ߞߊ߲ߕߌ߯ ߡߊ߬ߡߊ߬ߘߌ߬ ߘߎ߲ߓߎߦߊ߫ ߕߊ߯ ߘߊ߫ ߟߋ߬ ߞߏߕߌ߯ ߝߟߐߘߊ ߟߊ߫ ߞߎߣߎ߲߬ ߕߙߊߓߊ ߕߟߋ߬ ߁߇ ߡߊ߬، ߓߊߏ߬߸ ߞߏߕߌ߮ ߟߎ߬ ߕߍ߬ߘߍ߫ ߊ߬ߟߎ߫ ߜߊ߲߰ߛߊ߲ ߣߌ߫ ߢߐ߲߯ ߕߍ ߟߊ߬ߘߍ ߘߏ߫ ߞߊ߲߬ ߦߋ߲߬߸ ߞߏߕߌ߯ ߝߟߐ߫ ߊߡߊߘߎ߫ ߎ߯ߙߌ߬ ߓߊ ߟߊ߫ ߞߎ߲߬ߠߊ߬ߛߌ߰ߟߌ ߞߣߐߡߊ߬، ߏ߬ ߓߍ߲߬ߒ߬ߛߋ߲߬ߡߊ ߟߋ߬ ߞߏߛߐ߲߬߸ ߖߡߊ߬ߣߊ ߞߊ߲ߕߌ߮ ߞߊ߬ ߖߡߊ߬ߙߌ߬ ߜߍߟߍ߲ ߘߌ߫ ߞߎ߲߬ߠߊ߬ߛߌ߮ ߡߊ߬߸ ߞߏ߫ ߞߊ߬ ߥߊߘߌ߫ ߞߎߘߊ ߟߎ߬ ߟߊߘߊ߲ ߛߌ߰ ߛߋ߲߬ߠߊ߫߸ ߖߐ߲߰ߛߊ߫ ߥߊߘߌ߫ ߞߏߖߊ ߘߌ߫ ߘߊ߲߬ ߢߊ ߡߍ߲ ߡߊ߬.
ߞߊ߲ߕߌ߯ ߡߊ߬ߡߊ߬ߘߌ߬ ߘߎ߲ߓߎߦߊ߫ ߟߊ߫ ߡߙߌߘߐ ߡߍ߲ ߦߋ߫ ߕߋ߲߬߸ ߏ߬ ߕߊ߬ߣߴߊ߬ ߓߟߏ߫ ߥߊ߯ߕߌ߫ ߟߋ߬ ߟߊ߫ ߣߌ߲߬߸ ߜߟߍ߬ߦߊ ߖߍ߬ߘߍߖߍ߬ߘߍ ߦߋ߫ ߖߡߊ߬ߣߊ ߞߣߐ߫ ߥߊ߯ߕߌ ߡߍ߲ ߠߊ߫ ߥߊߘߌ߫ ߡߎ߮ ߟߊ߫ ߞߏ ߘߐ߫، ߊߡߊߘߎ߫ ߎ߯ߙߌ߬ ߓߊ ߣߐ߬ ߞߎߡߊ ߕߊ߬ ߟߊ ߘߊߞߎ߲ ߣߌ߲߬ ߞߊ߲߬߸ ߊ߬ ߞߵߊ߬ ߦߌ߬ߘߊ߬ ߞߏ߫ “ߖߌ߬ߣߍ߫߫ ߛߐ߬ߘߐ߲ ߕߙߐߣߍ߲ߓߊ ߟߋ߬ ߕߋ߲߬߸ ߥߊߘߌ߫ ߡߎ߮ ߟߌ߫ ߖߌ߰ߣߌ߬ߦߟߍ ߟߊ߫ ߜߟߍ߬ߦߊ ߞߏߛߐ߲߬، ߏ߬ ߟߋ ߘߐ߫߸ ߊ߬ ߞߊ߬ ߖߡߊ߬ߙߌ ߘߌ߫߸ ߞߏ߫ ߞߊ߬ ߜߍߓߟߎ ߟߎ߬ ߜߌ߬ߙߌ߲߬ߘߌ߬.”
