ߞߘߐߝߐߟߊ߲߫ ߛߏ߰ߟߏ߲߲߬ߞߐ߲ߘߍ߫ ߞߎ߲߬ߠߊ߬ߓߐ߬ߟߌ ߡߍ߲ ߟߐ߯ߟߊߣߍ߲߫ ߕߘߍ߬ ߞߵߊ߬ ߓߍ߲߬ ߒߞߏ ߛߓߍߛߎ߲ ߛߌ߲ߘߌߓߊ߮ ߞߊ߬ߙߊ߲߬ߡߐ߰ ߝߏߘߋ߫ ߛߟߏ߬ߡߣߊ߬ ߞߊ߲ߕߍ߫ ߟߊ߫ ߛߏߛߊߦߌ ߃߈߲ ߡߊ߬߸ߏ߬ ߞߍ߫ ߘߊ߫ ߡߌ߬ߙߌ߲߬ߘߌ ߟߊ߫ ߞߎߓߋ ߟߋ߬ ߟߊ߫ ߓߌ߬،ߖߊ߲߬ߖߏ߲ ߘߊߦߟߍ ߘߏ߲߰ߘߌ߬ ߘߊ߫ ߟߋ߬ ߞߏߛߓߍ߫،ߞߵߊ߬ ߛߊߓߎ ߞߍ߫ ߞߏߕߌ߯ ߝߟߐ ߊߡߊߘߎ߫ ߎ߯ߙߌ߬ ߓߊ ߟߊ߫ ߓߟߏߘߐߜߍߘߍ߲ ߘߌ߫،ߊ߬ ߘߊߡߌ߬ߣߊ߬ ߘߊ߫ ߁߃ߙߋ߲ ߕߎ߬ߡߊ ߟߋ߬،ߞߏߕߌ߯ ߝߟߐ߫ ߟߊ߫ ߓߋߟߋ߲ߠߊ ߘߐ߫߸ߞߏ߫ ߝߊ߬ߛߏ߬ ߞߊ߲ ߠߎ߬ ߘߊ߲ߞߎ߲ ߦߋ߫ ߊ߬ߟߎ߬ ߟߊ߫ ߝߟߐߦߊ ߟߋ߬ ߘߌ߫،ߏ߬ ߟߋ ߘߐ߫ ߸ߞߏߕߌ߯ ߝߟߐߘߊ ߦߋ߫ ߞߌ߬ߓߊ߬ߙߏ ߟߎ߬ ߟߊߖߍ߲ߛߍ߲߫ ߠߊ߫ ߝߊ߬ߛߏ߬ ߞߊ߲ ߠߎ߬ ߘߐ߫،ߞߏ߫ ߛߘߊߡߊ߯ߘߌߦߊ߫ ߡߊ߬ߡߊߘߌ߫ ߞߙߏ߬ߡߊ߫ ߟߋ߬ ߢߎ߲ߣߍ߲߫ ߒߞߏ ߓߊ߯ߙߊ ߟߊ߫،ߞߏ߫ ߖߊ߬ߡߊ ߘߌ߫ ߦߊ߬ߝߊ߫ ߘߏ߲߰ߘߌ߬ߟߌ ߘߐ߫،ߞߏ߫ ߛߌߣߌ߲߫ ߠߋ߬ ߞߊ߲ߕߌ߯ߦߊ ߓߙߊߡߊߖߊ߲ߓߊ߲ ߘߊߡߌߣߊ ߘߌ߫،ߞߏ߫ ߊ߬ߟߋ߫ ߟߋ߬ ߘߏ߲߬ ߦߋ߫ ߞߟߍ߬ߕߌ߯ ߡߊ߬ߡߊ߬ߘߌ߬ ߘߎ߲ߓߎߦߊ߫ ߟߊ߫ ߡߊ߬ߡߌ߬ߘߊ߬ߟߌ ߓߙߊߡߊߖߊ߲ߓߊ߲ ߗߋߕߌ߮. ߊ߬ ߞߵߊ߬ ߡߊߕߙߊ߫߸ߊ߬ߟߎ߬ ߥߊ߫ ߘߊ߫. ߛߟߊߕߌ߮ ߡߎ߬ߤߊ߬ߡߍ߬ߘ ߣߊߛߍߙ ߞߋߕߊ߬ ߞߊ߬ ߘߎ߲ߓߎ ߞߊ߲ߕߌ߮ ߟߊ߫ ߟߊ߬ߛߣߍ߬ߟߌ߬ ߓߋߟߋ߲ߠߊ ߞߊ߬ߙߊ߲߬ ،ߞߊ߬ ߞߘߐߝߐߟߊ߲ ߓߊ߯ߙߊ߫ ߞߍߣߍ߲ ߠߎ߫ ߘߊ߲߬ߕߍ߰ ،ߊ߬ ߣߌ߫ ߞߊ߬ ߢߣߊߓߊ߮ ߟߎ߫ ߝߏ߬ ߸ߡߍ߲ ߠߎ߬ ߓߐߣߍ߲߫ ߖߌ߬ߣߍ߬ ߞߣߐߟߊ ߘߐ߫ ߸ߞߊߕߙߍ߬ߕߍ߫ ߞߐߞߊ߲߫ ߖߡߊߣߊ ߟߎ߫ ߡߊ߬ ߕߊ߲߬:
ߡߊ߬ߟߌ،ߜߋ߲-ߞߐ߰ߖߌ߬ߘߊ ،ߓߋߣߍ߲߫.
