ߎߜ߭ߊ߲ߘߊ߫: ߦߏߥߋߙߌ߫ ߡߎߛߋߝ߭ߋߣߌ߫ ߟߋ߬  ߛߎߘߊ߲߫ ߘߊ߫ ߞߊ߲ߕߌ߯ߦߊ ߢߣߊߕߊߟߌ ߘߐ߫

ߞߊ߲ߕߌ߯ ߓߐߕߊ ߞߊ߬ ߞߊ߲ߧߊ߫ ߇߁,߆߅ ߟߋ߬ ߛߐ߬ߘߐ߲߫߸ ߞߐߝߟߌ ߟߎ߬ ߟߊ߲ߞߣߍߡߊ߫ ߘߊ߫ ߞߍ߲ߘߍߟߏ߲ ߠߋ߬ ߡߊ߬߸ ߝߊ߲߬ߞߊߛߌ߬ߣߊ ߓߏߓߌ߫ ߥߌߣ ߕߘߍ߬ ߞߊ߬ ߞߊ߲ߕߌ߯ ߓߐߕߊ ߟߊ߫ ߛߎߘߊ߲ߠߌ ߞߐ߲߫ ߠߋ߬߸ ߞߵߊ߬ ߛߐ߬ߘߐ߲߬ ߞߐߝߟߌ ߟߎ߬ ߡߊ߫ ߟߊ߫ ߞߣߍ ߞߊ߲߬ ߝߟߐ߫ ߖߍ߬ߘߍ߸ ߦߏߥߋߙߌ߫ ߡߎߛߋߝ߭ߋߣߌ߫ ߛߊ߲߬ ߈߁ ߠߋ߬ ߕߋ߲߬߸ ߊ߬ ߘߏ߲߬ ߓߘߊ߫ ߛߊ߲߬ ߄߀ ߠߋ߬ ߞߍ߫ ߞߊ߲ߕߌ߯ߦߊ ߟߊ߫߸ ߊ߬ ߟߊ߫ ߟߐ߬ߒ߬ߞߋ߬ߟߊ ߥߐߙߐ߲ߝߌߟߊߣߊ߲ ߟߋ߬ ߞߍߕߐ߫ ߣߌ߲߬ ߘߌ߫߸ ߊ߬ ߘߏ߲߬ ߛߎߥߊ߲ߘߌ ߞߵߊ߬ ߞߍ߫ ߞߊ߲ߕߌ߮ ߘߌ߫ ߞߏߞߎߘߊ߫߸ ߏ߬ ߘߌߦߊߣߍ߲ ߠߋ߬ ߖߡߊ߬ߣߊ߬ߘߋ߲ ߛߌߦߊߡߊ߲߫ ߦߋ߫.

ߓߊߏ߬߸ ߞߏ߫ ߊ߬ ߓߘߊ߫ ߖߡߊ߬ߣߊ ߓߐ߫ ߜߟߍ߬ߦߊ߫ ߛߌߦߊߡߊ߲߫ ߠߋ߬ ߘߐ߫߸ ߒ߬ߓߊ߬߸ ߣߌ߲߬ ߓߍ߯ ߣߴߊ߬ ߕߊ߫߸ ߝߊ߲߬ߞߊߛߌ߬ߣߊ ߟߎ߬ ߦߴߊ߬ ߞߊ߲߬ ߞߊ߬ ߣߌ߲߬ ߓߍ߯ ߟߊߜߎ߬ߝߎ߲߬߸ ߝߊ߲߬ߞߊߛߌ߬ߣߊ ߟߎ߬ ߘߐ߫ ߞߌ߬ߣߊ ߓߏߓߌ߫ ߥߌߣ ߊ߬ߟߋ ߞߊ߬ ߞߊ߲ߧߊ߫ ߂߄,߇߂ ߟߋ߬ ߛߐ߬ߘߐ߲߫߸ ߞߊ߬ ߞߐ߲߰ ߢߣߊߕߊߟߌ߫ ߞߏ ߞߎߓߋߘߊ ߟߊ߫ ߞߐߝߟߌ߫ ߟߊߓߊ߲߫ ߡߍ߲߬ ߠߎ߬ ߟߊߓߐ߫ ߢߍ߫߸ ߓߏߓߌ߫ ߥߌߣ ߕߘߍ߬ ߞߊ߬ ߟߊ߬ߖߍ߲߬ߛߍ߲߬ߠߌ߲ ߘߏ߫ ߞߍ߫ ߊ߬ ߟߊ߫ ߓߟߐߟߐ߫ ߍߞߑߛ ߖߊ߬ߕߋ߬ߘߊ ߟߊ߫߸ ߞߏ߫ ߊ߬ߟߋ ߕߍߣߊ߬ ߛߐ߲߬ ߠߊ߫ ߣߊߡߙߊ߫ ߖߋߓߟߌ ߏ߬ ߟߎ߫ ߡߊ߬߸ ߟߊ߬ߛߋ߬ߟߌ ߏ߬ ߟߎ߬ ߞߍ߫ ߘߴߊ߬ ߓߟߏ߫ ߟߋ߬ ߞߵߊ߬ ߕߏ߫ ߘߏ߲߰ ߘߐ߫.

