ߞߎ߲߬ߠߊ߬ߛߌ߮ ߞߊ߲߫ ߞߏ߫ ߘߏ߲߬ ߓߘߊ߫ ߞߍ߫ ߊ߬ߟߎ߬ ߟߊ߫ ߖߘߍ߬ߕߌ߰ߦߊ ߞߊ߬ߛߌ ߘߐ߫߸ ߏ߬ ߟߋ ߘߐ߫ ߊ߬ߟߎ߬ ߓߘߊ߫ ߕߎ߬ߡߊ߬ߙߋ߲߬ ߇߂ ߘߌ߫ ߡߊ߲߬ߕߏ߲߬ ߠߊߘߍ߬ߣߍ߲ ߞߏߟߊߕߍ߯ߓߊ߫ ߝߌ߬ߟߊ߫ ߡߊ߬߸ ߞߏ߫ ߊ߬ߟߎ߬ ߦߴߊ߬ߟߎ߬ ߟߊ߫ ߖߡߊ߬ߣߊ ߘߐߞߊ߬.
ߞߐ߬ߟߏ߲ ߂߀߂߅ ߞߏ߲ߓߌߕߌ߮ ߕߋ߬ߟߋ߫ ߂߈ ߡߊ߬߸ ߛߎߘߊ߲߫ ߞߐߞߊ߲ߞߏ ߟߎ߬ ߞߏߕߌ߮ ߞߵߊ߬ ߟߊߛߋ߫ ߘߎߢߊ߫ ߘߊߥߎ߲ߠߌ߲ߞߏ ߢߍߥߟߊ (PAM) ߡߊߡߙߊ߬ߓߊ߯ ߝߌ߬ߟߊ߫ ߡߊ߬߸ ߞߏ߫ <<ߊ߬ߟߎ߬ ߕߴߊ߬ߟߎ߬ ߟߊ߫ ߞߏ߫ ߘߐ߫>>߸ ߞߊ߬ ߓߊ߲߫ ߞߵߊ߬ ߢߌߣߌ߲߫ ߊ߬ߟߎ߫ ߝߍ߬ ߞߏ߫ ߊ߬ߟߎ߬ ߦߋ߫ ߛߎߘߊ߲߫ ߖߡߊ߬ߣߊ ߓߌ߬ߟߊ߫ ߕߎ߬ߡߊ߬ߙߋ߲߬ ߇߂ ߞߎ߲߬ߕߊ߯ ߞߣߐ߫.
ߡߐ߰ ߝߌ߬ߟߊ ߏ߬ ߟߎ߫ ߟߋ߬ ߟߏߙߊ߲ ߓߎߞߋߙߊ߫ ߘߌ߫߸ ߔߊߡ ߗߋߕߌ߮ ߟߋ߬ ߦߴߏ߬ ߘߌ߫ ߛߎߘߊ߲߫ ߞߣߐ߫߸ ߊ߬ ߣߌ߫ ߛߊߡߊ߲ߕߊ ߛ߭ߊߕߙߊߖ߭߸ ߏ߬ ߦߋ߫ ߓߐ߬ߟߐ߲߬ߞߊ ߘߏ߫ ߟߋ߬ ߘߌ߫߸ ߡߍ߲ ߦߋ߫ ߔߊߡ ߦߙߍߞߍߟߌ ߞߎ߲߬ߕߌ߮ ߘߌ߫ ߖߡߊ߬ߣߊ ߞߣߐ߫.
ߞߏߕߌ߯ߘߊ ߞߵߊ߬ ߝߐ߫ ߞߵߊ߬ ߟߊߕߍ߰߸ ߞߏ߫ ߡߙߌߘߐ ߣߌ߲߬ ߞߘߐ߫ ߕߍ߫ ߞߏ߫ ߊ߬ߟߎ߬ ߣߌ߫ ߔߊߡ ߕߍ߫ ߓߊ߯ߙߊ߫ ߟߊ߫ ߡߎ߬ߕߎ߲߫ ߘߋ߬߸ ߞߵߊ߬ ߓߍ߲߬ ߡߐ߰ߦߊ ߘߍ߬ߡߍ߲߬ߠߌ߲߬ߞߏ ߟߎ߬ ߣߌ߫ ߥߙߎߞߌߞߏ ߟߎ߫ ߡߊ߬߸ ߓߊ߬ߙߌ߬ ߊ߬ߟߎ߫ ߡߊ߬ߞߏ ߦߋ߫ ߞߏ ߟߎ߬ ߞߍ ߟߊ߫ ߓߏ߲߬ߧߊ ߟߋ߬ ߞߣߐ߫، ߓߊߏ߬ <<ߛߐ߲߬ ߞߍߣߍ߲߫ ߘߎߢߊ߫ ߛߊ߬ߙߌ߬ߦߊ ߣߴߊ߬ ߛߙߊߣߌ ߟߎ߫ ߡߊ߬ ߝߋߎ߫߸ ߓߊ߬ߙߌ߬ ߖߡߊ߬ߣߊ ߝߣߊ߫ ߟߊ߫ ߡߊ߲߬ߕߎ߬ߙߋ߬ߦߊ ߓߏ߲߬ߧߊ߬ߕߊ ߟߋ߬.>>
ߊ߬ߟߎ߬ ߡߊ߫ ߞߎ߲߬ ߖߐ߲ߖߐ߲߫ ߝߏߦߌ߬ ߝߐ߫ ߜߍ߲ߠߌ߲ ߢߌ߲߬ ߠߊ߫߸ ߡߍ߲ ߠߊߕߍ߰ ߘߊ߫ ߟߊ߬ߛߋ߬ߟߌ߬ ߛߓߍ ߞߣߐ߫.
