ߞߎ߲߬ߝߍ߬ߕߊ߰ߟߊ߫ ߡߐ߰ ߃ ߀߀߀ ߢߐ߲߰߸ ߘߋ߲ߣߍ߲߫ ߄߃߇ ߦߴߊ߬ ߘߐ߫߸ ߏ߬ ߟߎ߫ ߟߋ߬ ߝߊ߰ ߘߊ߫ ߟߌ߲ߓߊ߲߫ ߡߊ߲ߞߊ߲ ߞߊ߲߬ ߂߀߂߅ ߢߌ߲߬ ߠߊ߫ ߊߛߌߔߊ߲߫ ߕߊ߯ߟߌ߫ ߞߊ߲ߡߊ߬

ߞߊߡߌߣߊ߲ߘߏ ߝߐ߬ߙߐ߲߬ߕߋߙߊ߬ ߛߘߞ ߣߐ߬ ߞߊ߲߬ߞߎߡߊ ߘߏ߫ ߟߋ߬ ߟߊߓߐ߫ ߟߊ߫ ߞߐ߬ߓߊ߬ߟߏ߲ ߣߌ߲߬ ߡߊ߬ ߞߏߟߌ߲ߞߏߟߌ߲ ߕߋ߬ߟߋ߫ ߂߉߸ ߞߵߊ߬ ߦߌ߬ߘߊ߬ ߞߏ߫ ߕߊ߯ߡߊߘߋ߲߫ ߡߐ߰ ߃ ߀߀߀ ߟߋ߬ ߕߏ߫ ߘߊ߫ ߖߌ ߞߊ߲߬ ߂߀߂߅ ߢߌ߲߬ ߠߊ߫߸ ߡߍ߲ ߠߎ߬ ߥߊߕߐ߫ ߕߘߍ߬ ߊߛߌߔߊ߲߫.

ߣߌ߲߬ ߦߋ߫ ߞߌ߬ߣߌ߲߬ߞߌ߬ߣߌ߲߬ߞߏ ߟߋ߬ ߘߌ߫߸ ߕߊ߫ߡߊߘߋ߲߫ ߡߐ߰ ߃ ߀߀߀ ߢߐ߲߰߸ ߏ߬ ߟߎ߫ ߟߋ߬ ߝߊ߰ ߘߊ߫ ߂߀߂߅ ߢߌ߲߬ ߠߊ߫߸ ߞߵߊ߬ߟߎ߬ ߕߏ߫ ߊ߬ߟߎ߬ ߡߊߝߟߍ ߟߊ߫߸ ߛߴߊ߬ߟߎ߬ ߘߌ߫ ߘߏ߲߬ ߊߛߌߔߊ߲߫ ߢߊ ߡߍ߲ ߡߊ߬، ߏ߬ ߝߐ߫ ߘߊ߫ ߊߛߌߔߊ߲ߞߊ ߟߎ߬ ߟߊ߫ ߛߘߞ ߘߏ߫ ߟߋ߬ ߟߊ߫ ߞߊ߲߬ߞߎߡߊ ߘߐ߫ ߓߌ߬، ߊ߬ߟߎ߬ ߞߊ߲߫ ߞߏ߫ ߡߐ߱ ߝߊ߰ߕߊ ߘߏ߲߬ ߖߊ߬ߕߋ ߖߌ߰ߣߍ߲߫ ߠߵߏ߬ ߘߌ߫ ߘߋ߬، ߓߊߏ߬߸ ߘߏ߫ ߓߘߊ߫ ߓߐ߫ ߊ߬ߟߋ߬ ߖߌߞߊ߲߫ ߕߊ߯ߟߊ ߟߎ߬ ߦߙߌߞߊ ߟߊ߫ ߕߋ߲߬.

