ߞߊ߬ ߔߊߞߌߛߦߊ ߕߏ߫ ߊ߬ ߕߊ߲ߣߌߝߌ߬ߟߊ ߘߐ߫߸ ߣߌ߫ ߘߋ߲ߡߌߛߍ߲ ߠߎ߬ ߓߐ߫ ߘߊ߫ ߞߵߊ߬ ߓߍ߲߬ ߊ߬ߟߌ ߗߊߡ ߓߌ߬ߟߊ߬ ߞߏ ߡߊ߬، ߒ߬ߓߊ߬߸ ߛߌ߯ߙߌ߲ߞߊ ߘߏ߫ ߟߎ߫ ߦߋ߫ ߕߐ߲ߓߟߏߡߊ ߟߎ߬ ߡߊߝߌ߲߬ ߠߊ߫ ߞߵߊ߬ ߓߍ߲߬ ߣߊ߲߬ߒ߬ߕߊ߲ ߠߎ߬ ߓߟߏߝߋ߲ ߠߎ߬ ߕߊ߬ ߞߏ ߡߵߊ߬ߟߎ߬ ߓߟߏ߫߸ ߡߌ߬ߣߊ߬ߟߌ߬ ߕߎߡߊ ߟߎ߬ ߟߊ߫ ߛߐ߲߬ ߞߊ߯ߙߌ ߣߌ߲߬ ߡߊ߬ ߣߍߣߍߓߊ ߕߟߋ߬ ߃߀.
ߦߏ߫ ߊ߲ ߠߊ߫ ߟߌ߬ߤߟߊ߫ ߕߊ߬ߡߌ߲߬ߣߍ߲ ߠߎ߬ ߞߎߡߊ߫ ߘߊ߫ ߔߊߞߌߛߦߊ߫ ߞߏ ߞߊ߲߬ ߛߌ߯ߙߌ߲߫ ߢߊ ߡߍ߲ ߡߊ߬ ߓߌ߬߸ ߞߵߊ߬ ߓߍ߲߬ ߊ߬ߟߌ ߗߊߡ ߓߌ߬ߟߊ߬ ߞߏ ߡߊ߬، ߒ߬ߓߊ߬߸ ߛߌ߯ߙߌ߲ߞߊ ߘߏ߫ ߟߎ߫ ߟߊ߫ ߝߐߟߌ߫ ߘߐ߫߸ ߞߏ߫ ߕߐ߲ߓߟߏߡߊ ߟߎ߫ ߞߊ߬ ߕߊ߬ߟߌ߬ ߛߌߦߊߡߊ߲߫ ߠߋ߬ ߞߍ߫ ߏ߬ ߖߏ߲߬ߖߊ߲ ߛߋ߲߭ߝߍ߬ ߛߌ߯ߙߌ߲߫ ߞߣߐ߫.
ߘߋ߲ߓߦߊ ߘߏ߫ ߟߎ߫ ߞߊ߬ߛߌ߬ ߞߊ߲ ߠߋ߬߸ ߞߏ߫ ߕߏ߲ߕߊߟߊ߲߫ ߕߌ߮ ߢߌ߲߬ ߠߎ߫ ߓߋ߬ ߘߴߊ߬ߟߎ߫ ߞߊ߲߬ ߠߋ߬ ߊ߬ߟߎ߬ ߟߊ߫ ߟߎ ߟߎ߬ ߞߣߐ߫߸ ߊ߬ ߣߌ߫ ߓߊ߯ߙߊ߫ ߦߙߐ ߘߏ߫ ߟߎ߫ ߘߐ߫.
ߤߊߖߊ߬ ߊߡߌ߬ ߞߊ߲ߕߍ߫ ߞߵߊ߬ ߦߌ߬ߘߊ߬ ߞߏ߫ ߣߊ߲߬ߕߌ߮ ߟߎ߫ ߞߵߊ߬ ߘߋ߲ߞߍ߫ ߟߊ߫ ߛߌ߬ߦߊ߬ߞߌ߬ߓߏ߲ ߘߊ ߥߎ߬ߙߎ߲߬ߓߊ߫ ߟߋ߬߸ ߞߊ߬ ߝߋ߲߫ ߛߌߦߊߡߊ߲߫ ߕߊ߬.
