߲߬ ߞߎ߲߭ ߦߋ߫ ߝߐߢߐ߲߯ߞߐ߫ ߘߊ߲߬ߠߊߕߊ߬ߡߌ߲߬ߣߍ߲ ߡߊߕߊ߲߬ߞߊ ߣߌ߫ ߥߊ߬ߥߎߟߋ ߢߍߛߌߟߊ߲ߢߍ ߟߋ߬ ߘߌ߫߸ ߊ߬ ߣߌ߫ ߛߊ߫ ߖߛߎ߬ߛߎߡߊ ߞߊߣߊ߬ ߘߐߓߎ߬ߘߎ߲߬، ߘߏ߲߬ߖߟߎ߬ߡߊ߬ߘߊ ߞߵߊ߬ ߦߌ߬ߘߊ߬ ߝߣߊ߫߸ ߞߏ߫ ߊ߬ߟߎ߬ ߟߊߣߴߊ߬ ߟߊ߫߸ ߖߌ߬ߣߍ߬ ߦߋ߫ ߛߊ߬ߙߌ߬ߦߊ߬ ߖߡߊߣߊ ߟߋ߬ ߘߌ߫߸ ߊ߬ߟߎ߫ ߘߏ߲߬ ߘߍ߲߬ߞߣߍ߬ߦߊ߬ߣߴߊ߬ ߡߊ߬ ߝߣߊ߫߸ ߝߊ߰ߡߊ ߟߎ߬ ߘߌ߫ ߓߐߘߊ߫ ߖߐ߲ߖߐ߲߫ ߢߌߣߌ߲߫ ߣߌ߲߬ ߞߏ ߟߊ߫߸ ߞߵߊ߬ ߘߐߛߎߡߊ߫߸ ߡߍ߲ ߘߌ߫ ߞߍ߫ ߕߏߒߡߕߊ ߘߌ߫.
<< ߣߌ߫ ߖߛߎ߬ߛߎߡߊ ߕߴߦߋ߲߬߸ ߥߟߊ߫ ߣߌ߫ ߛߌ߱ ߞߛߊ߫ ߘߊ߫߸ ߡߊ߬ߞߎ߲ ߦߋ߫ ߞߍ߫ ߟߊ߫ ߖߎ߯ߡߊ߲ ߠߋ߬ ߘߌ߫ ߏ߬ ߥߊ߯ߕߌ ߟߊ߫.>> ߘߏ߲߬ߖߟߎ߬ߡߊ߬ߟߌ߬ߟߊ ߞߵߏ߬ ߟߋ ߝߐ߫߸ ߞߣߊ߬ߕߏ߫ ߊ߬ ߟߊ߫ ߟߊ߫ ߞߎߡߊ ߞߊ߲߬ ߝߣߊ߫߸ ߞߏ߫ ߣߴߊ߬ ߡߊ߫ ߢߍߓߍ߲߬ ߥߊ߯ߕߌ ߢߌ߲߬ ߠߊ߫߸ <<ߣߴߊ߬ ߡߊ߫ ߢߍߓߍ߲߬ ߖߏߣߊ߫߸ ߊ߬ ߘߌ߫ ߛߋ߫ ߟߊߓߊ߲߫ ߠߊ߫ ߞߏ ߘߏ߫ ߡߊ߬߸ ߡߐ߰ ߛߌ߫ ߕߴߊߟߊ߫ ߕߙߊ߫ ߟߊ߫ ߡߍ߲ ߠߊ߫߸>>
ߒߞߏ ߘߏ߲߬ߖߟߎ߬ߡߊ߬ߘߊ ߛߍ߲ߓߊ߫ ߞߵߊ߬ ߦߌ߬ߘߊ߬ ߝߣߊ߫߸ ߞߏ߫ ߊ߬ߟߎ߬ ߦߋ߫ ߓߍ߯ ߛߊ߬ߥߏ߬ ߘߐ߫ ߣߌ߲߬ ߞߏ ߘߐ߫߸ ߞߏ ߺ ߏ ߺ ߞߏ߫ ߟߐ߬ߣߍ߲߬ ߕߍߝߐ ߡߊ߬߸ ߘߊߘߐߖߊߥߏ߫ ߡߊ߬߸ ߛߌ߰ߞߊ߬ߝߐ߫ ߡߊߊ߬߸ ߛߊ߫ ߛߊߟߖߌ߫ ߘߌ߫ ߞߍ߫ ߣߌ߲߬ ߞߏ ߟߊ߫߸ ߞߏ߫ ߊ߬ߟߎ߬ ߓߌߣߴߏ߬ ߟߊ߫ ߝߛߊߦߌ߫، ߖߐ߰ߛߊ߫ ߣߌ߲߬ ߞߏ ߞߊߣߊ߬ ߞߍ߫ ߛߊߓߎ߫ ߘߌ߫ ߞߊ߬ ߛߌ߱ ߜߏߦߊ߫߸ ߡߐ߱ ߟߎ߬ ߟߊ߫ ߡߊ߬ߝߊ ߘߐߞߛߊ߫.
ߣߴߌ ߘߏ߲߬ ߞߵߊ߬ ߡߊߝߟߍ߫߸ ߘߎ߰ ߞߏ ߞߎߡߊ ߞߊ߫ ߛߌߦߊ߫ ߒ߬ ߓߘߊ߫ ߝߊ߲߭ ߝߍ߬ ߦߊ߲߬ ߞߏߛߓߍ߫߸ ߞߟߍ߬ ߛߌߦߊߡߊ߲߫ ߕߎ߬ߙߎ ߦߋ߫ ߞߍ߫ ߟߴߊ߬ߟߋ ߟߋ߬ ߘߌ߫، ߏ߬ ߟߋ ߘߐ߫߸ ߟߊ߬ߞߙߐ߬ߛߟߌ߬ߟߊ ߟߎ߫ ߛߌ߰ߣߍ߲߫ ߞߊ߬ ߣߌ߲߬ ߞߐ ߘߐߜߍ߫߸ ߣߌ߫ ߝߊ߰ߡߊ ߟߎ߬ ߘߌ߫ ߘߏ߫ ߝߐ߫ ߊ߬ ߘߐ߫߸ ߥߟߊ߫ ߍ߲߬ߍ߲ߍ߲߬، ߓߊߏ߬߸ ߣߌ߫ ߘߏ߫ ߝߐ߫ ߘߊ߫ ߣߌ߲߬ ߞߏ ߘߐ߫߸ ߏ߬ ߦߋ߫ ߖߛߎ߬ߛߎߡߊ ߟߊߘߏ߲߭ ߠߋ߬ ߘߌ߫ ߞߊ߬ߙߌ߬ߝߊ߬ߡߘߎ߬ߦߊ߬ ߞߣߐ߫، ߊ߬ ߘߏ߲߬ ߓߘߊ߫ ߝߐ߫ ߞߙߐ߬ߛߟߌ߬ߟߊ ߘߏ߫ ߟߎ߫ ߓߟߏ߫߸ ߞߏ߫ ߞߕߌߞߊ߲ߘߊ ߕߴߛߋ߫ ߞߎߡߊ߫ ߟߊ߫ ߞߏ߫ ߘߐ߫߸ ߡߊ߲߬ߞߊ߲߬ ߡߊ߫ ߓߐ߫ ߞߏ ߡߍ߲ ߘߐ߫߸ ߞߵߊ߬ ߞߍ߫ ߞߎ߲߬ߞߏ߬ߡߊ ߘߌ߫.
ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.