ߛߟߊߕߌ߯ ߢߊ߰ߛߏ߬ߟߊ߫ ߟߊ߬ߡߌߣ ߞߋߕߊ߬ ߞߊ߬ ߒߞߏ ߛߌ߲ߘߌ߫ ߘߐ߬ߝߐ ߢߊߝߐ߫ ߝߊ߬ߙߊ߲߬ߛߌ߬ ߞߊ߲ ߘߐ߫،ߞߊ߬ ߞߘߐߝߐߟߊ߲߫ ߛߏ߰ߟߏ߲߲߬ߞߐ߲ߘߍ߫ ߓߊ߯ߙߊ߫ ߞߍߣߍ߲ ߠߎ߫ ߕߎ߲߰ ߏ߬ ߟߊ߫.
ߏ߬ ߞߐ߫ ߞߏ߲߬ߓߏ߫ ߌߓߙߊߤߌߡ ߞߋߕߊ߬ ߞߊ߬ ߞߘߐߝߐߟߊ߲߫ ߛߏ߰ߟߏ߲߲߬ߞߐ߲ߘߍ߫ ߢߎߡߍߙߋ߲ߡߊ ߘߊ߲߬ߕߍ߰ ،ߞߏ߫ ߊ߬ ߦߋ߫ ߞߊ߲߫ ߣߊ߯ߣߌ߲ߡߊ ߟߋ߬ ߘߐ߫ ߕߋ߲߬ :ߒߞߏ ،ߊ߲߬ߜ߭ߌ߬ߟߋ، ߝߊ߬ߙߊ߲߬ߛߌ،ߊߙߊߓߎ،ߞߏ߫ ߊ߬ ߕߍ߫ ߡߍ߲߫ ߸ߞߊ߲߫ ߂ ߘߌ߫ ߝߊ߬ߙߴߊ߬ ߞߊ߲߬،ߣߊߟߌ߬ߡߎ߲߫ ߙߛߌ߬ ߞߊ߲ ߣߌ߫ ߛߣߌߥߊ߫ ߞߊ߲ ߘߌ߫.
ߕߐ߲߫ ߖߊ߯ߓߡߊ ߞߊ߲ߕߌ߯ ߛߙߍߞߍ ߛߏ߬ߟߏ߫ ߝߙߊ߬ߓߊ-ߘߐ߫ ߛߌ߬ߛߋ߫ ߞߵߊ߬ ߟߊ߫ ߓߋߟߋ߲ߠߊ ߞߍ߫ ߝߊ߬ߙߊ߲߬ߛߌ ߟߋ߬ ߘߐ߫،ߞߊ߬ ߞߐ߲߬ ߛ߭ߌߣ ߜߊ߬ߙߊ ߘߊ߲߬ߕߍ߰ߟߌ ߢߍ߫ ߸ߊ߬ ߞߎߟߎ߲ߖߋߟߌ ߟߊߛߋ߫ ߡߊ߬ߞߟߐ ߃ ߡߊ߬:ߖߌ߬ߣߍ߫ ߡߊ߬ߞߊ߲߬ߞߊ߲߬ߠߌ߲ ߞߏߕߌ߮ ߊߓߎߓߊߞߊ߯ߙ ߛߘߌߞߌ߬ ߞߡߊ߬ߙߊ߫ (ߌߘߑߦߊߡߌߣ) ߞߏ߲߬ߓߏ߫ ߌߓߙߊߤߌߡߊ߫ ߞߊߟߌߟ ߞߊ߬ߓߊ (ߟߌߟߎ߬) ߊ߬ ߣߌ߫ ߞߏ߲߬ߓߏ߫ ߎߛߑߡߊߣ ߞߊ߬ߓߊ. ߛ߭ߌߣ ߜߊ߬ߙߊ ߣߊ߲߬ߝߟߏ߬ߦߊ ߘߐ߫. ߞߊ߬ ߞߎ߲߬ߠߊ߬ߛߌ߮ ߞߐߦߌߘߊߓߊ߮ ߟߎ߬ ߝߏ߬ ،ߞߊ߬ ߒߞߏ ߘߎ߲ߓߎ ߝߏ߬ ߖߊ߲߬ߖߏ߲ ߣߌ߲߬ ߛߌ߲߬ߝߏ߲߬ߧߊ ߟߊ߫،ߞߊ߲߫߂߄߃ ߘߐ߫ ߸ߞߊ߲߫ ߘߛߍߣߍ߲߫ ߁߁߄ߡߍ߲ ߦߋ߫ ߏ߬ ߟߎ߬ ߘߐ߫ ߸ߒߞߏ ߛߎߘߊ߲߫ ߘߊ߫ ߏ߬ ߞߊ߲߫ ߅ ߝߟߐ߫ ߟߎ߬ ߘߐ߫.ߞߏ߫ ߜ߭ߎߜ߭ߎ߬ߟ ߓߊ߯ߙߊ ߏ߬ ߡߊ߬ߞߏ ߦߋ߫ ߊߡߋߙߌߞߌ߫ ߘߟߊ ߥߊ߯ ߂߇߀ ߟߋ߬ ߟߊ߫ ߕߋ߲߬ ،ߞߴߏ߬ ߘߍ߬ߡߍ߲߬ߠߌ߲ ߦߋ߫ ߢߌߣߌ߲ߠߌ߲ ߠߊ߫ ߓߍ߯ ߝߍ߬.
