ߓߌ߬ ߞߎߟߎ߲ߟߏ߲ ߣߌ߲߬ ߁߈ߙߋ߲ ߝߊ߲߭ ߝߍ߬߸ ߡߊ߲߬ߞߊ߲ ߠߋ߬ ߥߟߌ߬ߣߍ߲߫ ߛߌ߯ߙߌ߲߫ ߡߙߊ߬ߓߊ߰ߘߊ ߞߣߐ߫߸ ߊ߬ ߕߌ߯ߕߌ߯ ߞߙߎ߬ߣߌ߲ ߣߌ߫ ߛߍ߲߫ ߊߟߍߞߑߛߌ߫ ߞߌ߲߬ߘߊ ߟߊ߫، ߘߋ߲ߡߌߛߍ߲߫ ߞߙߎ ߘߏ߫ ߟߎ߫ ߟߋ߬ ߕߊ߯ߣߍ߲߫ ߛߌ߯ߣߌ߲ߞߊ ߟߎ߬ ߟߊ߫ ߓߊ߯ߙߊ߫ ߦߙߐ ߘߏ߫ ߞߊ߲ߡߊ߬߸ ߞߊ߬ ߡߊ߬ߙߵߊ߬ߟߎ߫ ߡߊ߬ ߦߋ߲߬.
ߊ߲ ߠߊ߫ ߟߌ߬ߤߟߊ߫ ߛߐ߬ߘߐ߲߬ߣߍ߲ ߠߎ߬ ߘߐ߫߸ ߘߋ߲ߡߌߛߍ߲ ߠߎ߬ ߟߊ߫ ߓߐߟߌ ߞߎ߲߭ ߦߋ߫ ߊ߬ߟߌ ߗߊߡ ߡߌ߬ߣߊ߬ ߞߏ ߡߍ߲ ߠߋ߬ ߘߴߊ߬ߟߎ߬ ߓߟߏ߫߸ ߏ߬ ߡߍ߲ ߦߋ߫ ߛߌ߯ߙߌ߲߫ ߠߊߥߙߎߞߌ ߘߋ߲ߡߌߛߍ߲ ߠߎ߬ ߟߊ߫ ߘߍ߭ ߥߊ߬ߣߊ ߘߏ߫ ߘߌ߫߸ ߡߍ߲ ߠߎ߬ ߟߊߘߍ߬ߣߍ߲߫ ߓߐ߰ߝߍ ߘߐߖߊߛߌ ߞߟߍ߬ ߞߊ߲ߡߊ߬ ߘߊ߬ߡߊ߲߬ ߓߊ߯ߙߊ ߡߊ߬ߘߎ߮ ߘߐ߫߸ ߊ߬ ߕߌ߯ߕߌ߯ ߔߏߞߑߟߍ߲߫ ߞߏ.
ߞߵߊ߬ ߓߍ߲߬ ߊ߲ ߠߊ߫ ߟߌ߬ߤߟߊ߫ ߛߐ߬ߘߐ߲߬ߣߍ߲ ߠߎ߬ ߡߊ߬ ߦߙߐ ߏ߬ ߘߐ߫ ߦߋ߲߬ ߌߞߘߐ߫߸ ߘߋ߲ߡߌߛߍ߲ ߠߎ߬ ߕߊ߯ ߘߊ߫ ߥߎ߬ߦߊ߬ ߦߙߐ ߡߍ߲ ߞߊ߲߬߸ ߦߋ߲߬ ߦߋ߫ ߛߌ߯ߣߌ߲ߞߊ ߟߎ߬ ߟߊ߫ ߘߎ߰ߘߐ߬ߕߌ߲߬ߓߊ߲߬ ߕߙߏߞߏ߫ ߔߏߞߑߟߍ߲߫ ߠߊߡߙߊ߫ ߦߙߐ ߟߋ߬ ߘߌ߫߸ ߡߍ߲ ߦߋ߫ ߞߙߎ߬ߣߌ߲߫ ߞߌ߲߬ߘߊ ߟߊ߫، ߊ߬ߟߎ߫ ߞߊ߬ ߕߊ ߛߎ߫ ߜߋ߬ߕߋߜߋ߭ ߘߏ߫ ߟߊ߫߸ ߊ߬ ߣߌ߫ ߔߏߞߑߟߍ߲߫ ߝߌ߬ߟߊ߬، ߏ߬ ߡߊ߫ ߡߍ߲߫߸ ߊ߬ߟߋ߬ ߡߐ߰ ߞߋߟߋ߲ ߠߎ߬ ߟߊ߫ ߜߋ߬ߕߋߜߋ߭ ߘߏ߫ ߝߣߊ߫ ߕߘߍ߬ ߊߟߍߞߑߛߌ߫߸ ߕߊ ߛߎ߫ ߘߴߏ߬ ߟߊ߫ ߦߋ߲߬ ߞߵߊ߬ ߖߋ߬ߣߌ߲߬.
