ߞߊ߬ ߓߍ߲߬ ߊ߲ ߣߊߡߛߏ ߟߎ߬ ߟߊ߫ ߝߋ߬ߙߋ ߟߎ߫ ߡߊ߬ ߟߐ߯ߝߍ ߟߎ߬ ߘߐ߫߸ ߊ߬ ߣߌ߫ ߞߊ߬ ߓߍ߲߬ ߊ߬ߟߎ߫ ߛߌ߰ߝߊߘߌ ߟߎ߬ ߟߐ߲߫ ߡߊ߬߸ ߛߌߟߊߓߐߛߐ߯ߣߊ߫ ߛߋ߫ ߘߊ߫ ߛߋ߲߬ߠߊ߬ߓߐ߬ߟߌ߬ ߞߍ߫ ߟߊ߫ ߞߊ߬ ߛߋ߫ ߊ߲ ߣߊߡߛߏ߫ ߏ߬ ߘߏ߫ ߟߎ߫ ߝߍ߬، ߏ߬ ߘߏ߫ ߟߋ߬ ߦߋ߫ ߖߍ߬ߣߍ ߖߊߟߏ߫ ߘߌ߫߸ ߊ߬ߟߋ ߟߊ߫ ߓߊ߯ߙߘߊ ߓߍ߲߬ߣߍ߲߫ ߝߙߏ߬ߕߏ߬ ߝߙߋ ߟߋ߬ ߡߊ߬߸ ߞߊ߲ߞߊ߲߫ ߘߓߌߘߊ ߟߊ߫.
ߊ߬ ߛߋ߫ ߘߊ߫ ߘߏ߫ ߝߐ߫ ߟߴߊ߲ ߧߋ߫ ߊ߬ߟߎ߫ ߛߌ߰ߝߘߊ ߞߊ߲߬<<ߒߠߋ ߟߊ߫ ߓߊ߯ߙߊ ߦߋ߫ ߝߙߏ߬ߕߏ߬ ߝߙߋ ߣߌ߫ ߖߊ߰ߘߏ ߟߎ߬ ߟߋ߬ ߘߌ߫߸ ߓߊ߬ߙߌ߫߸ ߊ߬ ߓߎ߲ߓߎ߲ߣߍ߲߫ ߝߙߏ߬ߕߏ ߟߋ߬ ߡߊ߬߸ ߣߴߌ ߘߏ߲߬ ߞߊ߬ ߒ ߘߏ߲߬ߣߍ߲ ߦߋ߫ ߣߌ߲߬ ߘߐ߫߸ ߊߟߊ߫ ߞߊ߬ ߒ ߠߊ߫ ߛߊߓߎ ߞߍ߫ ߊ߬ߟߋ ߟߋ߬ ߘߐ߫.
ߓߊߏ߬߸ ߊ߬ ߓߘߊ߫ ߛߊ߲߬ ߛߌߦߊߡߊ߲߫ ߓߐ߫ ߒ ߧߴߊ߬ ߞߊ߲߬߸ ߣߴߏ߬ ߕߍ߫ ߒ ߕߘߍ߬ ߓߘߊ߫ ߓߊ߯ߙߊ߫ ߜߘߍ߫ ߟߎ߫ ߞߍ߫ ߞߘߐ߬ߡߊ߲߫߸ ߒ ߘߏ߲߬ ߓߘߊ߫ ߕߐ߬ߣߐ߫ ߛߐ߬ߘߐ߲߬ ߊ߬ ߘߐ߫߸ ߓߊߏ߬߸ ߘߋ߲ ߠߎ߬ ߦߋ߫ ߟߓߊߟߏ߫ ߟߴߊ߬ ߘߐ߫߸ ߜߟߍ߬ߦߊ߬ ߡߍ߲ ߦߴߊ߲ ߞߊ߲߬ ߊ߬ ߘߊߞߎ߲ ߘߐ߫.