<<ߣߊ߲߬ߕߌ߮ ߟߎ߫ ߘߏ߲߬ ߘߊ߫ ߞߙߎ߬ߘߊ ߺ ߞߘߐ߫ ߁߭ ߞߌ߲߬ߘߊ ߞߣߐ߫ ߟߋ߬ ߥߎ߬ߙߊ ߢߌ߲߬ ߠߊ߫߸ ߞߵߊ߬ ߛߐ߬ߘߐ߲߬ ߊ߬ߟߎ߬ ߦߋ߫ ߘߋ߲ߡߌߛߍ߲ ߠߎ߬ ߞߐ߫، ߏ߬ ߕߎ߬ߡߊ߸ ߘߊ ߕߎ߲߯ߣߍ߲߫ ߘߋ߲ߣߍ߲ ߠߎ߬ ߡߊ߬ ߛߌ߬ߦߊ߬ߞߌ߬ߓߏ߲ ߠߊ߫ ߦߋ߲߬، ߊ߬ߟߎ߫ ߞߊ߬ ߘߊ ߝߎ߬ߙߊ߲߬߸ ߞߋߟߋ߲ ߞߊ߬ ߘߎ߬ߡߊ ߘߐߕߋ߬ ߊ߬ ߛߋ߲߭ ߠߊ߫، ߊ߬ߟߎ߬ ߞߍߢߊ ߟߵߏ߬ ߘߌ߫ ߡߊ߬ߖߐ߯ߙߊ߲ ߠߎ߬ ߕߊ߭ ߘߊߡߌ߬ߣߊ߬، ߞߵߊ߬ߟߎ߬ ߓߟߏ ߟߊߘߏ߲߬ ߞߵߊ߬ߟߎ߬ ߘߌߦߊߣߊ߲ ߕߊ߬ ߝߛߊߦߌ߫، ߏ߬ ߖߍ߬ߘߍ ߞߵߊ߬ ߛߐ߬ߘߐ߲߬ ߝߙߋ߬ߢߐ߲߮ ߘߏ߫ ߛߌ߰ߣߍ߲߫ ߕߘߍ߬ ߞߣߍߡߊ߬߸ ߊ߬ߟߎ߫ ߞߵߏ߬ ߟߊ߫ ߓߐ߬ߘߐ ߓߐ߫ ߊ߬ ߓߟߏ߫، ߏ߬ ߞߊ߲߫ ߞߏ߫ ߂ ߀߀߀ ߀߀߀ ߟߋ߬ ߕߍ߬ߘߍ߫ ߊ߬ ߟߊ߫ ߓߐ߬ߘߐ ߞߣߐ߫، ߘߋ߲ߣߍ߲߫ ߝߌ߬ߟߊ ߡߍ߲ ߕߍ߬ߘߍ߫ ߛߌ߬ߦߊ߬ߞߌ߬ߓߏ߲ ߞߣߐ߫߸ ߊ߬ߟߎ߫ ߞߵߏ߬ ߞߋߟߋ߲ ߕߊ߬ ߞߊ߬ ߥߴߊ߬ ߘߴߊ߬ߟߎ߬ ߓߟߏ߫، ߒߠߋ ߕߍ߬ߘߴߊ߬ ߝߍ߬ ߞߊ߬ ߒ ߖߊ߬ ߏ߬ ߞߏ ߘߐ߫ ߡߍ߲ߞߍ߬߸ ߊ߬ߟߎ߫ ߞߊ߬ ߒ ߡߊߛߌߟߊ߲߫ ߡߙߊ߬ߒ߬ߡߊ߬ߝߋ߲ ߠߊ߫.>>
ߊߡߊߘߎ߫ ߎ߯ߙߌ߬ ߓߊ ߝߣߊ߫ ߞߵߊ߬ ߦߌ߬ߘߊ߬ ߞߏ߫ ߕߐ߲ߓߟߏߡߊ ߟߎ߫ ߓߋ߬ ߘߴߊ߬ ߞߊ߲߬ ߠߋ߬߸ ߞߵߊ߬ ߟߊ߫ ߥߊߘߌ ߘߏ߫ ߟߎ߫ ߕߊ߬، <<ߞߟߍ߬ߡߐ߮ ߟߎ߫ ߣߊ߬ ߘߊ߫ ߡߙߊ߬ ߒ ߡߊ߬ ߁߄ߙߋ߲ ߠߋ߬ ߡߊ߬، ߊ߲ ߛߌ߰ߣߍ߲߫ ߕߘߍ߬ ߒ ߠߊ߫ ߛߟߏߟߏߞߏ߲ߘߏ߫ ߝߎ߲ߞߎ߲ ߠߋ߬ ߘߊ ߟߊ߫، ߊ߬ߟߎ߫ ߣߊ߬ ߘߊ߫، ߊ߬ߟߎ߫ ߣߊ߭߸ ߊ߲ ߘߏ߲߬ ߘߊ߫ ߞߏߞߏ ߞߣߐ߫، ߊ߬ߟߎ߫ ߘߏ߲߬ ߘߴߊ߲ ߞߐ߫ ߦߋ߲߬، ߘߏ߫ ߕߍ߬ߘߴߊ߬ߟߎ߬ ߘߐ߫ ߛߊ߫߸ ߏ߬ ߞߊ߬ ߒ ߡߊߘߌߡߌ߲߫ ߒ ߓߟߏ ߡߊ߬߸ ߞߊ߬ ߓߊ߲߫ ߞߊ߬ ߖߌ߬ߣߍ߬ ߕߊߡߊ߲ ߞߋ߲߬ߥߟߎ߫ ߂ ߕߊ߬ ߒ ߞߎ߲߬.>> ߊߡߊߘߎ߫ ߎ߯ߙߌ߬ ߓߊ ߟߋ߬ ߞߊ߲߫ ߕߋ߲߬.
ߘߋ߲ߡߌߛߍ߲߫ ߜߘߍ߫ ߝߣߊ߫ ߞߵߊ߬ ߝߐ߫ ߞߏ߫ ߊ߬ߟߎ߬ ߕߍߣߊ߬ ߛߍ߰ ߟߊ߫߸ ߞߏ߫ ߝߏߦߌ߬ ߕߴߊ߬ߟߎ߬ ߡߊߛߌߟߊ߲߫ ߠߊ߫ ߣߌ߲߬ ߞߏ ߘߐ߫. <<ߊ߲ ߓߍ߲߬ߣߍ߲߬ ߡߍ߲ ߡߊ߬߸ ߝߏߦߌ߬ ߕߴߊ߲ ߡߊߛߌߟߊ߲߫ ߠߊ߫، ߊ߲ ߕߍ߫ ߛߣߌߥߊ ߟߎ߫ ߝߍ߬ ߊ߲ ߓߘߊ ߦߊ߲߬، ߊ߬ߟߎ߬ ߕߴߛߋ߫ ߣߊ߬ ߟߴߊ߲ ߓߘߊ ߘߐߕߌߢߍ߫ ߟߊ߫߸ ߞߏ߫ ߊ߬ߟߎ߬ ߦߋ߫ ߥߴߊ߬ߟߎ߬ ߓߘߊ ߘߐߓߍ߲߬، ߊ߬ ߝߌߟߊߣߊ߲ ߘߐ߫߸ ߏ߬ ߟߋ ߊ߬ߟߌ ߗߊߡ ߓߌ߬ߟߊ߬ ߘߴߌߞߘߐߣߌ߲߬، ߊ߲ ߓߘߴߊ߬ ߢߊߦߋ߫ ߡߎ߬ߕߎ߲߬ ߞߏ߫ ߊ߲ ߠߊ߫ ߝߊ߰ߡߊ ߟߎ߫ ߟߋ߬ ߖߍ߬ߘߍ ߣߐ߬ ߛߌ߯ߙߌ߲߫ ߝߙߋ߬ ߟߊ߫ ߛߣߌߥߊ ߟߎ߫ ߡߊ߬.
ߌߓߙߊߤߌߡߊ߬ ߝߙߊ߬ߓߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߞߐߦߌߘߊ ߛߌ߯ߙߌ߲߫
