ߜ߭ߊ߲ߓߌ߫: ߛߊ߲ߣߊ߲߫ ߡߊ߲ߖߊ߲ߜ߭ ߟߊ߫ ߟߊ߬ߝߛߊ߬ߟߌ߬ߟߊ ߟߎ߬ ߓߘߴߊ߬ߟߎ߬ ߟߊ߫ ߣߌߛߐ߲ߘߌߦߊ ߦߌ߬ߘߊ߬ ߞߊ߬ ߓߍ߲߬ ߊ߬ ߟߊ߫ ߞߕߌ ߡߊ߬

ߜ߭ߊ߲ߓߌ߫ ߞߊ߲ߕߌ߯ ߞߘߐ ߦߊߤߌߦߊ߫ ߖߊߡߋ߫ ߟߊ߫ ߞߟߍ߬ߓߏߟߏ߲߫ ߞߙߍߞߙߍߣߍ߲ ߢߍߡߌߘߊ߸ ߛߊ߲ߣߊ߲߫ ߡߊ߲ߖߊ߲ߜ߭ ߞߕߌ ߘߊߡߌ߬ߘߊ߬ ߘߊ߫ ߓߊ߲ߖߎߟ ߓߌߟߏ߲߸ ߦߊߤߌߦߊ߫ ߖߊߡߋ߫ ߟߊ߫ ߡߊ߬ߙߊ ߕߎ߬ߡߊ ߟߊ߫߸ ߊ߬ ߡߊߝߌ߲߬ ߘߊ߫ ߝߊ߰ߟߌ߬ߞߏ ߘߏ߫ ߟߋ߬ ߘߐ߫߸ ߊ߬ ߟߊ߫ ߞߕߌߘߊ ߘߐ߫ ߓߌߟߏ߲ ߕߊ߬ߡߌ߲߬ߣߍ߲ ߡߊ߬߸ ߛߊ߲ߣߊ߲߫ ߡߊ߲ߖߊ߲ߜ߭ ߡߊ߫ ߛߐ߲߬ ߊ߬ ߟߊ߫ ߡߊ߬ߝߌ߲߬ߞߊ߲߬ߠߊ ߟߎ߫ ߡߊ߬߸ ߡߊ߬ߝߌ߲߬ߞߊ߲߬ߠߊ ߏ߬ ߡߍ߲ ߘߏ߫ ߦߋ߫ ߝߐ߰ߓߍ߬ߦߊ߬ߟߊ ߘߋߦߑߘߊ߬ ߤߊߦߌߘߙߊ ߝߊ߰ ߘߌ߫ ߂߀߀߄ ߠߊ߫߸ ߓߍ߯ ߟߋ߬ ߛߍߥߊ߫ ߘߊ߫ ߛߊ߲ߣߊ߲߫ ߡߊ߲ߖߊ߲ߜ߭ ߟߊ߫ ߡߌ߬ߣߊ߬ߟߌ ߟߊ߫.

ߞߊ߬ߕߎ߲߯߸ ߊ߬ߟߋ ߟߋ߬ ߡߊߝߌ߲߬ߣߍ߲߫ ߞߏߢߊ ߣߌ߲߬ ߘߐ߫ ߓߊߞߍ߭߸ ߡߊ߬ߝߌ߲߬ߞߊ߲߬ߠߊ ߛߌߦߊߡߊ߲߫ ߊ߬ߟߋ ߟߋ߬ ߞߐ ߞߏߖߎ߰߸ ߞߵߊ߬ ߓߍ߲߬ ߡߐ߰ ߝߊ߰ ߞߏ ߟߎ߫ ߡߊ߬ ߜ߭ߊ߲ߓߌ߫ ߞߣߐ߫߸ߓߊߏ߬߸ ߦߊߤߌߦߊ߫ ߖߊߡߋ߫ ߟߊ߫ ߝߊ߲߬ߞߊ ߕߎ߬ߡߊ ߟߊ߫߸ ߞߵߊ߬ ߕߊ߬ ߁߉߉߄ ߡߊ߬ ߞߵߊ߬ ߛߌ߰ ߂߀߂߆ ߟߊ߫߸ ߝߊ߰ߟߌ߬ߞߏ ߛߌߦߊߡߊ߲߫ ߠߋ߬ ߛߎߡߊ ߦߴߊ߬ ߝߍ߬ ߕߍߟߊ ߏ߬ ߏ߬ ߘߐ߫߸ ߞߕߌ߫ ߕߎ߬ߡߊ ߟߊ߫ ߁߇ ߙߋ߲ ߝߊ߲߭ߝߍ߬߸ ߊ߬ ߦߌ߬ߘߊ߬ ߘߊ߫ ߞߏ߫ ߊ߬ߟߋ ߟߋ߬ ߣߐ߬ ߦߋ߫ ߞߖߊߟ ߖߊߡߋ߫ ߝߊ߰ ߟߊ߫ ߞߣߊߟߊ߯ߦ ߕߌ߲߬ߞߎߘߎ߲ ߘߐ߫߸ ߓߊ߬ߙߌ߫߸ ߞߕߌߞߊ߲ߘߊ ߣߐ߬ ߊ߬ ߢߌ߬ߣߌ߲߬ߞߊ߬ ߟߊ ߡߊ߬ߝߌ߲߬ߠߌ ߏ߬ ߟߎ߫ ߡߊ߬߸ ߛߊ߲ߣߊ߲߫ ߡߊ߲ߖߊ߲߫ ߞߊ߬ ߏ߬ ߟߎ߬ ߓߍ߯ ߡߊߛߐ߬ߛߐ߫ ߟߋ߬.

ߊ߬ ߘߏ߲߬ ߡߊ߫ ߟߊߟߐ߬ ߊ߬ ߟߊ߫ ߟߊ߬ߝߛߊ߬ߟߌ߬ߟߊ ߟߎ߬ ߝߣߊ߫ ߘߊ ߘߐ߫߸ ߓߊߏ߬߸ ߏ߬ ߟߎ߫ ߞߵߊ߬ ߝߐ߫ ߟߋ߬߸ ߞߏ߫ ߊ߬ߟߎ߬ ߟߊ߫ ߟߊ߬ߝߛߊ߬ߕߊ ߛߐ߲߬ ߕߍ߫ ߞߏߢߊ ߣߌ߲߬ ߝߏߦߌ߬ ߘߐ߫߸ ߊ߬ ߘߏ߲߬ ߢߌ߬ߣߌ߲߬ߞߊ߬ߟߌ ߟߎ߬ ߝߣߊ߫ ߣߌ߫ ߜ߭ߊ߲ߓߌ߫ ߞߎ߬ߙߎ߲߬ߘߎ ߟߎ߬ ߕߍ߫ ߛߌߟߊ߫ ߞߋߟߋ߲߫ ߞߊ߲߬߸ ߒ߬ߓߊ߬߸ ߏ߬ ߟߋ߬ ߣߐ߬ ߞߕߌ ߟߊߕߊ߯ ߟߊ߫ ߞߐߝߍ߬߸ ߞߵߊ߬ ߕߏ߫ ߞߏ߲ߞߏߜߍ ߣߊ߬ߕߐ ߕߋ߬ߟߋ߫ ߞߐ߬ߣߐ߲߬ߘߐ ߟߊ߫.

ߛߎ߯ߟߊ߲ߘߌ߫ ߛߊ߬ߞߐ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.