ߣߝߊ߬ߖߌ߫ ߛߏ߬ߙߌ߬ ߞߐ߲ߘߍ߫ ߣߐ߬ ߟߊ߬ߖߍ߲߬ߛߍ߲߬ߠߌ߲ ߘߏ߫ ߟߋ߬ ߞߍ߫ ߟߴߊ߬ ߟߊ߫ ߞߐߜߍ ߞߊ߲߬߸ ߞߵߊ߬ ߦߌ߬ߘߊ߬ ߞߏ߫ ߥߙߎߣߍߦߊ ߥߊߕߐߟߊ ߞߊ߬ ߘߊ߫ ߓߟߋߓߟߋ߫ ߟߋ߬ ߟߊߣߍ߲ ߕߏ߫ ߊ߬ ߞߐ߫ ߞߊ߬ ߥߊ߫߸ ߣߴߏ߬ ߦߋ߫ ߝߘߊ߬ߝߌ߲ ߠߎ߬ ߟߊ߫ ߛߌ߱ ߘߐߘߌߦߊ ߛߐߟߌ ߣߴߊ߬ ߝߎߣߎ߲ߛߙߋߦߊ ߟߎ߫ ߦߟߍ߬ߡߊ߲ ߘߌ߫ ߞߵߏ߬ ߞߍ߫ ߦߙߎ߬ߞߎ߬ߦߙߎߞߎ ߘߌ߫.

ߊ߬ ߞߵߊ߬ ߦߌ߬ߘߊ߬ ߞߏ߫ ߣߴߌ ߞߊ߬ ߝߘߊ߬ߝߌ߲߬ߠߊ߫ ߛߌ߰ ߢߊ߬ ߞߘߐ ߕߊ߬߸ ߛߐߟߌ ߦߋ߫ ߡߊ߲߬ߛߊ߬ߦߊ ߞߣߐ߫ ߟߋ߬߸ ߊ߬ ߦߋ߫ ߘߍ߭ ߞߣߐ߫ ߟߋ߬߸ ߡߐ߰ߦߊ ߜߎ ߛߌ߰ߣߍ߲߫ ߊ߬ߟߋ ߟߋ߬ ߡߊ߬ ߝߘߊ߬ߝߌ߲߬ߠߊ߬ ߞߣߐ߫، ߞߏ߬ߣߌ߲߬߸ ߓߌ߬ ߕߟߋ ߢߌ߲߬ ߘߐ߫߸ ߡߊ߲߬ߛߊ ߟߎ߬ ߟߊ߫ ߛߐߟߌ ߏ߬ ߦߋ߫ ߖߊ߬ߕߋ߬ ߟߊ߫ ߦߙߎ߬ߞߎ߬ߦߙߎߞߎ ߟߋ߬ ߘߌ߫، ߏ߬ ߟߋ ߞߏߛߐ߲߬߸ ߊ߬ߟߋ߫ ߞߊ߬ ߢߌ߬ߣߌ߲߬ߞߊ߬ߟߌ ߞߍ߫ ߞߏ߫ ߛߐߟߌ ߡߍ߲ ߦߋ߫ ߝߘߊ߬ߝߌ߲ ߠߎ߫ ߛߌ߰ ߢߊ ߘߌ߫߸ ߡߐ߰ ߘߌ߫ ߛߴߏ߬ ߝߊ߬ߟߋ߲߬ ߠߊ߫ ߦߙߎ߬ߞߎ߬ߦߙߎߞߎ ߟߊ߫ ߘߎߢߊ߫ ߕߟߋ߬ ߞߎߘߊ ߢߌ߲߬ ߘߐ߫ ߓߊ߬.

