ߜߋ߲ߞߐ߰ߖߌ߬ߘߊ: ߞߏߕߌ߯ ߝߟߐ ߞߘߐ ߔߊ߬ߕߙߌߞ ߊߗߌ߫ ߓߘߊ߫ ߣߊ߬ ߊߘߡߊ߫ ߓߌߞߑߕߏߜ߭ߏ߫ ߣߐ߬ߘߐߓߌ߬ߟߊ߬

ߊ߬ ߓߐߣߍ߲߫ ߞߐ ߞߏߕߌ߯ ߢߍߡߐ߯ߦߊ ߟߊ߫ ߛߊ߲߬ ߝߌ߬ߟߊ߬ ߞߣߐߟߊ ߘߐ߫߸ ߔߊ߬ߕߙߌߞ ߊߗߌ߫ ߓߘߊ߫ ߛߋ߬ߦߌ߲߬ ߊ߬ ߣߐ߭ ߘߐ߫߸ ߜߋ߲ߞߐ߰ߖߌ߬ߘߊ ߖߡߊ߬ߣߊ ߞߏߕߌ߯ ߝߟߐ ߞߘߐ߸ ߔߊ߬ߕߙߌߞ ߊߗߌ߫ ߓߘߊ߫ ߣߊ߬ ߊߘߡߊ߫ ߓߌߞߑߕߏߜ߭ߏ߫ ߣߐ߬ߘߐߓߌ߬ߟߊ߬ ߥߛߊ߬ߓߏߟߏ߲ ߢߍߡߐ߯ߦߊ ߟߊ߫߸ ߊ߬ߟߋ ߡߍ߲ ߕߘߍ߬ ߦߋ߫ ߝߊ߲߬ߞߊ ߓߘߍ߬ߓߘߍ߬ߟߌ߬ ߞߙߎߞߊ ߟߊ߫ ߡߊ߬ߡߌ߬ߘߊ߬ߟߌ߬ߟߊ ߘߌ߫߸ ߖߐ߲߰ߛߴߊ߬ ߘߌ߫ ߞߍ߫ ߥߛߊ߬ߓߏߟߏ߲ ߣߌ߲߬ ߞߊ߲ߕߌ߮ ߘߌ߫، ߓߘߍ߬ߓߘߍ߬ߟߌ߬ ߞߙߎ ߣߌ߲߬ ߖߍ߬ߘߍ ߕߍ߬ߘߍ߫ ߞߊ߬ ߛߋߓߊ߯ߦߊ ߛߐ߬ߘߐ߲߬ ߥߛߊ߬ߘߋ߲߬ ߢߣߊߕߊߟߌ ߕߊ߬ߡߌ߲߬ߣߍ߲ ߝߍ߬.

ߔߊ߬ߕߙߌߞ ߊߗߌ߫ ߟߊ߫ ߢߍߡߐ߯ߦߊ߫ ߞߏ ߖߍ߬ߘߍ ߕߘߍ߬ ߦߋ߫ ߝߐ߫ ߟߊ߫ ߞߊ߬ߦߌ߯ ߟߐ߯ߞߎ߲߫ ߣߌ߲߬ ߘߊߡߌߣߊ ߟߊ߫߸ ߓߊ߬ߙߌ߫߸ ߛߌ߬ߣߌ߲߬ߟߏ߲ ߠߋ߬߸ ߊ߬ ߟߊ߫ ߛߎߥߊ߲ߘߟߌ ߞߍ߫ ߘߊ߫ ߥߛߊ߬ߓߏߟߏ߲ ߠߊ߫ ߟߊ߬ߘߍ ߘߏ߫ ߛߋ߲߭ߝߍ߬، ߥߛߊ߬ߘߋ߲߫ ߂߅߃ ߟߋ߬ ߕߘߍ߬ ߦߋ߫ ߥߛߊ߬ߓߏߟߏ߲ ߞߣߐ߫ ߛߌ߬ߣߌ߲߬ߟߏ߲ ߡߊ߬߸ ߥߛߊ߬ߘߋ߲߫ ߂߁߅ ߟߋ߬ ߞߵߊ߬ߟߎ߬ ߞߊ߲߫ ߘߌ߫ ߔߊ߬ߕߙߌߞ ߊߗߌ߫ ߡߊ߬߸ ߖߐ߲߰ߛߊ߫ ߊ߬ ߘߌ߫ ߞߍ߫ ߥߛߊ߬ߓߏߟߏ߲ ߣߌ߲߬ ߢߍߡߐ߮ ߘߌ߫߸ ߡߐ߰ ߜߘߍ ߡߍ߲ ߕߘߍ߬ ߦߋ߫ ߟߐ߬ߦߌߟߊ ߣߌ߲߬ ߞߐ߫߸ ߣߴߏ߬ ߦߋ߫ ߦߊ߬ߥߏߦߊ߬ߥߏ߫ ߟߊ߬ߖ߭ߊ ߘߌ߫߸ ߡߐ߰ ߃߆ ߟߋ߬ ߞߵߊ߬ߟߎ߬ ߞߊ߲߫ ߘߌ߫ ߊ߬ߟߋ ߡߊ߬.

ߢߣߊߕߊߟߌ ߡߍ߲߬ ߠߎ߫ ߞߏ߬ߣߌ߲ ߞߍ߫ ߘߊ߫ ߡߊ߬ߝߊ ߟߋ߬ ߞߣߐ߫߸ ߢߣߊߕߊߟߌ߫ ߣߌ߲߬ ߞߐ ߘߐ߫߸ ߡߐ߱ ߟߎ߫ ߞߏ߬ߣߌ߲ ߓߐ߫ ߘߊ߫ ߟߋ߬ ߞߊ߬ ߞߏߕߌ߯ ߞߎߘߊ ߕߊ߲߬ߘߏ߫، ߜߋ߲ߞߐ߰ߖߌ߬ߘߊ ߓߘߍ߬ߓߘߍ߬ߟߌ ߞߟߊ߬ߡߊ߬ߓߊ߮ ߘߏ߫ ߟߎ߫ ߖߍ߬ߘߍ ߦߴߊ߬ ߝߐ߫ ߟߊ߫ ߟߋ߬߸ ߞߏ߫ ߗߍ߭ ߣߌ߲߬ ߠߊ߫ ߛߎߘߊ߲ߠߌ ߡߊ߫ ߓߙߊ߬ ߊ߬ߟߎ ߘߐ߫߸ ߞߵߊ߬ ߓߍ߲߬ ߊ߬ ߟߊ߫ ߞߊ߲ߞߋߟߋ߲ߕߌ߯ߦߊ ߡߊ߬߸ ߔߊ߬ߕߙߌߞ ߊߗߌ߫ ߖߍ߬ߘߍ ߝߣߊ߫ ߓߊ߲߫ ߘߊ߫ ߞߵߊ߬ ߝߐ߫߸ ߞߏ߫ ߊ߬ߟߋ ߦߋ߫ ߥߛߊ߬ߘߋ߲ ߓߍ߯ ߟߋ߬ ߟߊ߫ ߢߍߡߐ߮ ߘߌ߫߸ ߊ߬ ߘߏ߲߬ ߓߍߣߴߊ߬ ߛߋߞߏ ߞߍ߫ ߟߋ߬ ߓߍ߯ߦߊ ߟߊߛߓߊ߬ߕߌ ߘߐ߫ ߖߡߊ߬ߣߊ ߣߌ߲߬ ߞߣߐ߫.

ߛߎ߯ߟߊ߲ߘߌ߫ ߛߊ߬ߞߐ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.