ߞߊ߲ߓߍ߲ ߞߊ߲ߕߌ߮߸ ߡߊ߬ߓߏ߲߬ߧߊ߬ߕߊ߫ ߡߊ߬ߡߊ߬ߘߌ߬ ߘߎ߲ߓߎߦߊ߫ ߓߘߴߊ߬ ߦߌ߬ߘߊ߬ ߞߏߞߏߘߊ߫߸ ߞߏ߫ ߊ߬ߟߋ ߡߊߘߏ߲߬ߣߍ߲߫ ߊ߬ ߟߊ߫ ߖߡߊ߬ߣߊ߬ߘߋ߲ ߠߎ߬ ߟߊ߫ ߟߋ߬، ߏ߬ ߟߋ ߘߐ߫߸ ߊ߬ ߞߵߊ߬ ߘߋ߬ߙߌ߬ߣߊ߲߬ߞߏ߬ ߞߘߐ ߓߐ߫ ߊ߬ ߛߌߟߊ ߝߍ߬ ߞߎߣߎ߲߬ ߞߐ߬ߟߏ߲ ߡߊ߬߸ ߞߊߟߎߡ ߞߊ߬ߝߏ߬ߙߋ߲ ߝߏ߲߬ߘߏ߬ߓߊ ߟߎ߫ ߡߌ߬ߣߴߊ߬ ߛߋ߲߭ߡߊ߬߸ ߊ߬ ߣߴߊ߬ ߛߋ߲߬ߘߏ߲߬ߢߐ߲߮ ߠߎ߬.
߂߀߂߆ ߕߙߊߓߊ ߕߟߋ߬ ߁߇ ߡߊ߬߸ ߖߡߊ߬ߣߊ ߞߊ߲ߕߌ߮ ߞߊ߬ ߓߐߒߡߊߟߌ߫ ߟߊߓߙߊ߬ߣߍ߲ ߝߟߐ߫ ߞߍ߫ ߞߏߕߌ߯ ߝߟߐߘߊ ߟߊ߫ ߡߎߣߎ߲߬߸ ߞߊ߬ ߥߊ߫ ߓߍ߲߬ ߞߏߕߌ߮ ߟߎ߬ ߣߌ߫ ߢߐ߲߯ ߕߍ ߟߊ߬ߘߍ ߡߊ߬ ߦߋ߲߬߸ ߣߴߏ߬ ߞߎ߲߬ߠߊߛߌ߰ߣߍ߲߫ ߕߘߍ߬ ߞߏߕߌ߯ ߝߟߐ߫ ߊߡߊߘߎ߫ ߎ߯ߙߌ߬ ߓߊ ߓߟߏ߫، ߏ߬ ߓߍ߲߬ߒ߬ߛߋ߲߬ߡߊ ߟߋ߬ ߞߏߛߐ߲߬߸ ߊ߬ ߞߊ߬ ߖߡߊ߬ߙߌ߬ ߜߍߟߍ߲ ߘߏ߫ ߟߎ߫ ߘߌ߫߸ ߞߊ߬ ߓߍ߲߬ ߖߡߊ߬ߣߊ ߟߊ߫ ߥߙߎߞߌ ߣߴߊ߬ ߟߊ߫ ߛߓߊ߬ߕߌ ߛߌߟߊ ߟߎ߫ ߡߊ߬، ߏ߬ ߞߐߝߍ߬ ߛߊ߫߸ ߊ߬ ߞߵߊ߬ ߥߌ߬ߟߌ߫ ߞߵߊ߬ ߟߊ߫ ߛߋ߲߬ߡߊ߬ߕߊ߯ߡߊ ߘߊߓߊ߲߫.
ߊ߬ ߟߊ߫ ߕߊ߯ߡߊ ߣߌ߲߬ ߘߐ߫߸ ߊ߬ ߓߌ߬ߟߊ߬ߛߌ߬ߟߊ߬ ߘߊ߫ ߞߊ߲ߓߍ߲ ߞߊ߲ߕߌ߯ߘߊ ߝߘߏ߬ߓߊ߬ ߞߟߊ߬ߕߌ߮ ߟߋ߬ ߓߟߏ߫߸ ߞߟߍ߬ߕߌ߰ ߊߡߙߊ߫ ߞߡߊ߬ߙߊ߬، ߡߊ߬ߡߊ߬ߘߌ߬ ߘߎ߲ߓߎߦߊ߫ ߞߵߊ߬ ߕߊ߯ߡߊ߫ ߊ߬ ߕߏ߲߬ߘߊ ߟߋ߬ ߟߊ߫߸ ߞߊ߬ ߥߊ߫ ߝߏ߯ ߣߌߖ߭ߍߙ ߟߐ߯ߝߍ ߡߊ߬߸ ߞߊ߬ ߕߊ߬ߡߌ߲߬ ߕߊ߲ߓߊ߲߫ ߜߍߓߏ߲ ߝߊ߲߭ ߝߍ߬߸ ߞߊ߬ ߣߊ߬ ߞߊߟߎߡ ߞߐߡߌߛߊߙߌߦߊ߫ ߛߊ߲ߕߙߊߟ ߡߊ߬، ߊ߬ ߞߵߏ߬ ߓߍ߯ ߞߍ߫ ߊ߬ ߛߋ߲߭ ߠߋ߬ ߡߊ߬، ߊ߬ ߟߊ߫ ߕߊ߯ߡߊ ߣߌ߲߬ ߘߐ߫߸ ߊ߬ ߓߊ߯ ߛߋ߫ ߝߊ߲߬ ߛߌ߫ ߘߐ߫߸ ߖߡߊ߬ߣߊ߬ߘߋ߲ ߠߎ߬ ߦߋ߫ ߓߐ߫ ߟߊ߫ ߟߋ߬ ߛߌߟߊ ߝߍ߬ ߞߵߊ߬ ߞߎ߲߭ߓߍ߲߬ ߛߍߥߊ ߘߌ߫.
ߕߊ߯ߡߊ ߢߌ߲߬ ߞߍ߫ ߘߊ߫ ߕߙߎ߬ ߘߌ߫ ߞߎߣߎ߲߬߸ ߞߵߊ߬ ߦߌ߬ߘߊ߫ ߖߡߊ߬ߣߊ߬ߘߋ߲ ߠߎ߬ ߟߊ߫߸ ߞߏ߫ ߊ߬ߟߎ߬ ߟߊ߫ ߞߊ߲ߕߌ߮ ߖߊ߲߬ ߦߴߊ߬ߟߎ߬ ߞߐ߫߸ ߊ߬ ߘߏ߲߬ ߕߴߊ߬ ߝߍ߬ ߞߵߊ߬ ߦߙߐ߫ ߡߊߖߊ߲߰ߧߊ߫ ߊ߬ߟߎ߬ ߟߊ߫ ߝߣߊ߫، ߝߣߊ߫߸ ߊ߬ ߦߴߊ߬ ߝߍ߬ ߞߊ߬ ߖߡߊ߬ߣߊ߬ߘߋ߲ ߠߎ߬ ߕߙߐ߫ ߞߏ ߣߴߊ߬ߟߎ߬ ߤߊߡߌ߲ ߡߍ߲߫ ߊ߬ߟߎ߫ ߖߍ߬ߘߍ ߟߋ߬ ߘߊ߫.
ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.