ߞߊ߬ߕߎ߲߯߸ ߊ߬ ߟߊ߫ ߞߎߡߊ ߛߋ߲߬ߕߊ߬ ߝߟߐ ߘߐ߫ ߡߎߣߎ߲߬߸ ߞߏ߫ ߡߊ߲߬ߛߊ߬ߦߊ ߣߴߊ߬ ߛߌ߰ߝߊߘߌ ߟߋ߬، ߓߊߏ߬߸ <<ߝߘߊ߬ߝߌ߲ ߠߎ߫ ߛߌ߰ ߢߊ ߘߐ߫߸ ߡߊ߲߬ߛߊ ߦߋ߫ ߓߟߏߘߐߢߌ߲߫ ߝߎߣߎ߲ߛߙߋ ߟߋ߬ ߘߌ߫.>> ߏ߬ ߟߋ ߞߏߛߐ߲߬߸ ߞߏ߫ ߣߌ߫ ߡߊ߲߬ߛߊ ߓߐ߫ ߘߴߌ ߢߍ߫߸ ߌ ߣߌ߫ ߡߊ߲߬ߛߊ ߓߊ߯ ߢߐ߲߮ ߦߋ߫߸ ߜߐ߲߬ߜߍ ߟߋ߬ ߓߐߣߴߌ ߢߍ߫ ߏ߬ ߘߌ߫߸ ߏ߬ ߣߐ߭ ߘߌ߫ ߦߋ߫ ߌ ߡߊ߬ ߛߋ߲߬ߢߊ߬ ߞߋߟߋ߲ ߏ߬ ߞߍ߫ ߝߋߎ߫، ߞߊ߬ߕߎ߲߯߸ ߊ߬ ߟߊ߫ ߝߐߟߌ߫ ߘߐ߫߸ ߞߏ߫ ߡߊ߲߬ߛߊ ߦߋ߫ ߟߐ߲߫ ߠߊ߫ ߞߏ߫ ߝߟߐߝߟߐ ߡߍ߲ ߡߊ߬ ߝߟߐ߫ ߥߊ߯ߕߌ ߏ߬ ߟߎ߬ ߟߊ߫߸ ߏ߬ ߟߋ ߊ߬ ߟߊ߫ ߛߐߟߌ ߣߴߊ߬ ߟߊ߫ ߝߎߣߎ߲ߛߙߋߦߊ ߘߌ߫.

ߊ߬ ߞߵߏ߬ ߟߊߒߡߊ ߕߊ߬ ߊߟߌߝߊ߫ ߦߊߦߊ߫ ߡߊ߬߸ ߞߏ߫ ߊߟߌߝߊ߫ ߦߊߦߊ߫ ߟߊ߫ ߛߐߟߌ ߟߋ߬ ߞߏߛߐ߲߬߸ ߊ߬ ߟߊ߫ ߝߎߣߎ߲ߛߙߋߦߊ ߟߋ߬ ߞߏߛߐ߲߬߸ ߖߋ߬ߟߌ ߟߎ߫ ߞߵߊ߬ ߡߊߕߐ߯، ߞߊ߬ߕߎ߲߯߸ ߞߏ߫ ߊ߬ ߕߍ߫ ߘߋ߬߸ ߞߏ߫ ߝߓߞ ߟߊ߫ ߣߊ߬ߟߌ ߟߋ߬ ߞߊ߬ ߛߘߊ ߘߴߊ߬ ߡߊ߬، ߊ߬ߦߌ߫߸ ߞߏ߫ ߛߘߊ ߕߍ߬ߘߍ߫ ߊ߬ ߟߊ߫ ߞߊ߬ߦߌ߯ ߖߘߍ߬ߕߌ߰ߦߊ ߕߎ߲߬ ߡߊ߫ ߕߊ߬ ߡߎߣߎ߲߬، ߓߊߏ߬߸ ߡߊ߲߬ߘߋ߲߫ ߖߋ߬ߟߌ ߡߍ߲ ߕߐ߯ ߞߏ߫ ߞߙߐߝߐ߫ ߡߎߛߊ߫߸ ߏ߬ ߟߋ ߞߊ߬ ߊߟߌߝߊ߫ ߦߊߦߊ߫ ߡߊߕߐ߯ ߘߐ߲ߞߟߌ ߟߊ߫߸ ߞߏ߫ ߡߊ߲߬ߛߊ ߟߎ߬ ߓߍ߯ ߡߊ߲߫ ߞߊ߲߫߸ ߖߌ߬ߣߍ߫ ߞߎ߲߬ߘߐ߲߬ߞߟߌ ߖߍ߬ߘߍ ߛߎߡߊ߲ߣߍ߲߫ ߏ߬ ߟߋ ߡߊ߬.

