ߞߎ߲߬ߠߊ߬ߛߌ߰ ߛߌ߲ߝߏ߲ ߠߎ߬ ߣߐ߬ ߛߊ߬ߙߌ߬ߦߊ߬ ߞߎߘߊ ߟߋ߬ ߕߊ߬ ߟߊ߫ ߞߎߣߎ߲߬ ߞߎߣߎ߲ߟߏ߲ ߡߊ߬߸ ߡߍ߲ ߘߴߊ߬ ߢߊ ߡߊߖߌ߰ ߞߏߢߊ߫ ߞߏߙߏ߲ ߠߎ߫ ߝߍ߬߸ ߏ߬ ߘߏ߲߬ ߘߏ߫ ߟߋ߬ ߦߋ߫ ߗߍ߭ ߜߊ߲߬ߛߊ߲ ߠߊ߫ ߞߊ߬ߝߏ߬ߢߐ߲߰ߦߊ ߘߌ߫߸ ߥߟߊ߫ ߖߍ߬ߘߍ ߡߏ߬ߛߏ ߣߴߊ߬ ߡߛߏ߬ ߢߐ߲߮ ߠߊ߫ ߞߊ߬ߝߏ߬ߢߐ߲߰ߦߊ ߘߌ߫߸ ߊ߬ ߣߴߏ߬ ߢߐ߲߰ߘߐ߫ ߜߘߍ߫ ߟߎ߫߸ ߛߊ߬ߙߌ߬ߦߊ ߣߌ߲߬ ߕߊ߬ߣߍ߲߫ ߕߎ߬ߡߊ ߟߋ߬ ߟߊ߫ ߣߌ߲߬߸ ߞߵߊ߬ ߛߐ߬ߘߐ߲߫ ߡߐ߰ ߟߎ߬ ߡߌ߬ߣߊ ߦߴߌߘߐ߫ ߖߡߊ߬ߣߊ ߣߌ߲߬ ߞߣߐ߫߸ ߡߊ߬ߝߌ߲߬ߠߌ߲߬ ߘߌߙߌ߲ߞߌ ߦߋ߫ ߡߍ߲ ߠߎ߬ ߞߊ߲ߠߊ߫ ߞߏߢߊ߫ ߖߎ߮ ߡߍ߲߬ ߠߎ߬ ߘߏ߫ ߟߎ߫ ߘߐ߫߸ ߛߊ߬ߙߌ߬ߦߊ ߡߍ߲ ߕߊ߬ߣߍ߲߫ ߕߋ߲߬߸ ߊ߬ ߦߴߊ߬ ߟߊߢߌߣߌ߲߫ ߠߊ߫ ߟߋ߬߸ ߢߊߝߐߟߌ߫ ߖߐ߲ߖߐ߲߫ ߦߋ߫ ߞߍ߫ ߣߌ߲߬ ߞߏ ߞߊ߲߬߸ ߞߵߊ߬ ߞߏ ߓߛߊߞߟߌߕߋ߫ ߥߊ߫߸ ߊ߬ ߣߌ߫ ߖߊ߲߬ߞߟߌ߬ ߦߋ߫ ߕߊ߬߸ ߡߍ߲ ߝߊ߲߬ߓߊ ߘߌ߫ ߥߙߊ߬ߦߊ߫ ߞߵߊ߬ ߟߊ߫ ߖߊ߲߬ߞߟߌ߬ߓߊ߰ߕߐ ߟߎ߫ ߞߊ߲߬.
ߥߟߊ߫ ߓߌ߲߬ߓߊߏ ߕߊ߬ߟߌ ߣߊ߲߬ߝߟߏ߬ ߞߏ ߛߌߟߊ ߝߍ߬߸ ߥߛߎߟߊߘߏ߲ ߘߏ߲߬ ߦߴߊ߬ ߘߊߝߍ߬߸ ߡߍ߲ ߞߎ߲߬ߕߊ߮ ߘߌ߫ ߛߊ߲߬ ߅ ߞߵߊ߬ ߛߌ߰ ߛߊ߲߬ ߁߀ ߡߊ߬߸ ߊ߬ ߣߌ߫ ߞߵߏ߬ ߟߊ߫ ߛߍߝߊ߫ ߥߊߘߌ ߡߟߌߦߏ߲߫ ߂ ߞߵߊ߬ ߛߌ߰ ߡߟߌߦߏ߲߫ ߁߀ ߛߙߊ߬ߟߌ ߡߊ߬߸ ߒ߬ߓߊ߬߸ ߛߊ߬ߙߌ߬ߦߊ߬ ߞߎߘߊ ߡߍ߲ ߣߊ߬ߣߍ߲߫ ߕߋ߲߬߸ ߏ߬ ߟߊ߫ ߟߊ߬ߢߌߣߌ߲ ߦߋ߫ ߏ߬ ߟߋ߬ ߘߌ߫߸ ߞߵߊ߬ ߕߍ߬ߘߍ߫ ߜߎ߸ ߛߊ߬ߙߌ߬ߦߊ ߣߌ߲߬ ߦߋ߫ ߣߊ߬ ߟߊ߫ ߕߎ߬ߡߊ ߡߍ߲߸ ߏ߬ ߞߊ߬ ߘߏ߫ ߜߘߍ߫ ߟߋ߬ ߛߐ߬ߘߐ߲߫ ߦߋ߲߬߸ ߏ߬ ߘߏ߲߬ ߓߘߊ߫ ߕߎ߬ߡߊ߫ ߞߎ߲߬ߘߐ߬ߖߊ߲ ߠߋ߬ ߞߍ߫߸ ߓߊߏ߬߸ ߊ߬ ߓߘߊ߫ ߛߊ߲߬ ߟߏ߯ߟߎ߫ ߢߐ߲߰ ߓߐ߫߸ ߊ߬ ߘߏ߲߬ ߛߊ߬ߙߌ߬ߦߊ ߡߍ߲ ߣߊ߬ߣߍ߲߫ ߣߌ߲߬߸ ߏ߬ ߦߴߊ߬ ߟߊߢߌߣߌ߲߫ ߠߊ߫ ߟߋ߬߸ ߣߌ߫ ߕߍ߮ ߞߍ߫ ߘߊ߫ ߡߍ߲ ߘߐ߫ ߞߵߊ߬ ߕߏ߫ ߞߏߢߊ߫ ߞߏߙߏ߲ ߣߌ߲߬ ߘߏ߫ ߞߊ߲߬߸ ߞߵߊ߬ ߛߐ߬ߘߐ߲߬ ߟߐ߬ߦߙߌ߬ ߕߴߌ ߓߟߏ߫߸ ߣߴߏ߬ ߦߋ߫ ߗߍ߭ ߜߊ߲߬ߛߊ߲ ߠߊ߫ ߞߊ߬ߝߏ߬ߢߐ߲߰ߦߊ ߘߌ߫.
ߥߟߊ߫ ߡߏ߬ߛߏ ߜߊ߲߬ߛߊ߲ ߠߊ߫ ߞߊ߬ߝߏ߬ߢߐ߲߰ߦߊ ߘߌ߫߸ ߛߊ߬ߙߌ߬ߦߊ߬ ߞߊ߲߫ ߞߏ߫ ߞߊ߬ ߏ߬ ߕߌ߱ ߖߊ߲߬ߞߌ߲߫ ߞߊߙߏ߫ ߛߊ߬ߓߊ߫ ߤߊ߲߯ ߛߊ߲߬ ߂ ߞߊ߬ߛߏ ߟߊ߫߸ ߊ߬ ߣߌ߫ ߛߍߝߊ ߄߀ ߀߀߀ ߞߵߊ߬ ߛߌ߰ ߁߀߀ ߀߀߀ ߛߙߊ߬ߟߌ ߡߊ߬߸ ߞߎ߲߬ߠߊ߬ߛߌ߰ ߞߙߎ ߓߊ߲ ߞߐ ߊ߬ ߟߊ߫ ߛߊ߬ߙߌ߬ߦߊ ߕߊ߬ ߟߊ߫߸ ߊ߬ ߕߏߣߍ߲߫ ߡߍ߲ ߡߊ߬ ߓߎ߬ߕߎ߲߫߸ ߏ߬ ߟߋ߬ ߦߋ߫ ߊ߬ ߟߊߕߊ߬ߡߌ߲ ߘߌ߫߸ ߥߛߊ߬ߘߋ߲ ߠߎ߬ ߢߊߞߘߐ߫ ߊ߬ߟߎ߬ ߝߣߊ߫ ߦߴߊ߬ߟߎ߬ ߡߙߌߦߊ ߘߌ߫ ߊ߬ ߞߊ߲߬߸ ߛߊ߬ߙߌ߬ߦߊ ߡߍ߲߬ ߣߊ߬ߣߍ߲߫ ߠߋ߬ ߞߵߊ߬ ߛߐ߬ߘߐ߲߬ ߡߐ߰ ߁߀ ߣߐ߭ ߡߌ߬ߣߊ߬ߣߍ߲߫ ߊ߬ ߞߏߢߊ ߘߐ߫߸ ߡߍ߲ ߠߎ߬ ߦߋ߫ ߥߛߎ ߟߊ߫ ߞߊ߬ߣߌ߲߬߸ ߏ߬ ߟߎ߫ ߡߌ߬ߣߊ߬ߣߍ߲߫ ߗߍ߭ ߜߊ߲߬ߛߊ߲ ߠߊ߫ ߞߊ߬ߝߏ߬ߢߐ߲߰ߦߊ ߟߋ߬ ߘߐ߫߸ ߕߐ߲߫ ߓߟߏߡߊ ߟߎ߬ ߟߊ߫ ߝߐߟߌ߫ ߘߐ߫߸ ߢߊߢߌߣߌ߲ߠߌ߲ ߞߏ߬ߣߌ߲ ߦߋ߫ ߛߋ߲߬ߠߴߊ߬ ߞߏ ߞߊ߲߬.
ߛߎ߯ߟߊ߲ߘߌ߫ ߛߊ߬ߞߐ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.