ߏ߬ ߟߋ߬ ߦߋ߫ ߝߋ߲ ߠߎ߬ ߛߐ߲߬ߞߐ ߟߊߦߍ߬ߟߍ߫ ߘߌ߫߸ ߊ߲ ߘߏ߲߬ ߝߣߊ߫ ߦߴߊ߬ ߕߍ߰ ߟߊ߫ ߡߍ߲ ߠߎ߬ ߡߊ߬߸ ߊ߲ ߕߍ߫ ߛߋ߫ ߟߊ߫ ߖߌ߰ ߟߊ߫ ߏ߬ ߟߎ߬ ߟߊ߫߸ ߓߊߏ߬߸ ߟߊ߬ߡߐ߬ߟߊ߲ ߣߌ߫ ߓߌ߲߫ ߝߊߟߊ߲ ߠߎ߬ ߛߐ߲߬ߞߐ ߓߘߊ߫ ߜߟߍ߬ߦߊ߫߸ ߣߴߏ߬ ߕߍ߫ ߊ߲ߠߎ߬ ߦߋ߫ ߓߊ߯ߙߊ߫ ߢߌ߲߬ ߘߊߡߌ߬ߣߊ߬ ߟߊ߫ ߕߎ߬ߡߊ߬ߣߊ ߡߍ߲ ߠߊ߫.
ߟߊ߬ߡߐ߬ߟߊ߲ ߦߋ߫ ߝߙߋ߬ ߟߊ߫ ߖߕ ߁߀߀ ߀߀߀ ߢߐ߲߰߸ ߓߊ߬ߙߌ߫߸ ߊ߲ ߧߋ߫ ߦߙߐ ߡߍ߲ ߘߐ߫ ߕߋ߲߬ ߦߏ߫ ߓߌ߬ ߢߐ߲߰ ߟߏ߲߫߸ ߏ߬ ߦߋ߫ ߝߙߋ߬ ߟߊ߫ ߖߕ ߄߀߀ ߀߀߀ ߢߐ߲߰، ߒ߬ߓߊ߬߸ ߏ߬ ߟߋ߬ ߓߘߊ߫ ߞߍ߫ ߛߊߓߎ߫ ߘߌ߫߸ ߛߣߍ߬ ߞߍ߬ߟߊ ߟߎ߬ ߝߣߊ߫ ߓߘߊ߫ ߘߏ߫ ߟߴߊ߬ߟߎ߬ ߟߊ߫ ߝߋ߲ ߠߎ߬ ߛߐ߲߬ߞߐ ߞߊ߲߬.
ߡߊ߲߬ߕߙߐ߫ ߞߏ߬ߣߌ߲ ߕߍ߫ ߊ߲ ߞߊ߲߬ ߝߙߋ߬ߟߌ߬ ߘߊߞߎ߲ ߢߌ߲߬ ߘߐ߫ ߦߊ߲߬߸ ߝߊ߰ߡߊ߬ ߟߎ߬ ߕߍ߫ ߣߊ߬ ߟߴߊ߲ ߞߊ߲ߡߊ߬߸ ߊ߲ ߛߌ߰ߣߍ߲߬ ߡߍ߲ ߠߎ߬ ߘߊ߫ ߟߊ߫ ߏ߬ ߟߎ߬ ߝߣߊ߫ ߕߴߊ߲ ߜߍ߲߫ ߠߊ߫، ߞߎߡߊ߫ ߟߊߓߊ߲߫ ߘߐ߫߸ ߞߵߊ߬ ߝߐ߫ ߞߎ߲߬ߠߊ߬ߛߌ߮ ߟߎ߬ ߦߋ߫߸ ߊ߬ߟߎ߬ ߦߋ߫ ߘߏ߫ ߓߐ߫ ߟߊ߬ߡߐ߬ߟߊ߲ ߠߎ߬ ߣߌ߫ ߓߌ߲߫ ߝߊߟߊ߲ ߠߎ߬ ߛߐ߲߬ߞߐ ߟߊ߫߸ ߏ߬ ߟߋ߬ ߝߣߊ߫ ߘߌ߫ ߊ߲ߠߎ߬ ߟߊ߫ ߓߊ߯ߙߊ ߟߎ߬ ߟߊߣߐ߰ ߦߴߊ߲ ߓߟߏ߫>>.