ߣߝߊ߬ߖߌ߫ ߛߏ߬ߙߌ߬ ߡߊ߫ ߘߊ߲߬ ߏ߬ ߘߐߙߐ߲߫ ߡߊ߬ ߘߋ߬߸ ߊ߬ ߞߵߊ߬ ߦߌ߬ߘߊ߬ ߝߣߊ߫߸ ߞߏ߫ ߝߘߊ߬ߝߌ߲߬ߠߊ߫ ߘߍ߭ ߛߌ߰ߣߍ߲߫ ߝߎߣߎ߲ߛߙߋߦߊ ߟߋ߬ ߡߊ߬، ߞߊ߬ߕߎ߲߯߸ ߞߏ߫ ߣߴߌ ߞߊ߬ ߡߊ߬ߣߌ߲߬ߞߊ߬ ߞߊ߲ ߕߊ߬ ߛߌߛߍ߲߬߸ ߌ ߘߴߊ߬ ߡߍ߲߫ ߊ߬ ߘߐ߫ ߞߏ߫ ߥߙߏ߬ߛߐ߲ߞߐ߸ ߊ߬ ߣߌ߫ ߡߊ߲߬ߝߋ߲߬ߛߐ߲ߞߐ߸ ߏ߬ ߓߍ߯ ߦߋ߫ ߝߎߣߎ߲ߛߙߋߦߊ ߞߎߡߊ ߟߋ߬ ߘߌ߫ ߓߊ߯ߙߊ ߘߏ߫ ߞߍߣߍ߲ ߞߐߝߍ߬ ߞߵߊ߬ ߕߌ߱ ߞߣߐߘߐߘߌߦߊ߫، ߛߏ߫ ߡߌߛߍ߲ ߠߎ߬ ߞߣߐ߫߸ ߟߏ߲ߟߊ߲ ߦߋ߫ ߝߊ߲߬ߘߊ߬ ߟߊ߫ ߛߌ߬ߛߍ ߟߋ߬ ߟߊ߫߸ ߘߏ߫ ߟߎ߫ ߝߊ߲߬ߘߊ߫ ߓߊ߬ߞߐߘߐ߲ ߠߊ߫߸ ߣߌ߬ߛߌ ߖߍ߬ߘߍ ߘߌ߫ ߞߍ߫ ߘߏ߫ ߟߎ߫ ߟߏ߲ߟߊ߲߫ ߝߊ߲ߘߊ ߘߌ߫، ߤߊߟߌ߬ ߣߴߊ߬ ߛߐ߬ߘߐ߲߬ ߘߊ߫ ߞߏ߫ ߥߊߘߌ ߦߴߊ߬ ߞߊ߲߬ ߓߌ߬ ߞߵߏ߬ ߛߌߦߊߡߊ߲߫ ߣߐ߬ߘߐߓߌ߬ߟߊ߬.

ߊ߬ ߞߵߊ߬ ߝߐ߫ ߏ߬ ߟߋ ߘߐ߫߸ ߢߌ߲߬ ߠߋ߬ ߓߍ߯ ߞߏߛߐ߲߬߸ <<ߦߙߎ߬ߞߎ߬ߦߙߎߞߎ ߞߎ߲߬ߕߐ߮ ߕߍ߫ ߝߘߊ߬ߝߌ߲߬ ߞߊ߲ ߛߌߦߊߡߊ߲߫ ߘߐ߫.>> ߊ߬ ߞߎߡߊߘߋ߲ ߦߋ߫ ߝߐߞߎߘߊ ߟߋ߬ ߘߌ߫߸ ߞߊ߬ ߓߍ߲߬ ߞߊ߬ߞߎ߬ߘߊ߬ ߕߟߋ ߡߊ߬߸ ߣߝߊ߬ߖߌ߫ ߛߏ߬ߙߌ߬ ߟߊ߫ ߝߐߟߌ߫ ߘߐ߫ ߞߊ߬ߣߌ߲߬.

ߊ߬ ߞߊ߬ ߢߌ߬ߣߌ߲߬ߞߊ߬ߟߌ ߞߍ߫ ߏ߬ ߟߋ ߘߐ߫߸ ߞߏ߫ <<ߝߘߊ߬ߝߌ߲ ߠߎ߬ ߟߊ߫ ߊߘߡߊߦߊ ߛߌ߰ߣߍ߲߫ ߛߐߟߌ ߡߍ߲ ߡߊ߬߸ ߡߐ߰ ߛߋߕߐ߫ ߏ߬ ߝߊ߬ߟߋ߲߬ ߠߊ߫ ߦߙߎ߬ߞߎ߬ߦߙߎߞߎ ߟߊ߫ ߞߊ߬ߞߎ߬ߘߊ߬ ߕߟߋ ߢߌ߲߬ ߘߐ߫ ߘߌ߬؟>> ߊ߬ ߞߵߏ߬ ߢߌ߬ߣߌ߲߬ߞߊ߬ߟߌ ߟߋ߬ ߞߍ߫.