ߞߍ߲ߘߍߟߏ߲ ߂߀߂߅ ߥߊ߬ߛߌ߬ߥߙߊ ߕߋ߬ߟߋ߫ ߂߈ ߡߊ߬߸ ߖߊ߲߬ߖߏ߲߫ ߢߐ߲߰ߦߋ߬ߓߊߟߌ ߘߏ߫ ߟߋ߬ ߞߍ߫ ߘߊ߫ ߔߋߞߍ߲߫߸ ߣߊߟߌ߬ߡߎ߲߫ ߘߎߢߊ߫ ߕߏ߬ߟߊ߲߬ߕߊ߲ ߛߌ߲߬ߝߏ߲߬ߧߊ ߘߌ߫ ߡߐ߰ߡߐ߯ ߜߊ߲߰ߛߊ߲ ߣߌ߫ ߢߐ߲߯ ߕߍ߫، ߓߊߏ߬߸ ߊ߬ߟߎ߬ ߦߋ߫ ߘߎߢߊ߫ ߡߐ߰ߡߐ߰ ߕߏߟߏ ߓߟߏߘߐߓߍ߲ ߠߎ߫ ߟߋ߬ ߞߊ߲߬ ߕߋ߲߬߸ ߛߌ߯ߣߌ߲߬ ߦߴߊ߬ ߝߍ߬ ߞߵߏ߬ ߡߍ߲ ߛߌ߰ ߛߋ߲߬ߠߊ߫ ߘߓߊ߬ߓߌߟߊ ߕߟߋ߬ ߁߅ ߤߊ߯ ߊ߬ ߕߟߋ߬ ߁߇ ߡߊ߬، ߒ߬ߓߊ߬߸ ߊ߬ߟߎ߬ ߟߊ߫ ߕߏ߬ߟߊ߲߬ߕߊ߲ ߣߌ߲߬ ߘߐ߫߸ ߛߘߍߞߎߘߎ߲߫ ߣߊ߯ߣߌ߲߫ ߠߋ߬ ߕߘߍ߬߸ ߡߍ߲ ߠߎ߬ ߛߏ߯ߙߏߣߍ߲߫ ߡߐ߬ߡߐ߯ ߛߓߊ߬ ߟߊ߫߸ ߏ߬ ߟߎ߫ ߟߋ߬ ߓߌ߬ߟߊ߬ ߘߊ߫ ߢߐ߲߮ ߠߊ߫ ߕߏ߬ߟߊ߲ ߕߊ߲߫ ߞߊ߲ߡߊ߬، ߊ߬ߟߎ߫ ߜߊ߲߰ߛߊ߲ ߞߵߊ߬ߟߎ߬ ߟߊ߫ ߕߏ߬ߟߊ߲ ߏ߬ ߟߋ ߕߊ߲߫߸ ߡߐ߰ ߛߌ߫ ߡߊ߫ ߛߐ߬ߘߐ߲߫ ߊ߬ ߘߐ߫߸ ߞߵߊ߬ ߛߐ߬ߘߐ߲߬ ߖߊ߬ߡߊ߫ ߘߍ߬ߜߍ ߛߌ߰ߣߍ߲߫ ߞߵߊ߬ߟߎ߬ ߡߊߝߟߍ߫.