ߛߊߙߊ߲߬ ߞߊ߬ߓߊ ߝߣߊ߫ ߟߊ߫ ߝߐߟߌ߫ ߘߐ߫߸ ߓߍ߯ ߦߴߊ߬ߟߋ ߡߍ߲ ߞߟߌ߫ ߟߊ߫ ߞߏ߫ ߛߊ߲߬ߞߊߓߊ߬، ߊ߬ ߝߣߊ߫ ߞߵߊ߬ ߡߙߌߦߊ ߦߌ߬ߘߊߞߊ߬ ߕߊ߲߬<<ߣߴߌ ߞߊ߬ ߒߠߋ ߘߏ߲߬ߣߍ߲ ߦߋ߫ ߝߙߏ߬ߕߏ߬ ߝߙߋ ߘߐ߫߸ ߊ߬ ߞߎ߲߭ ߞߍ߫ ߘߊ߫ ߕߌߢߍߟߌ ߟߋ߬ ߘߌ߫.
ߒ ߕߘߍ߬ ߦߋ߫ ߛߋ߬ߕߟߎ߬ ߝߙߋ ߟߋ߬ ߟߊ߫߸ ߒ ߕߏ߫ ߘߊ߫ ߏ߬ ߟߋ߬ ߘߐ߫߸ ߕߌߢߍߟߌ ߞߊ߬ ߒ ߛߐ߬ߘߐ߲߬߸ ߏ߬ ߟߋ߬ ߞߍ߫ ߘߊ߫ ߕߙߎ߬ ߘߌ߫ ߞߊ߬ ߒ ߠߊߘߏ߲߬ ߝߙߏ߬ߕߏ߬ ߝߙߋ ߘߐ߫߸ ߘߏ߫ ߢߌ߲߬ ߘߊߡߌ߬ߣߊ ߒ ߓߟߏ߫ ߊ߬ ߣߌ߫ ߓߌ߬ ߕߍ ߘߐ߫߸ ߏ߬ ߓߘߊ߫ ߛߊ߲߬ ߞߋߟߋ߲߫ ߓߐ߫߸ ߒ ߞߏ߬ߣߌ߲ ߕߍ߫ ߛߋ߫ ߊ߬ ߝߐ߫ ߟߊ߫ ߞߏ߫ ߒ ߓߘߊ߫ ߕߐ߬ߣߐ߫ ߛߐ߬ߘߐ߲߬ ߊ߬ ߟߊ߫.
ߡߊ߲߬ߕߙߐ ߡߍ߲ ߝߣߊ߫ ߦߴߊ߲ ߞߊ߲߬ ߦߊ߲߬ ߏ߬ ߟߋ߬ ߦߋ߫ ߛߊ߲߬ߠߌ߲߬ߓߊ߬ߟߌ߬ߦߊ ߘߌ߫߸ ߞߎߡߊ߫ ߟߊߓߊ߲߫ ߘߐ߫߸ ߒߠߋ ߘߌ߫ ߡߍ߲ ߝߐ߫ ߞߎ߲߬ߠߊ߬ߛߌ߮ ߟߎ߬ ߦߋ߫߸ ߊ߬ߟߎ߬ ߦߴߊ߲ ߘߍ߬ߡߍ߲߬ ߞߊ߬ ߓߊ߯ߙߊ߫ ߜߘߍ߫ ߢߌߣߌ߲߫ ߊ߲ ߧߋ߫߸ ߣߴߏ߬ ߕߍ߫ ߝߙߏ߬ߕߏ߬ ߝߙߋ߫ ߣߌ߲߬ ߦߋ߫ ߓߟߏ߫ ߥߎߦߋ߲ߓߐ ߟߋ߬ ߓߌ߬ߟߊ߬ ߟߊ߫ ߡߐ߱ ߟߊ߫>>.
