ߞߊ߲ߓߍ߲ ߞߊ߲ߕߌ߯ ߡߊ߬ߡߊ߬ߘߌ߬ ߘߎ߲ߓߎߦߊ߫ ߣߐ߬ ߤߖߌ߫ ߟߊ߫ ߕߊ߯ ߥߊߘߌ ߢߍߛߙߊ ߟߋ߬ ߞߍ߫ ߟߊ߫߸ ߡߐ߰ ߁߀ ߀߀߀ ߡߍ߲ ߠߎ߬ ߘߌߣߍ߲߫ ߖߌ߬ߣߍ߫ ߡߊ߬ ߂߀߂߇ ߤߖߌ߫ ߣߊ߬ߕߐ ߝߍ߬߸ ߏ߬ ߟߎ߬ ߟߊ߫ ߥߊߘߌ߫ ߛߙߊ߬ߕߊ ߢߍߛߙߊ ߓߘߊ߫ ߛߙߊ߬ ߞߊ߲ߕߌ߮ ߓߟߏ߫، ߏ߬ ߞߎ߲߭ ߞߍߣߍ߲߫ ߡߞߊ߫ ߟߊ߫ ߛߊ߬ߙߌ߬ߦߊ ߟߋ߬ ߘߌ߫، ߓߊߏ߬߸ ߊ߬ ߦߋ߫ ߛߋ߲ߛߋߘߋ߲ ߠߋ߬ ߘߌ߫ ߞߊ߬ ߥߊߘߌ ߘߏ߫ ߛߙߊ߬ ߡߎߣߎ߲߬߸ ߦߊ߬ߣߌ߫ ߤߖߌ ߕߎ߬ߡߊ ߦߋ߫ ߛߋ߫، ߒ߬ߓߊ߬߸ ߘߌ߯ߣߊ߫ ߞߏߢߊ ߟߎ߫ ߝߘߏ߬ߓߊ߬ ߞߟߊ߬ߕߌ߰ߘߊ ߞߊ߲߫ ߞߏ߫ ߞߊ߲ߕߌ߮ ߣߐ߬ ߥߊߘߌ߫ ߝߟߐ ߡߍ߲ ߛߙߊ߬ ߟߊ߫ ߡߎߣߎ߲߬߸ ߏ߬ ߥߊߣߍ߲߫ ߠߋ߬ ߤߊ߲߯ ߖߌ߬ߣߍ߬ ߕߊߡߊ߲ ߥߟߎ߬ߡߊ߫ ߃߀߀ ߣߌ߫ ߞߐ߫. ߏ߬ ߡߍ߲ ߦߋ߫ ߓߍ߲߬ ߠߊ߫ ߤߖߌ߫ ߟߊ߫ ߕߊ߯ߟߊ ߟߎ߬ ߟߊ߫ ߥߊߘߌ߫ ߛߙߊ߬ߕߊ ߕߟߊߒߕߍ ߡߊ߬ ߝߊߦߌߘߊ߫.
ߏ߬ ߟߊ߬ߛߋ߬ߟߌ ߞߍ߫ ߘߊ߫ ߘߌ߯ߣߊ߫ ߞߏߢߊ ߟߎ߫ ߝߘߏ߬ߓߊ߬ ߞߟߊ߬ߕߌ߰ߘߊ ߟߋ߬ ߓߟߏ߫ ߞߎߣߎ߲߬ ߞߐ߬ߓߊ߬ߟߏ߲ ߡߊ߬߸ ߂߀߂߆ ߞߏ߲ߓߌߕߌ߮ ߕߟߋ߬ ߁߉، ߞߊ߬ ߞߊ߲ߕߌ߮ ߟߊ߫ ߡߙߌߦߊ ߏ߬ ߝߐ߫ ߖߊ߬ߡߊ ߦߋ߫߸ ߞߏ߫ ߡߊ߬ߡߊ߬ߘߌ߬ ߘߎ߲ߓߎߦߊ߫ ߓߘߊ߫ ߡߐ߰ ߁߀ ߀߀߀ ߠߊ߫ ߥߊߟߌ߫ ߛߙߊ߬ߕߊ ߢߍߛߙߊ ߞߍ߫߸ ߡߍ߲ ߠߎ߬ ߞߊ߫ ߞߊ߲߫ ߞߊ߬ ߥߊ߫ ߡߞߊ߫ ߛߊ߲߭ ߣߊ߬ߕߐ ߤߖߌ ߝߍ߬.
ߏ߬ ߟߊߥߟߌ߬ߣߍ߲߫ ߠߋ߬߸ ߖߐ߲߰ߛߊ߫ ߖߌ߬ߣߍ߬ ߤߖߌߘߋ߲ ߠߎ߬ ߞߊߣߊ߬ ߓߌ߬ߟߊ߫ ߞߣߐ߬ߘߐ߬ߝߟߌ߫ ߘߐ߫߸ ߊ߬ ߣߌ߫ ߛߊ߫ ߡߞߊ߫ ߝߣߊ߫ ߖߎ߬ߛߎ ߘߌ߫ ߛߎߡߊ߫߸ ߏ߬ ߡߍ߲ ߦߴߏ߬ ߟߎ߬ ߟߊ߫ ߕߐ߲߫ ߠߊߛߌ߰ߣߍ߲ ߘߌ߫ ߞߊ߬ߣߌ߲߬.