ߞߎ߲߬ߠߊ߬ߛߌ߮ ߞߎ߲߬ߕߌ߮ ߞߵߊ߬ ߦߌ߬ߘߊ߬߸ ߞߏ߫ “ߡߍ߲ ߦߋ߫ ߞߍߕߊ ߘߌ߫ ߕߋ߲߬ ߞߊߟߌߦߊ߫ ߓߟߏ ߖߍ߬ߘߍߖߍ߬ߘߍ ߡߊ߬ ߞߊߙߏ߫ ߛߓߊ߬ ߤߊ߲߯ ߞߊߙߏ߫ ߣߊ߯ߣߌ߲ ߣߌ߲߬ ߞߣߐ߫߸ ߏ߬ ߟߋ ߝߊ߲߬ߞߊ߬ ߓߊ߲ ߘߌ߫ ߥߊߘߌ߫ ߟߊߓߊ߯ߙߊ߫ ߞߎߘߊ ߟߎ߬ ߟߊ߫، ߟߊߒߡߊ߫ ߘߐ߫߸ ߘߎߢߊ߫ ߖߡߊ߬ߣߊ ߘߏ߫ ߟߎ߫ ߓߍ߫߸ ߌ ߣߌ߫ ߥߊߘߌߜߍ ߕߍ߫ ߛߴߊߟߎ߫ ߝߙߋ߬ߟߋ߲߬ߝߙߋߟߋ߲߫ ߠߊ߫ ߦߙߐ ߟߎ߬ ߢߊߝߍ߬ ߦߋ߲߬ ߕߋ߲߬ ߘߋ߬، ߓߊ߯ߙߊ߫ ߕߣߐ߬ߡߊ ߓߍ߯ ߥߊߘߌ߫ ߞߏ ߦߋ߫ ߢߊߓߐ߫ ߟߊ߫ ߜߍߓߏ߲ ߠߋ߬ ߟߊ߫߸ ߊ߬ ߣߌ߫ ߢߎߡߍߙߋ߲߫ ߥߊߘߌ߫ ߛߙߊ ߟߎ߬߸ ߖߎߝߊ߫ ߞߣߐߟߊ ߕߍ߫ ߝߋߎ߫.”
“ߣߴߊ߲ ߝߣߊ߫ ߦߴߊ߬ ߝߍ߬ ߞߊ߬ ߟߊߝߙߍ߫߸ ߊ߲ ߝߣߊ߫ ߣߌ߫ ߛߌߟߊ߫ ߞߋߟߋ߲ ߏ߬ ߟߋ ߕߊ߯ߡߊ ߦߊ߫ ߞߊ߲߫ ߘߋ߬، ߓߊߏ߬ ߘߎߢߊ߫ ߥߊߘߌ߫ ߞߏ ߕߍ߫ ߥߊ߫ ߞߍߢߊ ߏ߬ ߞߐ߫ ߡߎ߬ߕߎ߲߬، ߓߊߏ߬߸ ߥߊߘߌ ߟߊߓߊ߯ߙߊ ߦߋ߫ ߛߋ߲߬ߠߊ߬ߞߊߟߌߦߊ߫ ߟߴߊ߬ߟߋ ߟߋ߬ ߘߐ߫، ߊ߬ ߘߏ߲߬߸ ߝߊ߬ߣߌ߫ ߥߊߘߌ ߘߌ߫ ߛߋ߲߬ߠߊ߬ߞߊߟߌߦߊ߫߸ ߞߏ ߟߎ߬ ߘߌ߫ ߕߊ߬ߡߌ߲߫ ߣߐ߰ߦߊ߬ߟߊ߫߸ ߞߊ߬ ߖߡߊ߬ߣߊ ߛߐ߬ߘߐ߲ ߓߊߛߌ߰.”
ߓߊ ߎ߯ߙߌ߬ ߞߵߊ߬ ߦߌ߬ߘߊ߬ ߞߏ߫ ߟߊ߬ߛߋ߬ߟߌ߬ ߞߟߊߒߞߋ ߘߏ߫ ߓߍߣߊ߬ ߞߍ߫ ߥߊ߯ߕߌ߫ ߣߊ߬ߕߐ ߟߎ߬ ߘߐ߫߸ ߞߊ߬ ߥߊߘߌ߫ ߟߊߘߊ߲߫ ߞߏ߫ ߞߎߡߊ ߣߌ߲߬ ߘߐߞߣߍ߫ ߓߘߍߞߍ߭.
“ߕߊ߲ߓߊ߲߫ ߜߍߓߏ߲ ߞߎ߲߬ߠߊ߬ߛߌ߰ߟߊ ߕߊ߬ߣߍ߲ ߞߵߊ߬ ߟߊ߫ ߝߛߎߞߎ ߣߌ߫ ߣߊ߲߬ߝߟߏ߬ߦߊ߬ߟߌ ߟߎ߬ ߣߌ߫ ߛߐ߬ߘߐ߲ ߞߏߕߌ߮ ߞߊ߲߬߸ ߏ߬ ߟߎ߬ ߕߍߣߊ߬ ߞߢߊ߬ ߟߊ߫ ߢߊߝߐߟߌ߫ ߞߍ߫ ߟߊ߫ ߥߊ߯ߕߌ߫ ߣߊ߬ߕߐ ߟߎ߬ ߘߐ߫ ߟߊ߬ߛߋ߬ߟߌ߬ ߘߐ߫߸ ߡߍ߲ ߞߍߕߐ߫ ߥߊߘߌ߫ ߞߏߖߊ ߣߌ߲߬ ߢߊߝߐ߫ ߟߊ߫ ߒ߬ ߠߊ߫ ߖߡߊ߬ߣߊ ߞߣߐ߫ ߕߋ߲߬.”
ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.