ߘߍ߬ߞߙߎ ߢߌ߲߬ ߠߊ߫ ߝߐߟߌ߫ ߘߐ߫߸ ߊ߬ߟߋ ߡߍ߲ ߦߋ߫ ߕߊ߯ߡߊߘߋ߲ ߠߎ߬ ߤߊߞߍ ߡߊߞߊ߲ߞߊ߲ߓߊ߮ ߘߏ߫ ߘߌ߫߸ ߞߏ߫ ߞߊߡߌߣߊ߲ߘߏ ߝߐ߬ߙߐ߲߬ߕߋߙߊ߬߸ ߞߏ߫ ߊ߬ߟߎ߬ ߦߋ߫ ߡߐ߰ ߃ ߀߉߀ ߡߍ߲ ߠߊ߫ ߛߦߊ߬ ߞߏ ߞߊ߬ߟߊߡߊ߬ ߣߴߊ߬ߟߎ߬ ߟߊߞߎ߲߬ߘߎ߬ߣߴߊ߬ߟߎ߬ ߓߟߏ߫ ߦߋ߲߬߸ ߞߏ߫ ߖߊ߬ߕߋ ߏ߬ ߘߊ߬ߣߍ߲߫ ߂߀߂߅ ߞߏߟߌ߲ߞߏߟߌ߲ ߕߟߋ߬ ߁߅ ߟߋ߬ ߡߊ߬، ߏ߬ ߟߎ߬ ߦߋ߫ ߡߐ߰ ߟߎ߫ ߟߋ߬ ߞߏ߫ ߘߌ߫߸ ߡߍ߲ ߝߊ߰ ߘߊ߫ ߟߌ߲ߓߊ߲߫ ߡߊ߲ߞߊ߲ ߞߊ߲߬ ߞߵߊ߬ߟߎ߬ ߓߕߐߟߊ ߕߏ߫ ߝߘߊ߬ߝߌ߲߬ߠߊ߫߸ ߞߣߊߙߌ߫ ߕߌ߲ ߞߊ߲߬߸ ߏ߬ ߡߍ߲ ߡߊߛߌߟߊ߲ߣߍ߲߫ ߘߎߢߊ߫ ߦߙߐ ߓߍ߯ ߘߌ߫ ߞߊ߬ߣߌ߲߬.

ߊ߬ߟߎ߬ ߟߊ߫ ߞߊ߲߬ߞߎߡߊ ߣߌ߲߬ ߛߐ߬ߘߐ߲߬ ߘߴߊ߬ߟߎ߬ ߓߟߏ߫ ߡߌ߲߫߸ ߞߊ߬ ߝߘߊ߫ ߕߊ߯ߡߊߘߋ߲ ߠߎ߬ ߟߊ߫ ߡߐ߱ ߟߎ߬ ߟߊ߫߸ ߊ߬ ߣߌ߫ ߡߐ߰ ߡߞߊߘߊ߲ߣߍ߲ ߠߎ߬ ߦߙߌߞߊ ߖߊ߬ߕߋ߬ߛߎ ߡߍ߲ ߠߎ߬ ߦߋ߫ ߓߟߏߟߊ߫߸ ߦߏ߫ ߊߛߌߔߊ߲߫ ߞߣߐߟߊ ߞߏߕߌ߯ߘߊ ߞߵߏ߬ ߟߊߛߙߋߦߊ߫ ߢߊ ߡߍ߲ ߡߊ߬.

ߣߴߌ ߞߊ߬ ߢߌ߬ߣߊ߲߫ ߞߊ߬ߛߙߊ ߢߌ߲߬ ߣߌ߫ ߂߀߂߄ ߕߊ ߟߊ߫ ߢߐ߲߮ ߡߊ߬߸ ߢߌ߬ߣߊ߲߬ ߕߊ ߟߋ߬ ߖߌ߰ߣߍ߲߫ %߄߀،߄ ߢߐ߲߰ ߠߊ߫، ߓߊߏ߬߸ ߡߍ߲ ߠߎ߬ ߦߋ߫ ߘߏ߲߬ ߠߊ߫ ߊߛߌߔߊ߲߫ ߞߣߐ߫ ߞߎ߲߬ߝߍ߬ߕߊ߰ߟߌ ߣߌ߲߬ ߘߐ߫ ߛߊ߬ߙߌ߬ߦߊ߬ ߛߐ߬ߛߐ߬ ߓߟߏ ߡߊ߬߸ ߞߵߊ߬ ߕߊ߬ ߓߌ߲ߠߊߥߎߟߋ߲ ߕߟߋ߬ ߁߭ ߡߊ߬ ߞߵߊ߬ ߛߌ߰ ߞߏߟߌ߲ߞߏߟߌ߲ ߕߟߋ߬ ߁߅ ߟߊ߫߸ ߡߐ߰ ߃߅ ߉߃߅ ߟߋ߬ ߥߊ߫ ߘߊ߫ ߢߌ߬ߣߊ߲߬߸ (ߛߊߙߏ߲߬ ߂߀߂߄ ߕߊ ߘߏ߲߬ ߕߍ߬ߘߍ߫ ߡߐ߰ ߆߀ ߃߁߁ ߠߋ߬ ߘߌ߫).

ߡߍ߲ ߠߎ߬ ߦߋ߫ ߘߏ߲߬ ߠߊ߫ ߛߊ߬ߙߌ߬ߦߊ߬ ߛߐ߬ߛߐ߬ ߓߟߏ ߡߊ߬ ߣߌ߲߬߸ ߊ߬ߟߎ߬ ߦߋ߫ ߓߐ߫ ߟߊ߫ ߝߘߊ߬ߝߌ߲߬ߠߊ߫ ߕߟߋ߬ߓߋ ߟߋ߬ ߝߍ߬ ߟߌ߲ߓߊ߲߫ ߡߊ߲ߞߊ߲ ߘߓߌ߬ߘߓߌ߬ ߛߌߟߊ ߞߊ߲߬߸ ߞߊ߬ ߓߌ߬ߟߊ߬ ߞߣߊߙߌ߫ ߕߌ߲ ߠߎ߬ ߝߍ߬.

ߘߍ߬ߞߙߎ ߣߌ߲߬ ߞߊ߲߫߸ ߞߏ߫ ߡߐ߱ ߟߎ߫ ߕߘߍ߬ ߥߊ ߡߍ߲ ߞߍ߫ ߟߊ߫ ߞߣߊߙߌ߫ ߝߍ߬߸ ߏ߬ ߓߘߊ߫ ߡߊߘߐ߯ߦߊ߫߸ ߞߵߏ߬ ߞߎ߲߭ ߞߍ߫ ߛߌߟߊ ߏ߬ ߟߊ߫ ߡߊ߬ߛߌߟߊ߲ ߘߌ߫߸ ߦߋ߲߬ ߡߊߛߌߟߊ߲ߣߍ߲߫ ߞߏߛߓߍ߫، ߓߊ߬ߙߌ߬߸ ߛߌߟߊ߫ ߞߎߘߊ߫ ߓߘߊ߫ ߛߐ߬ߘߐ߲߫ ߕߋ߲߬߸ ߡߍ߲ ߝߣߊ߫ ߖߊ߲߰ߡߊ߲߫߸ ߊ߬ ߡߊߛߌߟߊ߲ߣߍ߲߫߸ ߏ߬ ߦߋ߫ ߓߐ߫ ߟߊ߫ ߖߌ߬ߣߍ߫ ߖߡߊ߬ߣߊ ߟߋ߬ ߞߣߐ߫߸ ߞߵߊ߬ߟߎ߬ ߓߌ߬ߟߊ߬ ߖߌ߫ ߡߍߣߍ߲ ߥߎߟߊ߫ ߖߊ߲ߓߊ ߏ߬ ߞߊ߲߬߸ ߞߎߟߎ߲߫ ߝߘߌ ߖߐ߬ߘߐ ߕߍߡߊ߬.