ߘߌ߯ߣߊ߫ ߞߏߢߊ ߟߎ߫ ߝߘߏ߬ߓߊ߬ ߞߟߊ߬ߕߌ߮ ߞߊ߬ߙߊ߲߬ߡߐ߮ ߖߊߥߙߊ߫ ߟߊ߫ ߝߐߟߌ߫ ߘߐ߫߸ ߞߏ߫ ߖߡߊ߬ߣߊ ߡߍ߲ ߠߎ߬ ߞߊ߫ ߞߊ߲߫ ߞߊ߬ ߡߐ߱ ߟߊߕߊ߯ ߤߖߌ ߘߐ߫ ߂߀߂߇ ߟߊ߫߸ ߞߊ߲ ߢߌ߲߬ ߠߋ߬ ߝߐߣߍ߲߫ ߏ߬ ߟߎ߬ ߓߍ߯ ߦߋ߫، ߏ߬ ߟߋ ߞߏߛߐ߲߬߸ ߊ߬ ߞߍ߫ ߘߊ߫ ߛߋ߲ߛߋߘߋ߲ ߘߌ߫ ߖߌ߬ߣߍ߫ ߞߊ߲߬߸ ߞߊ߬ ߢߍߛߙߊ ߣߌ߲߬ ߞߍ߫߸ ߡߍ߲ ߥߊߘߌ ߥߊߣߍ߲߫ ߝߏ߯ ߖߌ߬ߣߍ߬ ߕߊߡߊ߲ ߥߟߎ߬ߡߊ߫ ߃߀߀ ߣߌ߫ ߘߏ߫.
ߊ߬ ߞߵߊ߬ ߝߐ߫ ߏ߬ ߟߋ ߘߐ߫ ߞߏ߫ : <<ߛߊ߬ߥߎ߬ߘߌߦߊ ߣߐ߬ ߕߐ߲ ߠߋ߬ ߟߊ߫ ߟߊ߫ ߤߖߌ߫ ߟߊ߫ ߖߡߊߣߊ ߓߍ߯ ߞߊ߲߬ ߂߀߂߇ ߤߖߌ߫ ߣߊ߬ߕߐ ߝߍ߬߸ ߞߏ߫ ߊ߬ ߓߍ߯ ߦߋ߫ ߖߕ ߥߟߎ߬ߡߊ߫ ߃߀߀ ߣߌ߫ ߞߐ߫ ߛߙߊ߬، ߒ߬ߓߊ߬߸ ߞߊ߲ߕߌ߮ ߛߘߊߘߐ߫߸ ߖߌ߬ߣߍ߬ ߓߘߴߊ߬ ߕߊ ߏ߬ ߛߊ߬ߙߊ߫ ߞߵߊ߬ ߓߐ߫ ߊ߬ ߡߊ߬.>> ߊ߬ ߞߵߏ߬ ߢߊߝߐ߫.
ߥߊߘߌ ߏ߬ ߛߊ߬ߙߊ ߟߋ߬ ߞߍߕߐ߫ ߞߏ߫ ߛߌߦߊߡߊ߲߫ ߣߐ߰ߦߊ߬ ߟߊ߫߸ ߤߖߌߘߋ߲ ߠߎ߬ ߟߊߖߌ߰ߦߊ߬ ߦߙߐ߬ ߞߏ ߓߊ߬߸ ߊ߬ ߣߌ߫ ߤߖߌ ߞߏߢߊ߫ ߡߌߛߍ߲ ߛߌߦߊߡߊ߲߫.
ߤߖߌ߫ ߟߊ߫ ߕߊ߯ ߣߊ߬ߕߐ ߡߊ߬ߞߏ ߦߋ߫ ߛߙߊߕߌ ߡߍ߲ ߠߎ߬ ߟߊ߫ ߣߴߌ ߘߌ߫ ߛߋ߫ ߥߊ߫ ߟߊ߫߸ ߏ߬ ߞߊ߫ ߞߊ߲߫ ߞߊ߬ ߢߊߝߐ߫ ߘߌ߯ߣߊ߫ ߞߏߢߊ ߟߎ߫ ߝߘߏ߬ߓߊ߬ ߞߟߊ߬ߕߌ߰ߘߊ ߓߟߏ߫ ߕߎ߬ߡߊ߫ ߣߊ߬ߕߐ ߟߎ߬ ߟߊ߫، ߓߊߏ߬߸ ߤߖߌ߫ ߟߊ߫ ߕߊ߯ ߛߙߊ ߟߐ߲ߣߍ߲ ߞߐߝߍ߬߸ ߝߏ߫ ߢߊߝߐߟߌ߫ ߟߋ߬ ߞߍ߫ ߞߊ߬ ߛߙߊߕߌ ߟߎ߬ ߟߐ߲߫.
ߞߊ߬ ߞߐ߲߰ ߛߙߊߕߌ߫ ߞߎ߲ߓߊ ߏ߬ ߟߎ߬ ߢߊߝߐ ߢߍ߫߸ ߊ߬ ߝߐߣߍ߲߫ ߞߏ߫ ߓߍ߯ ߦߋ߫ ߞߎ߲߬ߠߊ߬ߛߌ߮ ߟߊ߫ ߟߊ߬ߛߌ߰ߘߋ߲ ߠߎ߫ ߟߋ߬ ߞߏߟߊߒߞߘߐߢߐ߯ߦߊ߫ ߡߎߣߎ߲߬߸ ߛߊ߫ ߕߊ߲߬ߞߊ߬ ߘߌ߫ ߞߍ߫ ߝߛߏ߬ߝߛߊ ߡߊ߬.
