ߘߌ߯ߣߊ߫ ߞߏߢߊ ߟߎ߫ ߝߘߏ߬ߓߊ߬ ߞߟߊ߬ߕߌ߰ߘߊ (ߘߞߝߞ) ߓߘߊ߫ ߝߌߘߊ ߓߐ߫ ߢߌ߬ߣߊ߲߬ ߤߖߌ߫ ߟߊ߫ ߕߊ߯ ߛߙߊ ߢߍߡߊ߬، ߏ߬ ߞߍ߫ ߘߊ߫ ߝߐ߰ߓߍ߬ ߜߙߊ ߘߏ߫ ߟߋ߬ ߘߐ߫ ߞߎߣߎ߲߬ ߞߐ߬ߓߊ߬ߟߏ߲ ߡߊ߬߸ ߂߀߂߆ ߞߏ߲ߓߌߕߌ߮ ߕߟߋ߬ ߁߉، ߡߍ߲ ߠߎ߬ ߞߊ߫ ߞߊ߲߫ ߞߊ߬ ߥߊ߫ ߊߟߊ߫ ߟߊ߫ ߘߎ߰ ߛߊߣߌ߲ߡߊ߲ ߣߴߊ߬ ߟߊ߫ ߦߙߐ߫ ߛߊߣߌ߲ߡߊ߲ ߞߎ߲ߝߊ߲ߓߐ߫ ߂߀߂߇ ߟߊ߫߸ ߏ߬ ߛߐ߲߬ߞߐ ߓߘߊ߫ ߝߐ߫ ߞߵߊ߬ ߟߊߕߍ߰، ߛߐ߲߬ߞߐ߫ ߝߌ߬ߟߊ߫ ߟߋ߬ ߝߐߣߍ߲߫߸ ߞߋߟߋ߲ ߦߋ߫ ߞߎ߲߬ߠߊ߬ߛߌ߮ ߟߊ߫ ߞߎ߲߬ߠߊ߫߸ ߊ߬ ߕߐ߬ ߞߋߟߋ߲ ߦߋ߫ ߕߊ߯ߡߊߘߐߕߊ߮ ߖߋ߬ߕߌ߰ߘߊ߬ ߟߊߘߌ߬ߢߍ߬ߣߍ߲ ߠߎ߬ ߘߌ߫.
ߘߌ߯ߣߊ߫ ߞߏߢߊ ߟߎ߫ ߝߘߏ߬ߓߊ߬ ߞߟߊ߬ߕߌ߰ߘߊ (ߘߞߝߞ) ߞߊ߲߫ ߞߏ߫ ߛߌ߬ߟߊ߬ߡߊ ߡߍ߲ ߠߎ߬ ߥߊߕߐ߫ ߡߞߊ߫ ߢߌ߬ߣߊ߲߬ ߤߖߌ ߞߊ߲ߡߊ߬߸ ߏ߬ ߟߎ߬ ߞߊ߫ ߞߊ߲߫ ߞߊ߬ ߖߕ ߆߅ ߆߂߅ ߀߀߀ ߟߋ߬ ߛߙߊ߬߸ ߥߟߊ߫ ߖߕ ߆߈ ߆߂߅ ߀߀߀߸ ߞߊ߬ ߓߍ߲߬ ߥߊ߫ ߛߌߟߊ߫ ߛߎߥߊ߲ߘߌߣߍ߲ ߡߊ߬.
ߓߊߏ߬߸ ߣߌ߫ ߤߖߌ߫ ߟߊ߫ ߕߊ߯ߟߊ ߡߍ߲ ߠߎ߬ ߞߵߊ߬ߟߎ߬ ߕߐ߮ ߛߓߍ߫ ߘߌ߯ߣߊ߫ ߞߏߢߊ ߟߎ߫ ߝߘߏ߬ߓߊ߬ ߞߟߊ߬ߕߌ߰ߘߊ ߟߊ߫߸ ߞߊ߬ߙߊ߲߬ߡߐ߮ ߖߊߥߙߊ߫ ߖߍ߬ߘߍ ߦߋ߫ ߡߍ߲ ߞߎ߲߬ߠߊ߫ ߞߊ߬ߣߌ߲߬߸ ߏ߬ ߟߎ߬ ߞߊ߫ ߞߊ߲߫ ߞߊ߬ ߖߕ ߆߅ ߆߂߅ ߀߀߀ ߟߋ߬ ߛߙߊ߬߸ ߡߐ߰ ߞߋߟߋ߲.