ߜߍ߲ߠߌ߲ ߢߌ߲߬ ߘߏ߲߬ ߞߍߣߍ߲߫ ߠߋ߬ ߕߋ߲߬߸ ߞߵߊ߬ ߛߐ߬ߘߐ߲߬ ߛߎߘߊ߲߫ ߦߋ߫ ߖߐ߬ߘߐ߫ ߘߍ߬ߜߍ ߕߍߡߊ߬߸ ߡߐ߰ߦߊ ߦߋ߫ ߞߌ߬ߣߌ߲߬ߞߌߣߌ߲ ߣߌ߫ ߡߊ߬ߢߌ߬ߡߊ߬ߞߏ ߘߝߊߣߍ߲ ߘߐ߫ ߍߟ ߝߊߛ߭ߍߙ ߕߌ߲߬ߞߎߘߎ߲ ߘߐ߫߸ ߖߡߊ߬ߣߊ ߕߟߋ߬ߓߋ ߘߐ߫ (ߘߊߙߑߝߎߙ)، ߝߐߢߐ߲߯ߞߐ ߥߟߊ߫ ߢߐ߲߯ߕߊߦߋߓߊߟߌߦߊ ߦߋ߫ ߛߎߘߊ߲߫ ߣߊ߲߬ߕߌ߮ ߟߎ߬ ߣߌ߫ ߞߐߡߊߓߌ߲ߓߌ߲ߠߌ߲߫ ߞߊߟߌ߲ ߘߏ߲߬ߞߏ ߟߎ߬ ߟߋ߬ ߣߌ߫ ߢߐ߲߯ ߕߍ߫߸ ߊ߬ߟߎ߬ ߟߊ߫ ߡߊ߲߬ߞߊ߲ ߏ߬ ߡߍ߲ ߓߘߊ߫ ߞߍ߫ ߛߊߓߎ߫ ߘߌ߫ ߞߊ߬ ߡߐ߱ ߞߋ߲߬ߥߟߎ߬ ߦߙߌߞߊ߫ ߟߐ߬ ߝߎ߲ߘߌ߫ ߟߊ߫ ߞߊ߬ ߖߡߊ߬ߣߊ ߓߌ߬ߟߊ߬.
ߣߴߌ ߞߊ߬ ߡߐ߰ߦߊ ߡߞߊߘߊ߲ ߖߋ߬ߕߌ߰ߘߊ ߕߊ߬߸ ߣߊߟߌ߬ߡߎ߲߬ ߔߊߡ ߘߌ߫߸ ߏ߬ ߟߎ߬ ߞߊ߲߫ ߞߏ߫ ߜߍ߲ߠߌ߲ ߣߌ߲߬ ߦߴߊ߬ߟߎ߬ ߓߟߏߡߊߕߌߢߍ߫ ߞߏ ߟߋ߬ ߘߌ߫، ߓߊ߬ߙߌ߬߸ ߊ߬ ߞߏ߬ߣߌ߲ ߓߍ߲߬ ߘߴߊ߬ ߛߋ߲߭ߡߊ߬߸ ߓߊߏ߬ ߞߏ߫ ߊ߬ߟߎ ߖߍ߬ߘߍ ߝߣߊ߫ ߕߎ߲߬ ߓߘߊ߫ ߓߟߏߘߐߜߍ߬ߘߍ߲߫ ߦߋ߲߬ ߞߏߛߓߍ߫ߟ ߞߵߏ߬ ߞߎ߲߭ ߞߍ߫ ߖߐ߰ߣߍ߬ߒ߬ߕߊ߲߬ߧߊ ߘߌ߫، ߏ߬ ߘߐ߫߸ ߞߏ߫ ߜߍ߲ߠߌ߲ ߣߌ߲߬ ߓߘߊ߫ ߓߍ߲߬ ߊ߬ ߛߋ߲߭ߡߊ߬ ߟߵߏ߬ ߘߌ߫.
ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.