ߡߏ߬ߤߊ߬ߡߍߘ ߡߍ߲ ߦߋ߫ ߓߟߏߟߊߓߊ߯ߙߟߊ߫ ߘߌ߫ ߘߌ߲߬ߞߌߙߊ ߣߌ߲߬ ߘߐ߫߸ ߏ߬ ߞߊ߬ ߘߏ߫ ߝߐ߫ ߊ߬ ߞߏ ߕߊ߬ߡߌ߲߬ ߢߊ ߞߊ߲߬، ߊ߲ߠߎ߬ ߕߍ߬ߘߍ߫ ߘߏ߬ߣߌ߲߬ ߠߊ߬ߖߌ߮ ߟߋ߬ ߟߊ߫ ߣߊ߯ߓߊ ߞߣߐ߫ ߞߏߞߏ ߞߣߐ߫ ߦߊ߲߬߸ ߊ߲ ߞߊ߬ ߖߡߊ߬ ߛߌߦߊߡߊ߲߫ ߦߋ߫ ߣߊ߭ ߞߊ߲߬ ߔߏߔߏ ߞߊ߲߬߸ ߞߵߊ߲ ߡߊߓߏ߲ ߘߊߡߌ߬ߣߊ߬ ߞߓߊ ߟߊ߫ ߌߞߘߐ߫، ߊ߲ ߠߊ߫ ߗߋߝߊ߫ ߛߣߌߥߊߗߍ ߞߵߊ߬ ߜߊ߲߫ ߞߏߞߏ ߟߊ߫ ߞߊ߬ ߦߟߍ߬ ߝߟߊߝߟߊ ߞߊ߲߬߸ ߝߟߊߝߟߊ ߏ߬ ߝߙߊ߫ ߘߴߊ߬ ߞߘߐ߫ ߞߵߊ߬ ߖߐߞߌ߫، ߒߠߋ ߣߊ߬ ߘߴߊ߬ ߡߌ߬ߣߊ߬ ߢߊ ߏ߬ ߟߋ ߡߊ߬ ߞߵߊ߬ ߡߞߊߘߊ߲߫߸ ߞߊ߬ ߞߊߘߊ߲߫ ߞߍ߫ ߞߵߊ߬ ߟߊߛߋ߫ ߡߌ߲߬ߓߏ߲ ߘߏ߫ ߟߊ߫ ߦߊ߲߬ ߠߊߡߌߣߌ߲ ߘߐ߫، ߏ߬ ߟߋ ߞߐ߫߸ ߊ߬ߟߋ߬ ߞߊ߲ߡߋߙߋ߲ ߠߎ߬ ߣߌ߫ ߖߌߥߎ ߣߊ߬ ߘߊ߫ ߞߊ߬ ߣߊ߬ ߕߊ ߛߎ߫ ߜߋ߬ߕߋߜߋ߭ ߟߊ߫߸ ߊ߬ ߣߌ߫ ߕߙߏ߬ߞߏ߫ ߝߌ߬ߟߊ߬، ߊ߲ ߓߊ߯ߙߟߊ߫ ߖߌ߬ߣߍ߬ߞߊ߫ ߡߐ߰ ߣߊ߯ߣߌ߲߫ ߠߋ߬ ߦߊ߲߬: ߕߎ߬ߡߊ ߡߍ߲ ߠߊ߫ ߕߐ߬ ߛߊ߬ߓߊ ߦߋ߫ ߕߊ ߟߊߛߊ߭ ߞߊ߲߬ ߘߋ߲ߡߌߛߍ߲ ߠߎ߬ ߥߊ ߞߐߝߍ߬߸ ߒߠߋ ߕߏ߫ ߘߊ߫ ߒ ߠߊ߫ ߗߋߝߊ ߘߊߝߍ߬ ߞߵߊ߬ ߟߊߕߊ߲߬ߞߊ߬.>> ߊ߬ ߞߵߏ߬ ߟߋ ߝߐ߫.
ߟߌ߬ߤߟߊ ߣߌ߲߬ ߛߓߍ߫ ߕߎߡߊ ߞߵߊ߬ ߛߐ߬ߘߐ߲߫ ߠߋ߬߸ ߝߊ߰ߡߊ ߟߎ߬ ߡߊ߫ ߝߋ߲߫ ߝߐ߫ ߣߌ߲߬ ߞߏ ߞߊ߲߬ ߡߎߣߎ߲߬.
ߌߓߙߊߤߌߡߊ߬ ߝߙߊ߬ߓߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߞߐߦߌߘߊ ߛߌ߯ߙߌ߲߫.