ߊ߬ߟߎ߬ ߡߊߡߙߊ߬ߣߍ߲߫ ߦߟߌߟߊ߲ߘߌߦߊ߫ ߘߍ߲߰ߦߊ߬ߣߍ߲ ߠߋ߬ ߓߟߏ߫، ߡߐ߰ߡߐ߮ ߢߌ߲߬ ߠߎ߬ ߞߊ߬ ߕߏ߬ߟߊ߲ ߟߐ߲߫߸ ߊ߬ߟߎ߬ ߦߋ߫ ߕߍ߰ߟߌ ߞߍ߫ ߟߊ߫߸ ߊ߬ߟߎ߬ ߦߋ߫ ߕߏ߬ߟߊ߲ ߥߊ߬ߟߏ߲߬ ߠߊ߫ ߞߵߊ߬ ߟߊߕߊ߯߸ ߞߊ߬ ߓߊ߲߫ ߞߊ߬ ߕߎ߭ ߘߏ߲߬ ߖߍ߬ߘߍ، ߡߐ߰ߡߐ߮ ߟߎ߬ ߟߊ߫ ߕߏ߬ߟߊ߲ ߕߍ߫ ߢߊߞߘߐߛߋߟߌ߫ ߞߍ߫ ߛߊ߫ ߦߏ߫ ߡߐ߱ ߟߎ߬ ߕߊ߸ ߓߊ߬ߙߵߊ߬ߟߎ߬ ߝߣߊ߫ ߞߵߊ߬ߟߎ߬ ߛߋߞߏ ߞߍ߫، ߓߊߏ߬߸ ߊ߬ߟߎ߫ ߕߍ߬ߘߍ߫ ߓߋ߬ ߟߊ߫ ߞߵߊ߬ߟߎ߫ ߥߟߌ߬، ߕߎ߬ߡߊ߬ߣߍ߲߬ ߞߋߟߋ߲ ߏ߬ ߟߊ߫߸ ߊ߬ߟߎ߫ ߜߊ߲߰ߛߊ߲ ߝߣߊ߫ ߕߍ߬ߘߍ߫ ߊ߬ ߛߌ߰ ߟߊ߫ ߢߐ߲߮ ߞߎ߲߬ ߛߐ߲߬߸ ߥߟߊ߫ ߛߎߡߦߊ߫ ߞߏߖߎ߮ ߘߌ߫ ߘߏ߫ ߟߎ߫ ߟߊߓߋ߬.
ߕߏ߬ߟߊ߲߬ߕߊ߲ ߡߍ߲ ߦߋ߫ ߣߌ߲߬߸ ߊ߬ ߦߋ߫ ߛߋߒߞߏߟߊߘߐ ߣߌ߫ ߘߍ߲߰ߦߊ߬ߟߌ ߡߙߌߦߊ߫ ߞߎߘߊ ߘߏ߫ ߟߎ߫ ߟߋ߬ ߟߊ߲ߞߣߍߡߊ߫ ߟߊ߫، ߊ߬ ߘߌ߫ ߞߍ߫ ߕߙߎ߬ ߘߌ߫ ߞߊ߬ ߥߊߟߌߘߓߊ ߟߎ߬ ߡߊߘߍ߬ߡߍ߲߬߸ ߊ߬ߟߎ߬ ߦߴߊ߬ߟߎ߬ ߟߊ߫ ߡߐ߰ߡߐ߮ ߟߎ߬ ߛߋߞߏߦߊ ߡߊߝߟߍ߫ ߞߵߊ߬ߟߎ߫ ߓߙߍ߬ ߟߐ߲߫߸ ߛߴߊ߬ߟߎ߬ ߘߌ߫ ߛߴߊ߬ߟߎ߬ ߟߐ߲ߞߏߦߊ ߘߏ߫ ߟߎ߫ ߡߊߞߊ߬ߝߏ߬ ߟߊ߫ ߦߟߌߟߊ߲ߘߌߦߊ߫ ߘߍ߲߰ߦߊ߬ߣߍ߲ ߠߊ߫، ߓߎߛߑߕߊ߬ ߙߓߏߕߌߞ ߜߙߋ߬ߡߊߕߍ߬ߓߊ߮߸ ߛ߭ߍ߲ߜ߭ ߤߊߥߏ߫ ߞߊ߲߫ ߞߏ߫ <<ߥߊ߯ߕߌ߫ ߣߊ߬ߕߐ ߟߎ߬ ߘߐ߫߸ ߊ߲ ߓߍߣߊ߬ ߕߏ߬ߟߊ߲߬ߕߊ߲ ߢߐ߲߯ߓߍ߲ ߘߏ߫ ߛߌ߲߬ߝߏ߲߬ߧߊ߫ ߡߐ߰ߡߐ߮ ߟߎ߬ ߣߌ߫ ߡߐ߱ ߟߎ߬ ߕߍ߫، ߊ߲ ߡߊ߬ߞߏ߬ ߕߍ߫ ߕߎ߬ ߘߏ߲߬ߣߍ߲ ߦߙߌߞߊ߫ ߟߊ߫ ߦߋ߲߬ ߘߋ߬߸ ߓߊ߬ߙߌ߬ ߞߏ ߟߎ߬ ߟߊߕߊ߯ߡߊ߫ ߢߊ ߕߏ߬ߟߊ߲߬ߕߊ߲߬ ߘߊߞߎ߲ ߏ߬ ߘߐ߫ ߦߋ߲߬ ߖߐ߫، ߏ߬ ߟߋ ߞߍߕߐ߫ ߊ߬ ߦߌ߬ߘߊ߬ ߟߊ߫ ߞߏ߫ ߕߙߏ߬ߞߏ ߏ߬ ߟߎ߬ ߞߊ߫ ߢߌ߲߬.>> ߗߍ߭ ߞߊ߬ ߞߎߡߊ ߏ߬ ߟߋ ߝߐ߫ ߝߐ߰ߓߍ߬ߦߊ߬ߟߊ ߟߎ߬ ߦߋ߫.