ߞߎߘߊ߬ ߛߘߌ߬ߓߋ߫ ߞߊ߬ ߘߏ߫ ߝߐ߫ ߊ߬ ߟߊ߫ ߓߊ߯ߙߊ ߕߊ߯ ߓߟߏ ߞߊ߲߬߸ ߊ߬ߟߋ ߦߋ߫ ߕߟߎ߫ ߝߙߋߟߊ ߟߋ߬ ߘߌ߫ ߞߊ߲ߞߊ߲߫ ߘߓߌߘߊ ߟߊ߫߸ ߊ߬ ߞߵߊ߬ ߦߌ߬ߘߊ߫<<ߒߠߋ ߟߊ߫ ߕߟߎ߫ ߝߙߋ ߣߌ߲߬ ߘߊߡߌ߬ߣߊ ߒ ߓߟߏ߫ ߊ߬ ߣߌ߫ ߓߌ߬ ߕߍ ߘߐ߫.
ߏ߬ ߡߊ߫ ߞߎ߲߬ߘߐ߫ ߖߊ߲߬ߧߊ߬ ߝߟߐ߫߸ ߊ߲ ߧߴߊ߬ ߛߊ߲߭ ߝߌ߬ߟߊ߫ ߟߋ߬ ߘߐ߫ ߕߋ߲߬߸ ߒ ߞߏ߬ߣߌ߲߫ ߕߍ߫ ߛߋ߫ ߊ߬ ߝߐ߫ ߟߊ߫ ߞߏ߫ ߒ ߓߘߊ߫ ߕߐ߬ߣߐ ߘߏ߫ ߛߐ߬ߘߐ߲߬ ߊ߬ ߟߊ߫߸ ߓߊߏ߬߸ ߞߏ߫ ߘߊߡߌߣߊ߫ ߕߐߟߊ ߟߋ߬.
ߡߊ߲߬ߕߙߐ ߡߍ߲ ߓߊ߯ ߞߍ߫ ߒ ߞߊ߲߬ ߦߊ߲߬߸ ߏ߬ ߟߋ߬ ߦߋ߫ ߒ ߠߊ߫ ߘߊ ߟߊߛߐ߬ߘߐ߲ ߘߌ߫ ߜߟߍ߬ߦߊ ߘߐ߫߸ ߓߊߏ߬߸ ߒ ߓߊ߯ ߞߍ߫ ߘߏ߲߬ ߠߊ߫ ߒ ߠߊ߫ ߓߏ߲ ߞߣߐ߫߸ ߡߐ߱ ߟߎ߬ ߛߌ߰ߣߍ߲߫ ߝߊ߲߬ ߓߍ߫߸ ߝߙߏ߬ߕߏ߬ ߜߊ߲ߜߊ߲ ߝߣߊ߫ ߦߋ߫ ߒ ߛߍ߰ ߟߊ߫ ߞߏߛߓߍ߫.
ߒ ߠߊ߫ ߞߎߡߊ߫ ߟߊߓߊ߲߫ ߘߐ߫߸ ߞߵߊ߬ ߝߐ߫ ߝߊ߰ߡߊ ߟߎ߬ ߦߋ߫߸ ߊ߬ߟߎ߫ ߦߋ߫ ߘߍ߬ߡߍ߲߬ ߞߍ߫ ߊ߲ ߞߊ߲߬ ߏ߬ ߞߏߢߊ ߘߐ߫߸ ߖߐ߲߰ߛߊ߫ ߊ߲ ߝߣߊ߫ ߘߌ߫ ߛߌߟߊ ߛߐ߬ߘߐ߲߬ ߢߊ߫ ߡߍ߲ ߞߊ߬ ߘߏ߲߬ ߊ߲ ߠߊ߫ ߓߏ߲ ߞߣߐ߫>>.