ߓߊߏ߬߸ ߊ߬ ߦߴߊ߬ ߞߊ߬ߟߊߡߊ߬ ߕߊߦߌ߫ ߞߏ߫ ߕߐ߲߫ ߓߟߏߡߊ ߟߎ߬ ߦߴߊ߬ ߦߙߐ߫ ߢߌߣߌ߲ ߞߊ߲߬߸ ߞߏ߫ ߊ߬ߟߋ ߞߏ߬ߣߌ߲ ߓߍߣߵߊ߬ ߕߊ ߟߎ߬ ߞߍ߫ ߟߋ߬ ߗߐ߫߸ ߞߵߊ߬ ߕߏ߫ ߘߏ߲߰ ߘߐ߫߸ ߓߊ߬ߙߌ߫߸ ߣߊ߲߬ߕߌ߮ ߟߎ߬ ߝߣߊ߫ ߕߍ߬ߘߍ߫ ߞߊ߬ ߏ߬ ߟߋ߬ ߡߊߛߐ߬ߛߐ߬߸ ߞߏ߫ ߓߏߓߌ߫ ߥߌߣ ߦߋ߫ ߊ߬ ߟߊ߫ ߟߎ-ߡߊ߬߸ ߞߏ߫ ߊ߬ߟߎ ߞߏ߬ߣߌ߲ ߓߍߣߊ߬ ߟߊ߬ߞߊ߲߬ߘߊ߬ߟߌ ߟߎ߬ ߞߍ߫߸ ߞߵߊ߬ ߟߊ߫ ߟߎ ߡߌ߬ߣߊ߬، ߓߊߏ߬߸ ߊ߬ߟߎ߬ ߕߴߊ߬ ߕߏ߫ ߝߋߎ߫߸ ߘߝߐ߬ ߛߌ߫ ߦߋ߫ ߞߍ߫ ߊ߬ ߟߊ߫ ߟߎ߫ ߡߊ߬߸ ߊ߬ߟߎ߬ ߞߊߣߊ߬ ߖߡߊ߬ߣߊ߬ߘߋ߲ ߕߐ߭ ߟߎ߬ ߟߊߡߎߙߎ߲ߕߌ߫߸ ߕߐ߲߫ ߓߟߏߡߊ ߟߎ߬ ߟߊ߫ ߓߋߟߋ߲ߕߌ߮ ߟߊ߫ ߞߎߡߊ߫ ߘߐ߫.

ߞߏ߫ ߣߌ߲߬ ߠߋ߬ ߞߏߛߐ߲߬߸ ߝߘߊ߬ߝߌ߲߬ߠߊ߫ ߞߋ߬ߟߋ߲߬ߧߊ ߢߣߊߕߊߟߌ ߜߋ߬ߟߎ߲߬ߠߌ߲ ߞߙߎߞߊ ߢߍߡߐ߮ ߕߍ߬ߘߍ߫ ߞߵߊ߬ ߟߊ߫ ߖߐ߬ߘߐ ߟߎ߬ ߦߌߘߊߞߊ߬ ߞߏ ߟߎ߬ ߕߊ߯ߓߟߏ ߞߊ߲߬߸ ߡߍ߲ ߠߎ߬ ߘߌ߫ ߞߍ߫ ߛߊߓߎ߫ ߘߌ߫ ߞߊ߬ ߖߡߊ߬ߣߊ߬ߘߋ߲ ߠߎ߬ ߓߌ߬ߟߊ߬ ߛߌߞߊ ߘߐ߫ ߊ߬ ߞߏ ߘߐ߫.

ߛߎ߯ߟߊ߲ߘߌ߫ ߛߊ߬ߞߐ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.