ߣߌ߲߬ ߓߍ߫ ߣߊ߬ ߞߍ߫ ߜߟߐߡߌ߲߫ ߞߎߘߊ߫ ߟߋ߬ ߘߌ߫ ߛߣߍ߬ߜ߭ߊ߬ߟߌ߬ ߣߌ߫ ߡߏߙߌߕߊߣߌ߲߫ ߕߍ߫ ߡߊ߬ߞߐ߬ߙߐ߲߬ߞߐ߬ߙߐ߲߬ߠߌ߲ ߜߋ߲߬ߞߘߎ߬ߢߐ߲߰ߠߊ ߛߌߟߊ ߝߍ߬، ߖߡߊ߬ߣߊ߫ ߝߌ߬ߟߊ߫ ߡߍ߲߬ ߠߎ߬ ߕߊ߯ߡߊߘߐߕߊ߯ߞߏ ߞߏߕߌ߮ ߟߎ߬ ߞߊ߬ ߕߊ߯ߡߊߘߐߕߊ߮ ߣߐ߰ߦߊ߬ߟߌ ߓߍ߲߬ߞߊ߲ ߘߏ߫ ߞߟߊ߬ߣߐ߰ߦߊ߬ߟߌ ߞߍ߫ ߟߋ߬ ߛߌ߬ߣߌ߲߬ߟߏ߲ ߕߊ߬ߡߌ߲߬ߣߍ߲ ߡߊ߬، ߏ߬ ߡߍ߲ ߓߍߣߊ߬ ߞߍ߫ ߛߊߓߎ߫ ߘߌ߫ ߞߵߊ߬ߟߎ߬ ߟߊ߫ ߖߡߊ߬ߣߊ߬ߘߋ߲ ߠߎ߬ ߟߊ߫ ߕߊ߯ߣߌ߲ߞߊߛߋߦߌ߲ ߣߐ߰ߦߴߊ߬ߟߎ߫ ߡߊ߬ ߣߌ߫ ߜߟߍ߬ߦߊ߬ ߛߌ߫ ߕߍ߫، ߞߊ߬ߦߌ߯ ߂߀߁߁ ߠߋ߬ ߖߍ߬ߘߍ ߟߊ߫ ߓߍ߲߬ߞߊ߲ ߣߌ߲߬ ߦߋ߫ ߖߡߊ߬ߣߊ ߝߌ߬ߟߊ߫ ߡߍ߲߬ ߠߎ߬ ߣߌ߫ ߢߐ߲߯ ߕߍ߫߸ ߓߊ߬ߙߌ߬߸ ߊ߬ ߞߏ ߕߘߍ߬ ߡߊ߫ ߓߐ߫ ߜߍ߫ ߟߊ߫ ߝߟߐ߫.
ߣߌ߲߬ ߞߏ߬ߣߌ߲߬ ߓߍߣߊ߬ ߞߍ߫ ߛߊߓߎ߫ ߘߌ߫ ߞߊ߬ ߡߐ߱ ߟߎ߬ ߣߴߊ߬ߟߎ߬ ߓߟߏߝߋ߲ ߠߎ߬ ߟߊ߫ ߕߊ߯ߣߌ߲ߞߊߛߋߦߌ߲ ߣߐ߬ߦߊ߫ ߟߋ߬ ߖߡߊ߬ߣߊ߫ ߝߌ߬ߟߊ ߟߎ߬ ߓߐߕߏ߲ ߠߊ߫، ߓߊߏ߬߸ ߣߌ߫ ߛߣߍ߬ߜ߭ߊ߬ߟߌ߬ ߟߐ߯ߘߎߕߊ߯ ߞߐ߲ߛߏ ߡߍ߲ ߕߍ߲߬ ߛߋ߫ ߘߊ߫ ߡߏߙߌߕߊߣߌ߲߫ ߓߐߕߏ߲ ߠߊ߫߸ ߊ߬ ߕߘߍ߬ ߦߋ߫ ߘߌߦߊߜߏߦߊ ߟߋ߬ ߘߌ߫ ߊ߬ߟߎ߫ ߞߊ߲߬ ߞߵߊ߬ߟߎ߬ ߣߴߊߟߎ߬ ߓߟߏߝߋ߲ ߠߎ߬ ߓߍ߯ ߓߌ߬ߟߊ߬ ߞߐ߲߬ߛߏ߫ ߜߘߍ߫ ߞߣߐ߫ ߞߊ߬ ߕߊ߯ ߣߐߞߑߛߐߕ، ߊ߬ ߕߘߍ߬ ߦߋ߫ ߏ߬ ߢߊ߫ ߞߋߟߋ߲ ߠߋ߬ ߡߊ߬ ߝߣߊ߫ ߛߣߍ߬ߜ߭ߊ߬ߟߌ߫، ߓߊ߬ߙߌ߬߸ ߛߣߍ߬ߜ߭ߊ߬ߟߌ߫ ߕߊ߯ߡߊߘߐߕߊ߯ ߞߏߕߌ߮ ߦߊ߲߬ߞߏߓߊ߬ ߖߋ߲߬ߓߋ߬ ߓߘߊ߫ ߘߊ߲߭ߛߌ߰ ߏ߬ ߟߊ߫߸ ߓߌ߬ ߕߊ ߞߐ ߘߐ߫ ߟߊ߬ߓߏ߬ߙߌ߬ߟߊ߬ ߝߏߛߌ߬ ߟߋ߬ ߕߍߣߊ߬ ߘߌߦߊߜߏߦߊ߫ ߟߊ߫ ߞߵߊ߬ ߟߊ߫ ߘߏ߬ߠߌ߲ ߠߎ߬ ߥߟߊ߫ ߞߊ߬ ߡߐ߱ ߟߎ߬ ߟߊߖߌ߰ ߓߐߟߐ߲ ߘߐ߫ ߡߍ߲ ߠߎ߬ ߞߊ߫ ߞߊ߲߫ ߞߊ߬ ߕߊ߯ ߛߣߍ߬ߜ߭ߊ߬ߟߌ߫ ߖߡߊ߬ߣߊ ߞߣߐ߫، ߊ߬ ߘߏ߲߬ ߊ߬ ߦߴߏ߬ ߢߊ߫ ߞߋߟߋ߲߫ ߠߋ߬ ߡߊ߬ ߛߐ߬ߘߐ߲ ߛߌߟߊ ߝߍ߬߸ ߜߋ߲ߜߋ߲ߦߊ߫ ߓߟߏߡߊ߬ ߞߐ߲߬ߛߏ߬ ߟߊ߬ߓߏ߬ߙߌ߬ߟߊ ߟߎ߬ ߦߋ߫ ߛߋ߫ ߞߵߊ߬ߟߎ߬ ߟߊ߫ ߖߊ߬ߥߏ ߞߍ߫، ߏ߬ ߟߋ߬ ߞߍ߫ ߘߊ߫ ߞߏߕߌ߮ ߟߊ߫ ߞߎߡߊ ߘߌ߫.
ߡߏߙߌߕߊߣߌ߲߫ ߕߊ߯ߡߊߘߐߕߊ߯ ߞߏߕߌ߮ ߋߟߌ߫ ߎ߳ߟߑߘߎߝ߭ߋߙߌߞ ߝߣߊ߫ ߟߊ߫ ߞߎߡߊ߫ ߘߐ߫߸ ߣߌ߲߬ ߞߏ߬ߣߌ߲ ߦߋ߫ ߣߌ ߞߎߘߊ߫ ߟߋ߬ ߘߏ߲߬ߣߍ߲ ߘߌ߫ ߖߡߊ߬ߣߊ ߝߌ߬ߟߊ ߟߊ߫ ߛߐ߬ߘߐ߲߬ߞߏ ߛߌߟߊ ߟߎ߬ ߟߊ߫߸ ߣߌ߲߬ ߦߋ߫ ߕߎ߬ߡߊ߬ ߞߙߍߞߙߍߣߍ߲ ߠߋ߬ ߘߌ߫ ߡߍ߲ ߞߘߐ ߞߊ߫ ߓߏ߲߬ ߞߏߛߓߍ߫߸ ߓߊߏ߬߸ ߊ߬ ߦߴߊ߲ ߠߊ߫ ߖߡߊ߬ߣߊ ߝߌ߬ߟߊ ߟߎ߬ ߓߊ߯ߙߊߢߐ߲߯ߦߊ ߝߊ߲߬ߞߊ ߘߏ߲߬ߠߌ߲ ߠߋ߬ ߞߏߝߐ߫ ߟߊ߫߸ ߢߍߕߊ߯ ߛߌߦߊߡߊ߲߫ ߓߘߊ߫ ߛߐ߬ߘߐ߲߬ ߡߍ߲ ߠߊ߫، ߊ߬ ߓߘߊ߫ ߦߌ߬ߘߊ߬ ߝߣߊ߫ ߞߏ߫ ߖߡߊ߬ߣߊ ߡߍ߲߬ ߠߎ߬ ߛߐ߲߬ߣߍ߲߫ ߠߋ߬ ߢߐ߲߯ ߦߋ߫، ߣߌ߲߬ ߞߏ߬ߣߌ߲ ߞߍ߫ ߘߊ߫ ߟߊ߬ߥߛߊ ߟߋ߬ ߘߌ߫ ߛߣߍ߬ߜ߭ߊߟߌ߫ ߟߊ߬ߓߏ߬ߙߟߌ߬ߟߊ ߟߎ߬ ߡߊ߬߸ ߞߏ߫ ߊ߬ߟߎ߬ ߓߍ߫ ߛߋ߫ ߛߌߣߍ߲߬ ߞߊ߬ ߕߊ߯ߣߌ߲ߞߊߛߋߦߌ߲ ߞߍ߫ ߘߊ߬ߞߊ߯ߙߌ߬ ߣߌ߫ ߣߐߞߑߛߐߕ ߕߍ߫ ߣߌ߫ ߜߟߍ߬ߦߊ߬ ߛߌ߫ ߕߍ߫.