ߛ߭ߌߣ ߘߏ߲߬ ߝߣߊ߫ ߓߘߴߊ߬ ߛߋߞߏ߫ ߛߌߦߊߡߊ߲߫ ߠߋ߬ ߞߍ߫ ߡߐ߬ߡߐ߰ ߞߏ ߣߌ߲߬ ߘߐ߫، ߓߊߏ߬߸ ߘߓߊ߬ߕߊ ߕߋ߬ߟߋ߫ ߂߅ ߕߊ߬ߡߌ߲߬ߣߍ߲ ߢߌ߲߬ ߝߍ߬߸ ߊ߬ߟߎ߫ ߞߊ߬ ߞߘߎ߬ߟߌ ߛߌ߲߬ߝߏ߲߬ߧߊ߫ ߡߐ߰ߡߐ߮ ߟߎ߬ ߕߍ߫ ߤߊ߲ߖߎ߫ ߘߎ߱ ߞߣߐ߫، ߂߀߂߄ ߕߎߟߊߝߌ߲ ߠߊ߫߸ ߊ߬ߟߎ߫ ߞߊ߬ ߛߋ߲߬ߡߊ߬ߕߊ߯ߡߊ ߕߊ߯ߡߊߕߍߓߏ߬ߙߌ߬ߕߍ ߝߣߊ߫ ߛߌ߲߬ߝߏ߲߬ߧߊ߫ ߡߐ߰ߡߐ߮ ߟߎ߬ ߕߍ߫߸ ߝߏ߫ ߊ߬ߟߎ߬ ߘߐ߫ ߛߎߘߊ߲ߓߊ߮ ߞߊ߬ ߕߎ߬ߡߊ߬ߙߋ߲߫ ߂ ߣߌ߫ ߡߌ߬ߛߍ߲߬ ߄߀ ߕߊ߯ߡߊ ߞߍ߫.
ߛߊ߲ߞߊߢߐ߲߯ߦߊ ߏ߬ ߟߋ ߞߍߕߐ߫ ߛߋߒߞߏߟߊߘߐߦߊ ߥߎ߬ߘߊ߲ ߠߊߘߏ߲߬ ߠߊ߫ ߖߡߊ߬ߣߊ ߞߣߐ߫߸ ߞߊ߬ ߡߐ߰ߡߐ߯ ߡߐ߰ߡߎߣߎ߲ ߠߎ߬ ߦߟߌ ߘߝߊ߫ ߦߟߌߟߊ߲ߘߌߦߊ߫ ߘߍ߲߰ߦߊ߬ߣߍ߲ ߞߣߐ߫، ߛߌߞߊ߫ ߕߏ߲߬ ߕߴߊ߬ ߘߐ߫߸ ߊ߬ߟߎ߬ ߞߊ߲߫ ߞߏ߫ ߊ߬ߟߎ߬ ߓߍߣߊ߬ ߘߎߢߊ߫ ߡߐ߰ߡߐ߮ ߟߎ߬ ߟߊ߫ ߞߟߏߞߕߏߦߊ߫ ߕߏߟߏ߲ ߛߌ߲߬ߝߏ߲߬ߧߊ߫ ߘߓߊ߬ߓߌߟߊ߫ ߣߊ߬ߕߐ ߟߊ߫߸ ߏ߬ ߡߍ߲ ߝߣߊ߫ ߓߍߣߊ߬ ߞߍ߫ ߊ߬ ߕߊ߫ ߞߏߓߊ߫ ߘߌ߫.
ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫
