ߖߌ߬ߣߍ߫ ߖߡߊ߬ߣߊ ߞߊ߲߬߸ ߞߊ߲ߕߌ߯ߦߊ߫ ߢߣߊߕߊߟߌ ߞߍ߫ ߘߊ߫ ߞߎߣߎ߲߬ ߞߊ߯ߙߌ ߟߋ߬ ߡߊ߬߸ ߡߐ߰ ߞߋ߲߬ߥߟߎ ߥߐ߯ߙߐ߫ ߣߌ߫ ߝߊ߲ߘߊ߫ ߟߋ߬ ߣߐ߬ ߊ߬ߟߎ߫ ߖߘߍ߬ߡߊߛߐ߬ߘߐ߲߬ ߠߊ߫ ߞߊ߬ ߢߣߊߕߊߟߌ߫ ߣߌ߲߬ ߞߍ߫.
ߡߊ߬ߡߌ߬ߘߊ߬ߟߌ߬ߟߊ ߞߐ߬ߣߐ߲߬ߘߐ߫ ߟߋ߬ ߞߵߊ߬ߟߎ߫ ߞߎ߲߬ߠߊ߬ߓߐ߫ ߞߊ߲ߕߌ߯ߦߊ ߞߐ߫߸ ߝߊ߲߬ߞߊߛߌ߬ߣߊ ߟߎ߬ ߟߊ߫ ߝߐߟߌ߫ ߘߐ߫߸ ߞߊ߬ߙߊ߲߬ߝߊ ߊߟߌߝߊ߫ ߞߐ߲ߘߍ߫ ߣߌ߫ ߛߋߟߎ߫ ߘߊߟߍ߲߬ ߖߊߟߏ߫߸ ߞߏ߫ ߢߣߊߕߊߟߌ ߟߎ߬ ߞߏ߬ߣߌ߲ ߞߍ߫ ߘߊ߫ ߓߊߛߌ߮ ߟߋ߬ ߞߣߐ߫.
ߓߊߏ߬߸ ߡߊ߲߬ߞߊ߲߬ ߡߊ߫ ߦߋ߫ ߊ߬ ߞߏ ߘߐ߫.ߖߌ߬ߣߍ߬ߞߊ߫ ߡߐ߰ ߞߋ߲߬ߥߟߎ߫ ߥߐ߯ߙߐ߫ ߣߌ߫ ߝߊ߲ߘߊ߫ ߟߋ߬ ߡߊߞߟߌߣߍ߲߫ ߕߘߍ߬ ߦߋ߫ ߂߀߂߅ ߞߏߟߌ߲ߞߏߟߌ߲߫ ߣߌ߲߬ ߕߋ߬ߟߋ߫ ߂߈ ߠߊ߫߸ ߞߊ߬ ߕߊ߯ ߛߎߥߊ߲ߘߟߌ ߞߍ߫ ߡߊ߬ߡߌ߬ߘߊ߬ߟߌ߬ߟߊ߫ ߞߐ߬ߣߐ߲߬ߘߐ߫ ߟߎ߬ ߦߋ߫߸ ߡߍ߲ ߠߎ߬ ߓߐߣߍ߲߫ ߕߘߍ߬ ߦߋ߫ ߞߊ߲ߕߌ߯ߦߊ߫ ߢߌߣߌ߲ ߞߊ߲ߡߊ߬ ߞߊ߬ߣߌ߲߬.
ߖߡߊ߬ߣߊ߬ߘߋ߲ ߠߎ߬ ߞߏ߬ߣߌ߲ ߓߐߣߍ߲߫ ߠߋ߬ ߞߊ߬ ߕߊ߯߯ ߊ߬ߟߎ߬ ߟߊ߫ ߛߎߥߊ߲ߘߟߌ ߞߍ߫ ߓߏ߲߬ߧߊ ߣߌ߫ ߡߊ߬ߝߊ ߘߝߊߣߍ߲ ߘߐ߫߸ ߡߊ߲߬ߞߊ߲߬ ߛߌ߫ ߟߋ߬ ߡߊ߫ ߛߐ߬ߘߐ߲߬ ߊ߬ ߘߐ߫߸ ߛߎߥߊ߲ߘߟߌ ߘߊߡߌ߬ߣߊ߬ ߘߊ߫ ߇ ߕߎߡߊ ߟߋ߬ ߟ߫ߊ߸ ߞߵߊ߬ ߞߎ߲߭ߘߏ߲߬ ߁߉ ߕߎߡߊ ߟߊ߫.
ߛߎߥߊ߲ߘߟߌ߫ ߞߍ߫ ߦߙߐ ߕߘߍ߬ ߦߋ߫ ߥߊ߫ ߗߡߍ߬ ߣߌ߫ ߥߊ߫ ߕߊ߲߫ ߣߌ߫ ߛߋߦߌ߲߫ ߊ߬ ߣߌ߫ ߗߍ߬ߡߍ߫ ߞߐ߬ߣߐ߲߬ߘߐ߫ ߟߋ߬ ߘߌ߫ ߖߌ߬ߣߍ߫ ߖߡߊ߬ߣߊ ߞߊ߲߬߸ ߛߎߥߊ߲ߘߟߌ ߞߐ ߘߐ߫߸ ߖߊ߬ߕߋ߬ߓߐ ߟߎ߬ ߞߏ߬ߣߌ߲ ߓߘߊ߫ ߘߊߡߌ߬ߣߊ߬ ߞߵߊ߬ ߟߐ߲߫ ߖߐ߲߫ ߠߋ߬ ߓߍߣߊ߬ ߞߍ߫ ߖߌ߬ߣߍ߬ ߞߊ߲ߓߍ߲ ߞߊ߲ߕߌ߮ ߘߌ߫.