ߡߐ߰ ߛߌߦߊߡߊ߲߫ ߝߣߊ߫ ߦߋ߫ ߓߐ߫ ߟߊ߫ ߊߟߌߖ߭ߋߙߌ߫ ߝߍ߬ ߞߊ߬ ߓߊߟߋߦߊߙ ߕߌ߲ ߡߊߛߐ߬ߘߐ߲߬߸ ߦߏ߫ ߌߓߌߖ߭ߊ߬ ߣߌ߫ ߝߐߙߑߡߊ߲ߕߋߙߊ߫، ߊߟߌߖ߭ߋߙߌߞߊ߫ ߜߊ߲߰ߛߊ߲߫ ߠߋ߬ ߕߘߍ߬ ߓߐ߫ ߟߊ߫ ߛߌߟߊ ߏ߬ ߝߍ߬، ߓߊ߬ߙߌ߬ ߢߌ߬ߣߊ߲߬߸ ߛߏߡߊߟߌ߫ ߓߊ߬߸ ߛߎߘߊ߲߫ ߣߌ߫ ߥߙߏ߬ߘߎ߮ ߛߎߘߊ߲߫߸ ߏ߬ ߓߍ߯ ߡߐ߱ ߓߐ߫ ߘߊ߫ ߟߋ߬ ߛߌߟߊ ߏ߬ ߞߊ߲߬ ߢߌ߬ߣߊ߲߬، ߛߌߟߊ ߏ߬ ߞߊ߲߬߸ ߡߐ߰ ߁ ߀߃߇ ߟߋ߬ ߝߊ߰ ߘߊ߫ ߛߊ߲߬ ߞߋߟߋ߲ ߞߣߐ߫ ߦߋ߲߬.

ߣߴߌ ߞߵߊ߬ ߦߋ߫ ߘߏ߫ ߓߐߣߍ߲߫ ߝߊ߰ߓߊ߰ߕߐ ߟߎ߬ ߦߙߌߞߊ ߣߌ߫ ߕߊ߯ߓߊ߯ߕߐ ߟߎ߬ ߦߙߌߞߊ ߟߊ߫߸ ߋߙߐߔߎ߬ ߞߋ߬ߟߋ߲߬ߧߊ ߞߊ߬ ߣߊ߲߬ߝߟߏ߬ ߛߌߦߊߡߊ߲߫ ߠߋ߬ ߘߏ߲߬ ߊ߬ ߞߏ ߘߟߊ߫߸ ߞߊ߬ ߖߡߊ߬ߣߊ ߘߏ߫ ߟߎ߫ ߡߊߜߍ߲߫߸ ߛߊ߫ ߘߏ߫ ߘߌ߫ ߓߐ߫ ߊ߬ ߞߏ ߟߊ߫ ߢߊ ߡߍ߲ ߡߊ߬، ߊ߬ߟߎ߫ ߞߊ߬ ߘߏ߫ ߟߊ߫ ߜߋ߬ߟߎ߲߬ߠߌ߲ ߝߊ߲߬ߞߊ ߞߊ߲߬߸ ߞߊ߬ ߟߕߊ߬ߡߌ߲߬ߠߌ߲ ߘߐߜߟߍ߬ߦߊ߬ ߢߊ ߓߍ߯ ߘߏ߫ ߡߊ߬، ߏ߬ ߞߍ߫ ߘߴߊ߬ߟߎ߬ ߓߟߏ߫: ߡߏߙߌߕߊߣߌ߫߸ ߛߣߍ߬ߜ߭ߊߟߌ߫߸ ߜ߭ߊ߲ߓߌ߫߸ ߊ߬ ߣߌ߫ ߖߌ߬ߣߍ߬. ߊ߬ߟߎ߫ ߞߊ߬ ߝߍ߬ߙߍ ߡߍ߲ ߕߍ߰ ߝߣߊ߫߸ ߏ߬ ߟߋ ߛߌߟߊ ߏ߬ ߟߎ߬ ߟߊߜߟߍ߬ߦߊ ߘߌ߫߸ ߞߵߊ߬ߟߎ߬ ߟߊߖߎ߯ߦߊ߫ ߢߊ ߓߍ߯ ߡߊ߬߸ ߞߵߊ߬ ߡߊ߬ߛߌߟߊ߲ ߥߙߊ߬߸ ߝߏ߫ ߞߵߊ߬ ߣߋ߬ߦߌ߬ߓߐ߬ ߘߏ߫ ߟߎ߫ ߘߐ߫.

߂߀߂߄ ߠߊ߫߸ ߁߀ ߄߅߇ ߟߋ߬ ߝߊ߰ ߘߊ߫ ߊߛߌߔߊ߲߫ ߕߊ߯ ߛߌߟߊ ߟߊ߫߸ ߡߍ߲ ߢߐ߲߱ ߕߎ߲߬ ߡߊ߫ ߞߍ߫ ߦߋ߲߬ ߡߎߣߎ߲߬ ߞߵߊ߬ ߕߊ߬ ߂߀߀߇ ߡߊ߬، ߊ߬ߟߋ߬ ߘߍ߬ߞߙߎ ߣߌ߲߬ ߞߵߊ߬ ߦߌ߬ߘߊ߬߸ ߞߏ߫ ߕߎ߬ߢߊ ߟߋ߬ ߝߋߎ߫߸ ߝߊ߰ߓߊ߰ߕߐ ߓߘߊ߫ ߖߌ߰ ߢߌ߬ߣߊ߲߬߸ ߓߊ߬ߙߌ߬ ߛߌߟߊ ߖߎ߯ߡߊ߲߫ ߘߋ߬߸ ߋߙߐߔߎ߬ ߡߊߛߐ߬ߘߐ߲ ߦߋ߫ ߓߊ߲߬ߓߊ߬ ߓߏ߬ ߟߊ߬ߦߟߍ ߟߋ߬ ߘߌ߫، ߊ߬ߟߎ߫ ߞߵߊ߬ ߦߌ߬ߘߊ߬ ߞߏ߫ ߡߐ߱ ߥߊ߯ ߦߙߌߞߊ ߡߍ߲ ߠߎ߬ ߦߋ߫ ߥߊ߫ ߟߊ߫߸ ߓߟߏߞߏߟߏ߲ߧߊ ߥߙߊ߬ߣߍ߲ ߡߍ߲ ߦߋ߫ ߘߐ߱ ߘߌ߫ ߖߐ߫߸ ߏ߬ ߟߵߊ߬ ߝߊ߲߬ߓߊ ߞߊ߲߬߸ ߊ߬ ߣߌ߫ ߞߍ߬ߟߍ ߣߌ߫ ߝߐߢߐ߲߯ߞߐ ߣߌ߫ ߓߊ߯ߙߓߊߟߌߦߊ ߡߍ߲ ߦߴߊ߬ߟߎ߬ ߟߊ߫ ߖߡߊ߬ߣߊ ߞߣߐ߫.

ߕߋ߲߭ߕߋ߲߭ ߣߌ߲߬ ߘߐ߫߸ ߊߛߌߔߊ߲߫߸ ߌߕߊߟߌ߫߸ ߜ߭ߙߍ߬ߞߌ߬ߟߊ߫߸ ߏ߬ ߟߎ߫ ߟߋ߬ ߓߘߊ߫ ߞߍ߫ ߞߎ߲߬ߝߍ߬ߕߊ߯ߟߊ ߡߍ߲߬ ߠߎ߫ ߘߏ߲߬ ߥߏ ߘߌ߫ ߋߙߐߔߎ߬ ߞߣߐ߫ ߕߋ߲߬، ߊ߬ ߘߏ߲߬߸ ߊ߬ߟߎ߬ ߦߋ߫ ߛߍ߰ ߛߌߦߊߡߊ߲߫ ߠߋ߬ ߛߐ߬ߘߐ߲߬ ߠߊ߫ ߛߌߟߊ ߟߊ߫߸ ߤߊߟߵߊ߬ߟߎ߫ ߘߏ߲߬ߣߍ߲ ߞߐ ߝߣߊ߫ ߘߐ߫.

ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.