ߞߊ߯ߦߌ߯ ߞߐ߬ߓߊ߬ߟߏ߲ ߕߊ߬ߡߌ߲߬ߣߍ߲ ߠߋ߬ ߡߊ߬߸ ߡߏ߬ߛߏ߫ ߟߐ߬ߦߙߌ߬ߕߐ߫ ߅߀ ߟߋ߬ ߓߐ߫ ߘߊ߫ ߝߘߊ߬ߝߌ߲߬ ߖߡߊߣߊ߫ ߁߁ ߞߣߐ߫߸ ߞߊ߬ ߕߊ߯ ߕߊ߬ߟߌ ߞߍ߫ ߓߊ߯ߙߊ߫ ߡߞߊߙߊ߲ߧߊ ߘߏ߫ ߘߐ߫߸ ߡߑߓߏߙ ߘߎ߱ ߟߊ߫، ߞߎߘߍ߫ ߈߀ ߠߋ߬ ߦߴߊ߬ ߣߌ߫ ߛߣߍ߬ߜ߭ߊ߬ߟߌ߫ ߞߎߓߋ ߕߍ߫߸ ߘߍ߬ߡߍ߲߬ߠߌ߲߬ ߞߙߎ ߊߤߊߘߌ߬ ߣߴߊ߬ ߘߍ߬ߢߐ߲߮ ߠߎ߬ ߟߋ߬ ߟߐ߬ߣߍ߲߫ ߞߏߢߊ߫ ߡߍ߲߬ ߠߎ߬ ߟߊ߫.
ߟߊ߬ߢߌߣߌ߲ ߞߎ߲߭ ߦߋ߫ ߡߏ߬ߛߏ߫ ߟߐ߬ߦߙߌ߬ߕߐ߫ ߁ ߀߀߀ ߘߍ߬ߡߍ߲߫ ߠߋ߬ ߘߌ߫ ߦߊ߬ߣߌ߲߫ ߂߀߃߀ ߕߍ߫߸ ߝߊߕߎ߬ ߞߋߕߊ߬ ߡߍ߲ ߦߋ߫ ߟߐ߬ߦߙߌ߬ߕߐ ߏ߬ ߘߏ߫ ߘߌ߫߸ ߊ߬ߟߋ ߟߋ߬ ߞߊ߬ ߟߊ߬ߢߌߣߌ߲߫ ߏ߬ ߝߐ߫߸ ߝߣߊ߫ ߊ߬ߟߎ߬ ߦߴߊ߬ ߟߊߢߌߣߌ߲߫ ߠߊ߫ ߝߘߊ߬ߝߌ߲߬ߠߊ߫ ߞߊ߲ߕߌ߮ ߟߎ߫ ߝߍ߬ ߞߊ߬ ߡߏ߬ߛߏ߫ ߟߐ߬ߦߙߌ߬ߕߐ ߟߎ߫ ߘߍ߬ߡߍ߲߬، ߊ߲ ߧߋ߫ ߟߊ߬ߞߐ߰ߟߌ ߟߋ߬ ߞߊ߲߬߸ ߡߍ߲ ߘߌ߫ ߡߏ߬ߛߏ߫ ߘߍ߬ߡߍ߲߫ ߊ߬ ߟߊ߫ ߟߐ߬ߦߙߌ߬ߕߐ߬ߦߊ߬ ߟߊ߫.
ߒ߬ߓߊ߬߸ ߣߌ߫ ߊ߲ ߠߊ߫ ߟߊ߬ߞߐ߰ߟߌ ߓߊ߲߫ ߘߊ߫߸ ߊ߲ ߠߊ߫ ߓߊ߯ߙߊ߫ ߞߍߕߐ߫ ߡߍ߲ ߘߌ߫ ߏ߬ ߟߋ߬ ߦߴߊ߲ ߠߊ߫ ߢߌߣߌ߲ߞߏ ߟߎ߬ ߣߌ߫ ߡߊ߲߬ߕߙߐ ߟߎ߬ ߦߌ߬ߘߊߞߊ߬ ߘߌ߫ ߝߊ߰ߡߊ ߟߎ߬ ߟߊ߫߸ ߓߊߏ߬߸ ߊ߬ߟߎ߬ ߓߘߊ߫ ߢߌ߬ߣߊ߫ ߟߐ߬ߦߙߌ߬ߕߐ ߟߎ߬ ߞߐ߫ ߞߏߛߓߍ߫߸ ߡߞߊ߬ߛߟߌ߬ ߞߊ߲߬ߠߊ ߡߍ߲ ߦߴߊ߲ ߓߟߏ߫ ߞߵߊ߬ ߝߐ߫ ߝߊ߰ߡߊ ߟߎ߬ ߦߋ߫߸ ߊ߬ߟߎ߬ ߦߴߊ߬ߟߎ߫ ߞߙߐ߬ߛߌ߬ ߕߏ߫ ߟߐ߬ߦߙߌ߬ߕߐ ߟߎ߬ ߟߊ߫ ߞߍ߲ߘߍߦߊ ߞߐ߫ ߊ߬ ߢߊ߫ ߖߍ߬ߘߍ߫ ߖߍ߬ߘߍ߫ ߡߊ߬.
ߊ߬ ߣߌ߫ ߞߵߊ߬ ߝߐ߫ ߞߊ߬ߙߊ߲߬ߡߐ߮ ߟߎ߬ ߦߋ߫߸ ߟߐ߬ߦߙߌ߬ߕߐ ߘߌ߫ ߛߋ߫ ߘߏ߲߬ ߠߊ߫ ߞߊ߬ߙߊ߲߬ߓߏ߲ ߞߣߐ߫ ߢߊ߫ ߡߍ߲ ߞߊ߬ ߞߊ߬ߙߊ߲ ߞߍ߫߸ ߊ߬ߟߎ߬ ߦߋ߫ ߓߐ߫ ߏ߬ ߛߌߟߊ߫ ߘߌ߫.