ߣߴߏ߬ ߘߏ߲߬ ߕߍ߫߸ ߡߍ߲ ߠߎ߬ ߕߊ߯ ߕߊ߬ߡߌ߲߫ ߕߊ߯ߡߊߘߐߕߊ߮ ߘߎ߲߬ߘߎ߬ߡߊ߬ ߖߋ߬ߕߌ߰ߘߊ߬ ߟߊߘߌ߬ߢߍ߬ߣߍ߲ ߘߏ߫ ߞߕߐ߫߸ ߏ߬ ߟߎ߬ ߞߍߕߐ߫ ߖߕ ߆߈ ߆߂߅ ߀߀߀߸ ߞߋ߲߬ߥߟߎ߫ ߛߊ߬ߓߊ߫ ߘߊ߲߬ߝߘߊ߬ߓߐ߫ ߟߋ߬ ߊ߬ߟߎ߬ ߕߊ ߏ߬ ߣߌ߫ ߞߎ߲߬ߠߊ߬ߛߌ߮ ߕߊ ߕߍ߫.
ߛߊ߲߬ߘߐ߫ ߤߖߌ ߟߋ߬ ߓߟߏߘߐߓߍ߲ ߠߎ߬ ߘߊߡߌ߬ߣߊ߬ߣߍ߲߫ ߣߌ߲߬߸ ߏ߬ ߡߍ߲ ߓߘߊ߫ ߛߎ߬ߘߎ߲߬ߧߊ߫ ߕߋ߲߬ ߝߊߦߌߘߊ߫، ߣߴߌ ߞߊ߬ ߢߌ߲߬ ߤߖߌ߫ ߟߊ߫ ߕߊ߯ ߛߙߊ ߣߌ߫ ߛߊ߲߬ߘߐ߬ ߕߊ ߟߊ߫ ߢߐ߲߮ ߡߊ߬߸ ߊ߬ ߘߴߊ߬ ߦߋ߫ ߞߏ߫ ߊ߬ ߦߟߍ߬ߣߍ߲߫ ߠߋ߬، ߓߊߏ߬߸ ߂߀߂߆ ߤߖߌ߫ ߟߊ߫ ߕߊ߯ ߛߙߊ ߕߍ߬ߘߍ߫ ߅߈ ߃߂߅ ߀߀߀ ߟߋ߬ ߘߌ߫߸ ߡߐ߰ ߞߋߟߋ߲، ߊ߲ ߘߴߊ߬ ߦߋ߫ ߏ߬ ߘߐ߫߸ ߞߏ߫ ߇ ߃߀߀ ߀߀߀ ߟߋ߬ ߟߊߣߴߊ߬ ߞߊ߲߬ ߣߌ߲߬ߛߋ߲߭߸ ߥߟߊ߫ %߁߂،߅ ߖߊ߬ߕߋ߬.
ߏ߬ ߘߐ߫߸ ߤߖߌ߫ ߟߊ߫ ߕߊ߯ߟߊ ߟߎ߬ ߟߊ߫ ߥߊߘߌ߫ ߓߐߕߊ ߟߋ߬ ߝߟߍ߫ ߣߌ߲߬߸ ߣߴߌ ߦߴߊ߬ ߝߍ߬ ߞߊ߬ ߥߊ߫ ߊߟߊ߫ ߟߊ߫ ߓߏ߲ߓߊ ߞߎ߲ߝߊ߲ߓߐ߫ ߞߊ߬ߣߌ߲߬، ߖߊ߲߬ߒ߬ߕߏ߬ߘߐ ߡߍ߲ ߦߴߊ߬ ߘߐ߫߸ ߞߊ߬ߙߊ߲߬ߡߐ߮ ߖߊߥߙߊ߫ ߞߵߊ߬ ߝߐ߫ ߟߋ߬ ߞߵߊ߬ ߡߊߕߍ߰߸ ߞߏ߫ ߣߌ߫ ߡߍ߲ ߞߊ߬ ߥߊߘߌ ߛߙߊ߬ ߦߙߐ߫ ߜߘߍ߫ ߘߐ߫߸ ߥߟߊ߫ ߛߌߟߊ߫ ߜߘߍ߫ ߝߍ߬߸ ߡߍ߲ ߣߌ߫ ߢߌ߲߬ ߠߎ߬ ߕߍ߫ ߞߋߟߋ߲߫ ߘߌ߫߸ ߏ߬ ߕߌ߱ ߟߊ߫ ߥߊߘߌ ߓߘߊ߫ ߖߌ߫ ߥߦߏ ߟߋ߬ ߟߊ߫ ߏ߬ ߘߌ߫، ߞߏ߫ ߥߊߘߌ ߝߐ߫ ߞߎ߲ ߠߋ߬ ߞߵߊ߬ ߟߊߕߍ߰߸ ߖߐ߲߰ߛߊ߫ ߡߐ߰ ߞߊߣߊ߬ ߡߘߊߥߎ߲߫ ߢߊ ߡߍ߲ ߡߊ߬.