ߞߏ߲߬ߓߏ ߤߊ߲߬ߙߌ߫ ߡߍߘߙߌߘ ߟߋ߬ ߟߊ߫ ߟߊ߬ߛߙߋ߬ߦߊ߬ߟߌ ߕߎ߲߰ ߘߊ߫ ߏ߬ ߟߊ߫،ߊ߬ ߞߵߊ߬ ߦߌ߬ߘߊ߬ ߸ߞߏ߫ ߖߌ߬ߣߍ߬ ߞߊ߲ߓߍ߲ ߦߋ߫ ߝߘߊ߬ߝߌ߲߬ߠߊ߬ ߢߊߞߌߛߍ ߟߋ߬ ߘߌ߫،ߞߏ߫ ߖߌ߬ߣߍ߫ ߟߋ߬ ߞߵߊ߬ ߞߊ߯ߙߌ ߕߎ߬ߓߊ߬ߓߎ ߡߊ߬،ߞߏ߫ ߞߊ߲ߕߌ߮ ߊߤߊߡߍߘ ߛߎߞߎ߫ ߕߎ߬ߙߋ߫ ߟߋ߫ ߕߘߍ߬ ߏ߬ ߢߍ߫.ߝߘߊ߬ߝߌ߲߬ߠߊ߫ ߓߍ߯ ߘߍ߲ߒߖߘߍߟߦߊ ߛߐ߬ߘߐ߲߬. ߞߏ߫ ߝߏߘߋ߫ ߛߟߏ߬ߡߣߊ߬ ߞߊ߲ߕߍ߫ ߟߋ߬ ߝߣߊ߫ ߓߘߊ߫ ߝߘߊ߬ߝߌ߲ ߘߎ߲߬ߘߎ߬ߡߊ߬ ߛߓߍߟߌ ߟߊߓߐ߫،ߞߏ߫ ߊ߬ߟߎ߬ ߦߋ߫ ߡߍ߲ ߛߍ߬ߘߏ߲ ߠߊ߫ ߸ߝߘߊ߬ߝߌ߲߬ߠߊ߫ ߦߋ߫ ߞߍ߫ ߖߡߊ߬ߣߊ߬ ߞߋߟߋ߲߫ ߘߌ߫ ،ߣߊ߲߬ߕߌ߰ ߝߊ߲ߞߊ߫ ߞߋߟߋ߲߫،ߝߊ߬ߘߊ߲߬ߞߊ߬ ߞߋߟߋ߲߫،ߞߊ߲߫ ߞߋߟߋ߲߫،ߞߏ߫ ߒߞߏ ߟߋ߫ ߘߏ߲߬ ߞߍߕߐ߫ ߏ߬ ߘߌ߫،ߞߏ߫ ߓߌ߲ߠߊߥߎߟߋ߲ ߕߟߋ߬ ߁߅ ߣߊ߬ߕߐ ߸ߊ߬ߟߎ߬ ߘߌߣߊ߬ ߛߟߏ߬ߡߊ߯ߣߊ߫ ߞߊ߲ߕߍ߫ ߖߊ߲߬ߛߊ߫ ߊߝߙߌߞߌߟߊ߲ߘߌ ߟߎ߬ ߟߊ߫ ߜߙߊ߬ߓߊ ߘߐ߫.
ߞߏߢߌߡߊߟߐ߲߫ ߞߐ߲ߘߐ߲߫ ߃߀ ߣߌ߫ ߞߐ߫ ߟߋ߬ ߘߐߕߟߊ߫ ߘߊ߫ ߡߐ߱ ߟߎ߬ ߕߍ߫.
ߞߊ߬ ߖߊ߲߬ߖߏ߲ ߞߎ߲߬ߝߊ߰.
ߖߎ߬ߓߊ߬ ߛߌ߬ߟߊ߬ ߡߊ߯ߘߌ߫ ߡߊ߲߬ߖߊ߲߬ ߓߙߋߕߋ߫ ߟߊ߫ ߘߊ߲߬ߕߍ߰ߟߌ ߟߋ߬،
ߛߌߟߊߓߐߛߐ߯ߣߊ߫ ߞߐߦߌߘߊߓߊ߮ ߞߐߣߊߞߙߌ߫.
